بو ويدئوكليپه باخين:
نئچه هفته بوندان قاباق احمدي نژاد گئتميشدي تبريزه. ياشيللار اونون استقبالينا گئدنلرين چوخ آز سايي دا اولماغيندان چوخ دانيشديلار. اؤرنك ايچين دئييرديلر تيراختورون يانداشلاري ايستاديومو دولدورورلار، آنجاق احمدي نژادي سايان يوخدور. دوغروسو دا بودور و من ده بئله دوشونوردوم. و دئييرديم كي بو ايستاديوما ييغيشان نئچه مين تبريزلي احمدي نيژادين لاپ گئرچك يانداشلاري ديرلار. آنجاق گؤردوغونوز كيمي «تيراختور» دالغاسي هر يئر ده واردير. شوعارچي احمدي نيژاد ايچين خوش گلدين شوعارلاري وئرير، آما تبريزلي لر تكجه دئييرلر تيراختور! آذربايجان دا گون گونه گوجله نن ميللي حركتي، اوزاقدان باخانلارين هئچ بيري سي آنلاييب دوشونه بيلمز. توركلري بونو اؤيره نميشلر هر يئر ده فورصت تاپسالار اؤز ايستكلريني اوجا سس ايله دئسينلر و ايندي تيراختور دئمك فوتبول ايله ايلگي لي دئييل. اونلار تيراختور دئمك ايله بونو آنلاتماق ايسته يير لر كي، بير ايدمان تيمي جومهور باشقانين دان چوخ سئويلن يئرده، كولتور، آناديل و وارليغا داها چوخ اؤنم وئريلير و ايستكلر باشقا بير شئي ديرلر.
من ده داي اؤزومو بير اوزاقدان باخان كيمي بيليرم! آشاغي دا كي گؤروتلري دا تيراختور و راه آهن اويونونا گؤره دير. هئچ كيمسه يه توخونماديلار. فوتبول سونا چاتاندان سونرا اكباتان كوچه لرينده، «هاراي هاراي من توركم» و «آذربايجان وار اولسون ايسته مه ين خار اولسون» سسلندي:
1 comment:
سلام
جلال جان
قویدوغون کلیپی آچا بیلمه دیم.
دوغرو یا قوندارما اولماسیندان ساوای
بیز تورکلرین ایستکلری دانیلا بیلینمز.
کچمیش سئگچی مساله سیندن سوزبیر دئیلیق آمما بیلیرم کی هر حالدا دوشوندوگون حاققا دایاخسان
ساغ قال شاد یاشا
Post a Comment