Sunday, July 4, 2010

نئجه سرينيريك؟

بئله* باشليقلاري(تيترلر) گؤره‌نده، بيليرم لاپ بؤيوك سؤز بو اولاجاق كي بيز ايرانين باشي‌ييق و تكجه بو! آنجاق گينه‌ده كليك وورورام گؤرم نه دئييب كولتور و ايرشاد باخاني.

يازي‌ني اوخوياندان سونرا بيليره‌م كي بو دؤنه لاپ سرينميشيك! باشليق هارا، خبر هارا؟ خبرين ايچينده و باخانين سؤزلرينده، ايران‌دا كي ائتنيك‌لر تاتجيق‌لار و افغانلي‌لاردان عيبارت‌دير. پـان‌فـارسيسم قونوسوندا دانيشاراق، تكجه بير ائتنيكين ديلي‌ني قوروماغينا گؤره، ايران، افغانيستان و تاجيكيستان آراسيندا اورتاق آراشديرما مركزي‌ آچماق قرارينا گليرلر؛ آما خبرلر ده دئييلير ايران‌دا كي ائتنيكلرين چاليشماسي سونوجو ايران مدنيتي‌ني ايشيقلانديردي! ايسلامي ايرشاد دا تكجه بير ديلين گليشمه‌سي اؤنملي دير مي؟

واللا من ايسلام اوزمانجي دئييلم، آنجاق بيرآز قوتسال قورآن‌دا يازيلميشلاردان بيلگيم واردير. حوجرات سوره‌سي‌نين 13جو آيه‌سينده يازيليب : " یا ایها الناس انا خلقناکم من ذکر و انثی و جعلناکم شعوباً و قبائل لتعارفوا ان اکرمکم عندالله اتقیکم ".
رحمتليك علامه طباطبايي بو آيه‌نين تفسيرينده دئييب كي:
"بيز سيزي چئشيدلي اولوسلار و ائللرده قويماديق كي بير-بيرينيزه اوستونلوك و كرامتينيز اولسون، بلكي تكجه بير-بيرينيزي تانيماق، و آرانيزدا ياخشي توپلومسال ايليشگي‌لر قورماق ايچين بو ايشي گؤردوك"(قايناق).

ايسلامي ايرشاد سوروملولارا دئميريك سئوديگي‌ ديللري‌نين فيكرينده اولماسينلار؛ آما بيلين بيز، ياني ميليونلار تورك، تاجيكلر و افغانلي‌لار كيمي ايرانين ديشيندا دئييليك كي هئچ، بلكي ايران وطنداشي‌ ساييليريق. بيزيم ده كولتور و ديليميز تانري‌نين ايسته‌ديگي كيمي باشقا شكيل ده ياراديليب . لوطفا قورآن دا نئجه دئييليب او جور ايرشاد ائله‌يين بيزي. آللاه ايسته‌يه‌نين قارشي‌سيندا دورماق دوز ايش دئييل.


* - بورا باش‌وورون:
"وزير فرهنگ و ارشاد اسلامي مطرح كرد: فرهنگ و تمدن درخشان ایرانی نتیجه تلاش همه اقوام ايراني است (كولتور و ايسلامي ايرشاد باخاني اورتايا قويدو: ايرانين پارلاق كولتور و مدنيتي بوتون ايران‌ ائللري‌نين چاليشما سونوجو دور)."
قايناق: ايلنا - view on Google Sidewiki

5 comments:

مهدی said...

سلام
پیشمیش تویوقون دا گولمه‌یی گلیر بئله باشلیقدان
بوتون ایران ائللری او متنین هاراسیندایمیش؟

سلطانی said...

منجه بونلار بیزلری سریه بیلمزلر! بونلار اؤزلرین سرییبلر! بوجور داورانیشلارا گؤره دیر کی فارس خالقینین چوخو، باشقا کولتورلر و باشقا انسانلارا گؤره دوغرو بیر بیلگیلری یوخدور.

اصلاً اونلارین چوخو و حتی آیدین فیکیرلری بیله، باشقا بیر دیلدن ان کیچیک بیر معلوماتلاری اولمادان، اوردا بوردا فارس دیلیندن اشسیز و آیری دیللره اوستون بیر دیل آد آپارارلار!

qərənfil said...

allah allah
bu sənin turkcə bılağınmı?
çox sevindigimə inan mənə
bir soru:
istəyirəm GODERdə yazilari kamil görəm(həm yazının özünü həmdə şəkillərini)
bəzən "ادامه مطلب" adlı bir saytlar ya bılağlar olur.onu GODERdə kamil görmək olarmı?nə bilim bəlkidə bilmədigim yamax mamax vardır?
firefoxa beləki bir yamax tapmaq olarmı?
---------------
yamax extension yerinə işlətmək olarmı?

Unknown said...

Sayın Sultani, Siz düz deyirsiniz.

Unknown said...

Sayın Qərənfil! Goder demək Fars dillilərə uyğundur. Türkcə Grider desək daha yaxşı olar. Naqis RSSləri bütöv görmək için bu sayt yaxşıdır: http://www.wizardrss.com

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı