آراز نواسی(نوای ارس) درگي سي نين رجب ايبراهيمي يه گؤره يازديغي سؤزلري اوخوموشدوم؛ چوخ جاليب ايدي. ال يازي سيني گؤرمه ميشديم كي دونن آيدين فيرنگي اؤز وئبلاقينا قويوب. هر حالدا او يازيلارين آراسيندا عجيبه-غريبه سؤزلري ايسه گؤرمك اولور:
بيري سي ايبراهيمي نين دوغوم يئري ياني نيرين «كورآبازلي» كندينه «بومي» صيفتي وئرمك دير! حالبوكي بو قوشما سؤزجوك، كسينليك ايله تورك ديلينين بوتون ياسالارينا اويغون دور! و بو اصلا بومي-مومي دئييل! اولابيلر فارسلار ايچين اويغون دئييلميش و اونو «كور عباسلو» ائله ييبلر و كاشكي دئييرديلر: «داراي كور عباس»! بيلميرم گؤتوروب فارسجا يازاندا، نئيه اؤز اونلار ميليونون ديلي اولان آناديليميزه «بومي» آد وئريريك؟!
ايكينجي سي ده، ايرانا گليب و آيريليغي دونيا دان مشهور ائدن رشيد بئيبوتوو-ا، ايصفاهان ال-ايشلريني رجب ايبراهيمي نين الي ايله وئرمك دير! دوغروسو بونا هئچ يوروم آرتيرا بيلميرم. آنجاق بير-بيرينه قارشي ايكي آچيقلاما وئرمك اولار: بيري بو كي ايصفاهان، اردبيللي، آذربايجانلي و تورك صفويلري باشكندي اولموش و اورانين اوزلوغو(هونري) كسينليكله آذربايجانليلارين ايزي دير و صفويلردن قاباق اورا آدلي-سانلي بير يئر دئييلميش. ايكينجي سؤز ده فاشيست پهلويلرين چاغيندا كي آشيري راسيست دوشونجه لردن قايناق آلابيلر؛ ياني قوزئي آذربايجانلي رشيد بئيبوتووا، گونئي آذربايجانلي ايبراهيمي نين الي ايله ايصفاهان ال-ايشي وئرمك ايله ايسته ييرلر دئيه لر ايران دا اصليندده فارسلارين (حق آب و گل)ـلري وار و رشيد بئيبوتوو چوخ دا اوزلو(پررو) اولمايا!
بو سؤزلري اؤتورون! دونيادا لاپ چوخ باسقي آلتيندا اولانلار، تورك دونياسي نين ان آدليم و ده يه رلي شاه اثريني چيخارديبلار. گؤره سن دونيادا بير تورك وارمي بو آيريليق ماهني سيني ائشيتمه سين؟! من كي بئله آدامين اولدوغونا اينانابيلمه رم.
پنجاه سال ترانه سرایی پرونده ای برای رجب ابراهیمی(فرهاد)، پرکارترین ترانه سرای آذربایجان
گونجهلهمه(Update):
بوگون يازيق ايبراهيمينين ايندي كي دورومو و ياشلي و قوجاليق گونلرينه گؤره بير يازي و گؤرونتو گؤردوم كي اوره ييمي داغلادي؛ آذربايجانين بؤيوك شاعيري بيليرسينيزمي نه ايشلره باخير؟ بو من، سن و هامي ايچين باشي آشاغيليق و كسينليكله اوتانديريجي دير. سايين شاعيريميزين ايشي اولوب ائو تيكمك، اينشاآت و سيمان آل-وئرچيليگي. گنجليكده ائله بير شاه اثري يارادان آدام، بو ياشدا و البته دينج و آرام بير ياشاييش يييه سي اولاراق، نه اثرلر يارادابيلر تكجه تانري بيلير...بونلارين هاميسينين نهدني و دليلي بللي دير؛ اؤز آناديلي و كيمليگيني قوروماقدان ياساقلانميش اولوس، اؤز آيدينلار و بؤيوك آداملارينا سايقي و حؤرمت گؤسترهبيلمهيهجكدير و يقين كي ائل و اونلارين آراسيندا بؤيوك بير «آيريليق» دوشهجكدير.
يازيقلار اولسون، يازيقلار.
3 comments:
از بابت لینک و توجه ات ممنون. اما: نشریه نوای ارس نه نشریه آراز. در اردبیل یک نشریه به اسم آراز منتشر می شود و یک نشریه به اسم نوای ارس. آراز هفته نامه است و نوای ارس ماهنامه. بعدش هم اینکه آلبوم هدید دادن یک رسم قدیمی است. الان هم موقع هدیه دادن بیشتر آلبوم و قاب عکس و اینجور چیزها هدیه داده می شود. آلبوم قلمکار اصفهان هم یکی از صنایع دستی این کشور است. یعنی اصفهان تنها جایی بوده یا شاید هنوز هم هست که آلبوم در آنجا به عنوان یک کالای در ابعاد غیر کارخانه ای تولید می شده. یعنی جزو صنایع دستی بوده. حالا نمی دانم یک هدیه دادن کوچک اصلا نیاز به این همه بحث دارد؟! آلبوم دم دست بوده آلبوم داده. حالا مگر باید می آمده از نمین گلیم می گرفته؟!
باغیشلایین! درگی نین آدینی دوزه لدیرم:
آراز نواسی
(نوای ارس)
آنجاق سایقیلی یولداشیم! بیر آز دیققت لازیم! ائله مسله بوردا کی نئیه همیشه گرک تکجه و تکجه ایصفاهان ال-ایشلری ال ده اولالار؛ آذربایجان ال-ایشلرینین قوناق قاباغینا چیخارتمالی دئییللر می؟!
شاعر يا بايد مجيز گو باشد و از صدقه سر دولت روزگار بگذراند يا خودش باشد و نان دستش را بخورد. تا بوده همين بوده عزيز دل! راه سومي وجود ندارد. شاد باشي!
Post a Comment