Wednesday, September 15, 2010

باشلاري‌ني يئره‌ سوخان ده‌وه قوشلاري

بيلي‌يورد دا ايكي قوشاچاي‌لي يولداشيم وار ايدي. ايكي‌سي ده بو اؤيره‌نجيسل توپلانتي‌لارا قاتيلاردي‌لار. بيري‌سي گاه ساغ ساز چاليردي هر دن ايسه سول! بيري‌سي‌ نه قدر چوخ قاتيليب ايش دولانديراردي، بو بيري‌سي ده ياواش ياواش ييغينتي‌لاردان اوزاقلاشاردي. ساواش آهنگي دانيشمالار دا اولاردي. او بيزلري ايرقچي‌ بيلردي و دئيه‌ردي سيزلر حددن آرتيق تورك-تورك ائليرسينيز و دونيانين باشقا چتين‌ليكلري ايله ايشينيز يوخدور؛ من بوندان بو يانا توركلر ايچين يوخ بلكه "بشريت" ايچين چاليشاجايام!
من ايسه بئله فيكر ائله‌رديم بو يولداش اؤز خالقيميزين سورونلاري‌ني ياخشي دوشونمه‌دن، آخي هارادان بيله‌جك اؤرنك ايچين لاتين آمئريكا دا كي بوليوي‌لي‌لرين پرابلئم‌لري نه‌دير؟ اصلن بيز اؤزوموزو تانييب و اؤزوموزو باتلاقلاردان چيخاردا بيلمه‌ميش نئجه باشقالاري مينلر آغاجليق‌دان نيجات آغاجي اوزاديب اويادابيله‌جه‌ييك! البته اون اون بئش ايل‌دن سونرا گؤروروك همن آدام ايندي دونيانين گون باتان باشي يوخ بلكي گون چيخان باشيندا بشريتي تكجه اؤزونده خولاصه ائله‌ييب سانكي.

بو گونلر گينه ده بؤيوك لوغمالاري اوتماق ايسته‌ييب و "كل بشريت"ـه فيكر ائدنلر تاپيليرلار. بيز كيمليك‌چي‌لري ايرقچي تانييانلارين بيري‌سي بيزه دئيير: "گلين دونيايايا بير نئچه ديقه يوخاريدان باخين! داها اوجالاردان! او زامان اينسانلارين يئر اوزونده کي پروبلئملري­نين، عيرق، سوي، نژاد، ائتنيک کيمي آنلاييشلارلا باغلي اولماديغيني درحال آيدين ـ آشکار گؤره­‌جکسينيز."

من‌ده نئچه دقيقه يوخ بلكه بئش اون ثانيه يوخاري هئچ سامان يولون‌دان دا ائشيگه چيخيب، بير شئي‌لر "گؤرندن سونرا" بئله بير يوروم قويورام:

دئيه سن چوخ اوچوبسان گؤي‌لره؛ ائله اورادان اينسان - غئير اينسان آراسيندا بئله فرق يوخ. هر نه ياشاماق‌دا اولان يارانميشلار ديرلار! سن ائله سامان يولون‌دان دا چيخ ائشيگه و لاپ اوزاقلاردان باخ بو دونيالارا. بير بالاجا نوقطه ده ياشاييش وار-يوخونو دا تاپابيلمه‌يه‌جكسن!!

گؤرورسونوز كي يئردن باخان بير آدامين، ميليونلار ديلداشين سيستئميك آسيميلاسيون نه‌دنلره گؤره آناديللرينده ياخشي يازيب اوخوماغي‌نين آيدين-آشكار گؤرمه‌يي‌ني اونوتماق، گؤي‌دن يئره باخماق دئييل كي هئچ، بلكي ده‌وه قوشونون قورخولو گئرچك‌لري گؤرمه‌مك ايچين باشي‌ني يئره سوخماغي يادا سالير!


ي. س:
داش‌قاپي‌‌نين دا بو يازي‌سيني اوخويون: "من دونیا سورونلارینین دوشونه‌نین بیری‌یم". چوخ گؤزل‌دير.

7 comments:

داش قاپی said...

سالام آیدین
من دونیا سورونلارین دوشونه‌نین بیری اولاراق، اؤزومو یازدیم.

Aydin Kasaei said...

ياشاسين داش‌قاپي

سيزين سؤزونوز داها گؤزل

Xoxan said...

Özləri bəs deyilmiş hələ birin də qoşublar :))
axı hamısı böyük adamlar onlardan idi B-) hətta bu yazıda Cənab duman ərdəm də etiraf edməkdə idi biraz.
Yəni bunların cəbhəsindəkilər hərəsi bidənə düşüncə devidi.
bunlar onda etiraf elədihaaa hamı sol idi, hamısı böyük adamlar şairlər filan. həm sonra öz səviyyələrinə yaxın olan bəzi millətçilərə danışırdılar ki hoy hoy sizdən heçzad çıxmıyıb, siz malsız :))
Bəli ağalar cənablar, acı faktlar var..
Neçə dənə xoşürək, kələbək solçu, birbirinə qırmızı roz verdi, mən də əlbəttə bidənə roz verdim sandım ki gay(mavi) olmuşam sonra hirsim çıxırdı :))
Bəli bu çox xoş-ürək bəylər, bilmirlər çox sevdalanmanın otayı da nifrətdihaa..
kor ideologiya tutanlar isə hələ o tayı vay vay. nə bilim. gedsinlər bəlkə şimali korədə yaşasınlar daa. yaşamaq orda asandı, əslən bloq yazmaq da istəmir.internet yoxdu. əlbəttə Yox yox, bunlar yalnız o qəşəng soldan zaddan danışar. onlar(korədəki hökümət quranlar) solçuluğa təmayüllü mundarlar imiş deyərlər. ancaq bir hökümət tapa bilməzlər ki axı əh nə edək solu velliyək bəlkə yanılırıq.
xeyirxah idelogiyalar belə çox məsmumdu bəlkə, xeyirxah insanlar da belədi bəlkə..
biri xeyir qüvvədi biri şərr qüvvədi, o pis adamdı bu pisdi, çox bəlkə geri düşüncə oldu.
superqəhrəman şəxsiyyətlər düzəldək.
Ermənilər öz içlərində özlərinə qatil deməz ki, hələ sevdalana da bilərlər, ürəkləri də var. Ancaq onlar özlərinə təmiz görüşəcək da. eləcə də ermənilərdən zəhləsi gedən azərbaycanlılar bəlkə böyük səhvlər edir.
Bəli bu cənab xeyixah , kargər sevər adamlar... sanıram ki xeyirxahlqlarını mütəadil eləməlidi. tərəfsizliyə getmədili.
Bu duman da hey deyirdi belə cia pul xəsşlədi ki biz məzlum solçuların adını pisə çıxarda. ürəyimiz kəbab oldu onda.
Hə, o zaman ki Traxtur barəsində əfsanələrə əsaslanaraq danışdılar, hələdi ki bizə fakt gətirəcəklər.
əfsanəyə güvəmərək söz demək olar?
dünya düşsə bunların əlinəəə..
qoymazlar heçkim nəfəs çəkə..
həmlə eləmişdilər yazıq millətçilərin lap ümumi kitləsinə, qan tökürdülər :))
əşşi nəysə...

Anonymous said...

سیزین کیمی چالیشان و آیدین فیکیرلی بیریسی هر زامان اینسانلاریمیزا ایشیق ساچئر و یول گوستریر.هر زامان سیزین وبلاگیزی آچیرام و یئنی بیر یازی گورورم اورکدن سئوینیرم.تانریم سیزی وطنه چوخ گورمسین.

uzgurinam@gmail.com

bilanadil said...

سالام
هر آنیز آیدین
یورولمایاسیز
من لری وئبیمده گورسه ده نمیره م .مومکوندوسه منه یولونو گوسته ره سیز
یاشاسین ائلیم
http://bilinanadilin.blogspot.com

bilanadil said...

سالام
هر آنیز آیدین
یورولمایاسیز
منlabel لری وئبیمده گورسه ده نمیره م .مومکوندوسه منه یولونو گوسته ره سیز
یاشاسین ائلیم
http://bilinanadilin.blogspot.com

مهدی said...

سلام
ائوین ایچین، دونیانی دوزلتمک ماهناسینا بوراخماق، ایش آلتیندان قاچماق دی. آنجاق بیر آز یاشماقلانیب چوخ دا چیرکینلی‌یی بیلینمه‌سین.
زات دی. بیزیم کتده دیه‌للر: باشینی قارا سوخان کهلیک.

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı