Sunday, November 18, 2007

اؤزونو اونودانلار

ايلك اؤنجه بو فايلي يوكله‫ييب و اوخويون: "سخني با همشهريان خويي(خويلو يوردداشلارايله بير سؤز)".
بو لاپ‫ او هدفي بللي اولمايان يازيلاردان‫دير كي تحليلي چوخ چتين‫دير و آدامي معطل قويور!
خويلو يولداشلارين بيري‫سي مني آذربايجانا چوخلو تعصصوب گؤسته‫رن بير آدام تانيير، و هر دن منه ايرادت گؤسترمك ايچين بئله فايل‫لار فوروارد ائدير. من ايسه بيلميرم نه دئيه‫م! بيلميرم بيزلر نه يانليشي ياپيريق كي اؤز سؤزوموزو خالقا ياخشي آنلاتابيلميريك. تقصير اؤزوموزدن دير سانكي.
يازار ايسته‫ييب اؤز كولتور سئورليك دويغوسونو گؤسترندن سونرا، خوي خالقينين كولتورل چتينليكلريندن دانيشسين؛ آنجاق بو يولدا خويو آذربايجان مدنيتي چرچيوه‫سينده گؤرمه‫ييب و باشقا گولونج سؤزلري اورتايا قويوب؛ البته اولابيلر حاقلي دير و خوي دا بئله تؤرنلر ايلك دؤنه دير قورولور و هر تؤرن قورولورسا بوتون خالق سوسوزلار كيمي تپه سي اوستده گله جكلر. آنجاق منيم اونون يازيسي ايله ايشيم يوخدور و او قورولتايدا آذربايجان كولتورونون اونودولماغي چوخ آجي دير. خويلولاردان بير سورغو واردير: "سيزين دردلرينيزين حددي، تكجه كورد قاوالينين چالينماسي، شهرام ناظيري، سيراج، موختاباد و شجريان سسي‫ني دينله‫مك دير مي؟!" اولمازدي آذربايجانين آشيق و يا موغام موسيقي‫سي ايسه اولايدي؟ آذربايجان موسيقي‫سيندن هئچ بير گؤرونتو كي يوخ ايدي؟ آذربايجان تورك ادبياتيندان دا بير اثر يوخدور! خوي دا بئله‫ اولوسلارآراسي قورولتايلار قوروب و باشقا كولتورلره قول اولماغين تعريفي يوخدور كي هئچ بلكه چوخ دا ايفتيضاح و گولونج بير شئي‫ دير!

2 comments:

Majid said...

SELAMLAR VE SAYĞILARIMLA

BEY İNTERNETDE GEZİRDİM BU YAZINIZI GÖRDÜM

GÖZEL YAZİBSİZ AMMA O RDAKI YAZIBSIZ:
خويلولاردان بير سورغو واردير: "سيزين دردلرينيزين حددي، تكجه كورد قاوالينين چالينماسي، شهرام ناظيري، سيراج، موختاباد و شجريان سسي‫ني دينله‫مك دير مي؟!" اولمازدي آذربايجانين آشيق و يا موغام موسيقي‫سي ايسه اولايدي؟ آذربايجان موسيقي‫سيندن هئچ بير گؤرونتو كي يوخ ايدي؟ آذربايجان تورك ادبياتيندان دا بير اثر يوخدور!

BUNUN XOYUN MİLLETİNE HEÇ REBTİ YOXDUR BELKE İRAN REJİMİN İSTEDİYİ BİR İŞDİR VE O CERYANDA HEÇ BİR XOYLU(ÇOXUNLUĞU)İŞTİRAK ETMEDİ BELKE REJİMİN TEHRANAN GETİRDİĞİ ADAMLAR VE BİR İDDE SATQIN (BİLMEYEN) HUKUMET ADAMLARI İŞTİRAK ETDİLER
KEŞKE BU IMKANATLAR XOYLULARIN ELINDE OLSAYDI NECE AZERBAYCAN KÜLTÜRÜ VE TARIXINE BAĞLI OLMAQLARIN GÖSTEREYDİLER
ELYAR XOYLU
WWW.GEMİ.MİHANBLOG.COM

Aydin Kasaei said...

نئجه‌سن مجید به‌ی؟! بوگون تیراختورون تاپشیریلمیش اوتوزماغی کئفیمیزی پوزوب!

او یازی‌دا منیم منظوروم "خوی‌لولار"دان تکجه قاییدیر کیملیگی‌نی اونودان خویلولارا. فیکر ائلیردیم تورکجه اوخویا بیله‌نلره منیم دئدیگیم آیدیندیر! بئله آداملار تکجه خوی‌دا یاشاماییرلار و بلکی اوران(نیسبت) توتولسا آرخایینام کیملیکچی‌لیکده خوی بیرینجی‌دیر.

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı