کریم نه‌دن یاریش کیشی‌سی اولمادی؟

ایران و قوزئی کوره یاریشیندا اردبیللی گنج، کریم انصاری‌فرد، ایکی قول ووردو بیری‌سی قبول اولمادی.ایران اونون قولو ایله اوتوب صعودی ایندی‌دن گرچکلشدی. آنجاق اویون سونوندا "Man of the Match" (یاریشین اولدوزو) سئچیلمه‌دی! و اونون یئرینه ایرانین بیر قوروچو اویونچوسو، او لقبه لاییق گؤروندو! بو عجیب اولایین نه‌دنی اولابیلر بو دور:

- کریم انصاری‌فرد ساوالان اتکلرینده بئجه‌رمیش و پارلاییب آدلیم اولماق آردیندا اولان سون درجه‌ده چالیشان بیر جاوان دیر! او نه شاهزاده‌دیر و نه پارس. 

اومودوموز وار گله‌جک‌ده، کریم انصاری‌فرد ده علی دایی کیمی، شاه یوخسا سولطان اولماق، یولوندا آددیم آتماسین و اؤز کیملیگینی اونودماسین. اونا آزربایجانلی بیر وطنداشی کیمی، ان بؤیوک  و ان تايسيز باشاریلار دیله‌ییرم.

---

Why was not 'Karim Ansarifard' be chosen as Man of the Match Iran vs. North Korea in 2011 AFC Asian Cup?

Answer:

- Because he is an aspiring diligent young soccer player from Savalan slopes in Azerbaijan. He is not Prince nor Persian (Referring to inappropriate slogan for Iranian National Soccer team)!
He will be second Ali Daei but with a big difference. He actually is able to characterize himself with his own personality. He has the opportunity of not forgetting his identity!

Best wishes for Karim.

نووور گؤلو و قيزيل‌آلالار دا خطرده

آي آللاه، من بيلميرم بونلارا نئیله‌میشیک؟! هانسی قوشلارینی قاچیردیب قیسیر ساتميشيق كي ايسته‌ييرلر آزربايجانين حتي ياشام اورتامي‌ و دوغال ان جذاب گؤزلليك‌لري‌ني ده آرادان آپارسينلار؟ اصلن بيز بير ايش گؤرموشوك. نووور(Npvur / Nour) گؤلونون سوچو(گوناهي) نه؟ نووور گؤلونون قيزيل‌آلالاري‌نين سوچو نه‌دير؟ اولمايا اونلارين سوچو توركجه آدلانديريلمالاري‌دير؟ گتيريبلر بو بالاجا گؤله كپور باليغي تؤكوبلر! بو باعيث اولوب قيزيل آلاباليقلاري‌نين ياشاملاري اوردا خطره دوشسون. خبره* گؤره نووور گؤلونده قيزيل آلا باليغي آزاليب و يئرينه بوللو كپور چيخير! قارماغا ايليشن يازيق قيزيل‌آلالار دا بالاجالاشيبلار و قديم كيمي بؤيوك و آغير دئييللر.


توريست و گه‌زيجي جنابلاري! اولماز گله‌سيز او يئيه‌سيز تور، توزاق، و قارماقلاري‌نيزي گؤل ايچينه ساللاماياسينيز؟ بير آز قارنيزين قاباغين آليندا.
ايندي سوروملولار ايله بير سؤز:
اورمو گؤلونو كي قورودوب، آرتئميالاريني پيس گونه سالدينيز. توتاق ياغيش ياغماماق اورانين قوروماغينا بير نه‌دن دير. بورا نه دئيه‌ر؟ بورا نه‌يه كپور تؤكوبسونوز آخي؟ سيمنان شوراكئتلري‌‌ني خزرين شيرينلشديريلميش سويو ايله سووارماق ايچين ميلياردلار تومنينين مين‌دن بيريندن واز گئچديك! اورمو گؤلونو آغلاماقلا دولدوراجاييق؛ اؤزوموز بيله‌ريك اؤز تانريميز. آما بو بالاجا نووور گؤلونه ال وورمايين.

---

* - جام جم گونده‌ليگي: اردبيلين نووور گؤلو ياشام اورتامي فاجيعه‌سي اوزه‌رينده‌دير (درياچه نئور اردبيل در معرض فاجعه‌ زيست‌محيطي)

شيخ صفي‌نين تذكيـره توركجه ال‌يازماسي

اردبيللي شيخ صفي‌نين توركجه "تذكره" آدلي ال‌يازماسي‌ني، چاليشقان آراشديريجي سايين داوود بوهلولي تصحيح ائديب و كيتاب بازارينا گؤنده‌رميشدير. ‌داوود بوهلولي بوندان قاباق‌دا شيخ صفي‌‌دن باشقا بير اثر، ياني قارا مجموعهني تصحيح ائديب و هم‌ده فارسجايا چئويريب يايمشيدي. و تذكيره‌نين ياييلماسي دا اؤنملي بير كولتورل اولاي دير. بو كيتابين اصلي روسيه‌نين سن پيتئرز بورگ شهري‌نين "سالچيكوو شئچئردين" كيتاب ائوينده ساخلانيلير و ايندي‌يه‌ قه‌در گؤزلر و اللردن اوزاق ايميش. البته كئشگه بو كيتابين دا آدي‌ و يا باشليغي‌ني توركجه يازارديلار: "اردبيللي شيخ صفي‌نين تذكيـره‌سي"

كيتاب "تذكره شيخ صفي‌الدين اردبيلي" آدي ايله  783 صحيفه ده، و 13500 تومن ده‌يه‌رينده اديان يايين ائوي طرفيندن ياييلميش‌دير. كيتابي آلماق ايچين 2802613 (0251) و 09195197043 سايي‌لي تئلفونلار ايله دانيشابيلرسينيز.

اليمه يئتيشميش فارسجا ايمئيلي ده آشاغي‌دا قويورام:


نسخه خطی ترکی تذکره شیخ صفی‌الدین اردبیلی وارد بازار نشر شد

نسخه خطی ترکی تذکره شیخ صفی‌الدین اردبیلی از نوادگان امام موسی کاظم(ع) که توسط داود بهلولی تصحیح شده است، وارد بازار نشر شد. این اثر که متعلق به سده دهم هجری قمری است، حاوی کرامات، حکایات و آرا و اندیشه‌های شیخ‌ صفی‌الدین اردبیلی است که به زبان ترکی توسط محمد بن الحسین الکاتب معروف به نشاطی شیرازی و به دستور شاه طهماسب صفوی تصنیف شده است.

این اثر حاوی دوازده باب و 27 فصل است، نسخه‌های خطی تذکره در روسیه ایران و آمریکا نگه‌داری می شود و بسیاری از حکایات و روایات موجود در اثر از زبان شیخ صدرالدین فرزند شیخ صفی بیان می‌شود. تذکره شیخ صفی به عنوان یکی از ارکان تاریخ ادبیات زبان ترکی محسوب می‌شود اما متأسفانه توجه چندانی بدان نشده است.

شیخ صفی جد اعلای سلاطین صفوی و از نوادگان امام موسی کاظم(ع) است؛ وی از عارفانی است که در دوران حیات خود (قرن هشتم) دایره نفوذ خود را در منطقه‌ای وسیع از خاورمیانه بخصوص ایران، جمهوری آذربایجان و ترکیه گسترش داد و مریدان بی‌شماری در دارالارشاد اردبیل گرد وی جمع آمدند.

مصحح این اثر کوشیده است تا نثری ساده و روان و قابل مطالعه برای عموم مردم فراهم آورد؛ وی در مقدمه اثر به تفصیل درباره زندگی شیخ صفی، نسخه‌های خطی موجود از تذکره، سنت ترجمه در تاریخ زبان ترکی و وضعیت ادبی دوران نگارش اثر سخن گفته است. پیشتر ترجمه فارسی تذکره شیخ صفی‌الدین اردبیلی و قارامجموعه منسوب به شیخ صفی‌الدین اردبیلی نیز توسط همین مصحح ترجمه و از سوی انتشارات ادیان منتشر شده است. این اثر برای نخستین بار در نمایشگاه کتاب تبریز عرضه خواهد شد. این اثر در 783 صفحه و با قیمت 13500 تومان از سوی انتشارات ادیان وارد بازار نشر شده است.

برای اطلاعات بیشتر با شماره تلفنهای 0251-2802613 و یا 09195197043 تماس حاصل فرمایید.

سؤز قونوسو آزربايجان‌؛ تبريزلي اردبيل‌لي يوخوموز

گئچن هفته بلديه - پئرسپوليس ياريشيندا كي اولايلاردا آزربايجان‌دا يارانميش بير ده‌يه‌رلي و داها اؤنملي دوشونجه اورتايا چيخدي و بونون گئرچكله‌شمه‌سي چوخ ياپيشدي؛ آنجاق بو قونو دا چوخ دانيشيلمادي. بيلديگينيز كيمي اوزوم زامان‌دير آزربايجان دا چوخلو بالاجا و بؤيوك كندلر و شهرلر آرالارينداكي يئرسيز اختلافلار آدامي اينجيدير. حتي بو اختلافلار باعيث اولوب يئني اوستانلار و فرماندارليقلار يارانسين. آد دا اولوب امكاناتي ياخشي پايلاماق! بونلارين لاپ تانينميشي اردبيل - تبريز آراسيندا كي سؤزلر ايدي. آنجاق بلديه‌ني آلقيشلايانلار آذربايجانين ايكي بؤيوك اردبيل‌لي و تبريزلي افتخارلاريني سئويب آلقيشلاماق‌دان كئچيجي (موقت) يوخسا داييمي اولاراق واز گئچيب، و ترسينه، اونلاري هويلاماق و غئيرت‌سيز آدلانديرماق ايله ائله‌شيتيريب و بيلينديرديلر كي سؤز قونوسو آزربايجان وارليغي و كيمليگي اولاندا تبريز يوخسا اردبيل يوخوموز.

بو سؤزلري دئمه‌يين نه‌دني تبريزفوتو بيلاغيندا و بير باشقا بيلاق‌دا گؤردويوم سؤز ايدي. سؤزلري قيساجا بو دور كي كريم باقيري اخلاقي داورانيش باخيميندان سابيقه‌سي ياخشي دير و اونون حيسابيني دايي‌دان آييراق. آنجاق ايستاديوم‌داكي اولاي پيس يوخسا ياخشي اولوب گئديب، ايندي گليب بير باشقا تبريز اردبيل تارتيشماسي يولاسالماق اؤنملي يول‌دان ائشيگه چيخماق‌ و ان تهلوكه‌لي ايش و اؤزگه‌نين ده‌ييرمانينا سو تؤكمك دير.  منجه كريمه اولونان سايقيلار، علي دايي ايله برابر گؤستريلميشدير و دئمك و يادا سالماق لازيم دئييل. هم دايي و هم كريم ايكي‌سي‌ده گئچن ايل اويونلاريندا آلقيشلانيبلار. آنجاق نه‌دن كريم‌ده باقيري كيمين هويلاندي؟
کریم ده دایی‌نین ایشلری‌نی نئچه آشامادا گؤروب و گئت گئده اؤز يئري و موقعيتي‌ني آشاغي گتيريب:

1- بو ايلين ياز ايلكينده كي تیراختور - پئرسپوليس و گؤستريس - پئرسپئليس اويونلاريندان اؤنجه آلقيشلانيب آنجاق اويوندان سونرا تاماشاچيلاري دانلاييب و آغيل قويوب كي بير بير سيرا شوعارلاينيز آزربايجانا ياراشان دئييل

2- آزادی ایستادیوموندا کی ايكي دؤنه(حذفي كاپين فينالي و تيراختور ياي اورتاسيندا كي اويونو ) اوز وئرن اهانتلره اعتراض ائله‌مه‌ییب، حالبوكي تيراختورچولاري ائله‌شتيرميشدي

3- تیراختورا قوشولماق سورغوسو قارشي‌سيندا گولمك خبري
و …

او تکجه دایی کیمی میکروفون دالیسیندا آتیلیب دوشمه‌ییب و بو ده طبیعی دیر، چونکو دایی باش مورببی ایدی و او ژورنالیستلر قارشی‌سیندا دانیشمالی ایدی.
منده لومپنیزمه یول وئرمه‌مه‌یین گرکلی اولدوغو ایله راضی‌یام، آنجاق بو دا قالسین کی دایی و باقیری هویلانیبلار، و غئیرت‌سیز دئمک‌ده یامان‌دان چوخ شوعار و ائله‌شتیری(انتقاد) آنلامیندا. هر حال‌دا تکجه کریم باقیری‌نی تبرئه ائتمک و دایی‌دان دیفاع ائتمه‌مه‌ك ايسه منطیقی ایش دئییل. اونلارین قولاقلاري بیرلیک‌ده بورولماق، تبریز ده کی یارانمیش گئرچک کیملیک‌چی‌لیک آنلامیندا و نه یاخشی کی تکجه اردبیل‌لی دایی هویلانمادی و اونون یانیندا باشقا اؤزونو ایتیرن، آنجاق بير تبریزلی تورک‌ده ائله‌شتیریلدی. بو یانداشلارین یوکسک دوشونجه‌لری‌نی گؤستردی و بیلیندیردی کی بو ایستادیوما گئدنلر ساده‌جه بورونلارینین قاباغی یوخ بلکه گله‌جه‌یی ده یاخشی گؤرورلر. کسینلیک ایله تکجه دایی هویلانسایدی اردبیل‌لی‌لر کوسه‌جک‌ایدیلر.

هر حال‌دا تاماشاچیلار ائله‌یه‌بیلردیلر دویغولارینا غلبه ائدیب او بیر ایکی دنه پیس یامانی دا دئمه‌سینلر. و بیر سؤز دا وار من بیلمیرم نه‌دن "گلین گئدک آغلایاق، اورمو گؤلون دولدوراق" کیمی دئییلمیش سؤزلری اوتوروب و یاپیشمیشیق ایکی دنه بخیل و مغرور تورک افتخاری‌نین قولاغی بورولماسیندان! علی دایی‌نین یالان "نئیه آتاتورک آلقیشلاندی" سؤزو ، "من اولان یئرده نئیه دئییرسینیز تورک دیلینده مدرسه و یاشاسین آزربایجان" آنلامیندا ایدی.

بو قونو يا گؤره قاباق‌كي يازيلار:
- يئني نسيل ائله‌شتيرير
- سهندين گؤز ياشي‌سي دا آخدي ( اشك سهند هم جاري شد )
- شئعر گونو و فوتبول ياريشيندا، "تورك ديلينده مدرسه" ايسته‌يي
- آيدين گله‌جك
- بير اصيل آذربايجانلي‌نين راحات‌سيزليغي
- دايي راحات‌سيز اولمامالي‌دير
- دايي‌يا افتخار زيروه‌سينده ال چاتيلماز ديلك

كيتاب، درگي، تئست و پاپروز ساتيرام

دوز اون ايل بوندان اؤنجه‌نين يايين قيزغين گونلري ايدي. ايصفاهان‌دا دان‌اولدوزونون بيرينجي سايي‌سيني 200 جيلد ده چاپ‌دان چيخارتميشديق. ايسته‌ييرديك ايران دا بو ايكي يوز دنه درگي سس سالسين. البته سس ده سالميشدي گئرچكدن. اؤيره‌نجيلرين هر بيري‌سي اون-اون بئش جيلد قولتوقلارينا ووروب اؤز شهرلرينه آپاريرديلار. من ده اوتوز دنه اردبيله ساري آپاريرديم. يئتميش دنه تئهرانين انديشه نو كيتاب ائوينه وئرديم. اردبيل ده بيري‌سيني تانيميرديم. لاپ او گئديش گليشي چوخ اولان چهارراه دا كي كيتاب ائوي‌نه گيرديم دئديم بو اون دنه توركجه اؤيرنجيسل درگي‌ني ايصفهان‌دا يايميشيق. اولورسا بو اون دنه‌ني ده سيز ساتين. اوره‌ييم ده دئييرديم ايندي منه دئيه‌جه‌ك ساغ اول اللر وار. ايصفاهان‌دا سيز توركجه درگي ياييرسينيز مي؟! آما ده‌وه نالبنده‌ باخان كيمي منه دئدي چيخ گئت گؤروم! بيز بورادا دانيشجويي- مانيشجويي مجلله ساتابيلمريك! لاپ آز قالدي دئسين باس باييرا!!

من ده سانكي دونيا باشيما فيرلانيردي بونو بو حيسابا قويدوم اورادا كيتاب ساتانلار سيخينتي آلتينداديرلار! بير درگي ساتان كيوسكا ساري گئديب اونونلا دانيشديم. او دا ائله بيل توركجه درگي ساتماق ايله پاپروز ساتماق آراسيندا فرق بيلميردي. مندن آليب دئدي ساتيش‌دان سونرا يوزده ايگيرمي‌سي منه يئتيشه‌جك. من‌ده سئوينيب دئديم سن تكجه سات يوزده اوتوزون سنين!

* * * * *

10 ايل او گونلردن اؤتور.
"روبو ايكي" بيلاغيبير پوست قويوب "بير كيتاب ائوي‌نين ياسيندا(در سوگ يك كتابفروشي)" باشليغي ايله. اوره‌يي بوندان دولو دور كي اردبيلين بير باشقا دوزگون كيتاب توكاني ايسه كولتورل ايشلردن اوزاقلاشميش‌دير و اورا دا اولوب كونكور كيتابلاري‌‌نين بورسو! آنجاق منجه آذربايجان‌دا كيتاب ساتانلارا چوخدان دير ياس توتمالي‌ييق. اؤز آناديليميزده ده كيتاب ساتمايان و يايمايانلارين اولوب اولماماغي، يوخسا تكجه تئست و كونكور كيتاب ساتماقلاري، و يا كيتاب يانيندا پاپروز و پوفك ساتماقلاري، هئچ ده اؤنملي دئييل!! اولو تانري رحمت ائله‌سين!

ساوالان‌دان اوزاق ايستي‌ يئرلرده

فارس يولداشلارين بيري‌سي تور ايله گئديب آساليم - خالخال داغلاريندان SMS وورور نه‌يه كه‌سيب قاليبسينيز تئهران‌دا، بورا كي بئهئشت‌دير! من‌ده سؤزون دوزو بيلميره‌م نه جاواب وئرم، ايسته‌ييرم دئيه‌م قيشين كوله‌گينده قيرخ درجه صيفيردان آشاغي سويوخ‌دا اورادان گئت، اوتوبوسون قازولي قورتارسين، يا دا ماشينين زنجيري اولماسين حالي‌ني سوروشوم... آنجاق بيليرم كي بئله سؤزلرين دئمه‌يي توركييه‌لي‌لر دئميش‌كن ساچمالاما دير!

بو فيكيرلر ده‌يه‌م، كي  بير خبر گؤرورم ايلنا سايتيندا:

توصيه يك كارشناس هواشناسي به شهروندان:
به شمال غرب و سواحل درياي خزر كه خنك‌تر است سفر كنيد (ايلنا)

گه‌ده‌لر گئديرلر اورادا آمپئرلري‌ني گه‌تيريرلر آشاغي، سونرا بيزيم آمپئريميزي يوخاري آپارماق ايچين بئله خبر باشليغي قويورلار. جانلاري چيخير اورايا آدام بالاسي كيمي آذربايجان دئسينلر!

بو سؤزلري اؤتورون! اؤز آراميزدي ايندي ساوالان اه‌ته‌ك‌لرينده اولاسان، آيران آشي ايچه‌سن نه كئف وئرر. عؤمروموز سن‌دن اوزاق اولدو برباد اردبيل...

اوخول‌لاريميزدا آناديليميزين بوش يئري

1- دومان بيلاغي‌نين يازيلارينا گؤره(ديل آدالاري)، تبريز تيليويزيونو قيزاران آيي‌نين اون سكگيزي‌نين ساعات سكگيز  خبرينده دئييب:

"مدرسه‌ی روستای کریم‌خان که به زبان تاتی حرف می‌زنند افتتاح شد!
(تات‌جا قونوشان کریم‌خان کندینین اوخولو آچیلدی!) "

چوخ گؤزل! چوخ ياخشي! خبر دئيه‌نده كاشكي هر‌نه‌يي بئله آيرينتي‌لي دئيه‌لر. آنجاق دومانين يازاري، يوسوف به‌يين ده، من كيمي  مئديا ساري‌سيندان بئله تايسيز "خرق عادتـ"ـلري گؤره‌نده، باشي آغري‌يير كي گؤرسون بو "تات" آزليغي‌نين آزربايجانين اويان بويانيندا گؤره‌نده آيرينتي وئرمك يادينا دوشمه‌يين نه‌دني نه‌دير؛ و سونرا بئله بير آچيقلاما دا آرتيرير:

خبر بیرآز به‌لیرسیز و موبهم‌دیر! ایندی بیلینمیر کی نییه کریم خان کندینین تات اولدوغونا ایشاره اولونوب؟! هم‌ده بیر اوخول آچیلیشی خبرینده!!! یانی اوخول دا تات‌جا‌دا اوخوناجاق‌می یوخسا تات‌جا دا اوخوناجاق‌می؟! اؤیله‌یسه تورک‌لر آراسی تات‌لاری قورویاق، و سونرالارا میللت‌لر آراسی دیل آدالاری بهانه‌سی‌ تورک‌لری آذری‌یه محکوم ائتمه‌یه قالسین!!!

من‌ده شوخلوق اوچون دئييرم آخي هئچ بونلارا مدرسه لازيم دئييل! مدرسه اونوچون‌دور كي توركلره فارسي اؤيره‌ده‌لر! بونلار كي آناديل‌لري فارسجادير. سونرا جيددي اولوب دئييرم تئهران‌ اوستانيندا اون‌لار‌ و بلكه يوزلر تورك كندي واردير! مين‌ايل‌ده دئمزلر: "توركجه قونوشان ساووجبولاغين فيلان كندينين اوخولو آچيلدي".

2- يوخاري دا كي سؤزلره گؤره ايسته‌ييرديم باشقا قونولاري ربط وئريب و بورادا بير داها دومانين سؤزلرينه ايشاره ادم. آنجاق دئييرديم ائله اورادا ياخشي يازيليب داي بير ده سن نه‌ ايسته‌يير‌سن يازاسان؟ گئجه ياري‌سي بو فيكيرلرده ايديم كي شبكه اوچ ده گؤردوم بير اوخول‌دوزه‌لدن خه‌يير كيشي‌يه گؤره دانيشيلير. او "عليپور" آدلي قوجا كيشي اوخوللارين بيري‌سينين آچيليش تؤرنينده گؤردوم اوشاقلارلا توركجه دانيشير. قارداشي ايله دانيشاندا بللي اولدو، "عليپور" يئتميش اوچ دنه مدرسه اردبيل كندلرينده دوزلديب.
يئتميش اوچ دنه! ياني يئتميش اوچ دنه كند ايچين! اؤنجه‌ ائشيتميشديم اردبيل اوستانيندا كي خه‌ييرلر ايران دا رئكورد ووروبلار.  بئله دئمك اولار كي هر يئرده دوؤلت بئيتولمال‌دان خرج ائديب مدرسه دوزه‌تسه، آنجاق آزربايجان‌دا اؤرنك ايچين اردبيلين "ايج‌ويجين" كنديندن "عليپور" كيمي بير آدام چيخيب كي وارلي دير، و تئهران دا تيجارت و بيزينئسه باخير، آنجاق اؤز آنايوردونو اونوتماييب و اورادا مدرسه دوزه‌تمك يولوندا اؤز واريندان باغيشلايير. آجي گئرچك ده بورادا دير كي بو اوخوللارين دوزه‌تمه‌سي‌نين بودجه‌سي خالقين جيبيندن چيخسا دا، خالق ديلينه ده‌يه‌ر وئريلمير و "عليپور"ون اؤزو ايسه بونا گؤره بيلگي‌سي يوخدور. و سانكي بيلمه‌يه-بيلمه‌يه، خالقين بؤيوك آداملارينين پولو، خالق اوشاقلارينين آسيميله اولماغينا خرج اولونور.
و البته بو وئرليشين ياييلماسينين نه‌ده‌ني يازيق "عليپور"ون مريض اولوب و خسته‌خانا تختينده ياتماغي ايدي. سوروملولار اونون تختي‌نين يانيندا صف چكييب و يانيندا يادگاري گؤرونتو ساليرديلار.  و باشقا طرف‌دن اونون دوزه‌تديگي اوخوللار دا اوشاقلار فارسجا دوعا ائديرديلر : "خدايا خدايا عليپور-و نگهدار..." . و نه‌دن او ساغلام اولاندا ايشلريني بؤيوتمه‌ييرديلر؟ نئيه كي بيري تاپيلاردي و اونا كيمليك و وارليق و آناديلينه گؤره بير شئيلر دئيه‌ردي.

من ده دوعا ائديرم عليپور تئزليك ايله شفا تاپسين... آللاه بئله آداملاري چوخ گؤرمه‌سين و البته بونا دا دوعا ائديرم كي عليپور شفا تاپاندان سونرا اؤز اوخوللارينين بيري‌سينده توركجه درسليك‌لرين اؤيره‌ديلمه‌سيني ايسته‌سين. بونون نه‌ده‌نيني آشاغي‌دا اوخوياجاقسينيز. من كيمي يوخسول آداملارين دا كي پولو يوخدور بئله ايشلر گؤرسونلر. دئمه‌لي آللاه تانيديغي ائششه‌گه بوينوز وئرمه‌ييب...

3- اوخودوغونوز كيمي چوخلو خه‌يير آدملار وارديلار كي خالقي سئومك ايچين و تانري يولوندا اؤز وارلاريندان گئچيرلر، آنجاق بيري تاپيلمير اونلارا دئسين كي حواسينيز اولسون بو اوخوللاردا اوشاقلارين آناديلي ده اؤيره‌نيلسين. دؤولت كي بودجه وئرمير! آنجاق آناياسانين اون بئشينجي اصلينه گؤره:

استفاده‏ از زبانهاي‏ محلي‏ و قومي‏ در مطبوعات‏ و رسانه‏ هاي‏ گروهي‏ و تدريس‏ ادبيات‏ آنها در مدارس‏، در كنار زبان‏ فارسي‏ آزاد است‏(يئرلي و ائتنيك ديللرين، يايين و قروپ مئديالار دا ايشه آپاريلماغي، و ادبياتلارينين تدريسي، اوخوللار دا فارس ديلي يانيندا آزاد دير.).

آما بو خبره باخين: "ممنوعیت تدریس یک درس به دو زبان تصویب شد (بير درسي ايكي ديله اؤيرتمه‌يين ياساقلانماغي تصويب اولوندو)"!
سانكي "عليپور"و تيلويزيون‌دا گؤسته‌رنده، شوونيستلر بيزيم فيكريميزي ده اوخويوبلار! آناياسا ايله اوست-اوسته گلمه‌يه‌ن بير "مصوبه" گئچيريليب. تصويب اولونوب كي بير درسين ايكي ديلده اؤيره‌ديلمه‌سي ياساق دير!! بو مصوبه‌يه كيمين گوج ايله تاكيد ائله‌ييب، بارماق باسماغي‌دا چوخ عجيب و اؤنملي‌دير. "سازمان مدارس غير دولتي و توسعه مشاركت‌هاي مردمي(غئيردولتي اوخوللارو خالق پايلاشمالار قالديرماسي قورومو)"نين سوروملوسو بونو دئييب. اولابيلر اونون منظورو تئهرانين يوخاري بؤلمه‌لرينده‌كي اوخوللاردا اينگيليس‌جه رياضي اؤيره‌تمك‌دير. آنجاق اونون سؤزو تئهران‌دان چوخ، اوستانلار و بؤلگه‌لره گؤره دير. او اوستانلارا دانيشير آنجاق هله بونو بيلمير كي آزربايجان‌دا آناديلي فارسجا دئييل و اؤيرتمنلر فيزيك، رياضي و شيمي‌ني توركجه‌ني قيراغا قويسالار نه دانيشابيلرلر و نه اؤيره‌ده‌بيلرلر و نه اوشاقلار قانارلار!! او بونو دا آرتيريب كي: "اون بئشينجي اصل بير درسي ايكي ديله اؤيره‌تمه‌يي ياساقلاييب، چونكو (بو ايشين) ايرانين كولتورو و كولتورل ميراثي ايله موغاييرتي وار."!! و گونش ايشيغي آلتيندا بئله اوزو سوسوزلوق و منطيق سيزليك ايله دانيشماق چوخ حياسيزليق ايستير.
و چوخ عجيب‌دير كي "عليپور" كيمي آداملارين دوزه‌تديگي اوخوللار دا ايسه "آناديلي" تدريس اولماغينا قاداغا قويولور، حالبوكي "عليپور" كيمي آداملارين "آناديلي" فيكرينده اولماق خبري ال‌ده يوخدور. بونو دئمك اولار خالقين اويانماق سوره‌جي شوونيسمي قورخودوب و قانون آدي ايله ايندي‌دن خالقين اؤز آناديلي‌نين فيكرينده اولماق قارشي‌سي‌ني انگل‌له‌مك ايسته‌ييرلر.

اردبيل كي آذربايجان دئييل؛ بيزه نه؟

خبرلره گؤره، اردبيل بيلي يوردوندا "آران و آذربايجان" آدلي بير توپلانتي قورولموشدور.

آديندان بللي دير نه‌ قونولار و نه آراشديرمالارا(!) گؤره دانيشيلميشدير. بونا گؤره هئچ زاد يازميرام. آنجاق سؤز بوردا دير كي اردبيل اوستانينا نه دخلي وار بئله قونولار!؟ بيزيم اون سككيز ايلليك اعتراضلاريميزا كي قولاق يوموبسونوز و آذربايجان آديني اونا قايتارغا هئچ ده ماراق گؤسترمه‌ييرسنيز. بو بوندان. ياني سيز دئييرسينيز يوخاري‌لاردان بويورولدوغو كيمي، نه بيزه آذربايجانلي، و نه ايسه تورپاغيميزا آذربايجان دئمك اولماز، و بير گئجه ده توركلوك دن چيخميشيق. بو آذربايجان سورونوندان؛ قالدي آران مساله‌سي.  سيز كي گونده بير قوندارما آد قويماغا جان سينيز! خيالينيز راحات اولماق ايچين يالله ! اردبيل اوستاني‌نين آديني ده‌ييشين آران ائله‌يين! هئچ ده معطل اولمايين.

Oyan - اويان

بو باشليغي گؤردوم:

"اویان" جایزه بهترین فیلم کوتاه جشنواره «ته رنتو» را دریافت کرد.
("اويان" فيلمي ايتاليا دا قورولان «تئرئنتو» قيسا فيلم فئستيوالي‌نين ان ياخشي اؤدولونو قازاندي)
خبر - ۰۵ خرداد ۱۳۸۹ - منبع : سینمافردا

و تئز خبري اوخودوم:

ايتاليا دا، آغلار گولر(ارديبهشت) آيي‌نين دوققوزوندان اوندوققوزونا قدر قورولان، اللي سكيزينجي طبيعت و داغليق فيلملرينه گؤره،  تئرئنتو فئستيواليندا، اسماعيل منصف يؤنتيمي ايله دوزه‌لميش "اويان" قيسا فيلمي، اولوسلار آراسي ياريش بؤلمه‌سينده، ان ياخشي قيسا فيلم اؤدولونو (جايزه‌سي‌ني)  اله گتيردي.
‍ژوري هئياتينين بيانييه‌سينده دئييلميش كي يؤنتمه‌ن بو فيلم‌ده، باجاريقلي بير روايت ده، ايرانين بوگونو و كندلرينده اولان ياشام فضاسينا باخيب كي گؤزلري نازلاياراق، ايرانلي‌لارين ده‌يه‌رلي گله‌نه‌كلريني(سنت‌لريني) ايسه گؤسترير.

بورايا قدر اؤز آختارديغيمي تاپابيلمه‌ديم. "اويان" سؤزجويو توركجه‌دير. فيلمين آدي توركجه اولسا، ديلي ده توركجه اولمالي‌دير؛ آنجاق آذربايجانا گؤره هئچ زاد گؤرمه‌ديم. باشقا سايتلار همن خبري يازميشديلار. دئديم ائله گئديم فئستيوالين اصلي سايتينا باش ووروم، اورادا دا  آذربايجانا گؤره بير شئي يازماميشدي و فيلمه ايسه باخابيلمه‌ديم(باغلانتيلار: 1 - 2).

فئستيوالين رسمي سايتي ايكي آچيقلاما دا، بئله يازيلميشدير:

Iran Mountains. The everyday-life of a young post-man who delivers mail on both sides of the border.

چئويرمه:"ايران داغلاري. سينيرين ايكي يانينا مكتوب آپاران بير پوستچونون گونده‌ليك ياشامي."

Shot in the isolated mountains of Iran, this short film tells the story of a young postman who takes letters from one side of the border to the other. The house of an old shoemaker is always on his round. The shoemaker’s daughter anxiously awaits letters from her husband, who is a prisoner on the other side of the barbed wire that marks the border. One day the young postman discovers that it is not her husband sending the letters.

چئويرمه: "(فيلم) ايرانين ايزوله اولونموش داغلاريندا چكيلميش. بو قيسا فيلم، سينيرين بو تاييندان او تايينا مكتوب آپاران بير گنج پوستچو حاققيندا دير. بير قوجا باشماقچي‌نين ائوي اونون گونلوك يولوندادير. باشماقچي‌نين قيزي هيجان و راحاتسيزليقلا ، تيكانلي مفتيللي(سيم خاردار) سينيزين او تاييندا توتوقلانميش ارينين مكتوبلاري‌ني گؤزله‌يير. گونلرينين بيرينده گنج پوستچو باشا دوشور كي مكتوبلاري گؤنده‌رن او آروادين اري دئييل... "

خاريج ده ياشايان تانيشلارين بيري‌سيندن ايسته‌ديم، بو فيلمه باخيب گؤرسون جريان نه دير. او دا دئدي وئرديگين ويدئو آدرئسي، فيلمدن بير 36 ثانيه‌ليك كليپ دير؛ آنجاق ايچينده اردبيل-آستارا آغزيندا توركجه دانيشيرلار...

توركجه آدلي و توركجه ديللي آذربايجان گله‌نه‌كلري حاققيندا دوزه‌لينميش فيلميميزه گؤره ده اولوسلار آراسي جايزه آپارديق، آنجاق بيزيم وارليق گيزلي قالدي...
اويان منيم خالقيم...

كيم كيمي تاپيب؟

بو گؤروت مير حوسئينين اردبيله گئتمه يينده سالينيب. بو اردبيلده ياشايان آذربايجانلي تورك گنجلرين اللرينده كي پوستئر ده يازيليب: «كوچه لره سو سپميشم، يار گلنده توز اولماسين». بورا اردبيل دير و عجيب دئييل كي مير حوسئينه سس ييغماق ايچين بئله توركجه پوستئرلر ياييلسين؛ ائله كي بيليرسينيز خاتمي نين يولا سالديغي آبيرسيزليقلار و تكذيب ائتمك زوروندا قالماغيندان بير ايكي هفته گئچمه ميشدير و البته كي بو آرادا اردبيللي لر، چوخ كدرلنميشلر. آنجاق من گؤرورم تئهران دا توركجه پوستئرلر ياييلير و بو اونو گؤسترمكده دير كي تئهران دا ايسه سس ييغماق ايچين گرم دويغولو تورك اولوسونون ديغوسوندان ايستيفاده ائده سن. و بو منجه تكجه توركلرين اؤزلليكله گنجلر و اؤيرنجيلرين ال ده ائتميش اؤنملي باشاريلاري دير. اينشاللا كي او اردبيللي گنجلرين اومودلاري اؤز كولتورل و توپلومسال حاقلاري ني اله گتيرمك ايچين، مير حوسئينين باشاري يا ال تاپماسيندان سونرا آزالماسين و او اؤز وئرديگي سؤزلرين آپارماسيندا توز سالماسين! بونو دئييم كي ميرحوسئينين بو سئچيم ده، چوخ احتمال ايله بيرينجي اولماغينين ان اؤنملي نه دني، تورك خالقينين اونون داليندا دورماغي اولاجاق.

گؤردوغونوز، تئهران دا ياييلان كارگزاران حيزبي نين پوستئرين ده يازيلميشدير:

ملت گوزون آچيپدي – مير حسين ِ تاپيپدي (ميللت گؤزونو آچيبدي – ميرحسيني تاپيبدي)

بو يازينين ايملايي يانليشينا باخماياراق، بير شئي آدامي اينجيدير و او دا ميللتين گؤز آچماسي(!) و ميرحوسئني تاپماق دير. منجه بو گؤز آچيلما و اويانماق چوخدان دير اوز وئريب و اولابيلر سيز تزه ليكده بيلميسينيز! اولابيلر بئله يازسايدينيز داها اويغون اولاردي:

مير حوسئين گؤزونو آچيبدي ، ميللتيني تاپيبدي!


يازماقدان سونرا(1):
تا آدام ايستير بير ‬آز مير حوسيئندن خوشو گله بير قولاغي توكلو تاپيلير و ايشي خاراب ائدير. مير حوسئينين مردمي(!) سيتادي باشقاني نين آخماقجاسينا دانيشماغينا بو كليپ ده باخين:
http://www.youtube.com/watch?v=ScqRcGRVn3Y

يازماقدان سونرا(2):
دوزدور كي مير حوسئين هله ده اؤز قديم كي احوالاتيندان چيخماييب و مثلا ريضايي ايله مناظره ائدنده آذربايجانا دئييردي گونئي باتي(شمالغرب) و باكي يا دا دئدي بادكوبه! آنجاق رحيم شهرياري دا ائله بيل قوشولوب مير حوسئين كمپئينينه! اونوچون گؤزل بير ماهني اوخويوب و اونو كوراوغلو و ستارخان و ... نسليندن ساييب:

خاتمي هم جوك بلد است

بسيار تاسف بار است. نه به خاطر اينكه خاتمي با آن شعار گفتگوي تمدنها گوش فلك را كر كرده بود و حالا دارد به تركها جوك گفته و با شنيدن جوكي در مورد گيلكها قهقهه مي زند؛ همه مي دانند، مردم آذربايجان سالها پيش با ادامه ندادن به پشتيباني از جبهه اصلاحات، نشان دادند كه اين عالم ظاهرا بي عمل، فقط شعار دادن بلد است.

و از سوي ديگر، نكته مهمتري هم وجود دارد و آن اينكه، خاتمي اين حرفها را در مورد اردبيل مي زند، جايي كه تشيع را احيا كرد، تشيعي كه خاتمي از قِ‬بَل آن خاتمي شده...
و از منظر اجتماعي، خاتمي با يك كاريكاتوريست ساده فرق دارد، چون وظيفه كاريكاتوريست خنداندن است و شايد در اين ميان يك اشتباهي هم بكند. تا دوباره دير نشده، خاتمي فقط يك كار مي تواند بكند و ‬آن يك عذرخواهي است ...

پ.ن:
برخي بر اين عقيده اند كه اين ويدئو با توجه به تاريخ انتشار آن(يكماه مانده به انتخابات) كاملا مشكوك به نظر مي رسد و شايد جهت تخريب جبهه اصلاح طلبان به خصوص مير حسين موسوي طراحي شده باشد كه در رد چنين نظري بايد گفت كه نفس انجام چنين كاري اشتباه و به دور از اخلاق مي باشد. با توجه به حرفي كه خاتمي در فيلم تبليغاتي مير حسين مي زند(افراد مهم نيستند و تنها راهي كه انتخاب مي كنيم مهم است) بايد گفت آيا راهش اين بود كه در ظاهر از حقوق مدني و گفتگوي تمدنها حرف زد و در محافل خودماني تر بر خلاف گفته عمل كرد؟!
خلاصه كلام اينكه با اين اوصاف احتمال بد اخلاقي(!) انتخاباتي وجود دارد، كه در اينصورت هيچ كاري براي ستاد طرف متضرر ندارد؛ مير حسين موسوي بايد اين مورد اعلام موضع و به بيان بهتر اعلام انزجار نمايد.

پ.ن ، 2:
اين مطلب بسيار خوب ابوذر آذران را بخوانيد:
آقای خاتمی! عذرخواهی پیش کش، تکذیب کن
ولي به نظر من ديگر تكذيب هم نكرد توفيري نمي كند، چونكو آذربايجانين ايشي قورتارماييب هر يولدان گئچه ن و قمر نه نه نين هاتاران پاتاران سؤزونه ده يه ر وئريب ائتگي گؤستره! بونا گؤره يوخاري دا كي ويديو سايزيني چوخ كيچيكلنديرديم، چوخ كيچيك و بالاجا! چونكو ايچينده كي آداملار لاپ كيچيك ديرلر.

پ.ن، 3:
جايي با دوستداران خاتمي در اين مورد بحث مي كردم. جالب است كه آنها ما را متهم به تعصب مي كنند ولي حاضر نيستند قبول كنند كه خاتمي اشتباه كرده و دست از طرفداري و تعصب كوركورانه از او برنمي دارند و حتي مي خواهند آدم را بدهكار كنند. اين آيه هاي سوره حجرات را مي خواندم، اگر اين آيات را طرفداران خاتمي نديده اند، آيا حجت الاسلام خاتمي هم نديده و نخوانده؟ آياتي كه به تفسير هم احتياج ندارند:

آيه يازده سوره حجرات:
يَأَيهَا الَّذِينَ ءَامَنُوا لا يَسخَرْ قَوْمٌ مِّن قَوْمٍ عَسى أَن يَكُونُوا خَيراً مِّنهُمْ وَ لا نِساءٌ مِّن نِّساءٍ عَسى أَن يَكُنَّ خَيراً مِّنهُنَّ وَ لا تَلْمِزُوا أَنفُسكمْ وَ لا تَنَابَزُوا بِالاَلْقَبِ بِئْس الاسمُ الْفُسوقُ بَعْدَ الايمَنِ وَ مَن لَّمْ يَتُب فَأُولَئك هُمُ الظلِمُونَ
اى كسانى كه ايمان آورده ايد هيچ قومى حق ندارد قومى ديگر را مسخره كند چه بسا كه آنان از ايشان بهتر باشند، هيچ يك از زنان حق ندارند زنانى ديگر را مسخره كنند چون ممكن است آنان از ايشان بهتر باشند. و هرگز عيبهاى خود را بر ملا مكنيد (كه اگر عيب يكى از خودتان را بر ملا كنيد در واقع عيب خود را بر ملا كرده ايد) و لقب بد بر يكديگر منهيد كه اين بد رقم يادآورى از يكديگر است كه بعد از ايمان باز هم يكديگر را به فسوق ياد كنيد و هر كس توبه نكند همه آنان از ستمكارانند

آيه دوازده سوره حجرات:
يَأَيهَا الَّذِينَ ءَامَنُوا اجْتَنِبُوا كَثِيراً مِّنَ الظنِّ إِنَّ بَعْض ‍ الظنِّ إِثْمٌ وَ لا تجَسسوا وَ لا يَغْتَب بَّعْضكُم بَعْضاً أَ يحِب أَحَدُكمْ أَن يَأْكلَ لَحْمَ أَخِيهِ مَيْتاً فَكَرِهْتُمُوهُ وَ اتَّقُوا اللَّهَ إِنَّ اللَّهَ تَوَّابٌ رَّحِيمٌ
هان اى كسانى كه ايمان آورده ايد! از بسيارى گمانها اجتناب كنيد كه بعضى از گمانها گناه است ، و از عيوب مردم تجسس مكنيد و دنبال سر يكديگر غيبت مكنيد، آيا يكى از شما هست كه دوست بدارد گوشت برادر مرده خود را بخورد؟ قطعا از چنين كارى كراهت داريد و از خدا پروا كنيد كه خدا توبه پذير مهربان است

آيه سيزده سوره حجرات:
يَأَيهَا النَّاس إِنَّا خَلَقْنَكم مِّن ذَكَرٍ وَ أُنثى وَ جَعَلْنَكمْ شعُوباً وَ قَبَائلَ لِتَعَارَفُوا إِنَّ أَكرَمَكمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ
هان اى مردم ما شما را از يك مرد و يك زن آفريديم و شما را تيره هايى بزرگ و تيره هايى كوچك قرار داديم تا يكديگر را بشناسيد نه اينكه به يكديگر فخر كنيد و فخر و كرامت نزد خدا تنها به تقوى است و گرامى ترين شما باتقوى ترين شما است كه خدا داناى با خبر است

توركجه اوخشاما ال يازمالاري

حساسييتلرين چوخ اولماسي، و باشقا طرفدن بيلگيمين آز اولماغينا گؤره ايسته مه ميشم، مذهب و دين قونوسوندا گؤره بير شئيلر يازام؛ آنجاق محررمليك ده اولاسان، و بو گونلره گؤره بير شئي يازماياسان، اولمور كي اولمور! اينتئرنت واسيطه سي ايله اليمه چاتميش ايكي دنه گؤروت ، باعيث اولدور بو قونو دا نئچه سطير يازام.

ايمام حوسئين اوچون قورولان مراسيملر و آنمالار يقينا آذربايجان توركجه ديلينين قورنماسيندا چوخ بؤيوك و تاريخي بير رول اويناييب و جورءت ايله دئمك اولار محررم ده بو مراسيملر هر ايل ياشانماسايدي، آذربايجان توركجه سينين اصلي سوتونلارينين بير يسي ده اولماياجاق ايدي.
اونوتماميشام اوشاقليقدا كي ائله بيلرديم بوتون يازيلار گرك فارسجا و يا عربجه و يا اينگليزجه اولمالي ديرلار، شبئه چيخاردانلارين توركجه اوخويوب -دانيشماقلاري مني همشه تعججوبلنديرردي! اللرينده كي بالاجا كؤهنه كاغيزلارا گيزلين باخارديم و گؤررديم كي گؤزل خط ايله(ميرزه خطي دئيه رديك!) توركجه يازيليبلار.

عاشورا آخشاملاري دا بير باشقا شئي مني لاپ تعججوبلنديرردي. ايمام حوسئنين جسديني بير تابوتا قويوب و عربه خوزان آدلانان مراسيمده عرب اويونو چيخاردارديلار و تكجه بو مراسيم توركجه اوخوماق آز اولاردي. و مرثيه لرين چوخو فارسجا و عربجه اولاردي. ياني بو مراسيمي بيز يوخ بلكه عربلر اؤزلري ايجرا ائليرلر...

اون-اون بئش ايل او زامانلاردان گئچيب و ايندي مراسيم دوشوب قيشا، و اورانين شاختاسيندا تؤرنلر يقين كي آيري بير شكيل ده دير. بو گؤروتلري ايكي دنه ال يازما و اسكي كيتابدان سالميشلار. بئله سانيرام بو كيتابلار كيمي، مينلر باشقا ال يازما كيتاب، آذربايجانين بوتون يئرلرينده داغينيق ديرلار؛ حالبوكي بونلار تورك ديلي ادبيياتينين تمللريني گوجلنديره بيلرلر؛ آنجاق يازيقلار اولسون كي تئكنولوژي (قوراشديريم) چاغيندا گوجلو بير هيممت يوخدور بونلار ايسكن اولسونلار:




بير باشقا سؤز:

آذربايجانين هر نه يي ني دانان دوشمانلاري، دئييرلر شيعه مذهبي ني شاه ايسماييل قيلينج گوجو ايله، ايران دا ياييب و بئله بير فيكير چوخدان ايدي مني اذييت ائديريدي. آنجاق سيز ده بيليرسينيز كي اربيلين 10-15 كيلومتئيرليگينده هله سوننولر ياشاييرلار و آزادليقلا اؤز مذهبي ايشلريني گؤرورلر. او كندلرين بيريسينين آدي آنباران دير و يئرليلري تاليشديرلار. كيوي و خالخال كندلرينده حتتا تورك ديللي سوننو ده واردير. اؤرنك ايچين كويونون «هئشين» و خالخالين «هئشه يين» بؤلمه سي نين ياري سي سوننودورلر.
شاه ايسماييل اونلاري قولاغي ديبينده گؤرموردو مو؟! يا بير فرض ده اولابيلر: اونلار قورخودان شيعه اولوبلار و سونرا مذهبلريني ده ييشميشلر! ياخشي! باشقالار بو ايشي گؤه بيلمه زديلر مي؟!!
سيز نئجه دوشونورسونوز؟