Wednesday, January 10, 2007

گؤبه لك لر

بونو دئيه نده كي بيزيم ده اؤزموزه بير تاريخيميز و كيمليكيميز و ديليميز واردير، حاقلاريميزي ايسته ييريك، مين دنه تؤهمت ووروب دئييرلر سيز لر پان تورك سونوز و پيس نييتلرينيز واردير؛ آنجاق اؤز ايشلرينه باخاندا بيلينير كي كيم پان دير و كيم ايسته يير اؤز راسيستي فيكيرلريندن دئمكدن اوتانماسين.
نئچه ميللتين ائلچي سي اولاسان و گئديب بير فاشيست دؤولتين الي آلتيندا ياشايان تورك موسلمانلارا دئيه سن سيز، توركجه و عربجه ديلي يوخ، بلكه فارسلارين ديلي واسيطه سي ايله موسلمان اولوبسونوز چوخ آغير گلر. بونون يئرينه كي دئيه آي چينلي لر! ايراندا ياشايان اوتوز ميليون ديلداشي اولان، دوغو توركوستان(سين كيانگ) دا ياشايان توركلري، نه ايچين باسقي آلتيندا قويوبسونوز، دوروب دئيير چوخ افتخارلي دير كي سيزلر فارس ديلي كؤرپوسو ايله ايسلاما اينانميسينيز.
يازيقلار اولسون.

و بير باشقا سؤز كي عجيب دير، بو دور كي دئييرلر آذربايجان توركلري چين و موغولوستان طرفيندن گليبلر! ايندي نه جور اولوب بيز موسلمان اولموشوق !؟ بيز هاردان گلميشيك، سيز كي دئييرسينيز اونلار دا فارس ديرلار! يا دا گؤروبسونوز ايران دا كي توركلري آللاتماق اولمور ، گئديبسينيز عوقده لرينيزي چين توركلرينين باشينا بوشالداسينيز!
و يا اولابيلر ، يا بيز گؤبه لك كيمي يئردن چيخميشيق يا دا سيز! و چون سيزين سؤزونوزون يانليشليغي بير ايكي جومله ايله ، ساده جه بيلينير و چوخ دانيشيب يازماق واقت كؤرلاماق دير، بللي دير كي بو آرادا، سيزلر گؤبه لك كيمي باش قالديريبسينيز و البته بونو بيلمك ياخشي دير گؤبه لكين كؤكو اولماز! و كؤكو اولان بير شئي يئردن قوپماز.
دوغو توركوستانين موسلمانلارينا گؤره دئييلميش، قارين سؤزلريني، بورادا اوخويابيلرسينيز:
< Click >

No comments:

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı