باسقي‌ آلتيندا

قانديرابيلمه‌ييرلر! اورمودا دوشه‌ن اوچاغا يوز جوره ايقناع ائتمه‌يه‌ن نه‌دن دئييرلر. هامي‌سي بيري بيريندن منطيق‌سيز. بو آرادا لاپ گولونج يوخسا آغلامالي نه‌دني، گئنه يول باخاني دئييب:

" مردم فشار مي آورند كه پرواز مي كنيم! (خالق بيزي اوچماق ايچين باسقي آلتينا قويور)"!

دئمك، سيز خالقين ايستكلرينه سايقي گؤستريرسينيز، آما جانلارينا يوخ! و بو شاشديرير آدامي.

دئييرم ايستكلريميزه جانيميزدان چوخ ده‌يه‌ر وئرن قوللوقچو سوروملولارين ايچينده، كئشگه كولتور و اؤيره‌تيم باخانلاري‌دا بئله اولارديلار. نئچه ايلدير "تورك ديلينده مدرسه" هارايي يئر گؤيو بورويوب، آما بونو كولتورل ايستك بيلمه‌ييب و اونو امنيتي سورون سانديلار!! اولماز بيزه سايغي گؤسته‌رمه‌ييب اوچاقلاردا اوتورتماياسينيز، آنجاق قوياسينيز اوخوللاردا اوشاقلاريميز آناديللرينده درس اوخويالار؟!

اوستو اؤرتولو آناديليميز

بير آي اولار اوتاي‌دا باش اورتو و حيجابا گؤره اولان اعتراض‌لار قونوسوندا ايران يايينلاريندا خبرلر گؤسته‌ريلير و يازيلير. اوردا تپكي گؤسته‌رنلرين ايسته‌يي اوخوللار و بيلي‌يوردلاردا باش اورتونون ياساقلانماسي‌ني قالديرماق‌دير. من بيلميرم اورادا بو قونو دا تپكي ائدنلرين سايي‌سي يوزده نئچه اولابيلر؛ آنجاق بو آيدين‌دير هر كيمسه حاقلي‌دير نئجه ايسته‌يير گئيينسين. حاقلي اولماق‌دا آز يوخسا چوخ اولماغا باغلي‌دئييل. آزربايجان حوكومتي اؤز خالقي‌نين ايستكلرينه باش اه‌يمه‌لي‌دير.
آما ايران‌ ايچينده مئديالارين ده‌يقه باشي بو قونويا توخونماغي بير آز عجيب نظره گلير. اوتايداكيلار كي فارسجا بيلميرلر بو خبرلره قولاق آسالار! اولابيلر پاييزين سونوندا ايران آزربايجانلي‌لاري‌نين قولاغينا بير شئي‌لر‌ چاتديرماق‌دير! آما گونئي‌لي توركلره حيجاب نه قدر ده اؤنملي اولسادا، كيمليك قونوسودا اؤنملي‌دير. اونلار آرازين قوزئيينده كي ديلداشلاري‌نين كولتورل دورومونو ياخشي گؤرورلر و البته بو تايين اوخوللارينداكي دورومو دا گؤزدن قاچيرتماييرلار. اينسانين بئيني بئله گرچكلري موقايسه ائتمك ايچين‌ يارانميشدير! اونلار گؤرورلر بوتون قيز اوشاقلار و اؤيره‌نجيلر مدرسه‌لره اؤرتوك و حيجابلي گئديرلر. آنجاق بورادا تكجه ساچلار و بدن اؤرتولمور. بورادا آناديلي‌ده اوخوللاردا اؤرتولوب و ياساقلانير. بورادا آناياسا يا گؤره، آناديلين اوخونماسي مدرسه‌لرده  آزاد اولسا، هئچ مدرسه مودورو يا اؤيرتمه‌ني آزاد دئييل بير مدرسه‌ده توركجه درس‌ليكلر قورسون! بو ايشين هاراسي ايسلامي ايش‌دير؟
قوران‌دا دئمه‌ييب ديلينيزي‌ده گيزله‌تمه‌لي‌سيز! آما دئييب : "انا خلقناکم من ذکر و انثی و جعلناکم شعوباً و قبائل لتعارفوا ان اکرمکم عندالله اتقیکم". كسينليكله ائللر آراسيندا كي تانيشمادا، آللاه يارادان "آناديلي"‌ني اوستو اؤرتولو ساخلاماق قورآنين قارشي‌سيندا دورماق‌دير.

بئش‌جوت بير تكلر اولوبلار مين نفر

اصفهانين اؤنمي من ايچين تكجه بيلي‌يوردومون اورادا اولماغيندا دئييل. من توركجه يازيب اوخوماغي اؤيره‌نمه‌يي اورادا باشلاميشام. اؤيره‌تيم قونوسوندا چكديگيم چتينليكلري قيراغا قويسام، اورا بير جوره نوستالژيك دويغوم واردير. اؤتن يازيلاريمدا دا يازميشام اورادا يئتميشلرين ايكينجي ياريسيندا گئديب تيراختوري آلقيشلاياندا لاپ چوخ اولسايديق بئش جوت بير تك اولارديق. هله ياديمدا بير دؤنه بلديه(شهرادي)‌ني سيپاهان قارشي‌سيندا تكجه اوچ نفره القيشلاييرديق!! سيروس دين محمدي‌ده اويون قورتاراندا، بيزيم ال ساللاماغيميزي گؤره‌نده دئدي اللر آغريماسين؛ بيزي تك قويماديز!

دونن‌ده اصفهان‌دا تيراختور ايله سيپاهان آراسيندا ياريش وار ايدي. گئچن ايل دئييرديلر تيراختورو اصفهاندا نئچه يوز نفر آلقيشلاييب. بو ايل بئنيمه وورموشدو گئدم. آنجاق تاي-تورشلاريم هاميسي آرواد اوشاقلاري وار و هر بيري‌سيني دئييرسن گلين گئدك توپا باخاق اؤزوده اصفهان‌دا، آغيللي آخماغا باخان كيمي باخيرلار! گئجه بئله دوشونوردوم اولابيلر بو دا بير جور مرض‌دير و من شورون چيخارتميشام. بو فيكيرلرده چيميرديم كي اون اوچ ايل بوندان قاباق دئديگيم او اوچ نفرين بيري‌سي‌نين ايمئيلي چاتدي. اونون ايمئيلي فوتبول قونوسوندا دئييلدي. او ايندي ده اصفهان‌دا چاليشير. دئديم كيشي هئچ ياديمدا دئييلدي او اصفهان‌دا. دئديم ايمئيلين يانيتيندا قوي تيراختورون اصفهان‌دا كي اويونون سؤزونو آرايا گتيرديم. او دا جاواب‌دا دئدي هن بابا يارين صاباح يولا دوشسن اؤزونو اصفهانا يئتيره‌رسن. هم تيراختور تك قالماز و هم‌ده جاوانليق دؤنه‌ميني ياد ائده‌ريك! من ده كي آمانا بند ايديم؛ دئديم هن صاباح تئز گه‌له‌رم. گئجه ساعات بير-ايكي ده ياتديم... يوخو دا گؤردويوملر ده ايستاديوم، فوتبول، تيراختور، اصفهان، تبريز، آلا قاپي، دوغان چاي(زاينده رودا دئيه‌رديك!)، اورمو گؤلو، آللاه وئرديخان، شيخ صفي، اصفهانين ائرمني‌لر محلله‌سينده توركلرين سينه و زنجير وورماغي، وانك كليساسي‌نين ناقوسو، آندرانيكين شوتو، بيزيم آلقيشلاماغيميز، ياشاسين آزربايجان و قول يئمك‌دن سونرا عئيبي يوخ - عئيبي يوخ  دئمك، اردبيل، اؤيره‌نجيسل‌ قورلتايلار، يول، بيلي‌يورد، دان‌اولدوزو درگي‌سي و اوتوبوس ايديلر!!

دان چاغي(صاباح) گئج اويانديم. تئز يوخودان دورسايديم اوتوبوس ايله يولا دوشه‌جه‌يديم. آما بيلميرم يوخو و اوياق آراسيندا اولان كيمي دئديم اؤتور سككيز دوققوز دا اؤز ماشينيملا يولا دوشسه‌م ده يئتيشه‌رم كيمدي گئده تئرمينال خزانه‌ده اوتوبوسا مينه!! دوروب حاضيرلاشديم گئتديم. ماشين‌دا بير ايستارت ووردوم. بيلميره‌م نه سسي موتوردان گليردي. قورخدوم يول‌دا قالام. اوتوبوس‌دا كي گئج اولاردي. اصفهان‌دان اس ام اس گلدي يولا دوشدون يوخسا يوخ! من‌ده اوتانا اوتانا جاواب وئرديم ماشين خاراب دير گلمه‌ييم اولماياجاق! سونرا دئديم بير باش ووروم هاوا آلانينا(فرودگاها) گؤروم اوچاقلا گئده‌بيله‌رم. دئديلر ساعات 4 اوچوشوندا بير يئر وار! باشيمي ساليب آشاغي توولانا توولانا قاييتديم! اويونو تيلويزيون‌دان ايزله‌ديم. اصفهانلي آپاريجي دئييردي دؤرد بئش‌مين تاماشاچي‌ گليب؛ تيراختورون يانداشي‌دا چوخ‌دور! سونرا گؤرسه‌تدي اونلاري. ان آزي بئش يوز نفر اولارديلار! سايتلارين بير سايي سي يازيبلار مين نفر و بير ايكي‌سي ده يازيب ايكي‌مين نفر! اويون‌دا تيراختور سيپاهان‌دان چوخ حمله ائديردي و سانكي سيپاهان قوناق ايدي! بير صيفيرا اوتوزدوق. آنجاق اوزون بير سوره‌ج‌ده اوتموشوق يولداشلار. اون بئش ايل‌ بوندان قاباق كي "بئش جوت بير تكـ"ـلر تنبل‌له‌شيب، ايستاديوما گئده‌بيلمه‌سه‌لرده، مين نفر اونلارين يئريني دولدورورلار. ياشاسينلار.

بو گون‌ده دمير اريتمه(ذوب آهن) تبريز ده قوناق‌دير گئده‌جك بلديه قارشي‌سينا! هم آللاه و هم ده تاماشاچيلار بلديه‌نين يارديمچي‌سي اولسونلار!! من بيلميرم نه جور اولوب اصفهان - تبريز تيملري هم گئديش و هم ده گليش اويونلاري بير زامان‌دا اولوب! بونو "شانسا باخ شانسا" يازي‌سي‌نين "ي.س. (يازيدان سونرا)" بؤلومونده يازاجاغديم. اونوتموشام سانكي! ايندي لاپ دئمك اولار: "شانسا باخ شانسا"؟!!!

كندين بولاغيندا توركجه دانيشماق، گولوستان باغيندا فارسجا قيريللاتماق

الوداع آناديلي يازيسيندا كي يوروملار منه دئييرديلر هر نه ياخشي يوخسا پيس گؤرمك اولماز و آزربايجانين اوستان راديو - تيلويزيون كاناللاريندا دا ياخشي وئرليشلر ياييلير و ايچلرينده ايسه ياخشي و دوزگون توركجه دانيشانلار دا تاپيلير. داش قاپي‌نين يازاري دا دئيير دي:

درد دردی گتیریر. نه قدر دئییرسن ده قورتولمور. بونلارا یاخشی باخمالی‌ییق. یاخشی گؤرمه‌لی‌ییک، اؤزگه‌لشمیش‌لری، مانقورت‌لاشمیش‌لاری، اؤزگه‌لشه بیله‌جک‌لری.

من ده دئديم بوندان بئله هر دن پيس گؤروشلو گؤزولويومو جيبه قويوم و ياخشي باخيشلي گؤزلويو تاخيم. دوغروسو ائله ده دئييل هئچ بيري‌سي‌ني سئومه‌يه‌م و بوتون آپاريجيلاري اتي آجي بيله‌م. اؤرنك ايچين آخشاملار دا كندلره باش‌چه‌كه‌ن آپاريجي‌نين كندلي‌لر ايله بير يئر ده اوتوروب دانيشماسي، اونلار ايله شوخلوق ائله‌ييب باش باشا قويماسي، كندلي‌لردن ياشاماق، ايش و ساغلامليق چتينليكلري سوروشماق، و هر دن  ده گؤزل توركجه باياتيلاردان دوزگون ديكلمه‌ ائتمه‌سي منه چوخ ياپيشير. ائله بيل چيخيشين آدي "بيزيم كند" دير. نئچه دنه بئله آپاريجي اردبيل، اورمو و زنگان تيلويزيونلارينا اضافه اولونسا چوخ ياخشي اولار.  البته اينشاللا گؤز ده‌يمه‌سين. بيز هر نه‌يي تعريف ائتسه‌ك گؤره‌رسن هر‌نه‌يي ييغيشديرديلار.

آما اولمور كي اولمور! بو سؤزلري ياياندان اؤنجه، "گونلوكلريم"، "اؤزوده فارس‌دير" يازي‌سي ايله گونجه‌له‌نير!  تبريزين ايسناسيندا كي يازيلميش بو سؤزو حتي ياخشي گؤرن گؤزلوك داليندان دا آدامين حاليني بولانديرير:

اجرای خوب و مسلط مجری مراسم از همان دقایق آغازین مشهود بود.وی در فواصل مختلف ابیاتی از مولانا و قسمتهایی از مقالات شمس را از حفظ و بدون لهجه(!) و تپق قرائت می کرد.
( آپاریجی یامان یاخشی و «مسلط» ایدی؛ لهجه‌سی ده یوخ ایدی!)

قونيا و توركييه دا فارسجا قيريللادان يوخ، بيلن اولورسا دا او اركك لهجه ايله مئولاناني ياخشي بيلمه‌ديكلري ديللرينده دونيا دا ان آدليم شاعير ائتميشلر و بو دا قالسين كي مئولانا عيرفاني قونوسوندا هئچ ديلين اؤنمي يوخدور. آنجاق قوجا تبريز يئرينده اوتوروب آناديلي‌نده بير سطير يازابيلمه‌يه‌سن آنجاق، آپاريجي‌نين لهجه‌سيز فارسجا دانيشماغينا شيشيب افتخار ائده‌سن، سو اولوب اه‌ريييب بئره گيره‌سن اوندان ياخشي دير.

آيدين گله‌جك

ايستاديوما گيرنده گؤردوم، آناليزلر و اؤن‌گؤرولريم(پيش‌بيني) بو دؤنه دوغرو چيخماياجاق! گؤروردوم بير سايي توركجه دانيشاراق گئديرلر و سؤزلرينه ديققت ائدنده، بيليرديم كي بونلار آذربايجان ييغماسي يوخ، بلكه پئرسپوليس يانداشي ديرلار! اؤزومله بئله دئييرديم كي هله تيراختور اولدوقجا اؤز ايشيني گؤرمه‌ميش و تئهران يئرينده و تئهران توركلري آراسيندا تبريز ده كي "آنلام" يارانماميش و نئچه ايل زامانا احتياجيميز واردير. قرار اولسايدي بوتون توركلر سونوجا گؤره تجربه‌سيز تاخيملاري ياري يولدا بوراخماييب و بئله چتين چاغلار دا اؤز ايشلريني اؤتوروب و آلقيش ايچين گلسه‌ايديلر چوخدان ايدي بيز اولوسال هدفلريميزه  يئتيشميشديك و اوندان علاوه، آذربايجان‌ تاخيملاري فوتبولدان اوستون اولاي دا اولمازدي. بئله بير دوشونجه ايله اؤزومو راضيلاشديراركن گيرديم ايستاديوما؛ و  "اوچ‌يوز" فيلمينده‌كيلر كيمي، اونلار مينين قاباغيندا، ان قئيرتلي توركلر ايله بيرليكده "ياشاسين آذربايجان" ايله، دايانيش و دايانيشماني باشلاديق. و البته يئرينيز بوش "گور...هاي آبي(گؤي چؤل ائششكلري)" و حتي باشقا توركجه يامانلار دا ائشيتديك، آنجاق تورك بئله زامانلار اسگيك گتيرمز! سيز بونو ياخشي بيليرسينيز؛ دوخسان مينين قارشيسيندا هئچ نه دن واز گئچمه‌ديگيميزه گؤره اللريميز وار!

و او آرادا الدن گئتميش قهرمانلاريميز، دايي و كريم ايديلر كي ديلداشلارينا اولونان ايهانتلر قارشيسندا هئچ عورضه و چيخار گؤسترمه‌ديلر. حالبوكي بير آي بوندان قاباق، ائله بو ايكي نفر افغانلي‌لارا گؤره راحاتسيز اولدولار و گئجه ياتابيلمه‌ديلر! اولابيلر اونلار تكامول تاپيب و ائششكليك دن چيخميشلار، چونكو اصيل آذري حيسابلانيرلار!! و بونلار هئچ بيري‌سي مني راحاتسيز ائتميردي؛ آنجاق ايستاديومدان ائشيگه چيخاندا "تبريز جيريخ‌دي" سؤزونو ائشيدنده حاليم توتولدو. بللي ايدي كي بونو پئرسپوليسلي‌لرين آراسيندا تورك ده چوخ وار و بو سؤزو يوزه يوز توركلر دئييرديلر. لهجه‌لري ده يوخ ايدي، و  اوزوجودور كي هله بونو قانماميشلار، اوتوب-اوتوزماماغا اؤنم وئرمه‌ين ديلداشلاري، نه ايچين آذربايجان تيملرينين آرخاسيندا دورورلار. نئچه گون بوندان قاباق يولداشلاريميزين بيري‌سي ايله، "كيملر بيزه چوخ ضربه ووروب" قونوسوندا دانيشيرديق. من دئييرديم، فارسلار دا تقصير يوخدور، هر نه چكيريك اؤز آراميزدا اولان دوشونجه‌سيزلردن چكيريك. و او دا دئييردي هن ائله بيز گرك مارادوناني اؤتوروب و غضنفرلري توتاق!! و دونن اؤزگه‌يه يالتاقلانان غضنفرلر بيزه ياني-قيني وئريب و دئييرديلر: "تبريز جيريخ دي"!!و اولارمي بير آدام اؤز وار اولدوغونو ايسته‌مه‌سين! هئي ...

ليوانين بوش بؤلوموندن چوخ دانيشديم، آنجاق گلن يئدي- سككيز مين پولاتچي‌دان چوخ آز يازديم. دوزون ايسته‌سه‌نيز اورادا كي دورومو نه دئمك اولور و نه يازماق. اؤرنك ايچين بو گؤرونتويه باخين؛ بو قيز اوشاغين گؤزلريندن سيز نه دويورسونوز؟ منجه بو قيز آتاسينين يانيندا، دوخسان‌مين يامان دئيه‌ن قارشيسندا قورخمازليق اؤيرنير و آيدين گلجكه اينانير و فيكر ائدير:

دونن كي اويونداكي آلقيشلامالار و سئوينجلردن نئچه دنه گؤرمه‌لي كليپ حاضيرلاميشام. بورادا باخابيلرسينيز:

Qeyrətli Polatçıların Tehranda ki alqışlamalarından Kliplər, Finalın qayıtma oyunu

كليپهايي از طرفداران باروحيه و پرشور گسترش فولاد آذربايجان در بازي برگشت فينال جام حذفي 89 مقابل پرسپوليس در استاديوم آزادي

بنيان آموزش و پرورش يا آسيميلاسيون

به محمد بهمن بيگي لقب بنيانگذار آموزش و پرورش در ميان ايل قشقايي داده شده است! ولي وقتي افاضات سرتاپا ضد و نقيض را از زبان وي مي خوانيم، در حالي كه خود ترك قشقايي بوده، به راحتي مي توان نتيجه گرفت كه اسكان عشاير هم بهانه اي بيش نبوده تا يك قوم بزرگ را به صورتي سيستميك از خودبيگانه كنند.
به جاي اينكه القابي را كه برازنده شخصي مثل ميرزا حسن رشديه است به افرادي همچون بهمن‌بيگي بدهيم، بهتر است او را بنيانگذار آسيميلاسيون بدانيم تا آموزش و پرورش! آخر اين چه نوع  دستگاه آموزش و پرورش بوده كه نگران لهجه و زبان آن جامعه نبوده و اگر آنها فارس بوده‌اند چه نيازي بوده كه وي و دستگاهش(!) فارسي را به "فارسي‌مدانـ"ـها(يكي از طوايف قشقايي) به بهترين وجه ممكن ياد بدهند!

راجع به:

"بهمن بیگی در پایان در بیان اعتقادش نسبت به لهجه عشایر گفت: نگران لهجه عشایر نیز نیستم. ما باید بدانیم که زبان همه ایرانیان فارسی است و یکی از بهترین فارسی یاد دهندگان ایران من و دستگاه من بوده است. به هر حال کلید حل همه مشکلات را سواد و عدالت می دانم به جای این مسائل باید به فرم پرداخت اعتقاد دارم اگر گویش های داخلی را تقویت کنیم، این به ضرر زبان فارسی است."
- محمد بهمن بیگی: «عشایر» سوژه ای شده تا برخی با آن دکترا بگیرند! view on Google Sidewiki

Urmu Gölü Susuzdur

Ərəb dilindən alınmış Təəhhüd(تعهد) sözcüyünün Türkcəsini bilmirəm. Hər kimsə də onun nə olduğunu bir cürə düşünür. Ancaq bu iki gözəl və olduqca üzücü poster də, gerçək anlamda olan bir təəhhüd görürəm. Bütün Azərbaycanlı və Türk uzmanclar da belə bir təəhüddün olması qoymaz biz kimi adamlar, Urmu Gölünün qurumaq xətərini bir an unutsun:

qaynaq

qaynaq

İki il bundan öncə Marağa ya getmişdim. Orada 17 il bundan öncə görmədiyim bir gözəl yaşıllıq görürdüm. O hədsiz yaşılliq Ələviyan səddindən qaynaqlanırdı. Belə səddlər Urmu gölünün ətrafında çoxdurlar və ola bilər ki belə sədlər aşırı su içməsələr Urmu gölüdə bir az çox su alıb və qurumaz. Umud ki Urmu gölü ilini qorumaq ilində, Urmu Gölü qırağında yaşayan Azərbaycanlılar , su tükətimlərində azca Təəhhüdləri olsun. 

Yaşasın Traxtur

Bunu Farsca yayılan idman xəbəri(خبر ورزشی) gündəliyi yazıb:
"Sizdən babəte hər nəmənədən çox məmnun!"; Dilin dədəsi yansa belə olarda... biz də sevinməliyik ki İranın ən çox sayıda yayılan gündəlik də bir cümlə də Türkcə yazılır.

Hər halda futbol və Traxtur da yaxşı bir bahanədır Azərbaycan Türklərinin dayanışmasına. Deyirlər 3cü yandaşlı tim İran da Traxturdur, ancaq doğru dəyil məncə. Mən belə inanıram ki Traxtur İran da ən çox yandaşa yiyədir.

ياشاسين تراختور:

بونو فارسجا ياييلان ايدمان خبري(خبر ورزشی) گونده‌ليگي يازيب: " سيزدن بابت هر نمنه دن چوخ ممنون! " ؛ ديلين دده‌سي يانسا بئله اولاردا... بيز ده سئوينمه‌لي‌ييک کي ايرانين ان چوخ ساييدا ياييلان گونده‌ليک‌ده بير جومله‌ده تورکجه يازيلير.

هر حال‌دا فوتبول و تراختور دا ياخشي بير باهانادير آذربايجان تورکلري‌نين دايانيشماسينا. دئييرلر 3جو يانداشلي تيم ايران دا تراختوردور، آنجاق دوغرو دئييل منجه. من بئله اينانيرام کي تراختور ايران‌دا ان چوخ يانداشا يييه‌دير.

ي. س:
آنايوردوم‌‌دا تراختورا گؤره ياييلميش يازيلارين لينكي:

http://anayurdumla.blogspot.com/search/label/Tirextur - Tiraxtur

ي.س.2 ( 89 جو ايلين ياي سونو؛ بير ايل دن سونرا):
يوخاري دا كي سؤزلرين يازماغيندان بير ايل گئچير! تيراختور ائو‌ده ايصفاهانين ذوب‌آهني ايله اوينايير. 70 مينيه ياخين ايستاديوما گليب. تيراختور اوتوزور، آنجاق شنليك اونودولمور، چونكو تيراختور بو فورصتي وئريب بيلي‌يوردلاردا كي بالاجا توپلانتيلاردا كي ايستكل ايندي يئتميش نفرين آغزيندان گؤرولتو ايله سسله‌نسين:

ايرقچي قاضي

آمئريكا بيرلشميش ايالتلرينده ايسه راسيسم و ايرقچيليق دان بو ساده ليكده واز گئچمه زلر. بو سؤزو اونلارا دئمك ايسته رديم كي دئييرلر قالديريلميش و اينكيشاف ائتميش اؤلكه لرده بئله دانيشيقلار اورتايا گلمز و بونو بير ايكي آي بوندان اؤنجه يارانميش سؤزلره ايليشكي وئرمك ايسته رديم كي دئييليردي بابا ايهانت كيمي شئي لر چوخ دا اؤنملي دئييل.

جريان بئله دير كي باراك اوباما، سونيا سوتومايور آدلي بير قاديني آمئريكانين يوكسك قاضي ليغي نا آداي اولاراق تانيتديرميشدير. بو خانيم او مقامي اله گتيرمك ايچين، گرك سئنا مجليسيندن اونايلانسين. آنجاق اورا بيلديگينيز كيمي حيساب كيتاب اؤلكه دئييل و هر كيم هر زامان بيرهاتاران پاتاران دئسه سونرالار باشينا بلا اولاجاق و ياخاسيني اؤتورمه يه جك. بو خانيم 2001 نجي ايلده بئله بير سؤز ديله گتيريب : «منيم اومودوم وار بير بيليجي و ذكالي لاتين آمئريكالي قادين اؤز تجروبه زنگينليغي ايله، بير ائله ياشام تجروبه سينه صاحيب اولمايان بير آق آدامدان ياخشي سونوجلار قازاناجاقدير(Link)».

ايندي ده آمئريكا ميللت وكيللري و سئناتورلاري بئله بير سؤزلري اونون ايرقچي اولدوغونا بير ندن بيليب و اونو يوكسك قاضي اولماغا لاييق گؤرمورلر و بو خانيم دا چوخلو چتينليگه دوشوب و هر نه يي دانير.

Bashqa soz veren

Gechen yazim da dedim E'lemi onaylanmasa(selahiyyet verilmese), gozleyeceyik gorek MirHusen Musevi Soz verecek ki Turklerin Anadili de bu olkenin oxullarin da oyrenilecek mi ya yox. veli menim gozum su ichmir! O achiq soz demir.

Bunu artirmaq isterdim, deyem ki, ola biler bir sayi deyeler siz neden tekce yapishmisinz Turk koklu adaylara, ve ola biler bizi irqchi tanisinlar! Ancaq bu irqchilighi gostermir ve yalniz bunlara daha artiq arxayin ola bilmeyi gosterir. Yoxsa Ehmedinijadin en onemli yardimcilari ve baxanlari hamisi Azerbaycanlidirlar!
Ve elbette Kerrubi de yaxshi sozler danishir! Ornek ichin bura baxin.

Mence bu qonu da Lor tayfasindan olan Kerrubi MirHusen kimi adamlardan chox aydin ve achiq danishir.
---
Bu yazini latin alfabeti ile yolladim chunku Erebi alfabeti Google Gecetleri(gadget) ile yayabilmirdim.


Yazmaqdan Sonra:

Gedin buraya baxin. Tezelik de adlim olan tenz shayiri Xelil Cevadi da qatilib MirHusenin kampaniyasina ve onu destekleyir ve ilk done olaraq bildim ki o Zenganli Turkumush ve ilk Turkce sheylerini MirHusene gore deyib.

Hen... Bele dir ki her ne sonra onudulsa da, sechim chaghinda uze chixar! Xelil Cevadinin son beyt de gosterdiyi me'yar da Mir Husenin cumhur bashqanligha sechilmek ichin choxlu imtiyaz varidir chunku ozu Turk ve qadini ise Lor dur:

امتیاز میرحسین پر است
(Mir Husen imtiyazla doludur)
چون خودش ترک و عیالش لر است
(Chunku ozu Turk, arvadi Lordur)

Deyirem ki ish dir Kerrubunun qadini Turk olsa bu iki neferin imtiyazlari ust-uste geler! yox ?! chunku Kerrubi ozu Lor dur!