خالخاللي ماللا محمدباغيرين مزاري

بئش ايل بوندان اؤنجه، مجتبي پناهي آدلي ميانالي ديلداشيم و سونراليق دا سايين شاعير و آراشديريجي يولداش محمدصادق نايبي ايله بير بحثيميز اولدو ملا محمد باغير خلخالي حاقيندا. بوتون يازيلاري بورادا اوخويا بيلرسينيز. هئچ بيزيميز ده ايسه قوصور يوخ ايدي ملا محمد باغير آذربايجانليلارين ان بؤيوك ادبي افتخارلاريندا ساييلير و بو آرادا ميانا و خالخال دا ايسته‌ييرلر تاريخي جهتلردن دئسينلر كي او اؤز بؤلگه‌لرينين يئرلي‌سي‌دير و بئله‌ليك ايله اؤزلرينه بير باشقا باشي اوجاليق اله گتيرسينلر.

او چاغ اونلارين بير سؤزو بو ايدي كي : " اصلا سيز خالخاللي‌لار نه دئييرسينيز؟ ملا محمدباقر خلخالي نين آغيرلاما تؤرنينده، نئيه خالخاللي سوروملولاردان خبر يوخ ايدي و تكجه مييانالي مسؤولار وار ايدي لر؟! موللا محمد باغيرا دوزگون بير مزار و آنيت دوزلدنده سيز به هاردايدينيز و ...؟" من بو سؤزلره بير جاوابلار وئرديم، آنجاق هميشه بير فورصت آختاريرديم يولوم آقكنده دوشسه، قارابولاغا دا گئدم و گؤرم ميانانين كولتورل سوروملولاري اورادا نه ايش گؤروبلر. نئچه ايل‌دير گيلان يولو يئرينه ده كاغيذكونان و قارابولاق‌دان ساووشارام، آما هر دؤنه‌ يولون خارابليغي‌ و تله‌سمه‌يه گؤره قارابولاق دا دايانابيلمرم. چون دئيه‌رم بو گؤروش اوچون چوخ واخت قويمالي‌يام. البته قارابولاغا گيره‌نده هميشه بير تابلو گؤررديم، و يازي‌سينا دقتت ائتمه‌دن فيكر ائدرديم اوستونده يازيليب: "ماللا محمدباغيرين دوغما يوردو(زادگاه محمد باقر خلخالي)"، دئمه او زادگاه دئييل بلكي آرامگاه‌دير؛ و  اصلا فيكريمه يئتيشميردي كي او تابلونون يانيندا "قبير"، "آنيت" و يوخسا "يادبود" واردير، اطرافيندا ايسه قبريستان گؤرونموردو آخي! هر حال‌دا گئچن آي اورادا تابلونون يانيندا يئرده بير ياشيل پارچا گؤزومه ده‌يدي و تئز ماشيني ساخلاييب و گئتديم او پارچايا ساري. هن، او پارچاني ن آلتيندا بير قبير وار ايدي و او دا ملا محمد باغيرين مزار ايدي. پارچاني چكميشديلر كي او مزار داشي تميز قالسين و قارا بوياسي گون ايشيغي آلتيندا قورونسون. و بئله‌ليك بللي اولدو سوروملولارين ايشي، تكجه بير تابلو، بير مزار داشي و بير ياشيل پارچا دير! و من بئله دوشونورم ائله بونلار دا قارابولاقلي‌لارين اؤز ايشلري‌دير.

منجه شهريارين حئيدرباباسي ياييلاندان اؤنجه، ماللا محمدباغيرين ثؤعلبيه‌سي(تولكو ناغيلي) چوخلو آذربايجانلي‌لارين ائوينده تاپيلاردي و او كسينليكله آذربايجانين ان بؤيوك اديبلرين بيري‌سي ساييلابيلر. آنجاق اوزوجودور كي بئله بؤيوك شاعيرين مزاري بئله دورومدا ساخلانير. بير فاتيحه وئريب و نئچه دنه گؤروت ده سالديم:

مزار داشيندا يونولموش شئعر:

خبر آلسا بيري آديمي بالفرض --- اؤزوم اؤز آديمي قوي ائيله‌ييم عرض

فنون معرفت‌دن خالي‌يه‌م من --- محمد باقر خلخالي‌يه‌م من

آناديلي قارشي‌سيندا

من هر بيلاق (وئبلاگ) دا ايسته‌سم يوروم قويام، يازاري اؤزونو تانيتديرسا، اؤزگئچميشينه(پروفايلينا) باخارام. بير ايكي آي دير مونجوق آدلي بير بيلاق ايله تانيش اولموشام. بو بيلاغين يازاري دونياليق فيزيك اوليمپيادلاريندا مقام اله گتيريب و جاوانليغينا باخماياراق آذربايجانين فيزيك بيليمينين نوخبه‌لريندن ساييلابيلر. اونون اؤزل باخيشلاريني آذربايجان دا كي كولتورل و كيمليك‌چي‌ليك، و وارليق‌چي‌ليق حركاتي حاقيندا اوخوياندا، اونون نوخبه‌ليغي‌ني اونودورام و يوروملاريمي دئييرم. بو ايكي صحيفه ده بيزيم ان چوخ دانيشيقلاريميزي گؤره بيلرسينيز: 1 و 2 .  آنجاق منيم نئچه يوروموم سيلينميش‌دير و نه‌ده‌نين ايسه بيلميرم! بير بيليم آدامي  كي بير ساده آدامين يورومونو سيلمز، يانيت وئرر!

او اؤز بيلاغيندا بير قيسا يازي ياياندان سونرا، يوروملارا اصلي يازيدان چوخ يانيت وئرر و بو باعيث اولور بير آز موباحيثه‌لر قاتيشسين. البته اونون يوروملاريندا اؤنملي سؤزلر گؤرمك اولور و آذربايجانين كولتورل چاليشقانلاري بونلارا ديققت ائتمه‌لي‌ديرلر. اونون بير يازي‌سي بئله دير:

بگذارید خاطره ای از مدرسه خودمان بگویم (مدرسه فرزانگان تبریز) یکی از هم مدرسه ای های ما که مانند شما از علاقه مندان آموزش زبان ترکی بود با مدیر صحبت کرده بود تا ترتیب کلاس آموزش ترکی بدهد. (این اتفاق در سال 70 افتاد) مدیر مدرسه همان طوری که می توانید تصور کنید مخالفت کرد. اما این تنها مدیر مدرسه نبود که مخالف بود بیشتر دوستان هم مدرسه ای من هم به این هم مدرسه ای توپیدند و گفتند حالا این همه ما درس داریم تو می خواهی زحمت ما را بیشتر هم بکنی؟! اشتباه نکنید این دوستانی که اعتراض کردند به زبان ترکی علاقه زیادی داشتند. اتفاقا در محاوره هم از اصطلاحات اصیل ترکی استفاده می کردند. آن روز ها مد بود که بچه ها دفترچه نظر خواهی از همکلاسی ها تهیه می کردند. یکی از این سئوالات آن بود که زبان مورد علاقه تان چیست. اکثریت جواب داده بودند زبان مادریم. آری! همگی علاقه مند بودیم. با این حال اهمیت آموزش دستور زبان و ادبیات همان زبان مادری را به طور مدون درک نمی کردیم. بزرگ تر هایمان هم به ما چیزی در این باره نگفته بودند.
---
چئويري: قويون اؤز اوخولوموزدان(تبريزين فرزانگان اوخولو) بير خاطيره دئييم. بيزيم اوخولداشلاريميزين بيري‌سي سيزين كيمي توركجه ديلينين اؤيريتمينه ماراقلي‌ ايدي و مودور ايله دانيشميشدي كي توركجه اؤيره‌تيم كيلاسيني قورسون(1370 جي ايلده). تصوور ائتديگينيز كيمي مودور موخاليفت ائله دي. آنجاق تكجه مودور دئييلدي كي قارشي‌دوردو، بلكي اوخولداشلارين چوخودا ، بو اوخولداشا ديلله‌نديلر و دئديلر ايندي بو قدر درس واريميز، سن ايسته‌ييرسن بيزيم زحمتيميزي چوخالداسان؟! يانليشليغا دوشونمه‌يين كي تپگي گؤسترنلر ايسه توركجه‌يه چوخلو ماراقلي ايديلر. اؤزوده دانيشيقدا اصيل توركجه سؤزجوكلري ايشه آپاريرديلار. او گونلر مود ايدي كي اوشاقلار صينيفداشلارين نظرلريني‌بيلمك ايچين دفترچه تهيه ائلرديلر. سورغولارين بيري‌سي "ماراق گؤسترديگينيز ديل نه دير؟" صينيفداشلارين چوخو دا آناديللريني يانيت وئرميشديلر. هن! هامي‌ميز ماراقلي ايديك. آنجاق آناديلي‌نين قيرامئر و گؤركسؤز(ادبيات)ونون اؤيره‌تيم اؤنه‌ميني باشا دوشموردوك. بؤيوكلريميز ده بو قونو دا بير شئي بيزه دئمه‌ميشديلر.

البته من بئله قارشي دورماني بيلي‌يورد دا گؤروردوم. بيزلر كي تبريز كيمي يئرده درس اوخوماميشديق و دبيريستان‌دا "آناديل" قونوسوندا هئچ زاد بيلميرديك، من اؤزوم ائو ده، اؤز اوتاغيمدا "تخت جمشيد" و "كوروش" گؤروتو دووارا وورموشدم! گينه تبريز ده قولاغا بير شئيلر يئتيشيرميش. تكجه بير زامان آسلاندوز و موغان سينيري يانينا گئدنده بير شئي‌لر دوشوندوم. و بيلي‌يورد دا او اؤيرنجيسل آيدينليق ايدي كي اويانديردي بيزلري. يازيق دوكتور دوزگونو هر جوما تئهراندان گتيريرديك اصفهانا، و بيرينجي دؤنه ماراق گؤسته‌رن اؤيرنجيلري، سونرالار زور ايله كيلاسا گتيريرديك و البته اؤزموز ده چوخ اؤيره‌نه‌بيلميرديك. نه توركجه ياخشي اؤيره‌نه‌بيليرديك و نه اؤز درسلريميزه ياخشي يئتيشه‌بيليرديك.

آناديلي و گئنلليك ايله بوتون ديللر اوشاقليقدا اؤيره‌ديلمه‌لي ديرلر و ايرانين بو اؤيره‌تيم دوزه‌نه‌يينده(سيستئمينده) بير 14-15 ياشيندا كي "كونكور"دا باشاري‌ الده ائتمك فيكيرينده اولان اؤيرنجي‌يه دئسين گل آناديلي‌ني ده اؤيرن، بللي دير خوشو دا گلسه، دئيه‌جك: «من "كونكور"دان چيخماق ايچين گرك عربجه، فارسجا، اينگليزجه و باشقا درسلرده "نومره" اله گتيره‌م و بو آرادا توركجه نه درديمه ده‌يه‌جك‌دير».  و ان ياخشي حالت‌ده توركلر بئله دئييريك: «قوي بو آشاماني دا گئچك، سونرا اؤز آناديلي‌ميزي اؤيره‌نه‌ريك»! حالبوكي ياش چوخالير و اؤيره‌نمك ايسه چتين‌له‌شير و سونرا اوشاق دا گتيريريك و اونلار داها بارشاري‌لي اولماق ايچين اونلار اوشاقليقدان فارسجا دانيشيريق!! و يازيقلار اولسون كي "آسيميلاسيون" ايران‌دا كونكور سيستئميندن بئله چيركين يوللار ايله تورك گنج اؤيرنجيلري اؤز آناديللريندن اولدوقجا اوزاقلاشديرير.

بيلي‌يورد و اؤيره‌تيم دؤنمينده، چوخلو بيليمسل ايشلرين داليسيجا اولان مونجوق بيلاغينين يازاري اؤز يازيلارينين آراسيندا باشقا بير قونو دان دا تعججوب ائليير:

علت شرکت نکردن دانشجویان تبریز در برنامه های ما هنوز برایم یک معماست. منتظرم یکی توضیح دهد که چرا دانشجویان تبریز و ارومیه و اردبیل در همایش های شرکت نمی کنند. اگر ایراد از سوی برگزاری است سعی می کنیم رفع نماییم. این یک مسئله جدی کاری است. ... علت چیست؟! دوری راه؟! راه که دورتر از فاصله تهران و لندن و یا کالیفرنیا ویا هلند نیست...
همین وبلاگ منجوق هم بین اصفهانی ها و یزدی خواننده بیشتری دارد تا بین تبریزی ها. حتی مشتریان اصلی داستان سارا یی که نوشتم اصفهانی ها و یزدی ها بودند! علت چیست؟!
---
چئويري: تبريز اؤيرنجي‌لرين قاتيلماماغي بيزيم پروقراملاريميزدا هله ده تاپماجادير! گودورم بيري منه آچيقلاسين نه ايچين تبريز، اورمو، و اردبيل اؤيرنجي‌لري بيزيم توپلانتيلارا گلميرلر. ايراد قورولماق دان ديرسا، چاليشاريق آرادان قالديراق. بو بير جيددي سورون دور. عيللت نه دير؟! يولون اوزاقليغي؟! يول كي تئهران- لوندون يا كاليفورنا و يا هولاندا دان اوزاق دئييل...
ائله بو مونجوق بيلاغي ايصفاهانلي‌لار و يزدلي‌لر آراسيندا تبريزلي‌لردن چوخ اوخوجوسو وار. حتي يازديغيم سارا ناغيلي‌نين اصل موشتري‌لري اصفهانلي‌لار و يزدلي‌لر ايديلر! نه‌دن نه دير؟!

بيزيم نوخبه يولداشيميز اؤزو اؤنجه جاوابلاري وئرير، آنجاق بير داها سوروشور! توپلانتي‌لارا قاتيلماماق نه‌دني "آناديلي" دير و "باشقا ديل‌ده" دوز دانيشا بيلمه‌مك دير. من يئدي سكيز ايل بوندان اؤنجه بير تيجاري توپلانتي دا دوزه‌تديگيم يازيليمي(سافت وئير - نرم افزار)" ايضاح ائديرديم. آچيقلاما قورتاراندان سونرا ائشيتديم كي نئچه دنه ژورناليست و قزئته‌جي يازيليما گؤره دانيشماق يئرينه، گوله-گوله بونا گؤره دانيشيرميشلار كي من تبريز‌لي‌يم يوخسا اردبيللي!! هله بيزيم بيليمسل توپلانتي‌لار ائله ده بيليمسل د عئلمي دئييللر مونجوق بيلاغي‌ني يازان يولداشيميز. ائله بونا گؤره دير كي بير تورك بيليم آدامي لوندون و كاليفورنيا يا گئدير و او اؤز مقاله‌سي يا آراشديرماسينا گؤره دانيشاندا ، بير آمئريكالي يا آوروپالي اونون لهجه‌سينه گؤره دانيشمير!! اورادا شوونيسم و ديله گؤره اؤزونو اوستون بيلمك سورونو يوخدور و تكجه آراشديرمانين كئيفييتينه ديققت ائليرلر! آنجاق ايرانين عئلمي و "دانشگاهي(!)" موحيطلرينده هله ده بير بؤيوك اولوسون ديلي و كيمليگيني اله‌ساليرلار(بوراني اوخويون: "لمپنيسم از سكوي ورزشگاه تا صندلي دانشگاه / لومپنيسم، ايستاديوم رفيندن بيلي‌يورد صندلي‌سينه دك").

مونجوق كيمي ده‌يه‌رلي بيلاغين دا چوخلو اوخوجوسو نه‌دن تبريز دئييل، بلكه ايصفاهان و يزد دن دير، بللي‌دير! کسینلیکله تكجه فارسجا يازماغا گؤره دئييل. بلكي اورادا توركلرين ايسته‌ديكلريني دوزگون آنلاماماغا گؤره دير! اصفهانلي و يزدلي‌‌ اوخوجولار بير تورك نوخبه آدامين، آسيميلاسيونو بؤیوک ظولم بیلمیه ن دوشونجه نی سئويرلر؛ و بو دوغال دير. تورکلر و تبريزلي‌لرين بئله يازيلارا ماراق گؤستر‌مه‌مه‌يي، دوز اونلارين تيراختور و آذربايجان تيملرينه حدسيز ماراق گؤستريب، و باشقا طرفدن علي دايي و كريم باقيري اولان تيمه ماراق گؤسترمه‌مك، نظیره سی ‌دير.

Oyan - اويان

بو باشليغي گؤردوم:

"اویان" جایزه بهترین فیلم کوتاه جشنواره «ته رنتو» را دریافت کرد.
("اويان" فيلمي ايتاليا دا قورولان «تئرئنتو» قيسا فيلم فئستيوالي‌نين ان ياخشي اؤدولونو قازاندي)
خبر - ۰۵ خرداد ۱۳۸۹ - منبع : سینمافردا

و تئز خبري اوخودوم:

ايتاليا دا، آغلار گولر(ارديبهشت) آيي‌نين دوققوزوندان اوندوققوزونا قدر قورولان، اللي سكيزينجي طبيعت و داغليق فيلملرينه گؤره،  تئرئنتو فئستيواليندا، اسماعيل منصف يؤنتيمي ايله دوزه‌لميش "اويان" قيسا فيلمي، اولوسلار آراسي ياريش بؤلمه‌سينده، ان ياخشي قيسا فيلم اؤدولونو (جايزه‌سي‌ني)  اله گتيردي.
‍ژوري هئياتينين بيانييه‌سينده دئييلميش كي يؤنتمه‌ن بو فيلم‌ده، باجاريقلي بير روايت ده، ايرانين بوگونو و كندلرينده اولان ياشام فضاسينا باخيب كي گؤزلري نازلاياراق، ايرانلي‌لارين ده‌يه‌رلي گله‌نه‌كلريني(سنت‌لريني) ايسه گؤسترير.

بورايا قدر اؤز آختارديغيمي تاپابيلمه‌ديم. "اويان" سؤزجويو توركجه‌دير. فيلمين آدي توركجه اولسا، ديلي ده توركجه اولمالي‌دير؛ آنجاق آذربايجانا گؤره هئچ زاد گؤرمه‌ديم. باشقا سايتلار همن خبري يازميشديلار. دئديم ائله گئديم فئستيوالين اصلي سايتينا باش ووروم، اورادا دا  آذربايجانا گؤره بير شئي يازماميشدي و فيلمه ايسه باخابيلمه‌ديم(باغلانتيلار: 1 - 2).

فئستيوالين رسمي سايتي ايكي آچيقلاما دا، بئله يازيلميشدير:

Iran Mountains. The everyday-life of a young post-man who delivers mail on both sides of the border.

چئويرمه:"ايران داغلاري. سينيرين ايكي يانينا مكتوب آپاران بير پوستچونون گونده‌ليك ياشامي."

Shot in the isolated mountains of Iran, this short film tells the story of a young postman who takes letters from one side of the border to the other. The house of an old shoemaker is always on his round. The shoemaker’s daughter anxiously awaits letters from her husband, who is a prisoner on the other side of the barbed wire that marks the border. One day the young postman discovers that it is not her husband sending the letters.

چئويرمه: "(فيلم) ايرانين ايزوله اولونموش داغلاريندا چكيلميش. بو قيسا فيلم، سينيرين بو تاييندان او تايينا مكتوب آپاران بير گنج پوستچو حاققيندا دير. بير قوجا باشماقچي‌نين ائوي اونون گونلوك يولوندادير. باشماقچي‌نين قيزي هيجان و راحاتسيزليقلا ، تيكانلي مفتيللي(سيم خاردار) سينيزين او تاييندا توتوقلانميش ارينين مكتوبلاري‌ني گؤزله‌يير. گونلرينين بيرينده گنج پوستچو باشا دوشور كي مكتوبلاري گؤنده‌رن او آروادين اري دئييل... "

خاريج ده ياشايان تانيشلارين بيري‌سيندن ايسته‌ديم، بو فيلمه باخيب گؤرسون جريان نه دير. او دا دئدي وئرديگين ويدئو آدرئسي، فيلمدن بير 36 ثانيه‌ليك كليپ دير؛ آنجاق ايچينده اردبيل-آستارا آغزيندا توركجه دانيشيرلار...

توركجه آدلي و توركجه ديللي آذربايجان گله‌نه‌كلري حاققيندا دوزه‌لينميش فيلميميزه گؤره ده اولوسلار آراسي جايزه آپارديق، آنجاق بيزيم وارليق گيزلي قالدي...
اويان منيم خالقيم...

تومبه‌‌تين

آشاغي‌دا كي گؤروتو بوردا گؤردوم. يئتميش ايله ياخين دير كي تومبه‌تين دوشوب؛ آنجاق ياراتديغي شوونيسم هله ياشايير.

اؤز آراميزدي نه ياراشير بئله آداما "تومبه‌تين" دئيه‌سن:

آيدين گله‌جك

ايستاديوما گيرنده گؤردوم، آناليزلر و اؤن‌گؤرولريم(پيش‌بيني) بو دؤنه دوغرو چيخماياجاق! گؤروردوم بير سايي توركجه دانيشاراق گئديرلر و سؤزلرينه ديققت ائدنده، بيليرديم كي بونلار آذربايجان ييغماسي يوخ، بلكه پئرسپوليس يانداشي ديرلار! اؤزومله بئله دئييرديم كي هله تيراختور اولدوقجا اؤز ايشيني گؤرمه‌ميش و تئهران يئرينده و تئهران توركلري آراسيندا تبريز ده كي "آنلام" يارانماميش و نئچه ايل زامانا احتياجيميز واردير. قرار اولسايدي بوتون توركلر سونوجا گؤره تجربه‌سيز تاخيملاري ياري يولدا بوراخماييب و بئله چتين چاغلار دا اؤز ايشلريني اؤتوروب و آلقيش ايچين گلسه‌ايديلر چوخدان ايدي بيز اولوسال هدفلريميزه  يئتيشميشديك و اوندان علاوه، آذربايجان‌ تاخيملاري فوتبولدان اوستون اولاي دا اولمازدي. بئله بير دوشونجه ايله اؤزومو راضيلاشديراركن گيرديم ايستاديوما؛ و  "اوچ‌يوز" فيلمينده‌كيلر كيمي، اونلار مينين قاباغيندا، ان قئيرتلي توركلر ايله بيرليكده "ياشاسين آذربايجان" ايله، دايانيش و دايانيشماني باشلاديق. و البته يئرينيز بوش "گور...هاي آبي(گؤي چؤل ائششكلري)" و حتي باشقا توركجه يامانلار دا ائشيتديك، آنجاق تورك بئله زامانلار اسگيك گتيرمز! سيز بونو ياخشي بيليرسينيز؛ دوخسان مينين قارشيسيندا هئچ نه دن واز گئچمه‌ديگيميزه گؤره اللريميز وار!

و او آرادا الدن گئتميش قهرمانلاريميز، دايي و كريم ايديلر كي ديلداشلارينا اولونان ايهانتلر قارشيسندا هئچ عورضه و چيخار گؤسترمه‌ديلر. حالبوكي بير آي بوندان قاباق، ائله بو ايكي نفر افغانلي‌لارا گؤره راحاتسيز اولدولار و گئجه ياتابيلمه‌ديلر! اولابيلر اونلار تكامول تاپيب و ائششكليك دن چيخميشلار، چونكو اصيل آذري حيسابلانيرلار!! و بونلار هئچ بيري‌سي مني راحاتسيز ائتميردي؛ آنجاق ايستاديومدان ائشيگه چيخاندا "تبريز جيريخ‌دي" سؤزونو ائشيدنده حاليم توتولدو. بللي ايدي كي بونو پئرسپوليسلي‌لرين آراسيندا تورك ده چوخ وار و بو سؤزو يوزه يوز توركلر دئييرديلر. لهجه‌لري ده يوخ ايدي، و  اوزوجودور كي هله بونو قانماميشلار، اوتوب-اوتوزماماغا اؤنم وئرمه‌ين ديلداشلاري، نه ايچين آذربايجان تيملرينين آرخاسيندا دورورلار. نئچه گون بوندان قاباق يولداشلاريميزين بيري‌سي ايله، "كيملر بيزه چوخ ضربه ووروب" قونوسوندا دانيشيرديق. من دئييرديم، فارسلار دا تقصير يوخدور، هر نه چكيريك اؤز آراميزدا اولان دوشونجه‌سيزلردن چكيريك. و او دا دئييردي هن ائله بيز گرك مارادوناني اؤتوروب و غضنفرلري توتاق!! و دونن اؤزگه‌يه يالتاقلانان غضنفرلر بيزه ياني-قيني وئريب و دئييرديلر: "تبريز جيريخ دي"!!و اولارمي بير آدام اؤز وار اولدوغونو ايسته‌مه‌سين! هئي ...

ليوانين بوش بؤلوموندن چوخ دانيشديم، آنجاق گلن يئدي- سككيز مين پولاتچي‌دان چوخ آز يازديم. دوزون ايسته‌سه‌نيز اورادا كي دورومو نه دئمك اولور و نه يازماق. اؤرنك ايچين بو گؤرونتويه باخين؛ بو قيز اوشاغين گؤزلريندن سيز نه دويورسونوز؟ منجه بو قيز آتاسينين يانيندا، دوخسان‌مين يامان دئيه‌ن قارشيسندا قورخمازليق اؤيرنير و آيدين گلجكه اينانير و فيكر ائدير:

دونن كي اويونداكي آلقيشلامالار و سئوينجلردن نئچه دنه گؤرمه‌لي كليپ حاضيرلاميشام. بورادا باخابيلرسينيز:

Qeyrətli Polatçıların Tehranda ki alqışlamalarından Kliplər, Finalın qayıtma oyunu

كليپهايي از طرفداران باروحيه و پرشور گسترش فولاد آذربايجان در بازي برگشت فينال جام حذفي 89 مقابل پرسپوليس در استاديوم آزادي

تئهران دا قوناق دئييليك

رسول خطيبي فينالين تئهران‌دا اويناناجاق ياريشا گؤره بير سؤزلر دئييبدير. آنجاق او سؤزلرين باشليغي(تيتري) ياييندا و سايتلاردا فرقلي‌دير. اوزاق‌دان باخانلار و دئمه‌لي "آذربايجان وار اولسون" سؤزونو خوشلاماينلار بئله يازيبلار:

خطيبي: "خوشحال مي‌شوم، جام را كريم باقري بالا ببرد"!

و بيري دئمير كي آخي نئيه؟ ياني خطيبي‌‌ گئچن هفته‌ ده كي اولايلاري و توركلرين دايي و باقيري‌ني قيراغا قويوب، و تكجه تبريز تيملريني سئومكلريني قولايجا اونودوب و تعارف ائتمه‌سي اؤنملي اولوبدور! حالبوكي او تئهران دا قوناق اولماديقلارينا آرخايين دير و دئيير: "بيزه ايستاديومون يوز ده اونون وئره‌جكلر، آنجاق امينم كي ايستاديومون ياريسي بيزي آلقيشلاييب و تئهران توركلري بيزي تك قويماياجاق".
و بئله دير كي اؤزموزونكولر بئله اويغون باشليق وورموشلار:

خطيبي: "نصف آزادي ما را تشويق خواهند كرد" - gftfans.ir

و دوغروسو دا بودور. ائله كي تيراختورون تئهرانداكي اويونلاريندا گؤردوك، هم پرسپوليس و هم استقلال قارشيسيندا، تاماشاچيلارين ياريسي تيراختورو آلقيشلاديلار. و بونون تعججوبو يوخدور! گئچن ايللرده استقلال و پرسپوليس ايچين 70-80 مين نفر آزادي ايستاديومونا گلنلرين ياري‌سي تورك ايديلر؛ چونكو تئهران اوستانيندا ياشايانلارين ياري‌سي توركدور! ولي ايندي  دوروم ده‌ييشيلميشدير و آذربايجاندان تئهرانا گلن تاخيملار، رسولون دئديگي كيمي تك باشينا بوراخيلمير.

بوگون ده پئرسپوليسين باشقاني كاشاني، سانكي بيليب تراختورچولار بو دؤنه پولاتچي اولوب و ايستاديوما گله‌جكلر، و دئييب كي گؤستريش فولادين تاماشاچيلاريني ايكينجي طبقه ده اوتوردون؛ چونكو شهريستانلي‌ديرلار و تئز يئتيشه‌جكلر! بير ده يوخدو اونا دئسين سيزين يانداشلارينيز كيمي ائله بونلارين چوخو دا تئهران-كرج‌دن گله‌جكلر:

فدراسيون يارديمجي‌سينين اؤن‌گؤروسو‌

گئت گئده آذربايجانلي‌لارين ايچينده‌ايسه سوروملولوق و مسؤوليت دويغوسو آرتيرير و بو يقين كي خالقين اونلارين داليسيندا دورماغا گؤره دير. گسترش فولادين صاحيبي، زنوزي ايسه فوتبول فدراسيونو اصفهانلي يارديمجي‌سي، تاجين، ساچمالارينا بئله ياناشيب و اونون سؤزلريني ائله‌شتيرميشدير. او فينالين ايكينجي اويونوندان قاباق دئييب كي قهرمامليقلار اصفهان و تئهران تاخيملارينين آراسيندا بؤلوندو!! زنوزي دا دئييب كي فدراسيون سوروملوسو، ياريش اوينامادان و سونوج بللي اولمادان ايندي‌دن نئيه پئرسپوليسي قهرمان بيلير؟ اولمايا ايندي‌دن بيز اودوزدورموسونوز و دئميرسينيز؟ بئله ديرسه دئيين بيز تئهرانا گلمه‌يك! آنجاق بو سؤزلره باخماياراق، بيز آذربايجان خالقي‌نين حاقلاريندان قولايحا واز گئچمه‌ريك، و بوتون گوج ايله قهرمانليق و گئديش اويونون سونوجونو جوبران ائتمك ايچين چاليشاجاييق."

و من ده بئله اومودوم وار كي گؤستريش و پولاتچيلار تئهران دا قهرمان اولوب و آذربايجانين آسيادا كي ايلك و چيخارلي تمثيلجي‌سي اولاجاقلار.

ناراحتي يك آذربايجاني اصل

از حرفهای علي دايي در مصاحبه اي كه پس از بازي با گسترش فولاد انجام داد، چنين متبادر شد كه گويا در ميان آن جمع پنجاه هزاري نفري حاضر در ورزشگاه فقط يك آذربايجاني درست و حسابي و اصل وجود داشته، و خودش بوده‌است.  در مصاحبه ديگري كه در زير قسمتي از آن را خواهيد خواند، ايشان اظهار ناراحتي كرده در مورد اينكه چرا رسانه ها بدون اطلاع از صحت و سقم خبر مشكوك حمله فيزيكي بعد از اتمام بازي را به سرعت منتشر كرده‌اند.
يقينا كارهاي علي دايي تا آنجا كه به شخص خود مربوط مي شود به احدالناسي ارتباط ندارد؛ ولي اي كاش علي دايي كه با توجه به مصاحبه مورد اشاره قبلي، درباره منش و رفتار و احساسات آذربايجاني‌هاي اصيل به زعم خود تعاريفي دارد، به اين خاطر هم ابزار ناراحتي مي كرد كه انتشار اخبار كذب باعث وارد شدن خدشه به حيثيت ميليونها آذربايجاني هم مي شود، و اي كاش،  تكدر خاطر و گلايه اش از رسانه ها، فقط به خاطر نگراني خانواده و آشنايانش نبود!

" سوال: دليل ناراحتي شما از برخي از رسانه ها پس از اتفاقات تبريز چه بود؟
دايي: چون خبر نادرست اعلام شده بود. من نمي گويم اتفاقي نيفتاده است اما از رسانه ملي دلخورم که اگر خبري را مي بيند از صحت آن مطلع شود و بعد خبر را منتشر کند.

سوال: بالاخره متوجه نشديم شما چرا ناراحت هستيد، به دليل اينکه خبر زده شده يا به دليل اينکه خبر پررنگ تر شده است؟
دايي: همه ما خانواده داريم. من در ايران و حتي خارج از کشور دوستان زيادي دارم اما با خبري که پس از بازي با گسترش فولاد منتشر کرديد شب من و خانواده ام را خراب و تلخ کرديد. هيچ جاي دنيا اين طور نيست.

سوال : از کدام قسمت خبر ناراحت بوديد؟
دايي: وقتي که خواندم حرفي از چاقو به ميان آمده يا علي دايي راهي بيمارستان و درمانگاه و بستري شده است، ناراحت شدم. شما قضاوت کنيد اين خبر درباره خودتان از رسانه ملي پخش شود. چه اتفاقي مي افتد؟

سوال: طبيعتا ناراحت مي شويم.
دايي: خدا پدر شما را بيامرزد. خدا وکيلي بايد با اين حرف ها يک مستند بسازيد و به مردم نشان دهيد. با حرف هايي که پس از بازي با گسترش فولاد منتشر شد فقط مي گويم نياز به ساختن يک مستند است."

- Football3.ir | من با حاج حبيب يا علي گفتم بدون او كار نمي كنم. (view on Google Sidewiki)

مطلب قبلي وبلاگ را هم بخوانيد: "دايي نبايد ناراحت باشد".