مين اوچ يوز يئتميش يئددي يا مين اوچ يوز يئتميش سككيزينجي ايل ايدي، تراختور ايصفاهانين ذوب آهن تيمي ايله اويناياجاق ايدي و بيز بيلي يورددان بئش آلتي نفر گئتديك ايصفاهانين تختي ايستاديومونا. كسينليك ايله دئيه بيللم هئچ اون نفره چاتمازدي ساييميز. نئچه مين ايصفاهانلي بويانا و بيز بئش - اون نفر ده بويانا... تيملريميزي آلقيشلاييرديق . سون دا تراختور ايكي بيره ذوب آهني اوتدو و بيز ده ياشانان سئوينج تايسيز ايدي و بيز ايستاديوم دان چيخاندا، بير آز نيگران ايديق او يوكسك سايي دا ذوب آهنين راحاتسيز يانداشلاري ايله ساواشاق!!! البته آللاه خيره چاتديردي...
بير ايكي يئديجه(هفته) بوندان قاباق دا تراختورون ايصفاهاندا اويونو وار ايدي و ائشيتديم كي تراختور يانداشي نين سايي سي يوزدن چوخوموش . ايصفاهان گؤرونتولرين تاپابيلمه ديم. آنجاق آشاغي دا گؤردويونوز كيمي تراختور و تهرانين ايستيل آذين دونن كي ياريشيندا تراختورچولار تئهرانلي تيمدن چوخدورلار.من ده بو گونلر بو دوشونجه يارانير كي ميللي كيمليك و وارليق فيكرينده اولماق تكجه اؤيرنجي و آيدينلار بؤلومونده دئييل و حتي ايدمانچيلار آراسينا دا گليبدير و بير تئهران دا ياشايان ايشچي ده تراختورا گووه نير و پرسپوليس و يا ايستيقلال بايراغي ني توولاماق ايله اؤزونه يئني بير كيمليك آختارمير. منجه بير آذربايجان تيمي نين يانداشي اولماق، آذربايجانلي لارين اويانماق سوره جي نين بير اؤنملي آشاماسي دير و بو بير سئوينديريجي بير حال دير و خالق آيدينلاري و اؤيرنجي لرين ايللر بويو كولتورل چاليشمالارينين سونوجو دور.
قوتلو اولسون بو باشاري..
2 comments:
هئچ یادیمدان چیخماز اوگونلر
اویوندان سونرا دا گئتدیک باهونرنن سیروزونان گوروشدوک
مهدی
هامی یا سلام!
تراختورا اولان باسقیلارا اعتراض ائتمك اوچون، 70 مین آزدیر، 700 مین تورك آذربایجانلی تراختور-پئیكان اویونونا قاتیلمالیدیر. "هركیم كی بی طرفدیر! .....دا بی شرفدیر!" تبریز، و آذربایجانین تام شهرلریندن، چیلله آیی نین 20 سینده، ساعت 15ده "سهند" فوتبال ایستادییومونا آخینمالییق. یاشاسین تورك! یاشاسین آذربایجان! یاشاسین بوزقورد تراختور!
آذربایجان یوردوموز - تراختور بوزقوردوموز
http://f.imagehost.org/0084/TRAXTUR_YENI_4.gif
http://f.imagehost.org/0180/TRAXTUR_TURK_5_Kichik.jpg
http://i.imagehost.org/0647/TRAXTUR_TURK_3_kichik_2.jpg
http://i.imagehost.org/0578/TRAXTUR.png
http://i.imagehost.org/0774/TRAXTUR.gif
http://f.imagehost.org/0990/TRAXTUR_ElirzaFarshi_02.jpg
http://f.imagehost.org/0887/Bozqurd.gif
Post a Comment