Monday, August 2, 2010

اوزاق‌دان دا، ياخين‌دان دا ياپيشدي


تيراختور سايتلارينين بيري‌سينده دونن‌كي اوتماغا گؤره دئييب: "تاماشچي سسي‌نين اولماديغينا گؤره ، بو اوتماق ياپيشمير"! آما دونن بيز بلديه ني ائكباتاندا آلقيشلاديق و اوچ دنه ده يئديك آنجاق اوزاقلاردان گلن خبرلره گؤره تاماشاچيلار شنليك ائديرديلر! نفت و بلديه اويونچولاري دا بيلميرديلر بو واختسيز شنليكلرين نه‌دني نه دير؟! البته بير دنه چوخ گؤزل قول وورولدو و ان آز گتيرديگيم شانس بو ايدي كي فيلمي‌ني چه‌كه‌بيلديم! بلديه موسللم قوللاري وورابيلمه‌يه‌نده من حيرصله‌نيب دال با دال اونا باخيرديم! گئرچك‌دن گؤزل قول ايدي:


ايكي دئمه‌لي و دانيشمالي سؤز:

1- دونن كي اويون‌دا 150-200 بلديه‌چي وار ايديلر آما گينه ده توركلر تئهران‌دا ائو صاحيبليغي ائتديلر! هله نفتچي تاماشچيلارين ايچينده ده تورك وار ايدي و ياشاسين آذربايجان دئيه‌نده اونلاردا قاتيليرديلار. اويون آراجي‌سي طرفسيزليك ايله قاضي‌ليق ائده‌بيلمه‌دي و اونلارا شكلي بير پئنالتي توتاراق، بلديه‌نين ايكي پئنالتي‌سيندان واز گئچدي. بونلار باعيث اولدو  تاماشاچيلار قاضي‌ني هويلاسينلار. تاماشاچيلارين چوخو يامانلاياندا بير نفر ده اوجا سس ايله باغيريرديلار يامانلامين. بو دوز ايش دئييل. آما باشقا يانداشلار دئييرديلر فارسلار يامانلاييرلار، بيز ده گرك يامانلاياق! آما او دا اوز دن گئتميردي سانكي ايسته‌ييردي ساواشسين؛ ايتي لحن ايله دئيير يامانلاماق آذربايجانليلارا ياراشماز! منجه اونون داعوا آهنگلي سؤز دئمه‌يي بير نه‌ده‌ن ايدي هامي اونون سؤزونه قولاق آسماييب و اله سالسينلار! من ده اونا آجيقلانماغا گؤره اوزگونم. منجه او حاقلي ايدي، آنجاق او دا اؤز ايسته‌يي‌ني پيس دئييردي.

2- بو گؤروت‌ده نفتچي‌لرين توركلره خوش گلدين دئمه‌كلري دير! دوز دور لاپ پيس يئر ده اوتورتموشدولار بيزي، آنجاق ياواش ياواش توركجه خوش گلدين يازماق بير دب اولور! محروم اولوب هر نه‌دن ياساقلانماشيق، حالوا حالوا دئيه‌ك آغزيميز شيرين اولسون.



3 comments:

سلطانی said...

سایین آیدین قارداشیم

چوخ سئوینیرم کی بیر نئچه گون غیبتدن سونرا، یئنی دن نئچه یئنی یازی ایله قاییدمیسیز.

آما یوخاریدا کی یازینیزدا اولان بیر تیکه دن ائله خوشلانمادیم و او دا او تاماشاچی نین قارشیسیندا اولان اوزگون اولدوغونوزون نه ده نی!

اؤزونوز یازدیغینیز کیمی او حاقلی ایدی و منجه ده هئچ بیر زامان یامانلاماق منطیقلی بیر سئچیم دئییل.

ساغ اولون

Aydin Kasaei said...

sağolun sayın Sultani, əlbəttə fikr eləmirəm o mənim səsimi eşidə, ancaq insan cayizulxətadır! ilk və son dəfəm idi inanın...

سلطانی said...

سایین آیدین

سیزین بو گوزل جاوابینیز و یازینیزی ادیت ائله مه ییز اوچون، چوخ چوخ تشکر ائدیرم.

ساغ اولون

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı