Tuesday, June 15, 2010

گونئي آفريقا دا كي توركلر


1-   بير آي اؤنجه يوروويژن موسيقي ياريشلاريندا توركييه ايكينجي و آذربايجان بئشينجي اولدو. بو ياريشلارين خاللاريني  بوتون آوروپالي اؤلكه‌لرين توپلانميش اس ام اس‌لريندن بليرله‌ييرلر. البته آوروپالي‌لار دا توركلرين قاش گؤزونه آشيق دئييللر و بو توركييه‌نين بو ايل كي پئرفورمانسي دا عالي دئييل‌دي. آنجاق سونوجون نه‌ده‌ني آچيقلاماغي‌ني بيلمك ايچين، يوروويژ‌نين رسمي سايتيندا كي اوخوجولارين مينلر يوروملاري‌نين بير‌ني اوخوماق كيفايت‌دير. سونوجلاردان راضي اولمايان آوروپالي اوخوجولارين بير‌ي‌سي بئله يازميشدي:
بو ياريشلار دا، توركلر هر يئرده اولماقلاري‌ني ثوبوت ائتديلر!
2 -   اون - اون بئش ايل بوندان اؤنجه گؤردويوم كومئدي بير فيلمين (آدي‌ني اونوتموشام) سئكانسلاريندان:
اكبر عبدي بير يولداشي‌ايله ژاپونا گئديب ايشله‌مك قرارينا گليبلر. آنجاق بير آز نيگران ديرلار. اكبر عبدي‌نين قوجا آتاسي دئيير ژاپون‌دا ايليشسه‌نيز اورانين توركلريندن يارديم ايسته‌يين سيزه كؤمك ائله‌يه‌رلر. اكبر عبدي‌نين فارس يولداشي دئيير ژاپون دا تورك هارداي‌دي آخي؟! قوجا كيشي ده جاواب دا بئله دئيير:
"سن كي تحصيل ائله‌ميش بير آدام‌سان، بو سؤزلردن دانيشما! دونيانين هر يئرينده تورك وار"!

3-  ته‌زه‌ليك‌ده منيم ماراقلاريما يئيه‌ن توركجه يازيلان بيلاقلار دا چوخالير(ماشاللاه دئيه‌ك گوز ده‌يمه‌سين! ). بونلارين بيري‌سي "داش قاپي" دير و بيري‌سي ده "يولوموز بير". بو گون داش‌قاپي دونياليق فوتبول كوپاسينين ياريشلاريندا هانسي ييغمانين يانداشي اولماق قونوسوندا بير شئي‌لر يازيب. من‌ده يوروم قويدوم:
منیم"یاشاسین بافانا بافانا" پوستومو اوخوسون گونئی آفریقا یانداشی اولارسان!

سونرا گؤردوم يوسوف به‌ي (يولوموز بيرين يازاري) ده گليب بئله يازيب:
اوچ دورد گون اولار بیر سوال بئینیمده وار اودا بودور کی بو اویونلاردا هر میللتدن تیم وار فقط بو آرادا تورکلردن خبر یوخ بیر ده فارسلاردان!!!!
بئله اولدو كي من ده يوخاري دئديگيم فيلم كيمي بير آز حيرصلنديم دئديم:

سن كي تحصيل ائله‌ميش بير آدام‌سان بو سؤزلردن دانيشما! اولارمي بو ييغمالارين بير‌سينده تورك اولمايا؟ اؤرنك ايچين آلمانين ان ياخشي اويونچولاري‌نين بير‌ي‌سي "مئسوت اؤزيل" آلمانلي توركو دور كي هئچ، معمولي اويونچولار آراسيندا ايسه باشقا بير تورك كؤكنلي اويونچو واردير "سردار تاشجي" آديندا! بوگون صاباح دا باشقالاري تاپيلار. بير آز دؤزون!

5 comments:

mehdi mutlu said...

بولاغی‌ین تازا کؤینه‌یی موبارکدی
هئچ یادیمدان چیخماز اکبر عبدی نین اتاسینین بو سؤزون حوسئن نه گؤزل یانسیلایاردی :
هه حمید آغا شوما کی تحصیلکرده‌ای ...

یوسوف said...

سلام
:)
یاشاسین آیدین بگ!!!
ساغول آغا، او اویون‌ا باخاندا اونون (مسعوت اؤزیل) تورک اولدوغونا قوشقولاندیم، اولده دیییردیم به کی اؤزه‌ل دیر سونرا یازینی گؤردوم کؤینهگینین آرخاسیندا گؤردوم یازیب اؤزیل، دئدیم شایدتورک دگیل، اؤزوده گوزاریشچی هئچ اؤزیل ده دئمیردی دیییردی Ozil بیرآزدا اونا گؤره اولدو.


سیزی بیرآز حیرصلندیردیگیمه گؤره اؤذور دیلیییرم.



هپ ساغ قالین.

Unknown said...

مئهدي ساغ اول/
يوسوف دا ساغ اولسون ؛ "حيرصلنديم" شوخلوق ايدي

یوسوف said...

سلام
دونن‌ین اویون‌وندا "حاکان یاکین" سویس تاخیمیندایدی.

Unknown said...

هاكان ياكين‌دان علاوه "گؤكهان اينلر" ده كاپيتان، و "اه‌رن دردي‌يوك" دا فيكس ايدي! ايسوئچره‌نين آدي توركيچره اولمالي‌دير.ـ

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı