Thursday, June 24, 2010

بو دا اون‌مين‌ليك


بئش‌مين‌ليك ايسكيناسي‌نين داليندا يازيلميش قوندارما سؤزدن بيلگي چوخدور و اونا گؤره دانيشماق ايسته‌ميرم. آنجاق نئچه آي‌ايدي دئييرديلر اون‌مين‌ليك‌ده يول‌دا. من اؤزومله دئييرديم يئني ايسكيناس‌داكي سؤز ثوره‌يادان‌دا داها اوزاق اولدوزلارداكي بيليم ايله ايليشگي‌سي اولاجاق. و دونن خبر چاتدي كي اون‌مين‌‌تومن‌ليك ده ياييلدي. بو دفه كي ايسكيناس‌دا، خطر آلتيندا اولان(!) فارسجا ديلي‌نين قوشارلارينين بيري‌سينين قبر شكيلي چكيليب و يانيندا ‌قوشمالار‌ي‌نين بيري‌سي يازيليب. همن شئعر كي دئييلير بيرلشميش اولوسلار قورومونون قاپي‌سينا يونولوب(!):
"آداملار بير بيرينين اويه‌سي ديرلر...، كي يارانيش‌دا بير جوهردن ديرلر"!

البته بو قوشما چوخ گؤزل قوشما دير، آنجاق بو قوشمانين اينساني و بشري آنلامي ايله ايش يوخدور! و منظورلاري بودور كي فارس اولمايانلار دا ائله فارسلار جوهريندن‌ديرلر و بس!

بونلار بيزيم بئينيميز ده فيرلانان دوشونجه‌لر و فيكيرلرديرلر. ايندي گؤرون باشقالار نه فيكير ده ديرلر. سانكي بؤيوك موناظيره‌لر گئدير فارس ديلي عاليملرين آراسيندا:
اون‌مين‌ليگين اوستونده يازيلميش قوشما دا "يكديگرند" يئرينه "يك پيكرند" اوتورمالي‌ايميش يوخسا يوخ؟*. البته شيراز بيلي‌يوردوندا اولان آباده‌لي و اولابيلر قاشقايلي "حسنلي" آدلي فارس ديلي ادبيات اوستادي‌ ايسه بونا گؤره نظر وئريب. من اونون نظرلرينه ديققت ائتميرم؛ آما دئييرم گؤره‌سن بو اوستاد اؤز آديندا كي "لي"يه فيكير ائله‌ييب يوخسا يوخ؟!!

* - توضيح كاووس حسنلي درباره‌ي بيت سعدي پشت اسكناس جديد

3 comments:

مهدی said...

سلام
بو باخیشی چوخ به‌یه‌نمیرم:
" آنجاق بو قوشمانين اينساني و بشري آنلامي ايله ايش يوخدور! و منظورلاري بودور كي فارس اولمايانلار دا ائله فارسلار جوهريندن‌ديرلر و بس!"

هرحالدا بیزه "داوا ماللانین یورغانی اوسته" قضیه سی دی
ساغ اول

Aydin Kasaei said...

مئهدي به‌ي! يا اونلار سعدي‌نين شئعري‌نين آنلامي‌ني دوغرو دوشونورلر يا دا يانليش. يانليش دوشونسه‌لر كي من دئيه‌ن دير، بئله دئييل‌سه اينانيلماز دير؛ بير دفه ده ايسكيناسلار دا بير توركجه قوشما يايسينلار. توركجه اوخشاما(نوحه-مرثيه) اولورسا دا قبول

مهدی said...

سلام
حق سؤزون جاوابی یوخدور

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı