Sunday, December 5, 2010

گونون گؤروتو: اصيل يانداش

تئهرانين هاواسيندان قاچميشديم خالخالا. گئنه بئينيمه وورموشدو گئدم تبريزه. آنجاق تجروبه گؤسته‌ريب منيم آياغيم سهند ايستاديومونا دوشمور كي دوشمور. دئديم گئتمه‌ييم، تيراختور اوتسون! راديو دان اويونو ايزله‌ييرديم. قيزيل اوزن ده‌ره‌لرينين بوروق بوروق ائنيشلرينده بيرينجي ياري قول‌سوز قورتاردي. آنجاق قيزيل اوزنين بوروق بوروق يوققوشلاريني چيخاندا تيراختور اوچونو ووردو بيريني ده يئدي! شانسيم گتيردي هله او يول تكميل اولوب شولوقلاشماييب، يوخسا تيراختور ان آزي بير يانداشي‌ني الدن وئره‌جك‌ايدي!!

دونن كي اويونون گؤرونتولرين ايچينده بو گؤرونتونو چوخ سئوديم! يانداشلارين هامي‌سي‌نين حاواسي اويان بوياندا تكجه بو بالاجا يانداشدان سونرا! گله‌جك‌ده بؤيوك بير آناليزور اولاجاق:



3 comments:

سلطانی said...

بو گؤزل یازینی اوخویاندا قونویا مربوط اولمایان بیر سورو ذهنیمه گلدی:

سیز اردبیل استانینین هانکی یولوندا تبریز رادیوسونون سسین آلا بیلیردیز؟ و آیا اونو تبریز فرستنده سیندن (1026 کیلوهرتز) آلیردینیز یا کلیبر دن (1134 کیلوهرتز)؟

Unknown said...

سايين سلطاني، فركانس ياديمدا دئييل. او يول قيزيل اوزن دره‌لري‌نين يانيندادير؛ فيكر ائله‌ميرم ساوالان و بوزقوش داغلاري كلئيبر دن گلن دالغالارا گئچمك ايجازه‌سي وئره‌لر! آما تبريز تورشوندا ائله بؤيوك داغ يوخدور

سلطانی said...

نقشه یه باخدیغیمدا سورومون جوابینی بولدوم
سیز تبریز رادیوسونون میانا دا اولان فرستنده سینین (846 کیلوهرتز اوزریندن) سسین دویموشسونوز

بیر باشقا سورو
"رادیو فرستنده سی" و "نقشه" اؤز دیلیمیزده نه دئییلر؟

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı