þ اونودمارام او گونلری. 76نجی ايلين يازينی دئييرم. نفس توتان چاغلاريدي. بير محترم کيشی گون به گون آدليملاشيردی. آدليملاشاراق آدديملاری دا چوخ بؤيوک ايدی. او خاتمی ايدی! اولوسلار آراسی دانيشيق اونون اؤنملی سؤزو ايدی. مدنی جامعه دن دانيشيردی.
بيز ده دبيرستان دان چيخميش هيجانلی گنجلريديک! منه تای ميليونلار ايرانلی!اؤز عموغلوم خاتمی نين هاواسينا گؤره کؤتدو کؤتک يئدی!
تورک اؤز تاپتالانميش ديلکلر و هوسلرينی اونون آرامانلاريندا گؤروردو. کورد، آياق آلتيندان قاچماغينی، خاتمی نين شوعارلاريندا تاپيردی. عرب، بلوچ، لور و ...، بوتون ايرانلی لار بئله دوشونوردولر. حتی فارسلار دا توپلوملارينين مدنی اولماغينی، اونون ناييليتينده بيليرديلر. سونوجو بيليرسينيز! او جومهور باشقانی اولدو و بو آلتی نجی ايلدی کی دؤزوروک!!
البته اونون آزادليق پايلاماغيندان(!)، تورکلر ده چوخلو فايدالانديلار! تورک اؤيرنجيلرين گوجلو چاليشمالاری بونو اثبات ائدير! آنجاق بيلميرم نئيه بو اولوسلار دانيشيغيندا تورکلرين سؤزو آغير گلير. سيز ده بيليرسينيز کی مدنی جامعه دن دم وورانلار چوخ دانيشماقلاريندان پئشمان اولوبلار. چونکو بو آرادا تورکلر ان بؤيوک آدديملار آتيبلار. نئچه دفعه اولار تورک آيدينلار و اؤيرنجيلر خاتمی و اونون يولداشلارينا آچيق مکتوب يازيبلار و تورکلرين تاپدالانميش حاقلارينی ايسته ميشلر. تبريزين ايلک وکيلي، آنا ياسانين 15و19نجو اصللرينی قبول ائتمير!!
نئيه اونلار جواب وئرميرلر. نئيه تورکلرين نهضتینین خبرلری ياييلمير و اونلاردان دفاع اولونمور؟ نئيه بو مدنی دانيشيق دا تورکلر مدنيت سيز تانينميشلار؟!"کوی دانشگاه" حادثه لرينده، نئيه تبريز بيلي يوردونون اتفاقلاری دئييلمه دی؟ ... بو ايلين آذرين 21نجی گونو چوخ اوزاق دئييل! ...
þ ايکي مين ايکينجی ايل قورتارماقدا دير. خاتمی پاکيستاندا، مدنيتلر دانيشيغندا دير. هانتينگتونون آغيز بورنونو يئره سورتور! نئيه کی ايقبال لاهوری قبرينين، اوستونده ايرانين جومهور باشقانی دوروب و فارسجا شعر دئيه ن، هيندوستانلی ايقبال لاهورونون عظمتيندن دانيشير.
"ياشاسين خاتمی"، لاهورلی ايقبال دئيير!!؟
No comments:
Post a Comment