Monday, May 21, 2007

اينانيلماز و اونودولماز قالخيش



صاباح، اوچ يوز آلتميش بئش گون، گئچه جك او هيجانلي، دويغوسال و قوتلو گونلردن... ائله بيل دونن ايدي.

بير-ايكي ساعات ايچينده نئچه مينلر دفه دن سونرا فوروارد اولونموش اس.ام.اسلر، مني و سني ايسه تبريزين راستا كوچه سينه چاغيريردي...؛
آنجاق من كي تبريز ده دئييلديم.
تكجه دئيه بيلرديم اوره ييم تبريزده دير.
كسينليك ايله اينانيلماز...
دئييرديلر تبريزين آرام گؤستريلرينه آيري جور جاواب وئريبلر.
دئييلير تبريز قان-تر ايچينده...
گئجه دير
بير يئدديجه سوسموش تيلويزيون دا بيردن كولتور و ايرشاد باخاني گؤرسنير
ايش ايشدن گئچندن سونرا «سيز آلله باغيشلايين» چيغيريرلار
سانكي بيلميشلر اورمو، خيياو، قوشاچاي، سولدوز و ... اردبيلده دالغالار آشيب داشاجاق...

بو باريشي سئچميش، آنجاق ديليندن، كيمليگيندن، وارليغيندان و يوردوندان هئچ زامان واز گئچمه ين خالقين، گؤزنه لميز شكيلده شوونسيتلري بؤجك كيمي آياق آلتينا تاپداماغي، بوتون يازيلار لا دانيشمالاري سوسدوروب ، يالنيز و يالنيز سايقي گؤسترمه يه چاغيرير...

ياشاسين آذربايجان، ياشاسين قوجا تبريز

Saturday, May 19, 2007

اصلاح طلبـليگين ييرتيق توماني

«اورمو»نون اؤنجه كي ميللت وكيلينين بو گونلر دئميش، آنجاق كؤهنه‫له‫نميش سؤزلريني گؤردوم و بير داها اسكي دردلريم، يئني‫لندي:

بو يازي نين عونوانيندا ايلك ده ايسته ديم، «رئفورميستليگين ييرتيق توماني» يازام، آنجاق گئنل اولاراق رئفورميسم ياخشي ايش دير و بئله آد قويماق دوز دئييل، ايران دا «اصلاح طلبليك» بايراغي ني قالديرانلار، بو پوروسه نين آبريني آپارميشلار.
تانيديغيميز رئفورميستلر و 76 نجي ايلين خورداد آيي نين 2 نجي گونونده اولان سئچيمدن، خاتمي نين يانچيلاري(طرفدارلاري) سوء استفاده ائديب و اؤزلرينه «اصلاح طلب» آدي قويدولار و 8 ايل بوگون – صاباح ائديب و تكجه قارينلاريني و اؤز ائولريني آباد ائتديلر. بونلار، «ايران بوتون ايرانليلار ايچين» كيمي شوعارلار ايله بوتون ميللتلر و ائللرين باشيني آللاديب و اونلاري اؤزلرينه بير پيلله ائتديب و تكجه «مدنيتلر دانيشيغي ني» ايشده يوخ، بلكه سؤز ده، تبليغ ائتديلر. 1384 جو ايلين جومهور باشقانليغينين سئچيمينده، آذربايجان اولوسو بونلارا بؤيوك و كسگين بير «يوخ» دئدي و 76نجي ايلي خوردادينين 9 نجو ايل دؤنومونده، بوتون يالانچي و ايكي اوزلو ايصلاح طلبلره، گؤستردي كي «يوخاري ده چنه وورماق(چانه زني در بالا)» يالنيز اؤز دردلرينه ده يه ر و نه گؤزل بيلديردي «آشاغي دان سيخينتي» نه جور يوخاري دا چنه ووروب – وورمايانلاري ال-آياغا سالار.
و يازيقلار اولسون! بونلارين اوزو او قدر چوخدور كي هله ده اؤز اولوسلارين ايستكلريني قانماييبلار. نه بورادا داياقلاري واردير و نه اورادا.
بونلار آناياسا دا كي بير اصلين سؤزونو، باشقا اصللردن چوخ جيددي توتموشدولار! و البته آيدين دير كي اؤزلريني بو يولا وورموشلار؛ بو اصل دئييردي كي «ايسلامي شورا مجليسينده كي ميللت وكيللري، يالنيز اؤز بؤلگه لرينين يوخ، بلكه بوتون ميللتين قارشيسيندا سوروملو و مسؤول دورلار».
بو اصل چوخ ياخشي دير؛ آنجاق آذربايجان ميللت وكيللري، ايرانين باشقا بؤلگه لرينين داشيني سينه لرينه ووراندا، باشقا ميللت وكيللر نئيه آذربايجانليلارين تاپدالانميش حاقلاريندان دانيشميرلار؟
باشقا آداملار و حتي بونلاردان دا هئچ گؤزله‫‫مه(انتظار) يوخ ايدي اؤتن ايلين ياز سونوندا كي اولايلار دا، جانا گلميش آذربايجان ميللتينين يارديمينا گلسينلر، آنجاق بونلار هاميسي خالقين قوجاغينا قاييتماغين سون فورصتي ني الدن وئرديلر و ايندي ده تاريخين آشقال قابيسينا قووشماقداديرلار و اؤز خالقلاري ني يوخ، بلكه خاتمي ني اؤز پوتانسييئللري بيلمك ايله(!)، بير ده اؤزلرينين سئچيلمه يينه اومود باغلاماقلاري، پيشميش تويوخلاري دا گولدورور.
بو سؤزو هامي بيلير كي: «جيريلميش پارچا، ياماق گؤتورمز»

Monday, May 14, 2007

آيدينلارين سايي سي

مجيد نظري جنابي نين «چرا حرکت ملی آذربایجان از کمبود روشنفکر رنج می برد؟» (نئيه آذربايجان، اينتلئكچواللارين* آز اولماغيندان چتينليك چكير؟)، يازيسي منيم ده نظريمي اؤزونه ساري چكدي! ايلك سؤزوم بودور كي يازماق ايچين بير قونو اورتايا آتماغينا گؤره اللري آغريماسين. البته من تكجه آيدين آديني، آيدينليق و اينتلئكچوالليغا گؤره يوخ، بلكه «آيدين» آدينين گؤزلليگينه گؤره سئچميشم و اصلا و ابدا آيدين-مايدين دئييلم!
ايندي گئدك مجيد نظري نين سورغوسونون سوراغينا كي چوخ آيدين دا يانيت (جاواب) وئرمك اولار؛ او دا بودور:
بير توپولوم و اولوسون ايچينده «آيدين دوشونجه لر» يارانماغينين ان اؤنملي ايندكس و مئعيارلاري گئنل اؤيرتيم، «ساواد» و البته يوكسك تحصيلات دير و دئمك اولار ساوادسيزليغين فاييزي نه قدر آز اولسا و باشقا طرفدن بيلي يوردلولارين چوخ اولماسي، اينتلئكچوال و آيدينلارين سايي سي ني يوخاري آپاربيلر. ايندي ايسه بو سونوجا يئتيشمك اولار كي آذربايجان دا بو معيار ان آزي ايران دا ان اوستون يئرلر ده دير و تاريخي فاكئتلره باخماق بونو گؤسترير كي بلي، ايرانين ان چوخ آيدينلاري آذربايجانلي ديرلار! آنجاق بير آجي گئرچك ده كي وار بودور: «بو آيدينلار آذربايجان اولوسونون قوللوغوندا اولماميشلار» و بونا گؤره دير كي مجيد نظري دئييب آذربايجان دا آيدينلارين سايي سي آزدير! ايندي باشقا بير سورغو اورتايا گلير: «اولوسال باخيشدان نئيه بونلار آيدين دئييلر و چوخ ايفراطي دا قضيه يه باخساق، بونلار ساتقين آيدين ديرلار؟!». بو سورغونون ساده جاوابي بو دور كي سوچ و گوناه بونلارين اؤزونده دئييل، بلكه اوشاقليق دان، فاشيستي و مركزه يؤنلميش بير سيياسته آسيلي اولوبلار و فيكري جهتدن بوتونلوكله ترسينه تغذيه اولوبلار. اؤرنك گتيرمك ده ايسته ميرم.
عرب تاريخينده اولان «بيلمزليك دؤنمي(دوره جاهليت)»ـني آذربايجانين ايندي كي چاغييلا قارشيلاماق اولار! او زامان حيجاز چؤللرينده 15-20 آراسيندا ساوادلي اولسايدي، آذربايجانين چاغداش زامانيندا و البته 21نجي يوز ايلده، 20-30 ميليون تورك آراسيندا نئچه نفريميز توركجه يازيب اوخويابيلير؟! يوز نفره يئتيشه بيلر بو سايي؟! هامي ميز بيليريك كي يوخ! لوطف ائله يين دئمه يين كي سن ده يالنيز اينتئرنت و سايبئر دونيادان ائشيگه باخمابيرسان! چونكو ايندي بو مجازي فضا دا هر نه خولاصه اولابيلر. بو سايي ني آوانس ايله، مينه قالديراق! بو 1000 نفر ساوادلي نين، 10 نفري آيدين دير. و البته آز يا چوخ اولماق نيسبي دير و موقاييسه و قارشيلاماق سونوجودور. وبيز ده هر شئيي، ايلك اولاراق ايران دا گؤرورك. بللي دير كي بيزيم بو 10 نفر قارشيسيندا، فارسلارين يوزلر و بلكه مينلر وارلاريدير و بونلارين ايچينده آذربايجانين آسيميله اولونموشلاري دا واردير! يازيقلار اولسون تقديم ائتديكلريميزه! زير توركچولر بونلارا مانقورت دئييرلر!

ايندي ايسته ييرم قضيه يه باشقا جوره باخام و مجيد نظري نين سورغوسونا جيدديت و شوخلوق آرسيندا اولاراق، بئله يانيت و يا سورغولو يانيت وئرم: «آذربايجانين آيدين اولمايان ميللتچي لرين سايي سي مگر نه قدر دير كي دئييرسينيز آيدينلار آزديرلار!؟». منجه آذربايجان آيدينلارينين فاييزي دونيانين باشقا مدني جريانلارينا گؤره چوخ دا بؤيوك و يوخاري دير! دئمك اولار آذربايجان دا آيدينلارين چوخلوغو باعيث اولور، چوخلو سليقه لر آرايا گلسين و بيرليكلر ده آزالسين!! آيدينلارين چوخلوغو ياخشي دير، آنجاق هر آيدين و يازار دا قرار دئييل تاكتيك، استراتژي و سيياست گؤسترمك يئته نكي اولسون. بئله انتظارلار منجه يانليشديرلار. آيدينين گؤره وي، آيدين تربيت ائتمك دئييل، ولي بير آيدين و يا بير ميللي چاليشقان، بونا قادير دير كي بير ميللي دوشونجه سي اولمايان اذربايجانلي يا (و يا اويانماميش آذربايجانلي) اويانديرسين، توركجه يازماق ساواديني اؤيره ديب و اونا ميللي كيمليگي ني دوشوندورسون. منجه بو يول ايله، ياخين گلجك ده مينلر اويانميش آذربايجانلي نين، آراسيندان موختليف ساحه لرده يئتنكلي آيدينلار چيخاجاقلار. گوجوموزو بو يول دا ايشله تمه لي ييك و زور ايله دئمك اولماز چون فيلان آدام آيدين دير، فيلان ايشلري اؤيرنيب و گؤرمه لي دير.

ايندي كليات دان، جزئياتا گئچيب، ايسته ييرم دئيه م، بعضي شئيلري كسينليكله اونايلاييب و يا قبول ائتمك اولماز. سؤزو اوزاتماماق ايچين بعضي جومله لر يوروملاناجاق:

• دوزدور كي بو يوز ايلده آذربايجانين ميللي چاليشقانلارين آراسيندا، تاريخي آيريليقلار دوشوب ولي دئمك اولار ان آزي بو اون-اون بئش ايل ده «كيمليكچيليك(هويت طلبي)» قونوسوندا اورتاق باخيشلار يارانميشدير. اؤرنك ايچين ايرانين بوتون بيلي يوردلار آراسيندا، اولوملو(مناسب) ايليشگيلر اولماياراق، بوتون اولوسال كيمليك تعريفلري بير بيرلرينه اوخشاييردي و بو قونو دا، سياسي ساغ يا سول دوشونمك يول وئريلميردي و وئريلمير.
• منجه يازيب-اوخوماق و يا اوخوماق-يازماق بير لوپ تشكيل وئره بيلرلر و عمل و عكس العمل جريانينا اوخشايير.
• بير آتالار سؤزو واردير: «اؤزگه ني بزر، اؤزو لوت گزر!»؛ منجه او آذربايجانلي آيدين كي، ديلداشي اولان آيدينلار و يا چاليشقانلار ايچين، يارقي، اؤنري و تاپشيريغيني توركجه يازمايا، و فارسجا دئيه: «آذربايجانين اينتلئكچوالي آزدير!»، يقين بيلين كي تكجه دوشمانلاري گولدوره جك! بو قدر ايدديعا ائديريك ايشيميز كولتورل، مدني و ... دير و آذربايجان خالقي ني اؤيرنجيسل حركاتينين ائتگي سينده شوونيسم قارشيسيندا قالخيب، سونرا باشقا ديلده دئييريك بو خالقين آيديني آزدير! بئله يازيلار، ائله فارسلار دئميشكن، دووارلاردا كي جيريق آرالارينين دردينه، ده يه ر.

آشاغي دا اوخوياجاغينيز يازيلارين، يوخاري دا كي سؤزلرله، هم ربطي واردير و هم ربطي يوخدور؛ ابطحي، خاتمي نين ان ياخين يولداشي و ان اؤنملي يارديمجي سي ايدي و ايندي ده اصطلاحا ايصلاح طلبلرين ان آيدين آداملاريندان دير؛ وئبلاقين دا بو سؤزلري يازميشدير:

... ايران دا وئبلاق يازماغين آلين يازيسينا فيكر ائديرديم. بوترابي اؤزل مارغينا گؤره بير سايتين مودورلوغونو الينه آلميش كي اوندا 780000 دنه فارسجا وئبلاق واردير و اونلارين 170000 دنه سي چاليشماقداديرلار. يور يئتميش مين ايرانلي نين فارسجا يازيلار توليد ائتمه سي چوخ بؤيوك بير ياتيريم(سرمايه) دير. وئبلاق يازماغين ان بالاجا ايشي، فارسجا ديلينين گئنيشلنمه سي دير...

-----------------------------------

* ) آيدين و يا اينتلئكچوال ايچين، ويكي پئديا سايتيندان آچيقلاما:

آيدين او آدام دير كي اؤز دوشونجه و ايدراكيني، اؤ‍ز «ايش»، «اوخوماق»، «باشقا آداملارا قايتارماق» و «آنلاييشيندا» ايشه آپارا و يا بيليب - بيلمه ديكلريني باشقا آداملاردان باشقا و چئشيدلي دوشونجه لره سايقي گؤسترمك ايله سوروشوب و جاواب وئره.
گئنل اولاراق، آيدين ايچين اوچ دنه يئني و مودئرن تعريف واردير:

1- بوتون ياشاملاريندا، ايده لر، كيتابلار و دوشونجه لر ايچينده، درينليك ايله باتان آيدينلار.
2- بير آچيقلامالي حيطه سي كيلاسيندا اولان يازارلار، سؤزچولر(ناطيقلر)، اوستادلار، وكيللر، دوكتورلر، بيليمچيلر(عاليملر) و بئله آداملار.
3- كولتورل ساحه سينده اولان آيدينلار كي كولتور و اوزلوق(هونر) دا، سئچكين و يوكسك ايشلري اولموشدور و بو اؤزل ايش اونلارا كولتورل بير گوج و اختيار وئرير و قازانميش اعتبار و اختيار ايله، توپلوم ايچينده باشقا قونولاردا ايسه دانيشابيليرلر.

Wednesday, May 9, 2007

آذربايجانلي اؤيرنجي گونو و آزبيلتوپا گؤره

نئچه هفته بوندان اؤنجه آذربايجانلي بيلي يوردلولار توپلوموندان انتقاد ائتميش بير يازي گؤردوم. اوندا طنز صورتده دئييلميشدي، ايندي كي آزبيلتوپ اويه لري بير پرايد ماشينيندا ييغيشارلار! ايندي آذربايجانلي اؤيرنجي گونونه گؤره آزبيلتوپ بير بيانيه وئريب كي نفس چكمگيني بيلديرسين. بو بيانيه آدلي فايلي گؤرندن سونرا بونو ده من دئييم كي آزبيلتوپ گئچميش زامانلاردان كيلاسلي و گؤزل پي.دي.اف فايل دوزتمك اؤزلليگيني ده ياخشي حيفظ ائله ميشدير! بيانينه نين يازيلاري دوزدور كي تيكراري دئييللر، آنجاق 79 و 80 ايللرينده كي محتوا و كيفيت دن هئچ خبر يوخدور و بيزيم يايديغيميز وئبلاق مطلبلرينه اوخشايير!
يازيقلار اولسون! آزبيلتوپ او قدر امك بيتيرمك دن سونرا گؤر نه دوروما يئتيشيب. تحكيم وحدت كيمي يئرلره يئتيشه مك ايچين پوتانسيئللي اولان بير اورگان كي بوتون اؤيرنجيلره، بيلي يوردلولارا ايلهام ايدي، ايلدن-ايله بئله بير بيانيه وئرمك ايله دقيق بير استراتژي گؤستره بيلمير. بئله دوشونورم آزبيلتوپ دا چاليشانلار اؤزلري ده بو سونوجا يئتيشيبلر، آزبيلتوپون فضاسي باشقا ماراقلي آداملارا باغلانماق و يا باغلي گؤرسنمك اونا نه قدر ضربه وورموشدور. ياديمدادير، اؤتن ايلين خورداد آييندا كي هيجانلاري گونلرده ايسه آزبيلتوپ اوچ-دؤرد دنه بيانيه وئردي، آنجاق اينتئرنت ده كي قوروپلاردا اؤنر و ائله شديري گلنده، اونلار دئييرديلر:«هركيمسه نه ايسته يير ائتسين، بيز بئله دوشونجه ميز واردير». منجه، آزبيلتوپو دولانديرلانلار، بئله بير سؤزلر ايله اونو گون به گون، بوجاغا و اينزاوايا و نوفوذسوزلوغا ساري آپاريبلار.

اومودوم وار دئديگيم سؤزلر، آزبيلتوپ ايله دوشمان و كينه لي اولماق آنلاميني گؤسترمه سين. بلكه آدامين اوره يي يانير. من ايندي ده 1379 ده آزبيلتوپون او زامان يايديغيميز اؤيرنجيسل درگي يه وئرديگي آنيت لئوحه سينه افتخار ائديرم. اونلارين آيدين فيكيرلي آداملاريندان چوخلو درسلر آلميشيق. حئييفدير آزبيلتوپ كلمه سي ايندي «آزالميش بيلي يوردلولار توپلومو» معناسيني وئرسين.
...
سوندا، آذربايجانلي اؤيرنجي گونونو قوتلو اولسون ، دئييرم.

Tuesday, May 8, 2007

يوروم چوخ دور

آشاغي دا گؤره جه يينيز سؤزلري، عباس عبدي جنابلارينين وئبلاقين دا يوروم قويماق ايسته ييرديم كي پوست اولونماديلار. باشقا طرفدن قيوير-زيوير وئبلاقيندا عبباس عبدي نين آذربايجانا گؤره يازديغي سؤزلرينين نئچه سطريني گتيريب، «يورومسوز سطيرلر» آدلانديرميشدير... و البته كي صاباح كي گون آذربايجان اؤيرنجي سي گونودور و اؤيرنجي ليك زامانلاردا دولو اولان دويغولاري توتاركن، عبباس عبدي ني ده بير اؤيرنجيسل ميتينگ ده ياخالاييب، آزاد بير تريبون دا بو سؤزلري دئييرم:

با تشكر از توجه جنابعالي به مهمترين مساله سياسي و اجتماعي در ايران، مواردي را به خصوص در مورد مهاجرت مطرح مي كنم:

1- افغانها بدليل تفاوت كلي فرهنگي با آذربايجانيها(هم مذهب و هم زبان) تمايلي براي رفتن به آذربايجان ندارند.

2- وقتي افغاني به سادگي مي تواند در تهران و مشهد و اصفهان كار پيدا مي كند چه دليلي براي رفتن به جايي دارد كه نرخ بيكاري و مهاجرت( به بيرون) در آن بيداد مي كند!

3- مهاجرت ديگر مردم مركز نشين به آذربايجان هم مثل بند فوق است.

4- به نظر تنها مردمي كه به آذربايجان مهاجرت مي كنند كردها هستند كه احتمالا سياستهاي پشت پرده اي هم وجود دارد. مهاجرت بي رويه كردها به شهرهاي غربي آذربايجان همچون اروميه و ... روزگاري مورد نگراني مردم مهماندوست آن مناطق نبود.

* - مهمترين مسائلي كه روشنفكران و دانشجويان آذربايجاني همواره به آنها پرداخته اند، در حوزه فرهنگي و زبان بوده است و اغلب اين باور وجود دارد تبعيضات فراواني كه در اين مورد بر مردم آذربايجان اعمال شده(همچون عدم تدريس زبان تركي و رسميت آن) باعث بوجود آمدن ديگر مشكلات اقتصادي و اجتماعي و ... در آذربايجان شده است .

* - مي ماند نكته اصلي و اينكه ذكر شده است: «اين كه انتخاب اول مردم آذربايجان، نفر آخر (هفتم) انتخابات كشور باشد، همان فاجعه ای سياسی است كه بسياری به آن توجه نكردند. انتخاب اول ايران بايد همان انتخاب اول آذربايجان هم باشد...». بله ! احتمالا «فاجعه سياسي» بودن قضيه دو سال پيش كه به دليل عدم توجه كافي به خواسته هاي مردم آذربايجان منجر به حوادث خرداد 85 شد، درست است ولي اين را كه انتخاب اول ايران بايد همان انتخاب اول آذربايجان باشد، دقيقا متوجه نشدم و شايد به اين دليل در وئبلاق قيوي-زيوير از آنها به عنوان سطور بي پاسخ ياد شده! فكر نمي كنم با مد نظر قراردادن اصول دموكراسي و مدني، و از طرف ديگر چند مليتي و چند قوميتي بودن ايران، و بيزاري و دلزدگي آنها از سياستهاي متمركز گراي افراطي، حال، حوصله و رمقي براي طرح تفكرات سانتراليستي، وجو داشته باشد. باز حداقل اگر گفته مي شد: «اي كاش انتخاب آذربايجاني ها كاملا برعكس غير آذربايجانيها نبود»، اينطور فكر نمي كرديم، اصلاح طلب تمام عيار، يعني عباس عبدي اين همه گل گفته ، ولي دوباره همان حرفي را زده كه گوياي اين است: «امكان ندارد آذربايجانيها خواسته هاي ديگري جز خواسته هاي هم داشته باشند!».

Friday, May 4, 2007

سئچکین آداملارین یوکسک ده‫یه‫رلری و اونلارین آغیر گؤره‭‫ولری

آشیق چنگیر مهدی پور دان مودافیعه ائتمک قونوسوندا بیر یازی الیمه یئتیشیب. جریان بو دور کی دئدیگیمیز سایقی لی آشیغا بیر یازی دا "ساتقین" صیفتی وئریلمک ایله ایهانت اولونموشدور و فیوضات جنابلاری دا "یهودی پیانیست و آذری قوپوزیست" یازیسیندا، آشیق چنگیز کیمی بؤیوک اوزمانجلارا یئرسیز حؤرمتسیزلیگی پیسله ییب(حؤرمتسیزلیگین یئرلی و یئرسیز یوخودور و هر حالتده محکوم دور) و من ده اونون یازدیغی سؤزلری قبول ائدیرم. آذربایجانین آدلیم و امک بیتیرن شخصیتلرینه توهین ائتمک ایچین هئچ ندن و دلیل گتیرمک اولماز و بو بیر جوره خیانت دیر. آنجاق بیر-ایکی سؤز ده وادیر:

· بئله یازیلار تورکجه یازیلمالی و یاییلمالی دیرلار؛ چونکو آذربایجانین مدنی-کولتورل حرکتینه، خئیرلری ضررلریندن آز اولاجاقدیر. بئله ایختیلافلاری فارسجا یازماق، حتی ایهانتلی یازیلارین فارسجا اولدوغونا باخمایاراق، آذربایجانین مدنی حرکتی دوشمانلارینین سوء ایستیفاده سینه سبب اولاجاق.

· بوتون آداملار یانلیش و خطالی ایشلر گؤره بیلرلر. هئچ کیمسه نی موطلق سوچسوز و معصوم بیلمک اولماز. ائله کی او یازی دا، رئنه دئکارتین سؤزو گلمیشدیر: "ایلک اولماق، ایلک قالماق دان ساده دیر". دوزدور کی بیر خالقین گؤره‫وی و وظیفه سی اؤز بؤیوک آداملارینا یاردیم اولماق، سایقی وئرمک و ده‫یه‫ر وئرمک دیر، آنجاق او زیروه‫یه گئدن آداملار دا اؤز خالقلارینی و اونلارین توپلومسال و باشقا چتینلیکلرینی اونوتمامالیدیرلار؛ تکجه بولودلار اوستونده و کؤپوکلر ایچینده فیرلانماق ایسه، اونلاری یئره سالاجاقدیر. اونلارین ایلک اولماقلاری، اونلارین توپلومسال یوکلرینی و تعهدلرینی داها آرتیر و بو تعهدلری ساخلاماق و یئرینه گتیرمک کسینلیکله اونلارین ایلک ده اولماقلارینا داوام باغیشلایاجاق.

Tuesday, May 1, 2007

آذربایجان تورکجه سینده تییاتر: دون رافائل

ایلک دؤنه دیر کی حئرفه ای، یا باکیلیلار دئییشینده "پئشه کار" بیر توركجه تییاتر و یا گینه ده اونلارین دئییشینده بیر "تاماشا" گؤره بیله جه يم! بوندان اؤنجه بیلی یورد و اوخول دا تورکجه تییاترلار گؤرموشدوم، آنجاق بو کسینلیکله فرقلی اولاجاقدیر. راهنيمايي اوخولوندا بير دفه تيياتر دا اؤيناميشام و بيليرم نه قدر چتين دير! آدامين ياديندان چيخير نه دئييب و نه ائده جك!؟ گؤروجولر ده كي جانلي بير صحنه باخيرلار و گودورلر آدام بير يانليش ايش گؤرسون و اونلار دا گولوب، اله ساليب و هويلاسينلار!! البته اؤز مدرسه ميزين شولوق و شئيطان اؤيرنجي لري بئله ايديلر، يوخسا سيز كيمي هونرسئور آداملار كي هويلاماق اهلي دئييلسينيز و البته كي بونلار دا، تيياتر اوزمانجي سي ديرلار. قصديم يالنيز تيياتر اويناماغين چتينليگيني دئمك ايدي.
بير شئي يي ده گرك دئيه م! باشقا جور تيياتري دا هامي ميز گؤرموشوك و او دا «شبئه چيخارتماق» و يا «تعزيه» دير كي آذربايجانين سوننتي تيياترلاريندان ساييلير.

مسعود فیوضات جنابلاریندان، بو بیلدیری ني یایماق ایچین تشککور ائدیرم:
آذربایجان تورکجه سینده تییاتر: دون رافائل

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı