Saturday, June 30, 2007

ايرقچيليغين سونو

گؤره سن بو اؤلكه ني هارايا سورورلر؟ سانكي اؤز دئييشلرينده اولان «ناكجا آبادا»(هاراسيز يوردو) آپاريرلار! نازيلارين فاشيستي و ايرقچي گؤروشلري چاغداش تيلويزيوندا تبليغ اولونماسي آدامي لاپ اوزورب و همده گولدورور. «مدار صفر درجه» آدلي سئريالي نين بير بؤلومونو تصادوف اولاراق گؤردوم و ايكي يئرينده بتر گولمه لي ايدي لر:
  • بير ايرانلي اؤيرنجي، هيتلئرين حاكيمييت چاغيندا، آلمان شهرلرينين بيريسينده، كوچه ده يئري يير. ايكي-اوچ دنه آلمانلي عسگر اونون شرقي قيافه سيني گؤروب قارشي سيني كسيب و اون توتماق ايسته ييرلر. بو ايرانلي اونلارا دئيير: «من ايرانلي و آريايي يام! سونوج دا سيز ايله سويداشام! هايل هيتلئر...» و سونرا او عسگرلر ايله قوجاقلاشير و اونلارلا اوپوشور؛ او عسگرلر ده، گولوب و اونو بوراخيرلار!
  • بو سئريال دا ايران ائلچي سي، بير يهودي و ايران كؤكنلي آل-وئرچي ني، روشوه آلماق ايله، اؤلومدن نيجات وئرير. آلمانليلارا دئيير كي ايران دا كي يهوديلار، نئچه مين ايلدير ايران دا ياشاييرلار و ايرانلي آرياييلارلا قاريشيبلار...! و آلمانليلار دا ايرانلي يهوديلارلا ايشلري اولمور!
بو سئريالين گؤرمه ييني اونوتمدوشدوم كي بوگون امكداشلارين بيريسي، ناهار يئيه نده، بو سئريالي ياديما سالدي. بو بحث اورادان باشلاندي كي اوشاقلارين بيري سي دئدي اينترنت ده بير چئشيدلي اؤلكه لرين اورتاق IQــلاري ياييليب و ايران ضريب-هوشي سي آز اولان سيرالار دا دير! بونا گؤره بير باشقا امكداش عصباني اولدو و دئدي بو ايمكانسيز دير؛ چونكو ايرانليلار آريايي ديرلار و آريايي لار چوخ هوشلودورلار. او يوكسك تحصيلاتلي بير آدام ايدي و بوندان اؤنجه بئله سانيرديم كي او آيدين دوشونجه لي آدامدير و گؤزله ديم گؤرم نه دئيه جك! او دا يوخاري دا دئديگيم سئريالينا ايشاره ائدييب و ايكينجي گولمه لي يئري ني آچيقلادي: «بو سئريال دا، تاريخين بير ياخشي گئرچكلرينه ايشاره اولونور؛ ايرانليلار او زامان چوخ يوكسك يئرده ايميشلر؛ اؤرنك ايچين، آلمانليلار، ايرانلي يهودي لار ايله، آريايي اولماقلارينا گؤره، ايشلري اولماييبدير و ... دونياليق ايكينجي ساواش دا هيتلئر قازانسايدي بيز ده چوخ فايدالاناجايديق و ... ».
... من ده كي اصلا فيكر ائله ميرديم او اوغلان بو قدر ايرقچي اولا، آشاغي دا كي سؤزلري دئديم و البته آز قالدي سؤزوموز چيخا! يوز رحمت يئني تؤرنميش نـيونازيلره؛ چونكو فارسلار دوغرودان دا ائله بيليرلر آريايي و ژئرمن ديرلر! البته بو اوغلان فارس دا دئييلدي، لور ايدي! منيم كي گؤزوم سو ايچمير بونلار بو راحاتليقلا بئله دليللره اينانسينلار:
  • آخي سنين آغلين هارا گئديب! آلمانين صيفير درجه لي عسگرلري هارادان بيليردي ايرانليلار آريا سويوندان ديرلار! هئچ اولار ايران كيمي بير اؤلكه نين يئريني، دونيا خريطه سينده تاپابيلرميشلر؟! او زامان، آلمانليلار ريضاخاني ائششك ائله ميشديلر كي سيز ده آريايي سينيز تا روسيه نين يارديم يولو باغلانسين.
  • اؤزوده نه جور اولوب يهوديلار آلمان دا ياشاماقلا، آريايي اولماييبلار؛ آنجاق ايران دا كي يهوديلار(اؤزوده شرق قيافه سي ايله) آريايي اولوبلار و آلمانليلار دا قارامال كيمي بئله بير منطيق سيز ندنه اينانميشلار!؟ البته اونلارين هوشو چوخ اولسايدي كي او ايفتيضاح لا، موتتفيقلره مغلوب اولمازيميشلار!

Monday, June 25, 2007

آدلار دانيشيرلار

تهران دا ياشايان توركلرينين بيري‫سي ايدي. اللي-آلتميش ياشي اولاردي. ائله بيل بو بير ايكي آيين ايچينده اؤز كيمليگينه اينانميشدي. چوخ ايتي و دال با دال پيشمه‫‌ميش سؤزلر ده دانيشيردي! جومله‫‌لري ده بير كلمه فارسجا - بير كلمه توركجه ايدي! «گؤزل توركجه اوغلان و قيز آدلاري» كيتابي‫ني الينه آلدي و دئدي اصلا گرك تئهران دا كي توركلر، اؤز اوشاقلارينا تكجه توركي آد قويالار! بئله اولسا حتما دوروم دئييشي‫لر!
من ده دئييرم: «نه فيكير ده سن كيشي! ائله قالدي تئهران دا كي خيابان دا كي فارس،آنجاق ائولرده كي توركلرين آدلاري! قوزئي آذربايجان دا هئچ توركو آد قويمورلار و فارسلارين بئينينه يئتيشمه‫يه‫ن آدلاري قويورلار: ناتوان، ديلارام، كامران و نرمين! آدامين زهله‫‌سي گئدير ... » ( البته اه‫‌يري اوتوروب دوز دانيشساق، او كيشي‫نين سؤزو چوخ ده‫‌يه‫‌رلي ايدي! آدين توركجه اولماغي، دانيشماق‫ قدر اؤنملي دير منجه. بير كيلاسي نظر ده آلين. اوشاقلارين ياريسي بو آدلاردا اولالار: ياشار، ائلچين، بابك، آتيلا، ائلخان، تايماز و بو شولوق اوشاقلار دا بير بيرلرين آدلا سسله‫‌يه‫‌لر؛ نه اولار!؟ اصلا بو آدلاردير كي دانيشيرلار؛ دانيشماق لازيم دئييل!!)
***
ثبت احوال ايداره‫‌سي ايجازه وئرمير؛ دئيير توركجه آدلار ديش و خاريجي ديرلر! پارتين اولماسا گرك كوروش، كامبيز، غضنفر و باشقا عرب... آدلارينين بيريسيني سئچه‫‌سن! البته ايسلامي آدلارلا موخاليف و قارشي چيخميرام؛ آنجاق بو قدر عربي آد قويورلار، بيلميرم نه ايشكالي واردير آذربايجانلي آتالار و آنالار اؤز اوشاقلاريني تورك آدلاري ايله سسله‫‌سينلر! تورك آدلاري نه ايسلامي خطره سالار و نه فارسلارين اولوسال تهلوكه سيزليكلريني! يازيقلار اولسون او ائشيتمه‫‌يه‫‌ن قولاقلي‫لارا كي تورك اوشاقلارين آديني، توركجه گؤزل آدلارينين آراسيندان سئچمه‫‌يي ياساق دير.
منجه توركلر اؤز اوشاقلاريني، سيجيل و رسمي آدا باخماياراق، هر حالدا توركجه آدلارلا سسله‫‌مه‫‌لي‫ديرلر؛ سايين كمال مورداي دا اؤز توپلاديغي «گؤزل توركجه اوغلان و قيز آدلاري» كيتابيندا بونو اؤنري وئريب و من‫ده اونا قاتيليرام.
***
ايندي قالدي بيزيم گؤرمه لي ايشلريميز؛ و يا گؤره‫‌ولريميز! اولابيلر سيزين ده فاميللر و تانيشلارينيزين سيزدن اؤز اوشاقلارينا آد قويماق ايچين(اؤزلليكله توركجه آد! چونكو بيليرلر كي بيز) يارديم ايسته‌‫يه‫‌لر! سيزي بيلميرم آنجاق من كي بيلميرم نه آدلاري دئيه‫‌م! كيتاب كي تئز تاپيب وئرمك اولمور؛ خولاصه اونلار اؤزلري سئچيب به‫‌يه‫‌نمه‫‌لي‫ديرلر دا؛ ماشاللاه توركو آدلار دا چوخدولار؛ بيز تكجه توركجه آد قويماغي اؤنري وئريب و زورلا فيلان آدي دئيه‫‌بيلمه‫‌ريك كي!
ايكي-اوچ ايل بوندان اؤنجه بير ايمئيل يئتيشميشدي و اوندا 170 دنه توركجه اوغلان و قيز آدي وار ايدي! بيلديگينيز كيمي توركجه آدلار او قدر گؤزل‫ديرلر كي آدلاري بير ليست ده سئچمك لاپ چتينله‫شير! دئديم كئشگه بير يازيليم(software) اولايدي و آدلاري اوندا تصادوفي سئچمك اولايدي! بئله قرارا گلديم كي من ده اونلاريچين، مايكروسافت اكسئس ايله بير دئيتابئيس دوزه‫لدم. بو يازيليم هر دؤنه، قيز-اوغلان سئچيميندن سونرا، نئچه دنه تصادوفي آد وئرير و خييالينيزي راحت ائدير!
البته 170 دنه آد آزدير و اؤزونوز ده، آد آرتيريب يولداشلارينيزا گؤنده‫رين.
اؤنرلرينيزي گؤزله‫‌ييرم.
توركجه آدلارين يازيليم‌ني انديرمك(download) ايچين بوراني كليك ائدين: «Adlar»

Tuesday, June 19, 2007

سانکی، هئچ ایش گؤرمه‫میشلر!

عسگرلیک دؤنمینده، دان چاغلاری فورصت اولسایدی چؤرک دن، یومورتادان، پنیر دن و اولماسایدی بیسکوییت و یا بیسگوئت(!) آلیب یئیه ردیک! یوخسا گون اورتا و یا گئجه یه قدر، آجلیغی دؤزمه‫لی‫ایدیک! او گونو اونودمامیشام کی ایسته دیم کیلاس قویام و یا دا بیلمیرم مرام گؤسترمک ایچین، عسگرلیگین یوخسوللوغونا باخمایاراق کالباس، شور خیار، دئلئستئر(ایسلامی آرپاسویو!) و باگئت چؤرگی آلدیم؛ آنجاق سوس آلماغی اونوتدوم. تئهرانلی اوتاقداش و بیر کورد کؤکنلی اونباشی ایله اونلاری یئمه‫یه باشلادیق. تئهرانلی یولداش تئز-تئز دئییردی: "اللر وار کیشی! مایا قویموسان و ..." آنجاق اونباشی به‫ی، دئدی: بو قدر زحمت چکیب سن و بونلاری آلیبسان؛ آنجاق سانکی هئچ ایش گؤرمه‫میشسن! بو کالباسلار بوغازدان آشاغی گئتمیر کی! "مایونئز سوس" آلماماغین هر نه‫یی آپاریب سورغو آلتینا! و اوزو سوسوز گه‫ده های دئدی!... و من ده الیمی داغلادیم کی اوندان بویانا بیر ده مرام گؤستر‫مه‫یم و بو ایشلردن ایسه گؤرسه‫مسه، او اوزلو یوزباشی‫نی بیرلیکده صوبحانه یئمه‫یه چاغیرمایام.

***


ایکی اوچ یئدیجه(هفته) بوندان اؤنجه یولوم اینقیلاب مئیدانینا دوشموشدو و اولمازدی کی "اندیشه نو" یایین ائوی نه گئدیب و یئنی یاییلمیش تورکجه درگیلر و کیتابلاردان آلمایام. بو ایل اصلا اورایا گئتمه‫میشدیم. البته اورا هر زامان شولوق اولور و فضانین آز اولماغینا گؤره، اورادا چوخ قالیب و چوخلو کیتابلارا باخماق اولمور و تئز گرک فرزانه به‫یین تانیتدیردیغی کیتابلاری و درگیلری به‫یه‫نیب آلاسان! چوخ آداملار دا واردیلار اورانی پاتوق کیمی بیر یئر سانیرلار و اورا تک بیر توکان دیر کی بو سؤز یازیلمامیشدیر: "یئرسیز دایانماق، کاسیبلیغین مانئعی دیر(توقف بیجا مانع کسب است)"! البته اولابیلر بو یازی اورادا وار و من گؤرمه‫میشم؛ کسینلیک ایله دئیه‫بیلمه‫رم. خولاصه دئییم کی کولتورل ایشلر تکجه کسب و پول چیخارتماق ایچین دئییل کی؛ بئله دئییل می؟!
یئنی یاییلان کیتابلاردان بونلاری آلدیم:
رامین جهانگیرزاده نین اوشاقلار ایچین اولدوز شئعر توپلوسو، کی یانیندا بیر CD ده وار ایدی و شئعرلر دیکلمه الونموشدولار. بونو قارداشیم قیزی سئودا یا آلدیم! کمال موردای نین گؤزل تورکجه آدلاری کیتابی، خودافرین درگی سی، حسن راشیدی نین یازدیغی "تورکلر و ایران دا اونلارین تاریخ، دیل و وارلیغی حاقدا تدقیقات"(ترکان و بررسی تاریخ، زبان و هویت آنها در ایران) کیتابی نی، موللا محمد باقیر خالخالی نین ثعلبیه دیوانینی و وارلیق درگی‫سینین 143ونجو سایی‫سینی دا آلدیم. گلنده گؤردوم سـکسـن آلتینجی ایلینین ایل سایارلاری دا واردیلار و چوخ دا گؤزل طراحی اولونموشدولار. دوزدور کی یئنی ایلدن اوچ آی گئچیردی؛ اونلاردان ایکی اوچ جیلد آلدیم کی تانیشلارا وئرم؛ بو تانیشلار دا چوخ دا من وسیز کیمی تورکچو دئییللر.
اولابیلر دئیه‫سینیز سؤزلرینین باش-اته‫کلرینین ایلیشگیلری نه ایدی؟! واللا دوغروسونو ایسته‫سه‫نیز، ایسته میرم او یوزباشی کیمی بو ایل سایارلاری طراحی ائدنلره یورولمایین دئمه‫یه‫م. اؤزللیک ایله، زنگان دا کی بابک یوردی شیرکتی کسینلیک ایله چوخ ده‫یه‫رلی بیر ایش گؤروب و زنگانین اؤزل تورک ایل سایارینا مالی یاردیم یئتیرنلرین بیری سی اولوب و اینصافسیزلیق دیر اونلارین اؤنملی ایشلرینی سورغو آلتینا آپاراسان! ولی بیلیرسینیز نه وار نه یوخ؟! ائوه یئتیشندن سونرا گؤردوم اون دان آرتیق یایین ائوینین ایشتیراکی ایله چاپ اولونان ایل سایارین ایلک و یاز یارپاغیندا، ایکینجی آیا "قیزاران آی" و اوچونجو آیا "گولن آی" آدی یازیلمیشدیر و یئرلری ده‫ییشیک دوشوبدور! زنگانین ایل سایاریندا دا، یایین ایلک آییندا قیشین سون آیینا قدر بوتون یارپاقلار دال-قاباق و ترسینه وورولموشلار!! من ده گئجه یاری‫سینا قدر اوتوروب و اونلاری بیر جوره دوزدوم ولی ترسینه دوزولمه‫لری دوزه‫لمه‫لی ایدی و دا-قاباق اولماقلارینا چاره قیلابیلمه دیم!
واللا، من و سیز کی توققوعوموز آز دیر و البته که بونلاری یایانلارا همیشه یورولمایین و اللروار دئمه‫لی‫ییک؛ ولی بئله سانین کی بونلاری کیلاس قویماق و یا بو جریانا ساری چکمک ایچین، بیر تورک دیللی یولداشا وئره‫سینیز و او دا بو یانلیشلیقلاری بیله! بیلیرسینیز که نه قدر پیس اولار! و یا اونلار اؤزلری بونلاری آلالار و سونرا بیله‫لر کی آذربایجانین یایین قوروملاری، اؤز ایشلرینده، گرکلی دیققتلری ائتمه میشلر.
سایقیلی اوستادلار و اؤيرتمنلریم! اللرینیز آغریماسین؛ بو قدر امک بیتیریرسینیز، بیر آز دا دیققت ائتسه‫نیز لاپ یاخشی اولار.

Thursday, June 14, 2007

آقاي زيدآبادي! سوء تفاهم يا سوء فهم؟

اينها را به فارسي مي نويسم كه دوباره نگويند يا ما خودمان را زده بوديم به نفهمي و يا اصلا نمي دانستيم كه اين بندگان درجه چندم چه مي گويند؟! ولي سالهاست كه برخي از دوستان همزبانم، حرفهايشان را به فارسي مي نويسند و انتشار يك مقاله فارسي ، آنهم بعد از ماهها تركي نوشتن شخص من، چه سود و ضرري خواهد داشت ، الله علم.
مي خواستم بگويم نمي دانم كه چرا به اصطلاح روشنفكران فارس گرا خودشان را زده اند به كوچه علي چپ؟! ولي خوب واقعا معلوم است چرا خودشان را زده اند به آن راه! يعني اصلا شك و ترديدي در اين نيست؛ هميشه اينگونه بوده است. خدابيامرز*، جهت مسكوت ماندن حقوق اقوام و ملل ايراني يك عمر تلاش بي وقفه كرده و اگر كاره اي هم نبوده باشد، برداشته و به اين و آن مقام، نامه محرمانه و غيرمحرمانه زده كه اي داد! اي بيداد! وا مصيبتا! اين دانشجويان ترك چه ها كه در مجلاتشان نمي نويسند! كوروش آسوده خوابيده، ولي انگار بيدار شده اند اينها! اي رئيس جمهور(خاتمي را مي گويم!)! چه نشسته اي؟ اينها بعد از سالهاي سال آسيميلاسيون، بازهم طرفدار زبان مادريشان، يعني تركي هستند و حق و حقوق بشري هم براي خود قائلند! كل نخهايمان پنبه شده! اعلام خطر بايد كرد و سياست ديگري هم بايد در پيش گرفت، كه البته، اين سياست ديگر همان سياست اسبق فاشيستي، رضاخاني و پهلوي است:
«تلاش در جهت حذف زبان تركي از ايران، كوچاندن معلمان ترك به نواحي غير ترك و ...»
و احتمالا تلاشهايي كه از سوي بعضي از نمايندگان مجلس ششم در راستاي اصول 15 و 19 قانون اساسي براي تدريس زبان تركي و زبانهاي قومهاي اقليت كشور، انجام مي گرفت با چنين نامه نگاري هايي بي اثر و منتفي شد و بي خيال حقوق فرهنگي و اجتماعي دهها ميليونها غير فارس! يعني زيرآبزني اشخاصي مثل خدابيامرز ورجاوند يكي از دلايل خنثي شدن نهضت فرهنگي تركها بوده است.
بر اين نكته تاكيد مي شود آرزوي مرگ شخصي را داشتن، باطل است و محكوم؛ ولي تلاش و گام برداشتن جهت از بين بردن افكار پليد فاشيستي كه آرزوي از بين بردن هويت و تاراج فرهنگي ديگر جوامع را در ذهن بيمار خود مي پرورانند، از واجبات و مقدسات است و فكر مي كنم گفتن درج سطور بالا كافي است كه چرا تركها و ديگر اقوام اين كشور نبايد از مرگ شخصي همچون ورجاوند نبايد ناله و فغان سرداده و جامه خود را بدرند كه خدايا چرا شخصي انساندوست را از ميان ما بردي كه حافظ و مدافع حقوق اوليه ما بود؟ يقينا اينها در درك حوادثي كه در جامعه رخ مي داده مشكلي نداشته اند و برايشان شناسايي خواهان و بدخواه ، سخت هم نبوده است.

حالا بياييد و ببينيد، بخشهايي از مطلبي را كه آقاي زيدآبادي در روزنامه هم ميهن نوشته و از مرحوم ورجاوند به عنوان دايره المعارف تمدن ايراني** ياد كرده است و من هم ملزم به ذكر موارد:

« ... فريادهاي او البته همواره مطلوب همگان نبود. برخي محافل بي‌باكي او را در اظهارنظرهاي صريح‌اش، تاب نياوردند و در نخستين سال‌هاي پس از پيروزي انقلاب، تنگناهايي را بر او روا داشتند كه سبب شكستگي و پيري زودرس دكتر ورجاوند شد برخي اقوام ايراني نير ايران‌گرايي مرحوم ورجاوند را به مخالفت او با حقوق مشروع اقوام ايراني تفسير كردند كه به گمان من، اين مساله خاص، بيشتر ناشي از سوء‌تفاهم بود.
...
دكتر ورجاوند هر چند كه ناسيوناليست ايراني بود و به اين عنوان افتخار مي‌كرد، اما منطقي‌تر و اخلاق‌گراتر از آن بود كه به حيطه افراط و نژادگرايي وارد شود. در سفري كه در خرداد سال 1384 با آن مرحوم براي ايراد سخنراني در دانشگاه گيلان به رشت داشتم، فرصت بي‌نظيري دست داد تا با وي در باره بسياري از مسائل ايران از جمله حقوق قوميت‌ها گفت‌وگو كنم.به خلاف تصور برخي از محافل، ديدگاه‌هاي او كاملا معتدل و منطقي بود و ذره‌اي جانب انصاف را رها نمي‌كرد.
...
او عاشق ايران زمين و تك‌تك مردمانش از هر قوم و با هر زباني بود، هر چند كه شور و حال وصف‌‌ناپذيرش سببي براي بروز برخي سوءتفاهم‌ها شده بود. خداوند او را در جوار خويش آرامش ابدي بخشد.
»

در اينجا قصد بر اين نيست كه بيان شود، فلاني بخاطر مرگ شخصيت مورد علاقه اش نبايد ناراحت باشد؛ و بازهم تاكيد مي گردد آنچه مهم است نبايد به بهانه بزرگداشت كسي نبايد، افكار مسمومي را كه محكوم به فنا و نابودي هستند، تبليغ كرده و بر درستي آنها صحه گذاشت. همان افكار مسمومي كه در چند سال اخير از سوي آذربايجانيها بارها و بارها به زباله داني تاريخ افكنده شده اند، ولي بازهم مثل حشرات و آفاتي كه به اين سادگي ها خيال محو شدن را ندارند، بازهم مي آيند و جولان مي دهند. خاتمي زماني مي گفت اين جامعه استبداد زده است! ولي به نظر مي رسد او بايد مي گفت كه سالهاست جامعه ايران گرفتار نژادپرستي و شوونيسم آنهم از سوي عده اي خاص و روشنفكر نما شده و در اين تب مي سوزد.
برگرديم به سخنان فوق؛ آقاي زيدآبادي هم يقينا مي دانند كه تمدن ايراني برابر با تمدن پارسي نيست (چون حداقل هزار سال آن را تركها ساخته اند) و با توجه به اينكه آقاي ورجاوند طبق گفته خودشان دايره المعارف تمدن ايران بوده، اصولا بايد آقاي ورجاوند همواره با درنظر داشتن كل ايرانيان، به غير از حق و حقوق اوليه، حداقل حرمتي هم براي غير فارسها قائل مي شده است ولي ماجراي نامه اي كه در مورد لزوم حذف زبان تركها نوشته بوده چه بوده است؟! آيا آقاي زيدآبادي هم ايران گرايي را معادل با فارس گرايي و پان فارسيسم مي دانند؟ و يا اينكه به زعم ايشان اقوام و ملل غير فارس ايران، «ايران گرا» تشريف ندارند و در نتيجه «برآورده شدن حقوق مشروع اقوام ايراني» سنخيتي با «ايران گرايي» مورد نظر او ندارد؟! بنابراي دليلي نداشته اقوام و ملل ديگر ايراني همه شان در اين مورد دچار سوء تفاهم بشوند و موجب آزرده خاطر شدن، شكستگي و پيري زودرس آقاي ورجاوند بشوند!! به آقاي زيد آبادي بايد گفت: خلاصه تكليف بايد مشخص شود؛ يا چندين جامعه دهها ميليون نفري دچار سوء برداشت و سوء تفاهم مي شوند و يا اينكه امثال آقاي ورجاوند افكاري فاشيستي و ضد بشري داشته اند.
هنوز هم كه هنوز است به اصطلاح ملي گرايان ايراني، ناسيوناليسم را در ادا نشدن حقوق اقوام ايران و از بين بردن هرگونه مظاهر هويت طلبي در اقشار ديگر جوامع مي بينند و گرنه آقاي زيد آبادي هرگز چنين كلماتي را بر زبان نمي آورد: « (ورجاوند) منطقي‌تر و اخلاق‌گراتر از آن بود كه به حيطه افراط و نژادگرايي وارد شود». واضح است كه گوينده اصلاح طلب اين جمله، آسيميلاسيون و زدودن زبان يك ملت و كوچاندن معلمان بومي آذربايجان را كه راهكارهاي عملي ارائه شده از سوي آقاي ورجاوند به مسؤولان اجرايي وقت است، كاري منطقي، اخلاق گرايانه و وارد نشدن به حيطه افراط و نژادگرايي مي دانند؟! و ديگر قلمم عاجز است از آوردن عبارتي جز اينكه: «جاي تاسف دارد آقاي زيدآبادي! شخصي كه سالهاست در مورد جامعه مدني و دموكراسي مطلب مي نويسيد».
و اين را هم واقعا نه مي دانم و نه مي توانم تعبير و تفسير كنم كه چرا آقاي زيدآبادي در آخر مطلبش، ورجاوند را عاشق ايران زمين و تك‌تك مردمانش از هر قوم و با هر زباني مي داند! اين چه عاشقي بوده كه مي خواسته زبان معشوقانش را از مرز پرگهر بزدايد و اينگونه بر گهرهاي مملكت بيفزايد!
... و يا اينكه بازهم من و امثال من بازهم مبتلا به سوء تفاهم شده ايم و فكر مي كنيم شخصي مثل خاله خرسه آنقدر ما را بي حد و حصر دوست دارد و ...

... و نه زامان اورتاق بير دوشونجه‫يه يئتيشمه ييميزي، تكجه تانري بيلير! و هاچان بيزيم سؤزلريميزي قاناجاقلار؟
و اصلا قانيرلار قانسينلار، قانماييرلار قانماسينلار؛ ائل اؤز ايستكلرينه يئتيشمه‫يي ايسته‫ميش دير و بو ان اؤنملي دير.


* ) حق الناس الترك را نمي دانم ولي حق الله الواحد را كه بعيد مي دانم! چون خداوند متعال يك زبان به اسم تركي را آفريده و بر زبان ميليونها كودك جاري و ساري ساخته، ولي بنده اي از بندگان فارس زبان خدا، راضي نبوده به رضاي خدا.
**) http://www.ham-mihan.org/Released/86-03-20/345.htm#1542

Monday, June 11, 2007

اؤزوندن اؤنجه، دوشونجه‫سي اؤلموشدو

من ده ايسته‫ييرديم ايلقار مرندلي كيمي پرويز ورجاوندين اؤلومونه گؤره بير شئي يازمايام، آنجاق اولمادي كي اولمادي! و دليلي ده تورك سايتلاردا اولان يازيلار و اؤزلليكله سيدحيدر بايات و ايلقار مرندلي نين يازيلاري اولدو. بو يازيلارين چوخوندا سئوينمك دويغوسو بللي دير و البته ورجاوند چيركين ايشلرينه گؤره بوتون توركلر حاقلي ديرلار. بؤيوك بير ميللتين ديليني و كولتورونو آرادان آپارماق ايچين هر ايشه ال اوزادانين اؤلمه‫يي كي هئچ، فيرانسيزلار دئميشكن، تومبه‫تين دوشمه‫يي، آرخايين اولون كي ميليونلار حاق داليسيجا قاچان اينساني سئوينديره‫جكدير.
آنجاق يولداشلار!(بو يولداش سؤزجويونو كومونيستي آنلام دا دئميرم)
داورانيشلاريميز بير جور اولمالي دير كي «اؤلوم اولسون شوونيسمه» شوعاري، يئريني «اؤلوم اولسون فيلاني يه» وئرمه‫سين! مينلر ديلداشيميز واردير كي ورجاوند دن پيس شوونيست ديرلر؛ اونلار دا اؤلمه‫لي ديرلرمي؟! بيزيم موباريزه و ساواشيميز كولتورل و مدني دير. شوونيستلرين ايناملاري و دوشونجه‫لري بيزيم هدفيميز ديرلر و تكجه اونلاري دوغرو يولا گتيرمك آماجييلا بو يول دا آدديم آتيريق. فيزيكي اولاراق آرادان گئتمك بير اوزلوق(هونر) اولابيلمز. كسروي اولوب ايتگين دوشوبدور؛ آنجاق نئچه ايلدن سونرا اونون تئوريلري و دوشونجه‫لري داها آرتيق جانلاشيب و گوجلندي. منظوروم بودور بيرينين ديري اولوب-اولماماغي اصلا اؤنملي دئييل و يالنيز بو فيكيرلر و دوشونجه‫لرديرلر كي ياشاييرلار، ايشلريني گؤرورلر و يا دا اؤلوب آرادان گئديب و يئرلريني باشقا فيكيرلره وئريرلر.
بيلي يورد دا اولاندا، گزارش كيمي حرفه اي، چوخ تيراژلي، آنجاق شوونيست درگيلري اوخويوردوق و اونلاردا ياييلميش تورك و آذربايجان دوشمانليغيني داشييان سؤزلره گؤره دريندن حيرص يئييرديك. او سؤزلري محكوم ائتمك ايچين گليب بير مقاله يازيرديق و اؤز 400-500 تيراژلي اؤيرنجيسل درگيلريميزده ياييرديق؛ سونرا بير نوسخه او درگيلره يوللاييرديق تا بيزيم يانيتلار و جاوابلاريميزي مطبوعات ياسالارينا گؤره يايسينلار و البته كي اونلار يايميرديرلار! و تاپديغي حاليميزي سيز ده آنلايابيلرسينيز! اونلارين آغير تبليغاتي جيبهه لرينين قارشي سيندا اؤزموزو يازيق و گوجسوز بيليرديك و دئييرديك اؤز درگيلريميز تكجه اؤز خالقيميز آراسيندا ياييليب، يازيلاري يالنيز اولوسوموز ايچينده اوخونسالار يئتر. بونو دا اؤتورون كي اون-اون بئش اؤيرنجيسل چاليشمالارينين سونوجو نئجه خالق آراسينا گيرمه‫ييني بيلدير و بو ايل گؤردوك؛ اونايلاما و ايثبات ائتمك ده لازيم دئييل و ورجاوند كيمي آداملار بوندان بئله نه ايشلر و تاكتيكلر ياپمالي ديرلار! سؤزوم بودور كي ايلقار مرندلي نين سؤزلرينه گؤره، حئرفه اي اولمايان، آز سايي لي و اونلارين آراسيندا اؤنمسيز سانديغيميز اؤيرنجيلرين درگيلر، شوونيسمين آنا-يووالاريندا اوخونوب و آناليز اولونورموش. و تورك اؤيرنجيلر نه ائتگي لي ايشلر گؤرورموشلر و راحات ياتماغي شوونيستلرين اليندن آلميشيمشلار. يازيق بو شوونيستلر ايميشلر كي آذربايجان خالقينين قارشي سيندا قورخوب و عجيز له‫ييب، «مدني توپلوم» و «ايران بوتون ايرانليلار ايچين» و «مدنيتلر دانيشيغي» شوعارلاري ايله ايش اوستونه گلنلره، مكتوب يازيرميشلار:
«بو توركلرين قارشيسيني ايندي آلماسينيز گله‫جك ده هئچ ايش گؤرمك اولماز و بونا گؤره، آغاميز ريضاخانين ايشلريني يئني دن باشلايين! بو خالقين كيمليگيني و ديليني اؤلدورمه‫لي ييك. بئله مدنيت و كولتوره ياشاماق ايزني وئرمه‫مه‫لي ييك و ...»
و يازيقلار اولسون دئديگيميز ايش اوستونده اولانلار، خالقلار آيدينلاري و اؤيرنجيلري قارشي سيندا يوخ، بلكه تكجه بئله مكتوبلار قاباغيندا سوروملو ايديلر!

... آنجاق عمل و گئرچك آنلام دا اولان دونيادا گؤردوك، تورك خالقينين اويانيش مرحله سي سونا چاتيب و «هاراي-هاراي من توركم»، اوجا سسي، آذربايجانين هر بير بوجاغيندان گلير. عيرقچيليق و شوونيسم بوغولوب، اؤلمه‫لي دير و سون نفس لريني چكير. ورجاوندين اؤلمه‫يي ني عاييله سينه و هامييا باش ساغلايغي دئييرم؛ آنجاق اونون، يانداشلاري و فيكيرداشلارينين دوشونجه‫سيني تاريخه قوشولماق حاليندا اولماغيني، سئوينج ايله قوتلو اولسون دئييرم.

گله‫جك، آزاد ياشاماق ايچين چاليشان اولوسلارين دير.

Saturday, June 9, 2007

غئيرت قايناغي

اؤنجه بير سؤز دئييم:
«توركلرين و اؤزلليكده آذربايجانليلارين، ائدمان و فوتبول دا كي يئتنكلري، ايران كي سهل‌دير، بلكه آسيا و دونيا يا دا ايثبات اولونموش و اصلا و ابدا دا لازيم دئييل، تبريز دن، زنگان دان و اردبيل دن بير فوتبول تيمي گئتسين همشه ليك فارس كؤرفز آدلي يوكسك، آنجاق كيفييتسيز ليگينه و سوندا دا اؤزلريني فارس اولدوزو تانيتديرسينلار! نه زامان ايرانين فوتبول تيمي زيروه لره گئديب و پاريلداييب تكجه دونيادا آدليم اولان علي دايي و كريم باقيري كيمي سوپئر اولدوزولارين گوجويله اولموشدور و البته كي گؤردوك اونلارا نئجه اللرآغريماسين دئديلر...».

ايندي ايسه توركلر و اؤزلليكده تبريز گنجلري بونا حساسيت گؤستريرلر كي تبريزين تيراختور(تراكتورسازي) تيمي‌نين، ايران يوكسك ليگينه(ليگ برتر) گئتمك قارشي‌سي عجيب-غريب شكيللرده آلينير! و بو ايكي ايل ده، دئديگيميز داش ديغيرلاتمالار سون آدديم دا چوخ آيدين اولوبدور و البته تبريزليلر، تراكتورون ايخراج اولونموش باش يؤنتمني «فرشات پيوس»ـو، لاپ موقصصير بيليرلر؛ چونكو او تبريز و يا آذربايجانين ائدمان و فوتبول سمبولو اولان ان يانداشلي(طرفدارلي) تراكتور تيميني دولدوروب تورك اولمايان تعصصوب سوز و غئيرتسيز اويونچولارا. و بو باعيث اولوب ان هيجانلي و دويغوسال اويونلاردا، بو اويونچولار بير ايش گؤره بيلمه ييب و آذربايجان گنجلرينده اولان اومودلار و سئوگيلريني ، آنلاماييب و دويماسينلار و سونوج دا آذربايجانين تيمي سون مرحله ده اودوزموشدور.
و بو سورج هر ايل تيكرار اولونور.

دونن تئهران كاناليندا فرشات پيوسو بير فوتبولا گؤره اولان وئرليشه گتيرميشديلر و اونلا قونوشوردولار. من بيلميرم او نه‌دن ظفر و غاليبيت دويغوسو اؤزوندن گؤستريردي! كيمسه اونا دئميردي اؤز تيميني او قدر يانداشلا اودوزدورماق هونرينه، گووه نيرمي ‌سن؟ هامي بيلير كي ايران دا، ايستقلال و پئرسپوليس دن چوخ اولماسادا، تيراختوروندا او قدر يانداشي واردير. پيوسون، «تراكتورسازي تاماشاچيلارا گؤره اودوزدو» سؤزونو اونوتماميشيق هله!

دئديگيم وئرليش، تئهرانين پئرسپوليس تيمينين باشاري‌يا ال چاتماماغينا گؤره ايدي. آرتيريم كي، پيوس اؤزو اؤتن ايللرده پئرسپوليس و ايران تيمينين شانسلا قول وورانلاريندان ادي. آپاريجي پيوسون باخيشي‌ني دا ايسته‌دي. پيوس پئرسپوليسين اودوزماقلارينا ايكي عيللت دئدي:

1- موصطافا دنيزلي‌نين يانليش اويونجو ده‌ييشديرمه‌لري.
(موصطافا دنيزلي كي بيليرسينيز هارالي‌دير! دنيزلي نين تورك اولماغيني اؤتورن، آنجاق آپاريجي اونا دئمه‌دي : «سن اؤزون ده تيراختورسازي دا يؤنتمن ايدين‌دا‍»! فارسلار دئميشكن كئچل طبيب اولسايدي اؤز باشينا داوا قوياردي!)

2- پئرسپوليس غئيرتلي و تعصصوبلو اويونچولار ايسته يير! پئرسپوليسين ايندي كي اويونچولاري يالنيز پول اوچون اويناييرلار و هئچ غئيرتلري يوخدور!!؟ پئرسپوليسين سايي سيز يانداشي واردير و بئله دويغوسوز اؤيونچولاري پئرسپوليس ده اويناتماق يانليشدير.
(آپاريجي ني اؤتورن، كئشگه بير تورك فوتبول سئور اورادا اولايدي و اونا او سؤزو دئيه‌ردي كي سيز ده ايسته‌ييرسينيز دئيه سينيز...!)

Tuesday, June 5, 2007

اونلارین بیر ایللیک باش آغریلاری

بیر یازی دان بئله آنلادیم: "دوز دور کی گینه ده تورکلره توهین اولونموشدور، ولی اؤزوموزو ووراق او یولا و دئیه ک کی، ائله بیلیرسینیزمی کی بیز دوغرودان ائله بیلمیشیک سوسکوک کی بئله میندار و نجیس سؤزلر یازیرسینیز؟!".
بیلدیگینیز کیمی، مردومسالاری گونده لیگی، کسینلیکله بیر حیرفه ای اولمایان، و مثلا بیر گولونج(طنز) یازیدا، اؤز دولاشیق عوقده لرینی آذربایجان خالقینین باشینا بوشمالتماق ایسته ییب! داشباشلار باشاباش عوقده دیرلر! یازیقلار اولسون کی مردومسالارینین سارسیدیجی سؤزلری ، "اولوسال بیرلیک و ایسلامی مونسجیملیک" ایلینده یازیلمیشدیر. گئچن ایل، "ایران" گونده لیگینده کی تورکلره ایهانتلی سؤزلر تصادوفی و الدن چیخمیش اولسالار دا، یقین کی مردومسالاری نین یازی سیندا، آشاغی دا کی نه‫دنلره گؤره، لاپ پیس ایهانت اولوب. یئنی ایهانتین شیدتینه بئله یاناشماق اولار: "ایران گونده لیگی سوسکلارین تورکجه دانیشماغیندان، ولی بو گونده لیک سوسکلارین توپلومونو تورک میللتینه اوخشماغیندان سؤز آپارمیش! و البته کی "ایت هورر کروان گئچر" و گئچن ایلین مسأله سی فرقلی و یالنیز بیر بهانه و جیریققایدی و تورک اولوسو هر یئریندن دورانین سؤزونه عکس العمل گؤسترمه یه جکدیر! اویانمیش خالقی بئله چیرکین یازیلارلا تحریک ائتمک اولماز و بونلاری یازانلار و اونلارین دایاقلاری، تکجه اؤزلرینین راسیست اولماقلارینی اونایلاییب و تاکید ائدیرلر:
  • بو یازی دقیقا گئچن ایل ده کی اولایلار و گؤستریلرین ایل دؤنومونده و او قالخیشلارین اونودولماماسی و بیر داها اونلارین آذربایجانین قورخماز اولوسونون سایقیلاما و آنماسیندان سونرا یازیلیب.

  • "فاشیست کرتنکله و سوسکلارین قهرمان پرور توپلومو"، یازیسینین اتک-باشی سی، هئچ مضمون و آنلام داشیماییر و بللی هدفی یوخدور و معلوم ده ییر نه ایسته ییر دئسین؛ ولی واضئح بیر قارشیلاما و ایهانت واردیر و بو اوزو سوسوزلارین بیر ایللیک باش آغریلارینی گؤستریر: "فاشیست"، "سوسک"، "جامعه قهرمان پرور"، "روز تاریخی" و ...

  • بو یازینین سونوندا معلوم اولونور کی، اصطلاحا ایصلاح طلب(رئفورمیست) مردومسالاری گونده لیگی طرفیندن، فاشیست "مارمولک" و قهرمان پرور "سوسکلارین" آراسیندا کی ماجرادان، منظور نه دیر: "... ایللر بویو، بو به‫یه‫نیلمیش سوننت قورولور. گونده بیر سوسک اوغلان یولداشینین یوواسینا، اؤلمک ایچین یوللانیلیردی. هئچ کیمسه ده یادیندا قالمامیشدیر کی بالاجا قهوه ای سوسک قهرمان اولماق و قارا فولوکسی سوسک دا، آغیللی اولاراق چاتیشماق ایسته ییردی. سوسکلارین حافیظه سینده، یالنیز او گونون شرطی نی ساخلاییب، قوروماق (کی ایندی بیر سوننته چئویریلمیش) قازیلمیشدیر". بله! منظور بو اولابیلر کی او گونون اولاییندان سونرا، دؤولت(احمدی نیژادین دؤولتی!) و تورکلرینین آراسیندا بیر شرط قویولوب و او شرط بودور کی هر دن بیر قوربانلیق وئریلسین! و مردومسالاری نین آغری سی دا، تورکلرین دوستاقلارا دوشموش ائلچی و میللتچی آداملاریندان دیر و دئدیگیمیز گونده‫لیک، بئله لیکله، تورکلرین اؤز ایلکین و بشری حاقلارینین دالیسیجا اولماقلارینی و بوتون اوز وئرمیش عظمتلی قالخیشلار و دایانیشلاری، دؤولت طرفیندن اؤنجه گؤرولموش پیلانلار و اویونلار بیلیر!

Saturday, June 2, 2007

ائلین گوجلو قاپی سی

قاباقجا، دئييم خورداد آيينين ايلك يئدديجه سينده تئهران داغلاريندا گؤزلويومو(عئينك) ايتيرديم و بو اؤنملي اون گون ده، آنايوردوم وئبلاقي گونجه لنمه دي! اولابيلر شوونيستلرين توطئه سينه گؤره، من تئهران داغلارينا ساري چكيلميشم تا گؤزلويوم چايا دوشوب ايتسين! و البته شوونيستلري محكوم ائدندن سونرا، اونلارا اللر آغريماسين دا دئييرم؛ چونكو وئبلاق آپدئيت ائله مك چتينليگيندن راحت اولموشدوم و خولاصه، بتر كئف چكمه لي اييام ايدي، اوندا كي گؤزلوكسوز بهانه سي وار ايدي!!

***

منيم اینتئرنئت ده کی توپلومسال شبکه لرینین بیریسینده(social network) ده ده بير وئبلاق واريم و اوراداکی هردن يايديغيم يازيلارا چوخ واسواس ايشله تمرم و بو، يولداشليق ايليشگيلره گؤره اولابيلر. بوگون مسعود انتظارين، "تورك اولمايان اينتئرنت سئرويسلره، نه يه گؤره آرخايين اولماق اولماز؟ اليفباني نه ائدك؟" يازيسيني گؤردوم و دئديگيم وئبلاق دا، لاتين اليفباسيندا يازديغيم بير سؤز ياديما دوشدو:

بو يازيني اؤزل اولاراق بابكه گؤره يازيرام؛ بابك به ي يئني يولداشلاريمين بيريسي دير. ياهو دا دولانيرديم و اونون وئبلاقينا گيرديم؛ توركجه بير تاپماجا وئبلاقينا قويموشدو و هر كيمسه بونو چؤزسه بتر آدام دير! منيم ده خوشوم گليپ، اؤزومو بتر آدام بيلديرمك ايچين اونون چتين تاپماجاسيني نئچه بوشگه قازول يانديراندان سونرا حلل ائله ديم و بو سبب اولدو او دا گلسین منيم وئبلاقيما . توركجه يازيلاريمين چوخو عرب و دئمك ايسلام اليفباسيندا اولماغا گؤره ، سايقيلي بابك بئله يازميشدير:
«به ي، اگر گؤزل ديليميزه لاتين آلفابئتينن يازسان، يازيلاريوي داها راحات اوخوماق اولار. نه دن عرب آلفابئتينن يازيسان؟؟؟؟ ياشا. 1000 (ايل) ياشا ...! »
واللا دوزونو ايسته سينيز منده اؤلورم لاتين يازام، آنجاق ايليشيب قالميشيق دا! لاتين يازيريق دئييرلر نئيه لاتين يازيرسينيز، هئچ كيمسه آنلامايير!؟ ايسلام اليفباسيندا يازيريق ، بابك كيمي دئييرلر نه يه بئله يازيرسينيز؟(البته بابك كسينليك ايله دوغرو دئيير ها! ان آزي بونو بيليرم بابك يازيب اوخويور، آنجاق بير سايي بهانه داليسيجا ديرلار...)
هله شوونيستلر و يا اونلارين آلدانميشلاري دئييرلر، اصلا نه يه توركو يازيرسينيز؟ زبان شيرين فارسي نين نه يي دير كي؟ پان توركلرين قوللوغوندا اولماغينيزين توستوسو اؤز گؤزونوزه گئچه جك ها!! اينتئرنت دونياسيني خوشلامايانلار دا دئييرلر، فيلانكس باشيني سوخوب مانيتورا، اورادان ميللته آغيل قويور!
بير هينديستان كؤكنلي بير ناغيل واردير*؛ آشاغي دا اوخوياجاقسينيز(بو ناغيلدا كي آرديجيلليق و يا ترتيبه آرخايين دئييلم، آنجاق چوخ اؤنملي دئييل!)؛ اولابيلر سيز ده بو ناغيلي اوخويوب و يا كارتونونو دا گؤروب، گولوبسونوز:

قوجا آتا، گنج اوغول و ائشـشكلرينين ناغيلي

بير قوجا كيشي، گنج(جاوان) اوغولو، ائششكلرينه مينيب بير كند دن گئچيرديلر. كندلي لر اونلارا دئديلر اوتانميرسينيز ايكينيز بيرجه مينميسينيز بو يازيق ائششگين اوستونه؟!
دده - بالا رحملري گلير ، ايكي سي ده آشاغي ائنيرلر! بير باشقا كوچه دن سووشاندا، بوتون جماعات اونلارا گولورلر كي نه يه او ايكي نفرين هئچ بيريسي ائششه يه مينمه ييب و آداملار يئرده دير لر!! ائششك سيزين يولداشينيز دير يا سيزي آپاران؟!
خالقين آغيزيني باغلاماق ايچين، قوجا آتا مينير ائششه يه. او بيري سي تنگه ده، جماعات دئيير: «آخي اوتانماز كيشي! اؤزون مينيبسن ائششه يه و اوشاغي دالينجا سورورسن؟!»
آتا-بالا يئرلريني دئييشيرلر؛ آنجاق، كندين باشقا بؤلومونده ، يوخاري دا كي سؤزو، ترسينه(برعكس) ائشيديرلر!
سوندا بونلار زينهارا گليب، ائششه يين آياقلاريني باغلاييب، اتك-باش بير آغاجا آسلاييرلار و بويونلاريندا ائششه يي آپاريرلار و بللي دير كي بو صحنه يه خالق نئجه قاه-قاه ووروب، گوله جك! بونلار دا بير كؤرپونون اوستوندن گئچه نده، ائششك چايي گؤروب، قورخور و قورخوسوندان چاپالايير. آتا-بالادا كي جماعتين گولمه يينه گؤره لاپ ال-آياقلاريني ايتيريبلر، لاخلايان ائششه يي ساخلايابيلمه ييرلر و ائششك كؤروپودن دوشور چايا و بوغولور...!
ناغيلين سونوجو:
خالقين آغزيني باغلاماق اولماز و اونلارين سازي ايله اويناماماليسان؛ يوخسا يوخاري دا كي قيدا باشينا گله جك!
گينه ده اونايلاييرام و گوج ايله تأكيد ائديرم كي بابك به ي، كسينليك ايله دوز دئيير و بو ناغيلي دا مزاح ايچين يازديم.

***

ايندي قاييديرام انتظار به يين سؤزلرينه و ايلك ده مسعود انتظارين اؤزونه گؤره دئييم كي، نئچه ايل بوندان اؤنجه، بو آد گليب توركجه وئبلاقلاردا كامئنت و ساو قوياردي و ايندي كي يازيلاري، او چاغ دا كي كامنئتلر ايله قارشيلاياندا، آدام گؤرور بوتون آذربايجان آيدينلارينين انكشاف و قالديرمالاري، مسعود به يين مونحني سينه اوخشاسا، هئچ غم يوخدور و دوغرودان دا گلجك بيزيم دير، ولي كئشگه او دا دوكتور دوزگونون كيمي بير اوستادين توركجه ادبيات كيلاسلارينا گئتميش اولايدي و توركجه يازديقلاري لاپ ياخشي اولايدي.(سؤزوم دوغرو اولمازسا، مئهران باهارلي لوطف ائله ييب و دئسين!)
مسعود به يين يازديغي فارسجا مقاله سينه گؤره بو سؤزلري دئمك ايسته ييرديم:

1- آتالار سؤزو: «اه يري اوتوراق و دوز دانيشاق». يئرسيز دوشمان تؤره مك ائله او ايشلردن دير! ائله بو وئبلاقين لينكلرينه باخين! چوخو و لاپ يئيين گئدنلري «بلاگفا» دان قوللانيرلار؛ نئچه سي بلوكه اولوب و باغلانيب؟!

2- من اؤزوم چوخ دئميشم ايران دا كي فارسجا سئرويس وئرنلردن قوولانماياق و بونون ايكي عيللتي واردير:
بيري بو كي دونيانين ان آدليم و مؤعتبر (هم كيفيت ده و هم كميت ده) قوللوق وئرن سئرويس وئرنلرين يانيندا(بلاگئر، ووردپرئس و ...)، ضعيف سئرويس وئرنلر ايله ايش گؤرمك تكجه «ايچ محصوللارا سايقي گؤسترمك» دن سونرا باشقا بير آنلامي يوخدور! و ايكينجي و اؤنملي سي بودور كي ، «منفي» موباريزه يولوندان آزماماق ايچين، توركجه يازيلاري بير «پئرژين» و «فا» لي يئرده يايماق، اؤز گيجه لمه ييميزي گؤسترر.

3- انتظار به يين سؤزونون عونوانيندا «تورك اولمايان» سئرويسلردن آد آپاريلميش! توركييه و قوزئي آذربايجان دان سونرا، ايران و يا گونئي آذربايجان دا، هوشلو-باشلي توركجه اينتئرنت سئرويسي وئرن تانيميرام. ثانيا اون-اون بئش نفر توركجه وئبلاق يازان ايچين، كيم ايچين صرف ائدر بلاگفا كيمي بير سايت قورار!
و البته بير سؤز ده بودور كي، بير ياندان دئييليب لاتين اليفباسيندا يازماق ياخشي ايش دئييل و باشقا طرفدن تورك اولمايان سرئرويسلردن قوللانمايين دئييليب، توركييه و قوزئي آذربايجانين سئرويسلري قيراغا قويولمالي ديرلار، چونكو لاتين اليفباسينداديرلار! و بوندان علاوه، گونازين باشينا گلن ده بونلاريم باشينا گلر و البته ساتيلايت يوخ، بلكه اينتئرنت دئنياسيندا!!
آهان! بويورون خبر يئتيشدي فئردوسي نين «باكي»ـدا دوزه لميش عظمتلي هئيكلي(مجسمه سي) بوگون ايرانا گلدي و ميللي كيتابخاناسينين قاباغيندا بئله قورولاجاق كي هيممت اوتوبانينين هر يئريندن گؤرسنسين!
منجه «اولوسلار آراسي و نئچه ديللي اولمايان سئرويسلردن» دن آد آپاريلميش اولسايدي داها اويغون اولاردي.

4- دوغرودان «اينتئرنئت» ياني نه؟ كي احمدي نيژادين دؤؤلتي كيمي اولوسال اينتئرنئت دن دانيشيرسينيز: «برای اینترنت چاره ای بیاندیشیم و آنرا ملی کنیم». بين المللي ولي ملي شبكه! اولوسلار آراسي ولي اولوسال نئت! اولماز آخي!! بئله يانليش سؤزلري يايماق(اؤزوده فارسجا!) كسينليكله اينتئرنئت ساحه سينده چاليشان توركلري ساوادسيز و يئرسيز تعصصوبه صاحيب اولانلار تانيتديراجاقدير!

5- نئچه قونو دا چاليشماق داها ياخشي ايش دير!
آنجاق گاه دامين بو باشيندان دوشن و گاهدا اوباشيندان دوشن يازار انتظار به ي، ائله بيل، «تظاهرات» و گؤستري مسله سيني شوخولوق بيلميشدير: «فعالان ملي ما در هر برهه اي به يک مورد چسبيده و آن را ول نميکنند. اگر امروز روز صحبت از تظاهرات است تا چندين ماه تمام فکر و ذکرشان ميشود مسائل مربوط به تظاهرات».
آي كيشي سن هانسي سمالاردا سئر ائديرسن؟! هئچ بيليرسن، اؤتن ايلين گؤستري سي آذربايجان و ايرانين چاغداش تاريخينده كسينليك ايله تايسيز دير! تاريخين هانسي بوجاغيندا آذربايجانين بوتون كندلر و اوبالارينين آراسيندا بئله عظمتلي بيرليك گؤروبسن؟ مگر نئچه دنه بئله اولاي اوز وئريب تاريخيميزده؟
حيجابسيز بير قاديني هفت تير مئيدانيندا ووردولار، بوتون فارس ياييني قان آغلايير! سوچسوزلوقلاري بللي اولمايان آمئريكالي-ايرانلي هاله و يولداشلارينين توتوقلانماسينين خبري، دونيانين بوتون مئدياسيندا سسله نير. تئهران دؤرد-بئش دنه لاتين وورولوب دؤيولمه لري، وامصيبتا خبري اولوبدور و ... و ... !
هئچ بير دنه ده توركجه گونده ليك ياييلمايان اؤلكه ده ، آذربايجانليلارين باريشا دولو و مدني بؤيوك توپلومسال قالخيشلارينين خبرلريني ائشيديب آلقيشلاماييب و يارديم اولمادان، « يئته ر داي! بس دير! دويدوق؛ اؤتورون!» سسله ييرسن؛ سونرا انتظار واردير، انتظار پان ايرانيست تانينماسين! ميليونلار توركون قالخيشينين خبري ، ميليونلار تيراژيندا ياييلماييب و كسينليك ايله 10-15 دنه آذربايجانلي سايت ، بو خبرلري يئترلي اولاراق دونيانين قولاغينا يئتيره بيلمه ميشلر و بونلاري بيز گرك هاي تيكرار ائدك و هاي تحليل ائدك تا اوز وئرميش يانليشلاري دا تانيياق. بو قالخيشلار هم اونودولماز ديرلار و هم اينانيلماز.

6- فیکر ائلیرم یوخاری دا ، سؤزومو یاخشی دئیه بیلمه میشم؛ دئییرلر: "ائل قاپی سی گئج آچیلار، آنجاق گوجلو آچیلار". آذربایجان خالقی دا، بونو گؤستریب کی ان مدنیتلی خالقلاردان دیر و بونا گؤره دقیقه باشی چول، خیاوان و ائشیگه چیخمایاجاقدیر و بو، "قورخو" نو گؤسترمز. قورخو اونلارین دیر کی گئجه - گوندوز خالقین قورخوسوندان ائشیکلری قورویورلار و بو دا ثابیت اولونوب کی بو تکجه ائشیکلری گودنلردیرلر کی، "باریشا قاتیشیق گؤستریلری"ـلره، خارابلیق، قان و توستو قاریشدیرمیشلار و آذربایجان کیمی مدنیت سئون خالق، هئچ زامان اؤز الی ایله آباد ائتمیش یئرلری خارابایا چئویرمک، ایسته مه ییب و ایسته مه یه جک. بیزیم ده گؤره ویمیز بودور ایللردن سونرا گوج ایله آچیلمیش قاپی نی، همیشه آچیق ساخلاییب و قورویاق.
---
*) سيامك به ي ده يه لري بير آچيقلاما دا دئدي بو ناغيل ماللانصرالدين(هووجا) ناغيلي و بونا گؤره تورك ناغيلي دير(البته من ده بو ناغيلين انيمئيشين فيلميني گؤرندن اؤنجه ماللانصرالدين ناغيلي بيليرديم؛ آنجاق او زامان تيلويزيوندان هر نه يي گؤرسه يديم، دوغرو بيلرديم! هر حالدا بوتون اولوسلارين آراسيندا هميشه كولتورل آل-وئرلر و فولكولور بنزرليكلر واردير):
Bu nagil (molla nesreddi/nasreddin) hovca nagilidir, turk nagilidir, hind nagili degildir:

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı