اورمو گؤلو خطر ده‫‫

سی-ائن-ائن (CNN) کانالی نئچه واختدیر "گزه‫گن خطر ده (Planet in Peril)" آدلی بیر کامپانییا باشلاییب و آدیندان بللی دیر، دونیا دا هاوانین قیزیشماغی و ایستی‫لشمه‫سی سونوجوندان آسیلی اولان یاشام موحیطینین(یاشام اورتامی-محیط زیست) خطرده اولماسینی گوندمه گتیریب و بوتون آداملارا، "بو گؤزل دونیا هامی‫میزین دیر و یئرین بؤتون بؤلگه‫لری بیربیرلرینه ائتگی قویابیلرلر، یاشادیغینیز یوردونوزو قورویون"، اویاری‫سینی وئرسین.

بو ایکی-اوچ ایل‫ده تک آذربایجان و ایران یوخ، بلکه کسینلیکله، دونیانین ان گؤزل و گؤرمه‫لی گؤلونون خطر ده اولماق خطرینین خبرلرینی تئز-تئز ائشیدیریک و گون-به-گون دوروم لاپ پیسله‫شیر؛ ائشیتدیکلره گؤره بو گؤلون سویو قورویوب و آرادان گئتسه، اونون دوزونو، یئل بوتون قیراق‫دا کی بؤلگه‫لره سه‫په‫له‫یه‫جک، و بونا گؤره، آذربایجانین باتی و اورتا بؤلوملرینی شوراکتلندیریب و کویره چئویره‫جکدیر و بونو آللاه گؤسترمه‫سین کی سالماس و خوی دان سولدوز و قوشاچایاجاق، و اورمو دان تبریزه قدر بیر شوراکتلی‫(کویر) و دوز چؤلونه دؤنسون. یاشام موحیطینین اوزمانجی دئییلم، آنجاق بئله دئییلیر کی اورمو گؤلونون اورتا سیندان یول چکیلمه‫دن چوخ، اورمو گؤلونه تؤکولن چایلارینین قارشی‫سیندا چوخلو و سایی‫سیز سد(باراژ) وورماق نه‫دنه‫نی بو اولایی‫ داها ائتگیلندیریر و منجه بو سدلرین ضررلری منفعتلرینی اوستون‫له‫مکده‫دیر و بو گرک اورمو گؤلونون یانیندا یاشایانلارین قولاغینا کولتورل ایشلر ایله یئتیشیب، و بونون اوچون بیر چؤزوم تاپیلسین.

بیز ایسه هم آذربایجانلی، و هم دونیانین بؤتون بؤلگه‫لرینین دوغال ساغلامیغینی قوروماغا دریندن دویغولو اولاراق، "اورمو گؤلو خطر ده دیر"، "Urmu Gölü TƏHLİKƏ də DİR"، "دریاچه ارومیه در خطر است"، "Urmiya Lake in Peril" کیمی بیر سؤزلر ایله بیر کامپانییا یاراتمالی، و بوتون دونیا دان بو یولدا یاردیم ایسته‫مه‫لی‫ییک.

آفریقالی‫لارین گؤزل بئله بیر آتاسؤزلری واردیر: "اونودمایاق بو اؤلکه‫لر ساده‫جه بیزه بؤرج وئریلیب، بیزیم دئییل‫لر، بلکه گله‫جک نسیللرین دیر" و داها اؤنملی "اورمو گؤل خطر ده دیر".


بورانی‫ اوخویون:
باتی آذربایجانین یاشام اورتامی قوروماق گئنل مودورو خبر وئردی:
اورمو گؤلو اولوسال پارکی‫نین 120 هئکتاری‫ شوراکتلنمه‫‫سی، و یاز ایلکینده(گولن آیی)، گؤل سویونون اوجالیغی‫ 29 سانتی‫مئتر آشاغی‫یا ائنمه‫سی

(مديرکل حفاظت محيط زيست آذربايجان غربي خبر داد:
شوره‌زار شدن 120 هکتار از سطح پارک ملي درياچه اروميه و كاهش 29سانتي‌متري سطح آب درياچه در فرودين ماه)

...

بو سؤزلری یازاندان سونر، ساماواردان قارا-چایین اوستونه داغ سو تؤکوردوم، و فیکریم ده قالمیشدی اورمو گؤلونده؛ بیر دن گؤردوم ایستیکاندان سو آشب-داشیر! الیم آز قالدی یانا...