بيري يوخدور بونلارا دئيه آخي سيزه نه؟ سيز نه يه اؤزونوزو جيريرسينيز؟ اصلا توركييه نين آوروپا دا حل اولوب، قاريشماغي كي سيزه ياخشي دير! بئله اولورسا، سيزين ده خيالينيز راحت اولار و گونده دئمه سينيز كي ايرانين قوزئي-باتي سينداكي پان توركلر(!)، توركييه ايچين چاليشيرلار!
بيري سي گرك گلسين، بيزيم اؤلكه ده كي عجيب-غريب ايشلري اله سالسين! ايندي بللي دگيل بو گؤرونتولر توركييه دن ديرلر يا يوخ؟من بيله نه قدر، توركييه نين گونده ليكلرينده و باشقا مئديالاريندا هميشه اؤز توپلومسال پرابلئملريني تنقيده چكيرلر و بو، اورانين اؤزگور و باغيمسيز خبرياييمي ايله ايليشيكلي دير!
ولي يازيقلار اولسون كي فوروارد اولونموش، گولملي و كوميك ايمئيللري، بو اؤلكه نين خبر آژانسي بئله يايير:
«آفتاب: کشور ترکیه با تمام آن مظاهر مدرنیته غربی و تلاشی که برای پیوستن به اتحادیه اروپا می‌کند، دو رو دارد. پشت این سکه جذاب و وسوسه‌انگیز زندگی دیگری هم در جریان است که همواره از سوی رسانه‌های ترک و حتی رسانه‌های غربی تحریف شده است...»
( توركجه سي:
« گونش:
آوروپا بيرليگينه قوشولماغا چاليشان توركييه، بوتون مودرئرنيته ظواهيرلري ايله، ايكي اوزو واردير. بونون كيمي اؤزونه ساري چكه ن و وسوسه لي سئكگه نين داليسيندا، باشقا بير ياشاييش دا واردير، كي هميشه تورك و حتي باتي(غربي) مئديالاري ساريسيندان چئويريلميش دير» )
آغا، سيز دئيه ن دوز! توركييه نين مئدياسي و يايين اؤرگوتلري، توركييه نين باشقا اوزونو گؤسترمه ييرلر، و بئله اولور سيز آنتالييادان ساري نفسينيز بند اولور! آنجاق نه جور اولور باتي ليلار(غربليلر)، سيز دئيه ن سئكگه اوزونو تانيتديرميرلار!! اونلار كي توركييه نين، اؤز آرالاريندا اولماغي ني ايسته مه يير لر؟!
آوروپا بيرليگينه قوشولماغا چاليشان توركييه، بوتون مودرئرنيته ظواهيرلري ايله، ايكي اوزو واردير. بونون كيمي اؤزونه ساري چكه ن و وسوسه لي سئكگه نين داليسيندا، باشقا بير ياشاييش دا واردير، كي هميشه تورك و حتي باتي(غربي) مئديالاري ساريسيندان چئويريلميش دير» )
آغا، سيز دئيه ن دوز! توركييه نين مئدياسي و يايين اؤرگوتلري، توركييه نين باشقا اوزونو گؤسترمه ييرلر، و بئله اولور سيز آنتالييادان ساري نفسينيز بند اولور! آنجاق نه جور اولور باتي ليلار(غربليلر)، سيز دئيه ن سئكگه اوزونو تانيتديرميرلار!! اونلار كي توركييه نين، اؤز آرالاريندا اولماغي ني ايسته مه يير لر؟!
ائله كي بللي دير، سؤزلرينيزي آوروپا بيرليگينده اوخويوب، تصميم توتان يوخدور كي هئچ، توركييه لي لر ده، ايش سيز قالماييبلار، بير عؤمورلوك چاليشمالاريني سيزين پاخيلليغينيزا گؤره، دايانديرسينلار! بئله يازيلارين، توركييه ده اوخونماغينين يالنيز خئيري بو اولار كي، ايرانين قارداش اؤلكه سي آدلانميش موسلمان توركييه، بيزدن اوزاقلاشار.
آنجاق ان اؤنملي سونوج بو اولا بيلر، توركييه نين كولتورونو اله سالماق لا، ايرانين ياري نوفوسانا، توخونماق ايسته ييرسينيز! اولمايا بو ايشين داليسيجاسينيز؟
... هن! سيزدن چيخار، سيزدن چيخار...!
No comments:
Post a Comment