Monday, August 16, 2010

قورخماز و قورخاق كولتورلر

 بو خيصلت و يا اؤزلليك هم آذربايجان توركلرينده وار و هم آنادولو توركلرينده! آنجاق بيزيم ضرريميزه اولوب اونلارين خئيرينه! البته دئيه‌بيلرم بيز يئرسيز، واختسيز و حدسيز بو اؤزلليكدن استفاده ائتميشيك و سونرا الينده معطل قالميشيق. بو اؤزلليگي بيلميرم نه آدلانديرام؛ اؤزگه سئورليك، اؤزگه‌يه سايقي گؤسترمك، اؤزگه‌يه اوز وئرمك، اؤزگه‌يه نؤكرليك و قوللوق ائتمك و يوخسا باشقا شئي‌لر ايسه دئمك اولار. هر حال‌دا بئله دوشونورم منظورومو بيلدينيز نه‌يي دئييرم! ماشاللاه هامي‌ميز دا وار بو خيصلت.

دونن توركييه‌لي‌لر بو خيصلتلريني بير داها دونيايا گؤسترديلر*. ترابزون‌دا آدليم و اسكي بير آرتودوكس  كليسا قاپي‌سي‌ني، دونيانين هر بير بوجاغيندان كي آرتودوكسلار و يونانلي‌لارا آچميشديلار. يورونيوز و بوتون مسيحي شبكه‌لر بونو جانلي گؤستريرديلر. بير قيز دئييردي منيم نئچه‌مينجي بؤيوك بابالاريم بو تورپاغين آدامي‌ديرلار و ...! آدام اوزاق‌دان باخاندا دئيير هن ائله ايندي يونانلي‌لار، بولقارلار و گورجولر تؤكولوب اوراني توركييه‌نين اليندن آلارلار و دئيه‌رلر بيزيم يوردوموزو گئري قايتارين! آنجاق تاريخ اولاي‌لاري  گؤسترير توركلرين كولتورونو او يوردلاردا باشقا كولتورلري اوستونله‌ميشدير و اورالاردا هامي تورك ديللي موسلمانلارديرلار و البته بوندان دا قورخولاري يوخدور اورادا بير آرتودكس كليساني آچماق ايله توركلرين كولتورو يئرين باشقا كولتورلره وئرر. منيم ‌ده  ائله بو آرخايين‌ليق‌دان و اؤز وارليغينا گووه‌نمك‌دن خوشوم گلير! بئله آرخايين‌ليقلار ائله توركلر كولتورونون اوستون گلمك نه‌ده‌نين گؤسته‌رير.

ايندي گلين سينيرلارين بو تايي‌نا! دئديگيم كيمي بيزيم فرقيميز اولابيلر اؤزگه‌يه سياست‌سيز اوز وئرمك دير. بئله اولوب كي ايندي ايلشميشيك گئرچك‌دن البته كولتوروموزو هر اويون و هر اولاي‌دان سونرا يئري‌ني باشقا كولتوره وئرمه‌ييب آنجاق چوخلاريميز بو يوروشون قارشي‌سيندا تر تؤكمك ايله دايانميشيق! قاباق‌كي نسيللرين سياست‌سيزليكلرينين ته‌ريني بيزلر گرك تؤكك! نئيه‌له‌مك؟! هر حال‌دا قاييديرام همن قورخمازليق قونوسونا. يايين كسينليك ايله موهاجيم كولتورون كونترولو آلتيندا دير و ظاهير ده ايسه اؤزونه چوخ گووه‌نير و من ائله‌يه‌م من بئله‌يه‌م دئيير و كوروش موروشون حقوق بشريندن دانيشير و دئيير ايكي مين بئش يوز ايل بوندان اؤنجه بوتون خالقلاري اينجيتمه‌ميشم و ايندي ايسه من دونيا دا كولتورل دانيشماق‌دان قورخوم يوخدور و ... آنجاق من بيلميرم بونلار بو قدر ايدديعا ايله، بير رسمي توركجه يازي‌‌، يوخسا بير غئيري رسمي توركجه تابلو ، و يا اصلن ايستاديوم‌دا بير قيرميزي پارچانين اوستونده بير يئل ياتار توفان ياتار يازياماغي‌نين نه‌ييندن قورخورلار؟! اؤزولريندن آرخايين دئييللر مي؟
اولمايا اؤزلريندن شكلي‌ديرلر؟!

* - After 88 years, Orthodox Christians hold mass at monastery in Turkey (Hüriyyet)

2 comments:

مهدی said...

گله‌جک بیزیم دی قورخما
و بیلیرم کی قورخمورسان
آمما بو یازینی اوخویاندان سونرا بیلمیرم قورخماق یاخجی‌دی یا قورخماماق!

Anonymous said...

تراختور بؤز قوردوموز
سلام اؤلسون آنایوردوم آزربایجانا
تراختور ساده جه بیر فوتبال ییغماسی دییر بلکه آزربایجانین سیمگه سی و بو میلتین کیملیک بایراقیدیر.آزربایجانلیلاری داها آرتیق بیرلشدیریب اورمودان آستارا و اردبیله تک خوی دان زنجانا تک قزوین سولدوز کرج همدان تهران قشقایی و ترکمن و ....
یانداشلار چؤخ ساییدا محتوالی و دیرلی سایتلار آچیبلار و گئنیش شکیلده اجتماعی و توپلومسال شبکه لر کیمی فوتبالدان علاوه جاوانلاری اؤز کیملیک و کولتور لرینن تانئش ائلییبلر. بیر جاوان کی دانیشیقی فیکری و ایستگی کیملیک اولسا ایجتیماعی ضررلر اعتیاد و فسادا قارشی واکسینه اولار و اؤزونه دیر وئریب ارزش تاپار.
فارس شهرلریده تیراختورون ائتگیسیندن قیراقدا قالماییب. پیروزی و استقلال ییغمالاری ساده جه آزربایجاندا یؤخ فارس شهرلرینده ده غریب قالیللار و بو موبارک اولای و پدیده دیر و فارسلارین گؤز ببک لرین هیبتی آرتیق سینیبدیر.
بونلار هامیسی تراختورون بویوک اؤلدوقون و اونا دایاق دوران میلتین یوکسک و عظمتین گورسدیر.ائله اونا گوره ده دوشمانیدا چوخ اولا بیلر .اونلار کی اصلی اؤیوندا اؤزلرین اودوزموش گؤروللر و حرصدن قودوز ایت تک دیشلری باقیرساقلارین کسیر.
سؤزسوز کی آزربایجانلی لارین استادیومدا حماسی و شوکوهلی حاضیر اولماقلاری دوشمانلارین گؤزونه اؤخ کیمی سانجیلیب و بو بیرلیگی گؤره بیلمیللر و مزدورلارین یوللاییلار تاماشاچیلارین آراسینا و داش سو قابی آتماقینان اونلاری تحریک ائلییلر تا آدیمیزی پیسه چیخارتسینلار و سیلیب آتسینلار.
بیزیم حضوروموز حتا سس سیزجه سینه دوشمانلارین اورگین تیتره دیر . اما داش کسسک آتماق تیراختور ییغماسینا و آزربایجانا ضرر وئرر و دوشمانلاردا بونو ایستیللر.
بونا گؤره گرک شورلی حوضورونان فقط میللی و ایدمان شوعاری وئریب یامان یؤووزدان چکیناخ.حیرصلنماقا احتیاج یؤخدو بیز اودوب اؤتوموشوخ اصلی اؤیونون قازانانی آزربایجاندی.بو دوشمانلاردا گئدیکجه آرادان چکیله للر ائله بیری بو علی کریمی کی هر زادا خروزلانیر ایندی آبیریدان توشوب و میللی ییغمادان و استیل آذیندن ده قوولوب. فردوسی پور تاج و باشقالاریندا سیراسی تئزلیقدا گلر چاتار .
تیراختورو بیر فورصت کیمی دیرلندیراخ و بوتون گوجوموزله دستک وئراخ.گؤروشوموز بو هفته افطاردان سؤرا سهند استادیومو آزربایجان بلدیه سین اؤیونو یاشاسین آزربایجان شوعاری///آزربایجان سنسن منیم حریتیم شان شهرتیم

uzgurinam@gmail.com

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı