Monday, October 11, 2010

گونون گؤروتو: تيراختور اويونچولاري‌نين آزربايجان رقصي

تيراختور و بلديه اويونلاري اوست اوسته گلمك ايچين بيلميرديم نئيله‌يه‌م! شهرداري‌يا، پيروزي اويونوندان سونرا كي اولايلارا گؤره گؤره داها آرتيق يارديم گؤسترمه‌يين لازم اولماغي‌ني دوشونوردم. آخيردا گؤردوم گئديرم كرجه‌ ساري! كرج و تئهرانين لاپ او قالين قه‌ييم توركلريندن اوچ يا دؤرد يوز نفر، گلميشديلر بلديه‌نين آلقيشلاماغينا. بونا گؤره دئييرم كي بلديه‌ني آلقيشلاماق، گئرچك‌دن روحيه، اورك، و فوتبول‌دان اوستون دويغولارا صاحيب اولماق ايسته‌يير. هر حالدا ياشاسين بلديه! مايلي كوهنين بيلديركي تيراختورو اوتماقلارينين اؤجونو آلدي؛ تيراختورون اوچ-بيره اوتماق سونوجو دا سئوينجي ايكي قات ائتميشدي. سئوينج ايله ايستاديوم‌دان چيخديق(*.ی. س.).

گئجه ايدمان خبرلرينده تيراختورون بيرينجي قولونو كرار جاسيم ووراندن سونرا باشقا اويونچولار ايله گئتديلر كورنئر بايراغينين يانيندا دوزولدولر. آما بيلمه‌ديم جريان نه ايميش؛ ايندي يولداشلاردان ائشيديرم كي ايراقلي عرب جاسيم كرار، برازيللي پيمئنتا، كيرمانلي عليزاده ، شيرازلي محمد حسن ابراهيمي ، و باشقا اويونچولار تاماشاچيلار قارشي‌سيندا لزگي و يا آزربايجان رقصي ائديبلر. ائله‌بيل ، ياواش ياواش تيراختورون اولوسلار آراسي اويونچولاري‌دا يانداشلارين كولتورل ائتگي‌سي آلتيندا، اولورلار آزربايجانين كولتورل تمثيلچي‌لري!
ياشاسينلار.

ايرنا دا ياييلميش بو گؤروتو ايدمان گونده‌ليكلري ده ياييبلار:


بو دا اويناماغين سونو، و قول وورماغا داوام وئرمك ايچين ياريشا دؤنمك:


ی. س:
تراکتور اف.سی. سایتی، قول‌لار و حساس لحظه‌لردن بیر اوچ ده‌یقه‌لیک فیلم یاییب. ایچینده دئدیگیمیز اویناماق‌دا وار! من‌ده تکجه‌ قوللار و اویناماق آنلارینا لزگی اویناماق موسیقی‌سیندن بیر پارچا آرتیردیم؛ آشاغی دا باخابیلرسینیز(داها کئیفییتلی گؤرمک ایچین بورادان دانلود ائتمه‌لی‌سینیز):


* ) ی. س:

کئچن آی تئهرانین تختی ایستادیوموندا تیراختور - ایستیل آذین اویونوندا تاماشاچیلارا دیجیتال کامئرا اؤزلری ایله ایچه‌ری آپارماق ایچین ایزین وئریلمه‌مه‌یه گؤره(دادلی سونوج)، تئهران دا کامئرا دولاندیرماق‌دان گؤزوم قورخوب! بو دؤنه کامئرا آپارمادیم. آما موبایل ایله نئچه دنه گؤروت و اوینار گؤروت (ویدئو) چکدیم؛ کئیفیت‌سیز دیرلر آما باخماغینا ده‌یرلر.
گؤرمک ایچین سول‌دا کی عکسین اوستونه کلیک ائدین.

6 comments:

یوسوف said...

سلام

ساغولاسان چوخ گؤزل مطلب دیر.
کوشگه بونون ویدئوسون دا تاپا بیلک.

ساغ قالین

یوسوف said...

کئشگه

سلطانی said...

نه گؤزل اولوب. حییف کی اویونا باخا بیلمه دیم

ایکی آیری سؤز:
دونن پیروزی تیمینین اویونونون آخیرینده بو تیمین قاباق کی اویونچوسو (پژمان نوری) آخیر گولو ووراندان سونرا تاماشاچیلار "بی غیرت، بی غیرت" دئماغا باشلادیلار. آما بوگون روزنامه لر و سایتلار دا او گونکی های کوی دن خبر یوخودی!

بیری ده بو کی بیلمیرم بو خبری گؤرموسوز یا یوخ:
http://tabriz.irib.ir/index.php?option=com_content&task=view&id=5598&Itemid=243

سلطانی said...

بیر آیری سؤز

علیزاده کرمانلی دیر
ابراهیمی شیرازلی

لطفا اصلاح ائلیین

Aydin Kasaei said...

@Yusuf:
گئجه دوخسان گؤرسه‌تدي! فوتبول دا پئشه‌كارليغا باخماياراق، اويناما دا ناشي‌ديرلار هله! گؤرك بير نفر تاپيلاجاق بو ويدئونو اينتئرنته قويا!؟

@سلطاني:
اللر آغريماسين ! ايصلاح ائله‌ديم. من او اويونا باخديم، هله اونلار ركيك يامان دا وئرديلر. بيلميرم دايي‌نين اؤزونه‌ده بير شئي دئييبلر يوخسا يوخ؛ آما قوي پيروزي بير دانا دا اوتوزسون گؤر نئجه شرمنده‌ليگين‌دن چيخاجاقلار. قاباق هر حال‌دا توركلر هاواسين ساخلايارديلار، بو دؤنه اولاجاق ايكي باشي موندار آغاج

یوسوف said...

سلام
یاشاسین
گلدیم دیم کی http://www.youtube.com/watch?v=o9fL1eAKjhc لینک ایمیلیمه گلیپ آما متاسفانه آچانمادیم کی سیزین ویدئونو گؤردوم

یاشیاسیز.

Yazıları Latin əlifbasında görmək için, mətni kopi eləyib gedin Köçürgə`yə:

köçürgə yazılımı