hdبير يولداشيم وار اؤز نظرلريني يئريتمك ايچين هميشه دئيه ر: «اينانين كه بئله دير!» ؛ هله لیک بو سؤزو ساخلايين...
اؤتن ايل، بير ماكاروني ني اوستونده كي يازيلميش آد و سؤزلرينه گؤره آلديم و تئز بير گؤرونتو سالديم! آدي «گلين»، و اوستونده كي سؤز «ماكارانيميزين آدي، سوفرازون دادي»، ايدي. گئرچكدن ده، اونون داديندان اؤنجه، آدي منه ياپيشدي.
البته بونو دئييم بو شيركتين يئيه سين، ياتيريمچيلار(سرمايه گذاران) و ايشچي لريني تانيميرام و بو يازي دا، تبليغات يا رئكلام دگيل؛ دئييرديم تورك سايتلار و وئبلاقلاردا تعريف اولماقلاري، اونلار ايچين ياخشي اولماسين! مثلا دئييلسين كي بو شيركتلر، پان توركلرين مالي يارديمچيلاري ديرلار! بيليرسينيز كي بو اؤلكه ده، توركلره انگ ياپيشديرماقدان آسان ايش تاپماق اولماز. بونلارا گؤره، دئديگيم ماكاروني دان، سؤز آپارماديم! بيز بورادا بير سؤز يازاريق، شانس دا كي يوخدور، يازيقلارين قاپيلاريني باغلارلار!
آنجاق بوتون صنايع و فابريكالارين آدينا بير فارس كلمه سي ياپيشديراندا، نه اولور بيزيم كي لر ينده حاقلاري اولسون اؤز آناديللرينه، اؤز چيخارتديقلاري تانيتديرسينلار! و البته اقتصاد دا بو بير «ريسك» ساييلير! تيجاري و آل-وئر ياپماق هدف اولان يئر ده، كولتورل ايشلر آغير ضررلره باعيث اولابيلر! هامي چؤرك، پول-پارا و قازانماق داليسيجا قاچان يئر ده و آناديل ده اوشاق و شيركت آدي قويماق ياساق اولان مملكت ده ، بو ايشلر، آرتيق جسارت و ريسك ايسته يير! اينانين كي بئله دير! من كي اؤز نؤوبه م ده آلقيشلاييرام. آلله وئرسين بركت.
No comments:
Post a Comment