Monday, September 27, 2010

اينيئستا مادريد ده سوسمازدي

بو تابناك سايتي ايمكاني يوخدور توركلره گؤره اؤزلليكله تيراختورا گؤره بير غرض‌سيز يازي يايسين. ظاهير ده ايسته‌سه دوزگون تحليل ائله‌ييب مثلن بيزدن ده بير ديفاع ائده*، سؤزون ترسينه دئييب و بئله بوروشدورار كي بير شئي قازانسين. تحليلين ده آديني قويار آسيب شناسي! و اساس بو اولار كي توركلرين داورانيشلاري يانليش‌دير و لوطف ائله‌سه دئيه‌ر بيز اونلارا چون جوك دئميشيك! هله بو كؤهنه‌لميش جوكلاري بؤيوك نه‌دن بيلديرمك و باشقا طرف‌دن توركلرين اصلي ايستكلرينين اوستونو اؤرتمك قونوسو ايله ايشيم يوخ‌دور. تابناكين علي دايي و كريم باقيري‌نين تبريز ده هويلانيلمالاري‌ني بارسلونون كاتالان اويونجوسو اينيئستانين مادريد ده آلقيشلانماغي ايله يان يانا قويوب و بيزيم كولتوروموزون آشاغي‌ اولماغيني گؤسترمه‌يه چاليشماغي دئديگيم موغاليطه و اولايلاري يانليش موقايسه ائتمك‌دير.

بيرينجي سؤز:
توتاق، كاتالان "اينيئستا" مادريد تيملرينده اويناسايدي و كاتالانلارا مادريد ده يامان دئييليب و اونلاري ائششكلره اوخشاتسايديلار و اينيئستا دا دا مادريدلي‌لره بير سؤز دئمه‌ييب سونرا دا دئسه‌يدي مادريدلي‌لر گوناهسيز ايدي‌لر و تقصير كاتالانلار دا ايدي، كسينليك ايله ايسپانياني دونيادا قهرمانليغا يئتيرن اينيئستا، بارسلونون نيوكمپينده دايي و باقيري‌نين تبريز ده هويلانماغيندان داها پيس دوروم دا يامان ائشيده‌جك ايدي! هامي بيلير كي بارسلون فوتبول كلوبونون كيمليگي و وارليغي برابر دير كاتالانليق كيمليگي و وارليغي‌ايله. آرخايين اولون اينيئستا قارشيسيندا كي نيوكمپ جهنمي، دايي و باقيري قارشي‌سينداكي سهند جهنميندن داها پيس اولاجاق‌ ايدي.

ايكينجي سؤز:
بو موقايسه ده سانكي مادريد، ايسپانيانين تبريزي‌دير؛ و ايرانين توركلري‌ده ايسپانيا دا ياشايان كاتالانلار يوخ، بلكي ايسپانيا ديللي‌لرین یئرینده دیرلر و باشقا كيمليك‌لري دانیرلار! حالبوكي ايران توركلری اؤز آناديللريني باشقالارا تحميل ائتمه‌ييبلر. تحمیل ائتمک ایسته‌سه‌یدیلر پهلویلرین ایش باشینا گلمکلریندن قاباق بو ایشی گؤره‌ردیلر؛ چونکو مین ایله یاخین بوتون حوکومتلر تورک ائللردن ایدیلر.

اوچونجو سؤز:
دايي‌ده تيراختورون سوپئرليگه گلمه‌سيندن قاباق ايرانين باش مورببي‌سي ايدي. آنجاق ايرانين قوتبول تاريخينده ان پارلايان اولدوز اولماغينا باخماياراق، اويونلارينين سون چاغلاريندا پيس اويناماغينا گؤره و هم‌ده ايراني جام جهاني‌يه آپارماغا قادير اولماماغا گؤره، شيددت ايله هويلاندي و بوتون يايينلار و مئديا دا هر گون مسخره اولوندو. آنجاق بليرسيز نه‌دنلره گؤره تيراختورون توركلرين سيمگه‌سي خبرلري ياييلاندان سونرا تئزليكله اولدو تئهرانين ان بؤيوك تيمي‌نين مورببي‌سي.

دؤردونجو سؤز:
گونئي آفريقانين 2010 دونياليق فوتبول ياريشلاريندا ، اسپانيا قهرمان اولاندان سونرا، كارلوس پويول، چابي هئرناندئز و باشقا كاتالان اويونچولار كاتالانلارين بايراغيني دونيا گؤزلري قارشي‌سيندا اؤپوردولر. ايرانين تيمي‌ده بير باشاري‌ ال‌‌ده ائتسه، ائله همن داشلاري‌نيزي دؤشونوزه ووران كريم باقيري و دايي دا ائله‌يه‌بيلردير اللريني بوزقورد ائتسينلر! بايراق اؤپمك سؤزونو دئميرم چونكو قيرميزي سينيرلاري اويانا آشماق آنلاميندا! بو ايشلري ايران كيمي اؤلكه‌ده هئچ كيمسه ايسته‌مير و پئشكئش اولسون! آنجاق دايي و باقيري سكــسن بئشينجي ايلين ياز سونو(خورداد) اولايلاري زاماني، 2006 دونياليق ياريشلارا گئدنده ، ميللي تيمين "فارس اولدوزلار"ي آدلانماغيني اله‌شديره‌بيلرديلرمي؟ بونو دا ايسته‌مه‌ديك! دايي بلديه اويونوندان سونرا آلديغي پيس سونوجا گؤره دوروب ميليونلار آزربايجانلي‌يا شرف‌سيز ، شوعورسوز و آنلاماز دئيه‌بيلمزدي؟

-------------------
خلاصه مطلب به فارسي
ولي اينيستا در مادريد سكوت نمي‌كرد

سايت تابناك امكان ندارد اخبار مربوط به تراختور و آزربايجان را با حسن نيت و بدون غرض منتشر كند. اين بار هم كه خواسته مثلا دفاع و يا به قول خود آسيب شناسي كند* موضوع حقوق و خواسته‌هاي فرهنگي تركها را فقط محدود به  موضوع  عصبانيت به خاطر جوك گويي عليه تركها كرده و، از سوي ديگر  در مقايسه‌اي نادرست و البته ماهرانه جاي ظالم و مظلوم را با هم عوض كرده است تا به نظر برسد تركهاي ايران قابل مقايسه با اسپانيايي‌ها هستند كه در گذشته شوونيست بودند و حالا ديگر نيستند چون فرهنگشان بالا رفته و حتي با وجود باخت تيم خود، بازيكن كاتالان تيم كاتالان را به دليل اينكه با گل خود موجب قهرماني اسپانيا شد، به شدت تشويق مي‌كنند.

فرض كنيد همين اينيستاي كاتالان بازيكن رئال يا آتلتيكو بود و اسپانيايي ها خطاب به كاتالانها مي گفتند صداي عرعر نمياد و اينيستا هم نه تنها سكوت مي كرد، بلكه بعدا در مصاحبه مطبوعاتي مي گفت مادريديها بي گناهند! به نظرتان در بازي برگشت اينيستايي كه با گلش اسپانيا را به قهرماني جهان رساند آيا در نيوكمپ و مقابل تيم اف سي بارسلونا هو نمي شد!!؟ نيوكمپ و بارسايي كه مهمترين دليل شهرتشان همان سمبل هويتي بودن براي كاتالان ها و ايستادگي تاريخي‌شان در برابر آسيميلاسيون بوده‌است. مطمئن باشيد جهنم نيوكمپ براي اينيستا به مراتب بدتر از جهنم سهند تبريز براي دايي و باقري مي شد.

همين سه ماه قبل همه دنيا پس از قهرماني اسپانيا در جام جهاني شاهد بودند كه كارلوس پويول و چابي هرناندز و بقيه كاتالانهاي تيم ملي اسپانيا چه مي كردند؛ ديگر به جزئياتش اشاره نمي كنم؛ انجام دادن اين كارها در تيم ملي ايران پيش‌كش! ولي آيا همين دايي كه تا قبل از ورود تراختور به ليگ برتر هر روز موضوع تمسخر واقع شده ولي امروز سنگشان را به سينه مي زنند،  در جام جهاني 2006 و 1998 مي توانست به لقبهايي همچون "ستارگان پارسي" اعتراض كرده و  مقابل چشم جهانيان به هويت خود ببالد؛ نه اينكه بعدها بيايد و به ميليونها هم زبانهاي خود بي‌سواد، بي‌شرف و بي‌شعور بگويد!

-------------------

* - دشمن‌زاده‌اي كه در اسپانيا تشويق شد و سرداري كه در تبريز فحش خورد!
http://tabnak.ir/fa/pages/?cid=121229

4 comments:

سلطانی said...

آیدین بی

علی دایی یه گؤره "از عرش تا فرش" آدلی بیر فیلم گؤردوم

بیلمیرم سیز و سیزین بلوقینیزین اوخوجولاری اونو گؤروبلر یا یوخ

گؤرماغا ده یر:

http://dl.trakhtorfans2.com/video%20...rfans2.com.wmv

Aydin Kasaei said...

اینتئرنتیمین سورعتی آزدیر. سیز دئیه‌ن فیلم ده آغیردیر. لوطف ائدین قیساجا آچیقلایین فیلمین سؤزو نه‌دیر؟

سلطانی said...

بو فیلم بیر بلگه سل (مستند) فیلمدیر. اوندا ایسته ییر گؤرسه ده کی تبریزده علی دایی و کریم باقری یه شعار وئرماقلارین نه ده نی، اونلارین تهرانلی بیر تیمده اویناماغی دئییل

فیلمین ایلک صحنه سی تراختور - پیروزی تیملری نین تبریزده اولدوغو اویونو (27 فروردین) ده گؤرسه دیر کی دایی و باقری نی 100 مین کیشی نئچه دقیقه آلقیشلاییردیلار و اونلار میدانی دور ووروردولار و تاماشاچیلار اؤنونده دفعه لر جه تعظیم ائله ییردیلر

سونرا علی دایی نین بو مسابقه دن سونرا اولان معروف مصاحبه سین کی اوندا دئییر: "کاشکی 5 ایل جاوانلاشیب و تراختوردا بو تاماشاچیلارین گؤزونون قاباغیندا اویناسایدیم" گؤرسه دیر

و اوندان سونرا تهران اولایلارین و نهایتده بو سون اویون کی اولایلاری گؤرسه دیر. چوخ گؤزل دوزلدیبلر. اللرینه ساغلیق

Aydin Kasaei said...

سلام
ایضاحا گؤره اللر آغریماسین سلطانی به‌ی! زحمت اولدو سیزه. چتین لیگه باخمایاراق من ده دانلود ائله دیم و باخدیم. یاخشی فیلم‌دیر؛ آنجاق سون بؤلومونده "اؤزو بیر مانقورد اولان داریوشون" سسی‌نی بیلمیرم نه‌دن میکس ائله‌ییبلر. شرمنده ائله‌ییبلر اونون آذرآبادیگانی ایله! قوجا تورکون دردی یامان هئی...ـ

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı