آدام هردن بئله ايشلر ايله اوز-اوزه گلير بيلمير نئجه آچيقلاسين! اولدوزلارا ماراق گؤسته‌رمه‌ييمدن داها چوخ، "
آياز" آدي مني چكدي تبريزين "
آياز اولدوزلار درنه‌يي‌نين(انجمن نجوم آياز)" سايتينا. بو درنه‌ك و سايتين قوروجولارينين بير توركجه آد سئچمه‌لري اونلارين اؤز كيمليكلريني ده‌يه‌رلنديرمه‌لريني گؤسته‌ريب، آدامي سئوينديرير گرچكدن. آما گئديب سايتا باخديم گؤردوم "نئيشابور"لولارين الي ايله قورولموش پارس ديللي (فارسجا دا يوخ ها!!) وئبگاهلارين (سايتلار دا يوخ ها!!) فئستيواليندا ا ئله
بو سايت بيرينجي اولوبدور. ياني "آياز" فارسجا ديللي نوجوم بيليمي دوشه‌رگه‌لرين ايچينده ان ياخشي سايت تانينميشدير. گؤره‌سن بير زامان گله‌جك آزربايجانليلار دا مثلن بوجنورد، قوچان يا دا كلاتدا توركجه يازيلان بير سايتا "ان ياخشي توركجه اولدوز بيليمي سايتي" اؤدولو وئره‌لر؟! البته بو دا پئشكئش! آدام قورخور آياز سايتين يئيه‌سينه تبريزده بيري دئسين اوتمانميسان توركجه سئچيبسن اولدوزلار كيمي اؤنملي بيليمه؟!
دوزدور اورادا "اولماز تورک آدلی «آیاز» پارسی زبانلیق جایزه‌سینی اؤتوروب اولدوزلارا گؤره تورکجه‌ده یازا؟" يورومونو قويدوم، آنجاق من او سايتا، ايراندا بيرينجي اولدوزلار بيليمي سايتينين بيرينجي‌ليگيني الده ائتمك باشاريسيني، موتلو اولسون دئييرم. نئچه ديلده يازماق بير سايتين گوجونو گؤسته‌رر، آنجاق اؤز ديليميزده يازماق ان واجيب ايش و ياخشي‌دير. اوخوجونون آز اولماغيدا اؤنملي دئييل؛ يازي اولسا اوخوجولاردا تاپيلارلار!
3 comments:
سلام...
بونان کی آیاز جمعین سایتینا باش ویریپسیز چوخ تشکر الیرم..
بیر نچه مسئله خدمتیزه دیاجادیم که موزاحیم اولدیم. بوکی بیر آذربایجانی انجمنین سایتی، فارسی سایتلارین ایچینده مقام گتیره، ایفتخار الملیدی. آیاز انجمنین سایتیندا فارسی یازماخ، اوز اصلیتیمیزی دانماخ دییر، کی ایرانین اؤبیرسی نجوم گوروپلارینن ارتیباط دا اولماغا دی...ای کاش ایلیبولیدوخ گلجاخ دا آیاز گوروپین سایتیندا تورکیجه ده یازاخ.
منیم تورکی یازماغیم، سیزه چاتماز، ایشکالانا گوره گوذشت الین
طباطبایی / آیاز استرونومیک گوروپین رئیسی
سلام عزيز يولداشيم سايين قاضي جنابلاري
اصلن سوء تفاهم اولماسين‌ها. سيزين باشارينيز مني دريندن سئوينديردي و منده افتخار ائليرم. منيم منظوروم "كلي" ايدي و دئييرديم كاش بئله اولايدي سيزين كيمي استعدادلي و چاليشقان آداملارين زحمتلري اؤز وارليقلاريميزين گليشمه‌سينده (پيشرفتينده) ايسه آناديليميزده ده يازماقلا بؤيوك پايي اولاردي.
بوندان بئله اولدوزلار و اوزايا(فضايا) گؤره سون بيلگيلري سيزين سايتينيزدان ايزله‌يه‌جه‌يم
بير ده سيزه باشاريلار ديله ييرم
ايسته‌سيز يازيلاري‌نيزي توركجه‌يه چئويرمكده قوللوغونوزدا وارام
آزربايجانليلار گرك بير بيرينه يارديمجي اؤلالار.توكانلاردا تورك و آزربايجان محصولاتي ساتيلا.خلقيميز آزربايجاندا استحصال اؤلان شي لري آلالار.تا بورداكي كارخانالار ايره لي گئديب و آزربايجان جاوانلارينا ائله آزربايجاندا ايش يارانا.اولويت ده او كارخانالاردي كي مثلا كردلره ياخينديلار تا خالقيميز قالسين و ترك ائتمسين.بيز بو كولتورو گئنيش شكيلده گرك ياياق
Post a Comment