Wednesday, June 4, 2008

باشقا بیر نه‫دن

اولوسلارآراسی تورکجه اولیمپیادلاریندا، مقاله یازماق یاریشماسیندا، همدانین لاله‫جین بؤلگه‫سیندن احمد درویشی آدیندا بیر تورک اؤیرنجی گوموش میدالی آلیب و باشقا بیر خانیم، مریم غفوری ایفتیخار دیپلومو آلمیشدیر...
منجه چوخ اؤنملی خبردیر و بونون ده‫یه‫ری تکجه بیر باغلانتی وئرمکدن داها چوخ دور، چونکو بئله دوشونورم ایرانین رسمی و رسمی اولمایان مئدیاسیندا اولدوقجا یئترلی یاییلمایاجاق! نه‫ده‫نی بللی و آیدین‫دیر و چوخ آچیقلامیرام!

بو خبردن چوخلو سونوجلار آلماق اولار، آنجاق منیم فیکریمه یئتیشنلر بونلاردیر:

1- ایرانلی تورکلر، آنادیللرینی اوخوللار و بیلی‫یوردلاردا بیلیمسل فورماسیندا اوخوماماق، و اؤزللیکله آذربایجانین ان اوزاق یئرلرینده فارسلاشدیرمانین ان گوجلو شکیلده آپاریلماسینا باخمایاراق، اؤز آنادیللری و وارلیقلاریندان واز گئچمه‫میشلر و بونو گؤروروک کی همدانین لالجین بؤلگه‫سیندن بیر گنج اؤیرنجی، دونیالیق تورکجه اولیمیپیاتلاریندا ایکینجی یئره ال تاپیر و بئله بیر سوئیندیریجی اولای، آذربایجانین بوتون بؤلگه‫لرینده، آسیمیلاسیونون کسینلیک ایله اوتوزماغینی و بورنو یئره سورتولمه‫سینی گؤسته‫ریر. قوتلو اولسون.

2- بو دوغو و ایسلامی اؤلکه‫لر و یا کولتورلر آراسیندا بیر رئکورد ساییلابیلر! آلتینجی اولوسلارآراسی تورکجه اولیمپیادلاریندا یوز اون اوچ اؤلکه‫ قاتیلمیشلار و بو تورکجه دیلینین دونیادا گوجلو، جانلی و اؤزل دورومونو گؤستریر. بو اولای، ایران‫دا تکجه بیر دیلی کورسو اوستونده اوتوردانلار و تورکجه دیلی ایله دوشمانلیق ائدنلری اوتاندیرابیلر.

3 comments:

Anonymous said...

سلام علیکم.
در صورت تمایل در گفت و گوی ذیل
http://rendane.blogfa.com/post-228.aspx
شرکت کن.

Anonymous said...

سلاملار منیم ائل قارداشیما، یول داشیما. ساغ اولاسان
اللریز آغریماسین
شاجین

mehran bahari said...

بو خبرين بير ده اؤنه ملي ياني، احمد درويشي`نين مقاله بؤلومونو قازانماسيدير. بيليندييي كيمي ايراندا توركجه قوشوق (شئعر) يازما دبي آز چوخ هميشه اولوب، آنجاق توركجه نين تحصيل و اورتال (مئدييا) ديلي اولماماسيندان دولايي، اينسانلار نثر يازماقدا چوخ چتينليك چكيرلر. ايندي بئله بير دورومدا، توركجه يازيب اوخوماني اؤرگه تمه يه ن بير اؤلكه دن، اؤزو ده همدان كيمي چوخ آغير فارسلاشما سيياستينه معروض قالان بير يئردن بير گنجين، مقاله يازما ياريشماسيندا بوتون دونياني قاباقلاماسي، حقيقتن بير مؤعجيزه دير.

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı