اوستاد صمد سرداري نيا

جوما آخشامي "اورمو گؤلو خطر ده" يازي‫سيندا، آذربايجانين دوغال قايناقلارينين آرادان گئتمه‫سي و آنايوردوموزون ايچينده بير بؤيوك شوراكئتلي يارانماسي اوياري‫سي اورتايا قوياندان سونرا، گئديب ياتديم و همن آنلاردا آذربايجان سايتلاريندا يئيينليك ايله ياييلان بير آجي خبري ائشيتمه‫ديم؛ و او، آذربايجان كولتور يوردوندا، بؤيوك آراشديريجي و ان گوجلو يازارلاري‫ بيري‫سي‫نين اينانيلماز وفات خبري ايدي و بير آي‫، دوكتور بئهزاد بئهزادي كيمي ديل و سؤزجوكلر قايناغي اولان آدامي الدن وئرمكدن سونرا، آذربايجان چاغداش ايلايي‫ني يازيلار ايچينه كؤچورن آدليم اوستاد، صمد سرداري‫نيا دا بو يالان دونياني ترك ائتدي و نه يازيق كي اونون الدن گئتمه‫سي داها اوزوجو ايدي، چونكو آلتميش بير ياشي وار ايدي و آذربايجان كولتور اونون ايشلريندن داها آرتيق فايدالار آپارابيلردي...

بونو من‫ده اؤز نؤوبتيمده، بوتون آذربايجانليلار ايله ايرانلي توركلره باش ساغليغي دئييرم.