Tuesday, July 13, 2010

اؤلوم‌دن سیزان حایات

البته بو گونلر به‌تر ایستی‌دیر وآرازین اوخودوغو "دؤرت بیر یانیم سیبئریا دیر و دؤرت بیر یانیم بوز باغلاییب ... اوشویوروم، اوشویوروم، اوشودوکجه دوشونوروم (یا دا ترسینه!؟)" هئچ کیمسه‌نین یادینا دوشمز، حتی گازی کولئر قارشی‌سیندا! آما یوسوفون یازدیغی "اؤلوم‌دن سیزان داملا دیر حایات" منی‌ده، گئجه یاری‌سی به‌ته‌ر فلسفی و عیرفانی فیکیرلره سالدی.

من‌ده ماهنی‌لارا قولاق آساندا، آنلاملارا چوخ دیققت ائتمه‌رم؛ ولی بو شئعر گئرچک‌دن ماراقلی دیر( ایلک دؤنه‌دیر کی اؤلومه ماراق گؤسته‌ریرم!). بو "اؤلوم‌دن سیزان داملا دیر حایاتـ"ـا ائله یومورتا یوخسا توووغون اؤنجه یارانماغی کیمی دانیشماق اولار. آنجاق من یوسوفون بیلاغیندا آشاغی‌دا کی یورومو قویدوم. بو قونودا آدام چوخ فیکر ائلیه‌نده، کولئر و سویودوجو لازیم دئییل؛ گرک آدام یایین ایستی‌سینده اوتاغی قیزدیرا:

منجه یاشاماغی آخیم‌دا اولان سووا اوخشاتساق، اؤلوم ایسه دونموش بوز دور. ایندی بوز، دیریلمک و جانلاماق ایسته‌سه، گرک اه‌ریسین. بئله‌لیک‌له یاشاییش اؤلوم‌دن سیزان داملادیر...
و نه گؤزل بنزه‌‌دیب شاعیر...
بونو دا دئییم کی دونیادا سوکون و دایانما یوخدور و هر نه داینامیک دیر و فیرلانیر(مئولانانین عیرفانی/سما رقصی). بوتون بوزلارین اریمه‌یی کیمی، اؤلوم ده بوتونلوکله یاشاماغا چئویریله‌جکدیر.

4 comments:

mehdi said...

اوشودوم ها اوشودوم
داغدان آلما دوشودوم
:)

mehdi said...

بو پستون قدیم خیریمیش:
عنایت الله رضا دا قبضین قیراغین قاتلادی:
http://tabnak.ir/fa/pages/?cid=108641

mehdi said...

بو پستون قدیم خیریمیش:
عنایت الله رضا دا قبضین قیراغین قاتلادی:
http://tabnak.ir/fa/pages/?cid=108641

یوسوف said...

"بو قونودا آدام چوخ فیکر ائلیه‌نده، کولئر و سویودوجو لازیم دئییل؛ گرک آدام یایین ایستی‌سینده اوتاغی قیزدیرا"

ساغول آیدین خان، بوراسی منی گولدوردو!

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı