Sunday, February 24, 2008

بو ده بيزيمكي

مئهران باهارلي اؤز يازيلارينا باشليق يا تايتئل قويسا، اونون اوره تديگي آلتين يازلاري ياييلماميش اوخويابيلريك. البته تئز يا گئج اونلاري گؤروروك؛ باشليق ماشليقي اؤتورون؛ گئدك سؤزون اصلينه!
مئهران وئبلاقي تك باشينا قاباقدير فارسلارين فرهنگيستانينا! من هردن اؤزوموزدن اومودسوز اولوب، اوزولوردوم، چونكو ائله بيليرديم تئكنولوژي، سياست، كولتور(فرهنگ) ادبيات كيمي سؤزجوكلري، باشقا اولوسلاردان آلان بير ديل يئيه لري، چوخ دا گرك آتيليب دوشمه سينل؛ آنجاق ياخينليغيميزداكي سه يچه ايچينده سو اولدوقجا، دونيا باشينا سوسوز دولانيرميشام سانكي! گئدين و مئهران به يين بو يازيسيني اوخويون و گؤرون كي بير اوياق، مينلرجه ياتميش آداملارين جوورونو چكير :

توركجه يه يئني كلمه قازانديرما يوللار

آي ديلداشلار! سئرئه و يا اؤز ديليميزجه جيلخا دانيشماغينيزي هئچ كيمسه ايسته مير، آنجاق گلين بوندان سونرا تئكنولوژي يئرينه قوراشديريم، پاليتيك يئرينه يؤنه تگي، كولتور يئرينه اكينج، ادبيات يئرينه گؤركسؤز و البته هونري ايسه اونوتماييب، اوزلوقلا ده ييشك چونكو بونلاردان داها اؤنملي سؤزجوكلر تاپيلماز منجه.
اولدو مو؟!

3 comments:

Goudarz Sadeghi said...

سالام آیدین قارداش. سیزین پیامینیزدان مینتدارلیغیمی بیلیندیرملییم. ارژنگ غفاری بئی دن چوخ زاماندیر کی خبریم یوخدور. بئله بیللم کی حالی یاخشیدیر. پیس خبر تئز یئتیشر و بونا بنائاً اونون حالی یاخشی گرک اولسون.

mehran bahari said...

سلام. لوطفونوز اوچون چوخ ساغ اولون. منجه ده بيزيم سورون، ديليميزين اكسيكلييي و يا گره كلي دئگي و سٶزجوكلرين اولماماسي دئييلدير، بلكه اصيل سورون، بيزيم آيدينلار، يازار و قوشارلاريميزين اولاغان اوستو موحافيظه كار، اوتانجاق و حتتا قورخاق داورانمالاري و توركجه كلمه لري ايشله تمكدن چكينمه لريدير. حالبوكي منجه بيز هئچ اولماسا ان چوخ ايشله ديله ن فارسجا-عربجه كلمه لر اوچون توركجه قارشيليقلاريني ايشله تمه ليييك.: قوراشديريم- تكنولوژي، بيليم- عئلم، اوزلوق-هنر، گٶركسٶز-ادبيات، يٶنه تگي-سياست، اركله ت-دولت، قوشار-شاعر، يازار-نويسنده... كيمي. اسه ن قالين

mehran bahari said...

سلام

سٶزوموزون باشليقلاري حاققيندا دئمه لييه م من سٶزوموزو بيلاق ايسپاتدا آچاندا اونون تئمپلئتينده چوخلو ده ييشيكليكلر وئرميشديم كي اونلاري اوزوله ره ك ايندي خاطيرلاميرام. ائله وئرديييم بو ده ييشيكليكلر سونوجوندا باشليق بٶلومو حذف اولوبدور، من يازيلاري گٶنده ره نده باشليق قويما يئري گٶرونمور دولاييسي ايله يازيلارا باشيلق قويابيلميره م يعني باشليغي قوياجاق يئر يوخدور. يارانان ايكينجي سورون ايسه كامئنت بٶلومونون حذف اولونماسيدير كي بونون نتيجه سينده ده كامئنت گٶنده ريلمير. هله ليك بو ايكي سورونو نئجه حلل ائده جه ييمي بيلميره م آنجاق بونلارين چٶزومونو تاپارسام اونلاري دوزه لده جه يه م، اسه ن قالين

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı