Tuesday, June 22, 2010

سوباي‌لار ، ائولي‌لر

داش‌قاپي سوباي‌ليق-ائولي‌ليق، بو توپلومسال بؤيوك سورون‌دان سؤز آپاريب! اورا دا بير يوروم قويدم، آنجاق دئديم اؤز بيلاغيم دا ايسه يازيم! البته اؤنجه بوتون سوبايلار لا ائولي‌لر مني اؤز بؤيوكلوكلري ايله باغيشلايارلار.

بير آتالار سؤزو كي يوخ، سوباي‌لار سؤزو، واردير بو قونو دا:
سوباي سولطان كيمي ياشايار، ايت كيمي اؤلر؛
آنجاق ائولي‌ ايت كيمي ياشايار، سولطان كيمي اؤلر!!
سيزجه بئله دئييل مي؟! من كي اؤزوم ايندي سولطان كيمي ياشاييرام. اؤرنك ايچين گئجه ساعات ايكي‌يه دك اوتوروب جام جهاني‌يه باخيرام. ايگيرمي اوتوز دنه چاي ايچيرم. البته پاپروز چكميرم! جام جهاني‌يه باخا-باخا اينتئرنت‌*ده ايسه فيرلانيرام. البته گئج يوخودان دوروب،ايشه ده گئج يئتيشيرم و ايش باشيندا هامي سولطانا يوخ، سانكي نالبنده باخيرلار و ... خولاصه سوبايليق احوالاتيندا كئفا باخيرام؛  آنجاق اؤز آراميزدا قالسين گله‌جك‌دن به‌تر قوروخورام!


*- منجه بيلاق يازانلارين يوزده سـكـسني سوباي‌ديرلار. البته گرك بو عئلمي شكيل‌ده آراشديريلسين! بئله نظرلر ده وئرمك اولار:
- يئني دؤنم‌ده آيريلماقلارين يوزده نئچه‌سي بيلاق يازماق‌دان قايناقلانير.
- ائوله‌نه‌ندن سونرا بيلاقلار يوزده‌ نئچه‌سي باغلانير.
- آيريلماق‌دان سونرا باغلانميش بيلاقلارين كــيركــيره‌لري بير داها گئدير يوخاري و نئچه دنه يئني بيلاق آچيلير.
- ائولنمك‌دن نئچه آي، يوخسا نئچه ايل سونرا، باغلانميش بيلاقلار بير داها ايشه باشلاييرلار.
- و ...

2 comments:

مهدی said...

سلام
منجه بئله دئییل
بیلمیرم ندن!
اولابیلر دوشونن حیات یولداشی نین رولی بو قضیه ده اؤنملی اولسون.
ساغ اول
خوشباخت اولاسان

یوسوف said...

اینشالله کی سیز ائولنندن سونرا دا بیلاق یازمانیزا دوام ائده سیز.

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı