چوخ پيس خبر ايدي. آيت الله منتظري نين وفاتيني باش ساغليغي دئييرم.خبر بسيار بدي بود. وفات آيت الله العظمي منتظري را تسليت مي گويم.
يازيدان سونرا:
- سايين مئهران باهارلي نين «مونته ظئري (منتظري)نين آرديندان» يازيسيندا منتظري نين تورك ديلي حاقدا وئرديگي فتوايا گؤره ياخشي آچيقلاما وئريب.
- حئيدر باياتين يازديغي «او ان آزی شوونیست‌لیگ دامغاسی‌نی اؤز آلنیندان سیله بیلمیشدی» و اونا يازيلميش يوروملارين اوخوماغيني دا اؤنه ريرم.
- بو يازي يا ، سايين اوخوجولاردان بيري يوروم وئريب كي من سنين يئرينده اولسايديم(!) باش ساغليغي وئرمزديم و ...! حال بو كي بير بيلاق(وئبلاق) هر بيلاقچي يا اؤزل دير و هر كيمسه نه سئوير يازابيلر. ايكينجي سي بو كي هر كيمسه اؤزگور و آزاد دير اؤز تانيديغي دوغرو يولو سئچسين؛ سياستچي ده دئييليك كي هر نه يه پاليتيك آچيدان باخاق و چون شاهچيلار و فيلان آداملار دا منتظري دن خوشلاري گلير بيز اوندان گرك خوشوموز گلمييه!
هر حال دا آللاه منتظري كيمي اينسان سئور آداملاري هئچ خالقين ايچينده چوخ گؤرمه سين، اؤزلليكله فارس خالقي نين ايچينده كي ايستر ايسته مز بيز توركلر ايله سولارين بير آرخا يوللامالي ديرلار. من اؤزومه بورج بيليرم كي بئله بشر حاقلاريندان ساوونان آداملاري آلقيشلاييب، ان آزي اؤلنده، راحاتسيز اولوب بير باش ياغليغي يازام.
- بير باشقا آدسيز يولداش دا دئييب منتظري يه گؤره بيلديكلريني ياز بيز ده بيلك. منيم اونا گؤره بيلديگيم، اونون تورك ديلينه وئرديگي فتواسي دير. اونون فتواسيني گئدين آيت الله مكارمين فتواسي ايله قارشي-قارشي يا قوياندا، بللي اولور آدام نئجه دوشونمه لي دير! بو ايكي يازي ني اوخويون:
بيرينجي يازي (سؤزوموز) ، ايكينجي يازي (سؤزوموز)
