Thursday, January 13, 2011

باسقي‌ آلتيندا

قانديرابيلمه‌ييرلر! اورمودا دوشه‌ن اوچاغا يوز جوره ايقناع ائتمه‌يه‌ن نه‌دن دئييرلر. هامي‌سي بيري بيريندن منطيق‌سيز. بو آرادا لاپ گولونج يوخسا آغلامالي نه‌دني، گئنه يول باخاني دئييب:
" مردم فشار مي آورند كه پرواز مي كنيم! (خالق بيزي اوچماق ايچين باسقي آلتينا قويور)"!
دئمك، سيز خالقين ايستكلرينه سايقي گؤستريرسينيز، آما جانلارينا يوخ! و بو شاشديرير آدامي.

دئييرم ايستكلريميزه جانيميزدان چوخ ده‌يه‌ر وئرن قوللوقچو سوروملولارين ايچينده، كئشگه كولتور و اؤيره‌تيم باخانلاري‌دا بئله اولارديلار. نئچه ايلدير "تورك ديلينده مدرسه" هارايي يئر گؤيو بورويوب، آما بونو كولتورل ايستك بيلمه‌ييب و اونو امنيتي سورون سانديلار!! اولماز بيزه سايغي گؤسته‌رمه‌ييب اوچاقلاردا اوتورتماياسينيز، آنجاق قوياسينيز اوخوللاردا اوشاقلاريميز آناديللرينده درس اوخويالار؟!

7 comments:

سلطانی said...

سلام
لوطفن بونو دا اوخویون:

http://ostaniha.blogfa.com/post-151.aspx

Unknown said...

سلام
اوخودوم
سیز دئیه‌ن کانالین آرمینین قیرمیز و یاشیل بویالارینین آراسینداکی ساری رنگ چوخ عجیب دیر! فیکر ائلیرم اونلار بیر سیرا ایشلره موجازدیلار

ساغ اولون بیلگی وئرمه‌یه گؤره

سلطانی said...

البته من بو یازیدان اصلی هدفیم او بیری پاراگرافلاری یازماغیدی!

سلطانی said...

بو آرادا بو یازی دا اوخوماغینا ده یر

http://www.akademiyakurdi.org/taybet/xeta-kurdi/

Unknown said...

سیزین باشقا پاراگرافلارینیزدا اؤنملی ایدی من ایچین(اؤزللیکله تورکجه همشهری). واختیندا من بونلاری بیربیرلرینه باغلایاجام.
تورکی همشهری‌یه گؤره نئچه ایل بوندان قاباق یازدیغیمی سیز ده اوخویون:ـ
ياشاسين « همشهري »ـ
http://anayurdum.20m.com/main_Qish1384.html#49_YashasinHemshehri
«همشهري» ده بتر ياشاتدي، اللري آغريماسين!ـ
http://anayurdumla.blogspot.com/2007/01/blog-post_28.html

سلطانی said...

سایین آیدین یولداشیم
بیلمیرم "آفتاب آذربایجان" درگی سینی که تبریزده یایینلانیر گؤرموسوز یا یوخ؟
اگر گؤرمه میسیز حتماً بیر گؤز آتین و معرفی ائلیین

بورادان ایندیرماق دا اولور:
http://www.azergun.com/

http://azergun.com/blog/

Unknown said...

:)
آزربايجانين گونشي آدليم و تانينميش بير درگي‌دير و بو كيچيك بولاق‌دا تانينماغا احتياجي يوخدور
هردن يئني دوشونجه(انديشه نو) يايين ائوينه گئتسه‌م آلارام

ياشا

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı