Monday, June 25, 2007

آدلار دانيشيرلار

تهران دا ياشايان توركلرينين بيري‫سي ايدي. اللي-آلتميش ياشي اولاردي. ائله بيل بو بير ايكي آيين ايچينده اؤز كيمليگينه اينانميشدي. چوخ ايتي و دال با دال پيشمه‫‌ميش سؤزلر ده دانيشيردي! جومله‫‌لري ده بير كلمه فارسجا - بير كلمه توركجه ايدي! «گؤزل توركجه اوغلان و قيز آدلاري» كيتابي‫ني الينه آلدي و دئدي اصلا گرك تئهران دا كي توركلر، اؤز اوشاقلارينا تكجه توركي آد قويالار! بئله اولسا حتما دوروم دئييشي‫لر!
من ده دئييرم: «نه فيكير ده سن كيشي! ائله قالدي تئهران دا كي خيابان دا كي فارس،آنجاق ائولرده كي توركلرين آدلاري! قوزئي آذربايجان دا هئچ توركو آد قويمورلار و فارسلارين بئينينه يئتيشمه‫يه‫ن آدلاري قويورلار: ناتوان، ديلارام، كامران و نرمين! آدامين زهله‫‌سي گئدير ... » ( البته اه‫‌يري اوتوروب دوز دانيشساق، او كيشي‫نين سؤزو چوخ ده‫‌يه‫‌رلي ايدي! آدين توركجه اولماغي، دانيشماق‫ قدر اؤنملي دير منجه. بير كيلاسي نظر ده آلين. اوشاقلارين ياريسي بو آدلاردا اولالار: ياشار، ائلچين، بابك، آتيلا، ائلخان، تايماز و بو شولوق اوشاقلار دا بير بيرلرين آدلا سسله‫‌يه‫‌لر؛ نه اولار!؟ اصلا بو آدلاردير كي دانيشيرلار؛ دانيشماق لازيم دئييل!!)
***
ثبت احوال ايداره‫‌سي ايجازه وئرمير؛ دئيير توركجه آدلار ديش و خاريجي ديرلر! پارتين اولماسا گرك كوروش، كامبيز، غضنفر و باشقا عرب... آدلارينين بيريسيني سئچه‫‌سن! البته ايسلامي آدلارلا موخاليف و قارشي چيخميرام؛ آنجاق بو قدر عربي آد قويورلار، بيلميرم نه ايشكالي واردير آذربايجانلي آتالار و آنالار اؤز اوشاقلاريني تورك آدلاري ايله سسله‫‌سينلر! تورك آدلاري نه ايسلامي خطره سالار و نه فارسلارين اولوسال تهلوكه سيزليكلريني! يازيقلار اولسون او ائشيتمه‫‌يه‫‌ن قولاقلي‫لارا كي تورك اوشاقلارين آديني، توركجه گؤزل آدلارينين آراسيندان سئچمه‫‌يي ياساق دير.
منجه توركلر اؤز اوشاقلاريني، سيجيل و رسمي آدا باخماياراق، هر حالدا توركجه آدلارلا سسله‫‌مه‫‌لي‫ديرلر؛ سايين كمال مورداي دا اؤز توپلاديغي «گؤزل توركجه اوغلان و قيز آدلاري» كيتابيندا بونو اؤنري وئريب و من‫ده اونا قاتيليرام.
***
ايندي قالدي بيزيم گؤرمه لي ايشلريميز؛ و يا گؤره‫‌ولريميز! اولابيلر سيزين ده فاميللر و تانيشلارينيزين سيزدن اؤز اوشاقلارينا آد قويماق ايچين(اؤزلليكله توركجه آد! چونكو بيليرلر كي بيز) يارديم ايسته‌‫يه‫‌لر! سيزي بيلميرم آنجاق من كي بيلميرم نه آدلاري دئيه‫‌م! كيتاب كي تئز تاپيب وئرمك اولمور؛ خولاصه اونلار اؤزلري سئچيب به‫‌يه‫‌نمه‫‌لي‫ديرلر دا؛ ماشاللاه توركو آدلار دا چوخدولار؛ بيز تكجه توركجه آد قويماغي اؤنري وئريب و زورلا فيلان آدي دئيه‫‌بيلمه‫‌ريك كي!
ايكي-اوچ ايل بوندان اؤنجه بير ايمئيل يئتيشميشدي و اوندا 170 دنه توركجه اوغلان و قيز آدي وار ايدي! بيلديگينيز كيمي توركجه آدلار او قدر گؤزل‫ديرلر كي آدلاري بير ليست ده سئچمك لاپ چتينله‫شير! دئديم كئشگه بير يازيليم(software) اولايدي و آدلاري اوندا تصادوفي سئچمك اولايدي! بئله قرارا گلديم كي من ده اونلاريچين، مايكروسافت اكسئس ايله بير دئيتابئيس دوزه‫لدم. بو يازيليم هر دؤنه، قيز-اوغلان سئچيميندن سونرا، نئچه دنه تصادوفي آد وئرير و خييالينيزي راحت ائدير!
البته 170 دنه آد آزدير و اؤزونوز ده، آد آرتيريب يولداشلارينيزا گؤنده‫رين.
اؤنرلرينيزي گؤزله‫‌ييرم.
توركجه آدلارين يازيليم‌ني انديرمك(download) ايچين بوراني كليك ائدين: «Adlar»

5 comments:

آ / ف said...

نه گولمه لی! کمال مردای کیتاب چیخاردیب؟! گؤره سن هاردان اوغورلاییب.

Aydin.K said...

من کمال موردای نی چوخ تانیمیرام و تکجه بیلیرم بیر زامان مبین درگی سینین باش یازاری ایمیش، آذربایجان دیلی و کولتور یولوندا چوخ زحمت چکیب و منیم بیلدیگیمه قدر بیر کیتاب دا یاییب و اوندا تورکی آدلاری توپلاییب.
بو ایشین اوغورلاماق ده یه ری یوخدور!
تؤهمت وورماغینیز دوز ایش دئییل آداش دوستوم.

آ / ف said...

دتمگه چوخ سؤزموم وار. ائله قوی ایچیمده قالسین. آلتینجی پارلمان سئچچگی لریندن و اوندان ایل یاریم قاباق دان چوخ یاخشی تانییرام بو جنابی. لاپ ائله یاخین دان. بوش وئر

Aydin.K said...

اؤزوندن دئییرسن بوش وئر، سونرا دا گلیرسن باخاسان گؤره سن بوش وئرمیشم یا یوخ؟! من ده دئییرم آخی یاخشی اوغلان اؤزون بو سؤزو باشلاییبسان دا! آنجاق من هئچ کیمین وکیل وصی سی دئییلم؛ ولی چوخ ایسته رم اؤز کولتورل - توپلومسال جریانیمیز بیر آسیب شیناسی اولسون و هئچ کیمسه سوء استفاده ائتمه یه قادیر اولماسین. سن دئییرسن دئمگه چوخ سؤزوم وار؛ و تکجه بیر تیکه آتاندان سونرا دئییرسن قوی ایچیمده قالسین! منجه، سن ، اصطلاحا آذربایجانچیلاردان و یا تورکچولردن و یا هر آد کی بیزلره قویولمالی دیر(!)، کوسوبسن.
سندن بیر ایسته ییم وار کی بو سؤزلرینی آچیقلا و البته غرض سیز و یوز البته تورکجه

Anonymous said...

Bu zip faylin ichinde bir mde fayli var! Bu file neyle achilar:?

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı