Günün Görüntüləri: Büyü`nü sındıranlar

آزربايجان ايدماني و تيراختورا گؤره بوتون يازيلار بوندان سونرا بو صحيفه‌ده ده، ياييلاجاق‌دير:

https://sites.google.com/site/anayurdumla/tiraxtur_idman/yazilar-1

----------------------------------------------------------------------

گونون گؤرونتولري: طيليسمي سينديرانلار

 

تيراختورون دونن كي تئهران‌دا پئرسپوليس تاخيمي قارشي‌سينداكي، 40 ايلليك طيليسمي سينديرماغي‌ني ايسته‌ميرم بويوك بير بهانه‌ ائديب و ، بيزلري "بيش از حد خوش‌بين" و "غير آينده‌نگر" و "قورخاق" بيلنلري سوچلايام؛ آنجاق سانكي بو بير گئرچك ايميش كي، نئچه باشاري‌سيز اويوندان سونرا، گه‌له‌جه‌‌يي ياخشي گؤرنلر، و مصلحتلري دوغرو دوشونن‌لر "عئيبي يوخ" كيمي سؤزلردن ال چكمه‌يه‌نلر ايميشلر، و يالنيز بير اويونچويا گؤره آزربايجان كيمليگي‌ سيمگه‌سي اولان تيراختورو، اونودوب و اساسي ده‌ييشكليكلر وئرنه مورببي‌يه ‌سالديرمايانلاريميشلار. بو دا سئوينديريجي بير حال دير كي، اميرپاشا دان تكجه داورانيشلارينا گؤره بير آز اله‌شديرميشيك، و تئكنيكي سورونلارا گؤره يوخ(1، 2). و لاپ سئوينديريجي بو دور كي بو باشاري باعيث اولاجاق تيراختور يانداشلاري آراسينداكي دايانيشما(انسجام) و بيرليك آرتسين و يئرسيز قونولارا گؤره تارتيشماسينلار.

هر حال‌دا بو بؤيوك اوغورو موتلو اولسون دئييرم، آنجاق اومودوم وار، يانداشلار تبريزده، حتي گوجسوز تاخيملارين قارشي‌سيندا ياخشي سونوج قازانماماقلارين عيللتلرينه ياخشي فيكيرلشيب، و بو هفته، بؤيوك يارديملاري ايله بو سورونا(مسأله‌يه) سون نوقطه قويالار.

دونن كي اويونونا هامي تيلويزيون‌دا گؤروب؛ و ائشيتديكلريمه گؤره تيراختور تاماشاچيلاري‌ني گينه ياخشي گؤسته‌رمه‌ييبلر. گينه ساغ اولسون سياووش اكبرپور! قول وورماسايدي، بيزيم اورادا اولماغي‌ميزين تكجه سسي بيلينه‌جك ايميش! چكديگيم گؤرونتولرين ويدئولار و  قالان گؤرونتولر ايسه بو آدرئس ده‌ديرلر: http://Perspolis0-1Tiraxtur.4shared.com

سئچيلميش شكيللري ده،‌ آشاغي‌دا گؤره‌بيلرسينيز:

ی .س:

بلدیه‌‌ده تبریز ده ایستیقلالا اودوزوب، دونن کی کئفیمیزی پوزدو! من قالمیشام معطل، ائوده، نه‌یه بونلار بئله اویناییرلاردا؟؟! تاماشاچیلار دا اینصافن یاخشی آلقیشلادیلار. آنجاق یازیقلار اولسون. بو اویونو تیلویزیوندان ریپورت ائدن، آدامین لاپ زهله‌سی‌نی آپاریر! دئییر شهرداری‌ آبیرلی اودوزدو! آ کیشی نه آبیرلی‌سی؟ كئچن هفته، ایستیقلال داور یاردیمی ایله شاهینی اوتدو! ایکینجی‌ لیگده اوینایان کرجین مئهر تاخیمینی‌ دا، اوزاتما زامانیندا اوتدو؛ آنجاق نه جور اولور تبریزه هر گه‌لن، کریز ده یاشاماغینا باخمایاراق، ييرتيجي آسلان اولور آخی!؟ گؤره‌جکسیز تئهران‌دا ائله بو بلدیه، ایستیقلالی بیلدیره تای، دیزه چؤکدوره‌جک؛ شرط باغلاییرام!

سیزین‌ ده حالینیزی بوندان آرتیق توتماق ایسته‌میرم. بلدیه قونوسونو هله‌‌لیک اونوتماق ایچین، گلین دونن آزادی ایستادیومونداکی یاریشی‌نین آلقیشلاماق ویدئولارینا باخاق! یانداشلارین اویون باشلامادان اؤنجه اوخودوقلاری "یاشا تیراختور... عئشقيم تیراختور" چوخ گؤزل ایدی:

http://yasha-tiraxtur.4shared.com

باشقا ویدئو کلیپلر:
http://www.4shared.com/folder/Hlb08jmD/Video-Klipler.html

گونون گؤرونتولری: تایسیز باشاریلار

گئچن جومه، یای سونونون 18جی گونو، تیراختوروچون تاریخی بیر گون اولدو. ایکی یؤنتمدن دئییرم:
- تیراختورون سایی‌سیز یانداشلاری، یئنه‌ده یارادیجیلیق گؤسترمک ایله هامی‌نی شاشیرتدیلار! قیرمیز بایراقلاری‌نی آزادی ایستادیومونون حیصاریندا دالغالاندیردیلار.
- استقلالی اوتماقلا بیرینجی دؤنه اولاراق، سوپئرلیگین زیروه‌سینه چیخدیلار.

البته، باشاریلار و آددیملار بؤیودوکجه، داها آرتیق اینجیمکلره ده دؤزمه‌لی‌ییک سانکی؛ یاریش‌دا گؤردویوم اویون‌چیخارتمالار و چتین‌لیکلر حاقدا، فارسجا یازیمی تیراختورفانس‌دا اوخویابیلرسینیز:
ما عئيبي يوخ مي گوييم؛ شما چرا شرم نمي كنيد؟

بایراقلارین دالغالانماسی، یاریشین سون آنلاریندا کی وورولان قول، و اونون سئوینجینه، آشاغی داکی ویدئو کلیپ‌ده باخا بیلرسینینز:

http://istiqlal2-3Tiraxtur.4shared.com

باشقا گؤرونتولر ده بورایا قویولاجاقدیر:
گؤرونتو توپلوسو

کرار گئتدی تئهرانا؛ بیز هارا گئدک؟

یالان یوخسا دوغروسونو تانری بیلر، بیر ده کرار جاسیم. 
خبرلر ده کرارین دیلیندن یازمیشدیلار، تبریز ده عرب دیللی و یا عیراقلی‌لارین اوخولون اولماماسی، و کرارین اوغلونون مدرسه‌یه گئتمک یاشینا یئتیشمه‌سینه گؤره، تیراختورون پارلاق اولدوزو تبریزدن گئتمک زوروندا. او پولا گؤره تیراختوردان آیریلیب و بونو بهانه ائتسه‌ده، سؤزون دوزو، یاخشی بهانه‌سی واردیر. ایسته‌ییر اؤز اوشاغی‌نی نورمال دوروم‌دا بؤیوتسون. خاطا ائله‌مه‌ییب کی تیراختوردا حد دن آرتیق آلقیشلانیب، و حد دن آرتیق یاخشی اویناییب!

آنادیلینده مکتبه گئتمک کیمی بیر دوغال حاق‌دان(حق طبیعی‌دن) سؤز گلنده، لاپ دوغال دیر کی "آنادیلینده مدرسه ایسته‌یه‌ن" تیراختور یانداشلاری کرار جاسیمین گئتمه‌یینه گؤره اعتراض ائده‌بیلمه‌ییب و سوسسونلار. و ماراقلی‌دیر یوزلر میلیون پول آلان کرار ائلیه‌بیلردی تیراختور سوروملولاریندان ایسته‌سین اوشاقلارینا بیر عرب دیللی اؤیرتمه‌ن ایشه توتسونلار. آنجاق ائله بیر آدام، اؤز اورگینده دئیه‌بیلر: "بونلار اؤز آنادیللرینده اوخوللاری‌ یوخدور، منیم اوشاغیمین آنادیلینده مکتب آچماقلاری پئشکئش!".

کرار جاسیمین تیراختور گئتمه‌سی تیراختور یانداشلارینا، تکجه "ایدمان و فوتبول" باخیمیندان، نئچه ساعات‌دان آرتیق اوزوجو اولابیلمز. چونکو تیراختور دا کرار دان بؤیوک اولدوزلار دا چیخیب و چیخاجاق. آنجاق "فوتبول‌دان اوستون" باخیمیندان یارانان اوزوجولوک بو تئزلیکده اونودولمایاجاق. نئچه یول جزالانان، یاساقلانان و منشورلانان کرار جاسیم ده بو اؤلکه‌ده اؤزونه بیر اوخول تاپابیلیر، آنجاق اونو آدلیم ائدن میلیونلار تورکون، اؤز آنادیللرینده بیر مدرسه تاپماق ایچین، بوتون یوللار باغلی‌دیر سانکی!

کرار گئتدی تئهرانا؛ بیز هارا گئدک؟

گونون گؤرونتولری: کارلوسون گؤردوکلری

تئزلیکله قضاوت ائتمه‌‌یین! بو یازی‌نین بیرینجی عکسی، ایستیقلال یانداشلاری اوتوران بؤلومه مربوط دئییل. تکجه اونلارین آزلیغی‌نی گؤسته‌رمک ایچین، اوزاقدان بیر-ایکی دنه ده گؤرونتو سالیردیم. البته دئییردیلر بو اویونون نئچه اؤزل قوناغی‌ واردیر. دئییردیم کئشکه هامی‌سی‌نی گؤره‌بیلم. آنجاق کامئرام اوزاقدان چکه‌بیلسه‌یدی ایسه، کارلوس کوییروغوندا(کارلوس کئیروش، سرمربی جدید تیم ملی) یئرینی تاپماق اولمازدی. آنجاق مئهر خبر آگئنتی‌نین گؤرونتوسو و اؤزوم سالدیغیم عکسلری توتوشدوراندان سونرا، بو شکیلده پورتوقاللی مورببی‌لرین اوتوردوغو یئر بللی‌دیر.

گؤردویونوز کیمی کارلوس و اونون یاردیمچی‌لارینی، آپاریبلار اؤزل بؤلمه‌ده(جایگاه ویژه‌ده) اوتوردوبلار ایستیقلالا منسوب اولان آدلیملارین آراسیندا! اؤرنک ایچین ایستیقلالین مئیداوودی آدلی اویونچوسونا دا دئییبلر بیر قارا گؤزلوکده تاخ، بلکی کارلوس سنی میللی تاخیم ایچین به‌يه‌ندی!

آنجاق گؤرونتو هر نه‌یی دئییر. منچستریونایتئد، رئال مادرید، پورتوغال، گونئی آفریقا کیمی کلوبلار و میللی تاخیملاردا مورببی‌ اولان کارلوس، هر نه‌یین کئیفیت و کمیتی‌نی یاخیندان-اوزاقدان بیلیر سانکی! گؤزلری نه مئیدانا باخیر، و نه آرالاریندا اوتوردوقلارینا. تیراختور یانداشلاری‌نین تایسیز آلقیشلار و هایکوی‌لری، کارلوس ایچین، کسینلیکله ماراقلی‌دیر. کارلوس تیراختور تاماشاچیلارین تاماشاچی‌سی اولوبدور.

تیلویزیون گؤسته‌رمه‌‌یه‌ن ویدئولار، کارلوسون اوزاقدان گؤردوکلری‌نین، توپلوسونا بورادا باخابیلرسینیز: لینک (گونجه‌للنمکده‌دیر)؛ تاماشاچیلارین آراسیندا، حؤرمتلی، غئیرتلی، و ائل‌سئون بیر کیشی‌نی ده گؤره‌جکسینیز. البته اؤزل قوناقلاردان ساییلماییر! گلیب اوتورموشدو یوخاری طبقه‌ده. گؤرونتولرین نئچه‌سی آشاغی‌دا:

فوتو آلبوم و ویدئولارین لینکی (گونجه‌للنمکده‌دیر)

سون‌دا آرتیرمالی‌یام، بو اویونون سونوجو و تیراختورون تئهرانین گؤی تاخیمی‌نی تئهراندا ایلک دؤنه اولاراق، دیزه چؤکدورمه‌یی، شرفلی میللتیمیز ایچین، تاریخی و اونودولماز بیر گئجه یاراتدی.
بو باشاری قوتلو اولسون.

گونون گؤرونتولری: ســکسنلرین سون آلقیشلاری

کیمسه‌دن سوروشدوم گله‌جه‌سیز یوخسا یوخ، دئدیلر یوخ! حاقلاری ‌دا وار! من‌ده بایرام تعطیللری باشلاناندا حتمن گرک آنایورددا اولام. آنجاق بو دؤنه تیراختورو بایرام بهانه‌سینه تک قویماق اصلن انصاف دئییلدی. تیراختور اوچون، تئهرانین یانداش‌سیز تیمی یانی صنعت نفتینی اوتماق، آسیایا گئده‌بیلمک ایچین چوخ بیر یاخشی فورصت ایدی.
تیراختورون بئله تیملر ایله اویونلاری‌نی سالیرلار تئهرانین لاپ گون چیخان طرفینه! البته تختی ایستادیومو بیز ایچین پیس اولماییب من دئییردیم اورادا گئنه اوتاجاییق. ساغ اولسونلار یانداشلار؛ ایستادیومون ال‌دن اوزاق اولماغینا باخمایاراق چوخ سایی دا گلمیشدیلر:

بوتون ویدئولار و گؤرونتولر: لینک

من ایچه‌ری گئچنده نئچه دقیقه سربازلار منیم تیراختور بایراغیمین "خ" حرفینه ایلیشدیلر. دئییردیلر دئییبلر تراکتور تراختور یازیلسا بایراقلاری توتون آلین! من‌ده های توضیح وئریرم تیراختورون باشقانی(مدیر عاملی) دئییب ایرادی یوخدور! بیری‌سینه اؤز خیدمت کارتیمی گؤستردیم دئدیم منده سیز کیمی عسگر ایدیم! دئدی عئیب یوخ. آلتی دقیقه اویوندا گئچمیشدی اویونا باخا-باخا اؤزومه بیر یئر آختاریردیم کی پیمئنتا قول ووردو. سئوینج‌دن آتیلیب دوشنده سربازلارین بیری‌سی منی ایته‌لمک ایله کئفیمی پوزدو! بیر یئرده شیشیب اوتوراندان، بئش آلتی دقیقه‌دن سونرا بیر قول دا یئدیک! آنجاق آلقیشلامالارین چوخالماسی‌ ایله بیر پئنالتی اله گلدی. آنجاق نصرتی اونو کورلادی. منجه تکجه نصرتی موقصصیر دئییلدی. من بیلمیرم باشقا اویونچولار اونلارین برازیللی مودافیعی کیمی احتمال وئرمه‌ییرلر قاپیچی توپو توتابیلسین. پئنالتی‌نین نئجه کورلاندیغینا آشاغیدا باخین:

باغلانتی

پئنالتی‌دان سونرا اویونچولارین روحیه‌سی آشاغی گلمه‌مک ایچین دئیه‌بیللم کسینتی‌سیز آلقیشلاماق باشلاندی؛ آنجاق یازیقلار اولسون اوتا بیلمه‌دیک. قاییداندا بیر یئرده ماراقلی بیر صحنه گؤردوم. تئهران دوارلاریندا تکجه پئرسپولیس-استقلال آدلاری گؤرنمه‌ییر! تراختور دا وار. بو هم یاخشی دیر هم پیس! یاخشی‌لیغی بونا گؤره‌دیر کی تیراختور اؤزونو بؤیوک بیر تیم کیمی هر یئرده اورتایا قویور و هر یئرده یانداشی واردیر؛ آنجاق پیس‌لیگی بوردادیر کی آدام قورخور تیراختور یانداشلاری‌دا ایستادیوما گئتمک یئرینه، آدینی چکدیگیمیز تیملرین یانداشلاری‌ کیمی تکجه تبلیغ ائده‌لر:

بوتون ویدئولار و گؤرونتولر: لینک

---

بو یازی مین اوچ یوز سـکـسن دوققوزونجو ایلین سون پوستو ایدی. دوخسانینجی ایلی ده قوتلو اولسون دئییرم. اومودوم وار تیراختورون آسیایا گئتمه‌یی بو ایلین یازیندا گرچکلشسین.

گلن ایل‌ده آللاه عؤمور وئرسه و فیلتئرلری سیندیرماق حووصله‌مدن قالسا، قوللوغونوزدا  اولاجاغام. 

جانلي آما جاوازسيز موسيقي پايي

1-  آوروپا و آمئريكايا گئدن چوخلو دله‌لر، چمدانلارينا پوسته دولدوروب آپارارلار اورالاردا ساتسینلار؛ البته هاواليمانلاريندا، باتي‌لي گومروكچولر، ايرانلي گؤزو آجلارين پوسته‌لريني يئره تؤكمه‌سه‌لر! ايندي قوزئي آزربايجان‌دا دا، يئني گونون يئتيشمه‌سينه گؤره ، ميللت ايسته‌يير پوسته‌دن، توخوم‌دان،بادامدان آلسين. ايرانين پوسته‌سي‌ده اوجوزدور. گليبلر آستارا سينيريندا پوسته-موسته آلالار. فاشيللار(فاشیست+یاشیل) يئر-گؤيون قولاغيني كار ائديبلر كي قوزئي آزربايجانلي‌لار آجيندان اؤلمه‌یه گؤره، تؤكولوبلر گونئي آستارادان يئمك آلسينلار.

2- همشهري گونده‌ليگي، دوخسانينجي يئني ايلی اؤزل سايي‌‌سیندا، ايرانين كولتور و اسلامي ارشادي‌نین جانلي كونسئرتلره وئرديگي جوازلارين سايي‌سي‌ندان بير پارا بيلگي‌لر وئريب. بو بيلگي‌لره گؤره ايراندا 688 كونسئرته مجوز وئريليب و بو آرادا ايرانين باشي آدلانان آزربايجان‌دا تكجه و تكجه 3 كونسئرته جواز وئريليب. حالبوكي تكجه قيشم آداسي‌نين پايي 32 و گيلانين‌كي 23 و كوردوستانين‌كي 12 دير! چوخلاري‌ كرج و تئهرانين پايي‌دير. اولابيلر تئهرانداكي كونسئرتلرين آراسيندا آزربايجان موسيقي‌سي‌ده چوخ اولسون آنجاق آزربايجان‌دا جانلي كونسئرتلره جاواز وئرمه‌مه‌‌يين آنلاملي‌دير.

3- ايلين سون اودگونو آخشامي‌دير (چرشنبه سوري)! فيكريم ائله گئديب تبريز، اورمو، زنگان و اردبيل‌ده جانلی کونسئرتلره جاواز وئرمه‌مه‌یين يانينا! دئييرم تيراختور يانداشلاري‌نين آلقيشلامالاري اؤزو ائله بؤيوك بير جانلي كونسئرت‌دير!
ائشيكدن‌ده ترقه و بومب پارتلاماق سسلری گلير! آنجاق بيردن "آي بري باخ" ماهني‌سي‌‌ني ائشيتديم! پنجره‌دن باخديم گؤردوم كوچه‌ده‌كي تئهرانلي گنجلر آزربايجان رقصي ائديرلر. سانكي بونلارين قولاغينا صوبح‌دن آخشاما تكجه فارسجا بانلانمايير! چيخديم ائشيگه. باشقا محلله‌لره ده باش ووردوم. چوخلو يئرلرده "آي بري باخ" ايله اويناييرديلار. بير سايي بللي‌ ايدي هئچ تورك دئييلدیلر! بو ماهني‌ني ته‌زه‌ليك‌ده آمئريكادا ياشايان، فارسجا اوخويان منصور آدلي بير موغنني اوخويوب! دئييلير اونون كؤكو ماماغانلي‌دير.
بو سؤزلري پابليش ائدنده، بيري‌سي تئلفون وورور منه! تورك دور. دئيير "بري باخ" ياني نه!؟

بو دا تئهراندا، ترقه‌لر آراسيندا، آي بري باخ ايله اوينايانلاردان بير ويدئو:

باغلانتی

بونا دئيه‌رلر روحيه - 2

يادينيزدا اولسا اوچ آي بوندان اؤنجه بونا دئيه‌رلر روحيه باشليق‌لي، يازي‌سي ايله آزربايجان فوتبول‌سوئرلرين لاپ غئيرتلي و ان كؤنول گوجولو يانداشلاريندان دانيشديم. او زامان بلديه تكجه 100-150 يانداشلا استقلالين قاباغيندا دوردو و بير موساوي آلدي. او اويوندان سونرا بلديه تيراختورون بير باشقا رقيبي ياني، كيرمانين ميسي‌ني ده اوتدو.
دونن آخشام‌دا بلديه گلميشدي تئهرانا. بير موساوي آلسايدي دا تيراختوروچون‌دا بؤيوك بير ايش گؤره‌جه‌يدي. . آنجاق سون اويونلاردا اوچ ياريشي آرديجيل اولاراق اوتوزوب، سيپاهانا دا ائوده يئنيلدي. بلديه‌نين ائنيش يوقوشلو يولو هامي‌ني گيجه‌لديب! من دئييرديم بو دؤنه، اولابيلر همن روحيه‌لي يانداشلار گلمه‌سينلر! آما سئوينديريجي اولاي، تاماشاچي‌لار سايي‌‌سي‌نين نئچه قات يوكسك اولماسي ايدي! بو دؤنه گلنلرين روحيه‌سي، سايي‌لاري كيمي نئچه كره يوكسك ايدي.
اويونون سونوجو دا چوخ ياخشي اولدو؛ بو دا قالسين كي آراجي(داور) بلديه‌نين ايكي قولونو آفسايد توتدو و بلديه‌نين سالديريجي‌لاري‌دا ديققت‌سيزليگه گؤره ايكي دنه تك-تكه دوروملاري الدن وئرديلر. اومودوموز وار بوگون‌ده تبريزده، بو بؤيوك فورصتدن استفاده ائله‌ييب، تيراختور كيرمانين ميسين اودوب، اؤزونه آسيايا لاپ ياخينلاتسين.

گؤرونتو آز سالابيلديم. نئچه سي‌ني آشاغي‌دا گؤرون. بير نئچه‌ دقيقه‌ليك ويدئونو دا سونرا آپلود ائده‌جه‌يه‌م:

پيروزي 0 - 0 تراختور ب (بلديه) !!!

---

بوتون گؤرونتولرين آلبومو

درگی چیخاردان‌دان درگی ساتانا

یئددی سککیز ایل بوندان اؤنجه تئهرانین درگی ساتان کیوسکلاریندا، نوید آذربایجان هفته‌لیگی ده تاپیلاردی. گؤز دولاندیرسایدین بوجاق-موجاق‌دا اونو گؤرردین. بو گونلر نوید آذربایجان‌دان خبر یوخدور. یئرینه "فوتبالیسیت‌ها" درگی‌سی‌نی آختارمتالی‌ییق! دوز دور ایش پئشه‌میز اولوب فوتبال و تیراختور آنا بو دا اولدو آد!؟  دوزون سؤزو آدام اوتانیر دئیه‌ "فوتبالیست‌ها" مجله‌سی وارینیز یوخسا یوخ؟!
گئچه‌ن یئددیجه شهرآرا دا بیر کیوسک گؤردوم پیاده‌رو دا مجلله‌لری دوزوب ایسته‌ییر ساتیملایان درگیلری سئچیب "برگشت" وئره. من‌ده اونون یانیندا دوروب دئدیم به سیز "فوتبالیستها" درگی‌‌سی نه‌یه ساتمسینیز آخی؟! بو قدر فارسجا درگی‌نین آراسینا آذربایجان حاقیندا اولان درگی‌ده قویوندا! ماشاللا بوتون روزنامه ساتانلارین هامیسی تورک! بیر دن گؤتورولدو گئتدی دخیلین آلتیندا بورمه‌له‌نمیش اوچ جیلد گتیردی. دئدیم قویون گؤز قاباغینا آلینسین‌دا! دئدی یاخشی بو ایشی گؤره‌ریک!

دونن گئنه او کیوسکون قاباغیندان گئچه‌نده گئتدیم گؤره‌م فوتبالیکستها گلیب یا یوخ(اون بئش ایل بوندان قاباق، کونکور وئرن زامان ، اردبیل‌ده بیر کیتاب ساتیشی توکانیندا دورموشدم. بیر اوشاق گلدی سوروشدو فوتبالیستها عکس‌برگردانی وارینیز؟ کیتاب ساتان‌دا دئدی هن، "فوتبالیکستـ"ـها واریمیز)!
گئنه گؤردوم گونده‌لیکلر آراسیندا فوتبالیستها یوخدور. گئچن هفته‌کی کیشی‌نین یئرینه، بیر جاوان اوتوموشدو. ساققیز و سیگار دوزوردو!
دئدیم: "فوتبالیستها گلیب یا یوخ؟".
باشینی سوخدو میزین آلتینا، بیر آز قورتدالاندی. سونرا دئدی: "آخشام باشی بیر باش وور، بیلمیرم هارا قویموشام".
دئدیم: "بابا قویون گؤز قاباغینا میللت آلسین!".
دئدی: "یاخشی".
اوزاقلاشاندا گوردوم بیر سؤز دئدی ائشیتمه‌دیم. قاییتدیم دئدیم: "بیلمه‌دیم نه دئدین؟".
دئدی: "مجلله سیزین‌کی دیر؟".
دئدیم: "یوخ!".
باغیشلایین بورانی‌دا یازیرام؛ دئدی: "ساتیلیر ساتیلسین ساتیلمیر ساتیلماسین، ...ــیما کی! برگشت وئریریک گئدیر. سن‌ده ساتیلماعیندان نیاران اولما همشهری!".
من‌ده دئدیم: "بابا بو مجله تیراختورا گؤره‌دیر. تورکلرین تیملرینه گؤره یازیلیر! نه ...ـیما کی دئییرسن!"؟
دئدی: "سن آللاه؟؟؟! تیراختورا گؤره اولسا حتمن ساتارام!".
سونرا سوروشدو: "تبریزلی‌سن؟!".
من‌ده دئدیم: "هن، ائله بیل تبریزلی‌یم!".

گونون گؤروتلری: تیراختور سئون دمیریولچولار

دوز دور تختی ایستادیومونا گئتمک چتین‌دیر؛ اوزاقلیغینا گؤره تاماشاچیلارین سایی‌سی آزالیر و اورادا آز-چوخ آدامی اینجیدیرلر، آما... آما اورانین یاخشی‌لیغی بودور کی بو ایلین لیگینده، هر ایکی دؤنه تیراختور یاریشی قازانیب. احتمالن ایستادیومون آدی  همدان تورکو اولان آدلیم قهرمان گولشچی‌ ایله ایلیشگی‌لی اولماغا گؤره اولسون!! بوغاز-موغازدا دا کی کار قالمادی؛ آما تیراختورون ملوانا اوتوزماغین کسینلیک ایله اونودوب ائوه دؤندوک.
بیر ماراقلی اولای دا بو ایدی دمیر یولونو آلقیشلاماق ایچین تئهرانین گونئی بؤلگه‌لریندن گتیریلمیش راهنمایی یوخسول اوشاقلار، اویون‌دان سونرا "یاشاسین تیراختور" دئییردیلر و چوخو دا تورکجه دانیشماق باشاریردیلار. اؤزلری تیراختور بایراغینی الیمدن قاپیب گؤرونتولر ده اولماق ایسته‌ییردیلر. بو دؤنه کامئرالارا یول وئریلیردی، آما گؤرونتو سالماق چتین ایدی. بئشینی سئچیب قالان گؤروتلر و کلیپلره بورادا باخابیلرسینیز.
بیرینجی گؤرونتو آتالاری ایله گلن اوچ بالاجا باجی قارداشلاردیرلار:

منجه عیراقلی اؤیونچوموز "کرار جاسیم" آزربایجان‌دا ان محبوب و ان چوخ سئویلن آدام دیر. او محروم اولا-اولا شیددت ایله آلقیشلانیردی. نئچه ثانیه‌دن سونرا یانداشلارین ایچینده یئریه‌بیلمیردی

تیراختور یانداشلاری‌نین ماشینلاری‌نین پلاک سایی‌سی تئهران، و اطراف بؤلگه‌لردن ایدیلر:

بوتون گؤروتلری گؤرمک ایچین کلیک ائدین

بونا دئیه‌رلر روحیه‌

جومه‌نین ایکیندی چاغی(ناهاردان سونراسی)، باشیم بو قیریق بیلگی‌سایارلا قاریشمیش ایدی تبریز ده چکدیگیم گؤروتلری ائدیت ائدیردیم. جی‌مئیل صفحه‌سی بیر بوجاق دا آچیق ایدی گؤردوم ایکی اوچ ایل بوندان اؤنجه سون گؤروشدویوم دوستلارین بیری‌سی ایسته‌ییر چت ائده منیمله. بیر آز کئف احوال‌دان سونرا دئدی: "نه خبر؟ من جومه‌‌لرده گلیرم ایشه"!
من ده دئدیم: "په هووو...!! کیشی بو بولانیق هاوا دا اضافه‌کارداسان؟ سن تعطیل گونو ایشه گئدیرسن آما من‌ده ایش گونو گئدیرم توپا باخام"! سونرا دئدیم سن ده ایش - پولو اؤتور هر دن گل گئدک ایستادیوما خوش گئچیر آداما بیر آز آدام اؤزونو بوشالدیر!
دئدی هن گؤرک واخت ائله‌سم گه‌له‌رم.
دئدیم بوگونکو بلدیه ‌اویونو قالدی صاباحا، گه‌له بیلسن گل. بونلار اویونلاری پیس زامانا سالیرلار آز آدام گئتسین!
او بیر جاواب وئردی پئشمان اولدوم اونو دعوت ائتمک‌دن! دئدی: "به تورک‌لر کی دونن تبریز تؤکولوب گلمیشدیلر ایستادیوما..."
گؤردوم کؤنلو یوخدو و بالا بالا ایسته‌ییر ده‌ببه‌‌له‌یه! اؤزومله دئدیم واللا حالیم یوخدور بو عزیز یولداشا دا ایکی ساعات چوخ ساده و آچیق شئی‌لر اوستونده دانیشام. دئدیم ائله قوی باشی "تخصص"‌ی ایله قاتیشیق اولسون و گئنل(عمومی) قونولارا فیکیر وئرمه‌سین؛ بلکه اؤرنک ایچین اقتصادی سورونلاریمیزی دا بئله یولداشلار چؤزدولر.

نئچه دفه آزربایجان ییغمالاری‌ني آلقیشلاماق ایچین قدیم یولداشلاری چاغیرمیشدیم؛ بیر هدفیم‌ده اونلارلا هر دن بیر یئر ده بولوشماق ایدی! گؤروردوم بیر سایی‌ آرواد-اوشاغا گؤره(بو دا قالسين كي ايستاديوم‌دا ائشيديلن سؤزلرين ايكي‌سي دقيقن اوشاقلار و عاييله‌لرين گله‌جه‌يي‌نه گؤره‌دير)، بیر سایی‌ ایشه گؤره، بیر سایی‌ یاخشی سونوج آلابیلمه‌مه‌یه گؤره، بیر سایی ایستادیوم آتموسفئری‌نی به‌یه‌نمه‌مه‌یه گؤره(سانكي كوچه-خياوان‌دا اصلن يامان ائشيتميرلر!)، و بئله بئله نه‌دنلره گؤره دئییردیلر کؤنلوموز ایسته‌ییر گله‌ک آنجاق هه‌له گؤرک نه‌ اولور. من‌ده بو سونوجا یئتیشدیم کیشی سن بیر الی‌بوش و کئفی‌ساز(!) بابا؛ نه‌یه اونا بونا دئییرسن آخی؛ بیری‌نین کونولو اولماسادا گلیب اورادا سوسقون اوتوراجاق، یاخشی سونوج‌دا اله گلمه‌سه دای بیر ده اورالارا دولانمایاجاق. بوگون بلدیه-استقلال یاریشیندا بیلدیم دوز سونوجا چاتمیشام سانکی. بیلدیگینیز کیمی بلدیه تیمی‌نی گئدیب آلقیشلاماق دوغرودان "کؤنول گوجو" (روحیه) ایسته‌ییر. هر آدامین ایشی دئییل. ایسته‌میرم دئیه‌م من اؤزوم بئله روحیه‌یه صاحیبم، منیم گئتمه‌ییم بیر آز نوستالژی‌دان‌دیر و تیم اوتوزاندا آز-چوخ راحاتسیز اولورام؛ آنجاق بوگون اوچ-دؤرد مین ایستیقلال‌ یانداشی قارشی‌سیندا سایی‌سی چتین‌لیک ایله یوزه چاتان بلدیه‌نی آلقیشلایانلار کسینلیک ایله بیر تایسیز کؤنول گوجونه صاحیب‌دیرلر. منجه هر کیمسه اؤزونه گووه‌نه‌بیلمیر و دئمه‌لی "اعتماد به نفس"ی آزالیب بئله آداملاری یاخین‌دان گؤرمه‌لی‌دیر. من اؤزوم بئله زامانلار روحيه‌م شارژ اولور. منجه بئله آداملاري توپلومسال بيليم آداملاري و پسيخولوقلار(روانشناسلار) باشقا آداملارا اؤرنك اولاراق تانيتديرمالي‌ديرلار. خالقين شن ياشاميندا و گله‌جه‌يه اومود ايله باخماق‌دا بؤيوك يارديم گؤسته‌ره‌بيلرلر. يازيقلار اولسون بونلارلا ياخشي سايقي‌دا گؤسته‌ريلمير و البته بونلار پيس داورانيشلاري گؤره-گؤره گئنه اوزدن گئدن دئييللر. منجه بو اؤزلليگه صاحيب اولماق ايچين يولداشلارا اصرار ائتمك دوزگون ايش دئييل؛ بئله بير كولتورون گئنيش ياييلماغي ايللر بويو زامان ايسته‌يير.
بونلار لاپ ياخشي بیلیرلر بلدیه تیمی‌ اوتوزاندا پیس اوتوزور! اؤتن هفته اهواز دا اون دقیقه‌ ايچينده اوچون یئدی. ائله بو ایستیقلال‌دان تبریز‌ده 50 مین یانداش قارشی‌سیندا 3-2 اوتوزدو. یانی بو ییغمانین ایپینه اودون ییغماق اولماز. آنجاق گئنه‌ده گلمیشدیلر اورک‌دن آلقیشلاییردیلار. گئدیب دوردوم آلقیشلایان ایکی دسته‌نین آراسیندا. اینانین بو یوز نفرین سسی‌، اوچ دؤرد مین ایستیقلال یانداشیندان گورولتولو ایدی. بلدیه بوگون ایستقلالی یوز یانداشلا  آز قالیردی اوتسون. بئله اولموشدو موساوی سونوجونا گؤره دئییردیلر "عئیبی یوخ"! حالبوکی ائو صاحیبلیگی ائدن جدولین ایکینجی تیمی، یانی ایستیقلال ییغماسی ایدی. اؤتن ایل تیراختور اللی مین تاماشاچی ایله ایستیقلال ایله ایکی-ایکی ائتمیشدی!

سون‌دا بونو دا دئییم کی بلدیه‌‌ و تیراختور گئدیش اویونلاری‌نین اؤجونو آلدیلار. من‌جه بلدیه‌نین موساوی ائتمه‌یی تیراختورون ائوده اوتماغیندان داها ده‌یه‌رلی اولماسادا، اؤنمی اوندان آز دئییل. بلدیه‌ قویمادی ایستیقلال‌ تیراختوردان داها اوزاقلاشا.
بلدیه - استقلال یاریشیندان نئچه گؤرونتونو گؤرمک ایچین بورایا کلیک ائدین. بو دا شهرداری‌نی کسینتی‌سیز آلقیشلایانلاردان بیر ویدئو:

باغلانتي (لينك)

ي.س: يالان ورزشي

اين قسمت را فارسي مي نويسم:
اين هم دروغ "خبر ورزشي" در روز روشن!
هوا آلوده بود ولي نه اينقدر كه صداي تشويق بيش از صد نفر هوادار شهرداري را كه غرش آن بيش تر از دو سه هزار طرفدار استقلال بود، نشنويد. ضمنا حتي اگر كسي از يك تيم ميهمان ته جدولي حمايت نكند نبايد  تعجب كرد؛ آنچه مايه تعجب است آن است كه تيم به اصطلاح پرهوادار استقلال در آستانه صعود به رتبه اول(كه با سدي محكم به اسم شهرداري مواجه شد!) نمي تواند در  ابرشهر تهران بيش از دو-سه هزار نفر به ورزشگاه بكشاند.
ضمنا در بازي رفت شهرداري با استقلال كه در مرداد ماه برگزار شد و متاسفانه شهرداري در خانه باخت(به دليل كم تجربگي و اشتباهات داوري)، نزديك به پنجاه هزار نفر در تبريز شهرداري را تشويق مي كردند. خدا را شكر كه براي اين مورد هم چند تا عكس و فيلم موجود است: لينك!

ي.س.2: 
"فوتباليستلر" درگي‌سي بير يوروم(كامئنت) ايله، بو يازي‌ني يايماغا گؤره اجازه ايسته‌ميشدي. من‌ده دئديم من‌ايچين افتخارذير! دئيه‌سن بوگون(قيشين بيرينجي گونو) ياييبلار. "بونا دئيه‌رلر روحيه"‌ني ده ياپيشديريبلار چيلغين يانداشلاري داشييان بير وانئتين قاباغينا. حتمن سيز ده آلين؛ بو درگي‌لر ده توركجه يازيلارين سايي‌سي چوخالمالي‌دير:

دئيه‌سن حاجي فتوللازاده‌نين‌ده قازانديغي چؤرک حلال‌دير

تيراختور-ايستيقلالين بازار گونو ياريشيندان سونراكي توز تورپاق سانكي ياتماق ايسته‌مير! اويون آراجي(قاضي)‌سي‌نين تیکراری و عَمده اوخشار يانليشليقلار و عدالتسيزليكلري تاماشاچيلارين تپكي‌لري، و سونراكي حاشيه‌لره بير نه‌دن ايديلر. ايش اورا چاتيب كي تيراختورون سس‌سيز باشقاني، سردار جعفری‌ده ديله‌ گلدي و شيددت ايله اعتراض ائتدي کی بو نه اويون‌دور چيخارديرسينيز؟ استقلالي ايندي‌دن قهرمان ائتمك قصدلري واردير سانکی!

و بو تارتيشمالار ياواش ياواش تئهرانين باشقا تيمي، ياني پئرسپوليس-تیراختور و پئرسپولیس-بلدیه آراسیندا اورتايا چيخان حادثه‌لره بنزه‌يير. بو بنزه‌مه‌يي، هم پئرسپوليسين و هم‌ده ايستيقلال‌دا آدليم تورك آداملارين اولماسينا گؤره دئييرم. بو بير-ايكي ايل‌ده چوخ عجيب ايدي كي تيراختورون موتورو قيزيشاندان سونرا آدليم تورك فوتبول آداملاري، فوتبول‌دان قوولموش اولاراق، بيردن بيره تئهرانين قيرميز و گؤي تيم‌لرينده اصلي نقشه صاحيب اولدولار! دايي‌ني ايرانين ميللي تيميندن چيخاتميشديلار و خوي‌لو حاجي فتوللازاده ده چوخ‌دان ايدي ايستيقلالين قاپي‌سينا ياخينلاشابيلميردي! آما ايلك‌ده دايي باغيشلاندي و پئرسپوليسین باش مورببی‌سی سئچيلندن نئچه آي سونرا، حاجي فتوللازاده ده ايستيقلالين باش سوروملوسو اولدو. دايي‌ و تيراختور يانداشلاري‌نين آراسيندا گئچميش سوره‌ج‌دن هامي‌ميزين خبريميز واردير. تبريزه ايلك‌ دؤنه گئده‌نده آلقيشلاندي، آما گئت‌گئده يئرسيز دانيشيقلاري و يانليش داورانيشلارينا گؤره هويلاندي! حاجي‌ فتوللازاده‌نين گؤزلری آلتیندا اداره اولونان ايستيقلال‌‌دا تبريزه گئدنده ايلك‌ده آلقيشلاندي؛ چونكو هم حاجي فتوللازاده تورك ايدي و هم ايستيقلالين مورببي‌سي ياني مظلومي جاوانليقدا تيراختوروچون اويناياردي. دوزدور اويونون سونوجونو آراجي ده‌ییشدي، آما تاماشاچيلار تكجه فئدراسيونون علئيهينه شوعار وئرديلر، و بير داها ايستيقلاين مورببي‌سي‌ني آلقيشلاديلار. آنجاق اويوندان سونرا كي دانيشيقلار ياواش ياواش هر نه‌يي ترسينه ائتمه‌يي آدامي قورخودور. تيراختورون مورببي‌ و سوروملولاري آيدين يانليشليقلاري آچيقلاييب، اعتراض ائتمه‌يه حاقلي اولسالاردا، ايستيقلالين دولانديرانلارين يئرسيز ديفاع ائتمكلري هئچ، اؤزلريني تبريزده مظلوم اولماقلاريندان دانيشماق چوخ گولونج‌دور. ساده‌جه دئسه‌لر بيز واللاه تقصيرسيزيك، و هر نه داورين بوينونا دير آدام يانماز. آما قاباق‌دان گلميشليك ائديب دئييرلر آراجي گرك تيراختورون فيلان اويونچولارين ايخراج ائديب و پئنالتي‌لاري‌ني توتماياردي.

البته تكجه تيراختور يانداشلاري دئميرلر بيزيم قولوموزو داور حيسابا قويمادي. ياريشدان سونرا كي گون، فوتبول3 سايتيندا كي سئچگين گونده‌ليكلر تيراختورون حاققي پوزولماق‌دان دانيشيرديلار(تكجه ايستيقلالین رسمی گونده‌ليگيندن سونرا). البته اونلار تيراختورون آلا گؤزلرينه عاشيق دئييل‌ديلر و بير بهانه تاپميشديلار پئرسپوليس‌دن ديفاع ائتمه‌يه گؤره! ايكي هفته بوندان اؤنجه‌ده گون نم هاردان چيخميشدي، پئرسپوليسين ايستيقلالا ووردوغو قول حيساب اولونمادي و اونلار آللاه آللاه ائديرديلر تيراختورون كيمي چوخلو يانداشلي تيمينده اوخشار حال‌دا حاققي پوزولسون.

ايكي گئجه بوندان اؤنجه دوخسان وئرليشين داورليق اوزماني تيراختورون بير قولو يوخ، بلكه بير باشقا آفسايد تانينميش قولونون دوزگون اولماغيني اونايلادي(تاييد ائله‌دي). سونرا حاجي فتوللازاده‌يه دانيشماق نووبه‌سي يئتيشه‌نده، دوردو باشلادي كي يوخ اصل‌ده بيز گرك اعتراض ائدك؛ فيلان صحنه‌ني نه‌دن گؤسته‌رمه‌ديز؟ دانيشيقلاريندا تعاروف ايچين دئيير تيراختور دا اؤزوموزنكودور و منيم همشهري‌لريمين تيمي‌دير؛ من اؤزوم تيراختورا چوخلو يارديم ائتميشه‌م و بيز لاپ سئوينه‌رديك تيراختور اوتسايدي! آما سؤزون آرديندا بئله تيراختورا سالديرير آدام قالير معطل! آدام دئيير هر كيمسه حاجي فتوللازاده‌نين يئرينه اولسايدي، دئيه‌ردي بابا حاق سيزينله‌دير. يانليش‌دي اولوب گئچيب‌دا! آما اصل‌ده پئرسپوليس‌دن ديفاع ائتمك ايچين بو دؤنه تيراختورون يانداشي اولان فئردوسي‌پور، آخير دا اوز دن گئتدي و حاجي دئيه‌ن صحنه‌ني ائكرانا گتيردي.

دايي تيراختورون علئيهنه‌ دانيشاندا، موغاليطه ايچين بير سؤزو چوخ دئييردي. دئييردي كي "منيم چيخارتديغيم چؤرك حلال اولمالي‌دير"! آما حاجي فتوللازاده علي دايي‌يا گؤره سياستلي و منطيقلي داورانير. دئيه‌سن حاجي فتوللازاده ايسه بونو دئمك ايسته‌يير. بيري‌سي اونا دئسين سن كي آراجي يارديمي‌ ايله آز قالدين اوتاسان و سون‌دا دا موساوي سونوجو آليب تبريزدن اكيلدينيز!! داي نه‌يه دامين او باشيندان دوشورسن!؟ بللي دئييل آزربايجانا آز قوللوق ائتميش توركلر، بئله چاغلار نه‌يه حلال قازانماقلاريني بيلديرمك ايسته‌ييرلر؟!

گونون گؤروتو: تيراختور اويونچولاري‌نين آزربايجان رقصي

تيراختور و بلديه اويونلاري اوست اوسته گلمك ايچين بيلميرديم نئيله‌يه‌م! شهرداري‌يا، پيروزي اويونوندان سونرا كي اولايلارا گؤره گؤره داها آرتيق يارديم گؤسترمه‌يين لازم اولماغي‌ني دوشونوردم. آخيردا گؤردوم گئديرم كرجه‌ ساري! كرج و تئهرانين لاپ او قالين قه‌ييم توركلريندن اوچ يا دؤرد يوز نفر، گلميشديلر بلديه‌نين آلقيشلاماغينا. بونا گؤره دئييرم كي بلديه‌ني آلقيشلاماق، گئرچك‌دن روحيه، اورك، و فوتبول‌دان اوستون دويغولارا صاحيب اولماق ايسته‌يير. هر حالدا ياشاسين بلديه! مايلي كوهنين بيلديركي تيراختورو اوتماقلارينين اؤجونو آلدي؛ تيراختورون اوچ-بيره اوتماق سونوجو دا سئوينجي ايكي قات ائتميشدي. سئوينج ايله ايستاديوم‌دان چيخديق(*.ی. س.).

گئجه ايدمان خبرلرينده تيراختورون بيرينجي قولونو كرار جاسيم ووراندن سونرا باشقا اويونچولار ايله گئتديلر كورنئر بايراغينين يانيندا دوزولدولر. آما بيلمه‌ديم جريان نه ايميش؛ ايندي يولداشلاردان ائشيديرم كي ايراقلي عرب جاسيم كرار، برازيللي پيمئنتا، كيرمانلي عليزاده ، شيرازلي محمد حسن ابراهيمي ، و باشقا اويونچولار تاماشاچيلار قارشي‌سيندا لزگي و يا آزربايجان رقصي ائديبلر. ائله‌بيل ، ياواش ياواش تيراختورون اولوسلار آراسي اويونچولاري‌دا يانداشلارين كولتورل ائتگي‌سي آلتيندا، اولورلار آزربايجانين كولتورل تمثيلچي‌لري!
ياشاسينلار.

ايرنا دا ياييلميش بو گؤروتو ايدمان گونده‌ليكلري ده ياييبلار:

بو دا اويناماغين سونو، و قول وورماغا داوام وئرمك ايچين ياريشا دؤنمك:

ی. س:
تراکتور اف.سی. سایتی، قول‌لار و حساس لحظه‌لردن بیر اوچ ده‌یقه‌لیک فیلم یاییب. ایچینده دئدیگیمیز اویناماق‌دا وار! من‌ده تکجه‌ قوللار و اویناماق آنلارینا لزگی اویناماق موسیقی‌سیندن بیر پارچا آرتیردیم؛ آشاغی دا باخابیلرسینیز(داها کئیفییتلی گؤرمک ایچین بورادان دانلود ائتمه‌لی‌سینیز):

* ) ی. س:

کئچن آی تئهرانین تختی ایستادیوموندا تیراختور - ایستیل آذین اویونوندا تاماشاچیلارا دیجیتال کامئرا اؤزلری ایله ایچه‌ری آپارماق ایچین ایزین وئریلمه‌مه‌یه گؤره(دادلی سونوج)، تئهران دا کامئرا دولاندیرماق‌دان گؤزوم قورخوب! بو دؤنه کامئرا آپارمادیم. آما موبایل ایله نئچه دنه گؤروت و اوینار گؤروت (ویدئو) چکدیم؛ کئیفیت‌سیز دیرلر آما باخماغینا ده‌یرلر.
گؤرمک ایچین سول‌دا کی عکسین اوستونه کلیک ائدین.

اينيئستا مادريد ده سوسمازدي

بو تابناك سايتي ايمكاني يوخدور توركلره گؤره اؤزلليكله تيراختورا گؤره بير غرض‌سيز يازي يايسين. ظاهير ده ايسته‌سه دوزگون تحليل ائله‌ييب مثلن بيزدن ده بير ديفاع ائده*، سؤزون ترسينه دئييب و بئله بوروشدورار كي بير شئي قازانسين. تحليلين ده آديني قويار آسيب شناسي! و اساس بو اولار كي توركلرين داورانيشلاري يانليش‌دير و لوطف ائله‌سه دئيه‌ر بيز اونلارا چون جوك دئميشيك! هله بو كؤهنه‌لميش جوكلاري بؤيوك نه‌دن بيلديرمك و باشقا طرف‌دن توركلرين اصلي ايستكلرينين اوستونو اؤرتمك قونوسو ايله ايشيم يوخ‌دور. تابناكين علي دايي و كريم باقيري‌نين تبريز ده هويلانيلمالاري‌ني بارسلونون كاتالان اويونجوسو اينيئستانين مادريد ده آلقيشلانماغي ايله يان يانا قويوب و بيزيم كولتوروموزون آشاغي‌ اولماغيني گؤسترمه‌يه چاليشماغي دئديگيم موغاليطه و اولايلاري يانليش موقايسه ائتمك‌دير.

بيرينجي سؤز:

توتاق، كاتالان "اينيئستا" مادريد تيملرينده اويناسايدي و كاتالانلارا مادريد ده يامان دئييليب و اونلاري ائششكلره اوخشاتسايديلار و اينيئستا دا دا مادريدلي‌لره بير سؤز دئمه‌ييب سونرا دا دئسه‌يدي مادريدلي‌لر گوناهسيز ايدي‌لر و تقصير كاتالانلار دا ايدي، كسينليك ايله ايسپانياني دونيادا قهرمانليغا يئتيرن اينيئستا، بارسلونون نيوكمپينده دايي و باقيري‌نين تبريز ده هويلانماغيندان داها پيس دوروم دا يامان ائشيده‌جك ايدي! هامي بيلير كي بارسلون فوتبول كلوبونون كيمليگي و وارليغي برابر دير كاتالانليق كيمليگي و وارليغي‌ايله. آرخايين اولون اينيئستا قارشيسيندا كي نيوكمپ جهنمي، دايي و باقيري قارشي‌سينداكي سهند جهنميندن داها پيس اولاجاق‌ ايدي.

ايكينجي سؤز:
بو موقايسه ده سانكي مادريد، ايسپانيانين تبريزي‌دير؛ و ايرانين توركلري‌ده ايسپانيا دا ياشايان كاتالانلار يوخ، بلكي ايسپانيا ديللي‌لرین یئرینده دیرلر و باشقا كيمليك‌لري دانیرلار! حالبوكي ايران توركلری اؤز آناديللريني باشقالارا تحميل ائتمه‌ييبلر. تحمیل ائتمک ایسته‌سه‌یدیلر پهلویلرین ایش باشینا گلمکلریندن قاباق بو ایشی گؤره‌ردیلر؛ چونکو مین ایله یاخین بوتون حوکومتلر تورک ائللردن ایدیلر.

اوچونجو سؤز:
دايي‌ده تيراختورون سوپئرليگه گلمه‌سيندن قاباق ايرانين باش مورببي‌سي ايدي. آنجاق ايرانين قوتبول تاريخينده ان پارلايان اولدوز اولماغينا باخماياراق، اويونلارينين سون چاغلاريندا پيس اويناماغينا گؤره و هم‌ده ايراني جام جهاني‌يه آپارماغا قادير اولماماغا گؤره، شيددت ايله هويلاندي و بوتون يايينلار و مئديا دا هر گون مسخره اولوندو. آنجاق بليرسيز نه‌دنلره گؤره تيراختورون توركلرين سيمگه‌سي خبرلري ياييلاندان سونرا تئزليكله اولدو تئهرانين ان بؤيوك تيمي‌نين مورببي‌سي.

دؤردونجو سؤز:
گونئي آفريقانين 2010 دونياليق فوتبول ياريشلاريندا ، اسپانيا قهرمان اولاندان سونرا، كارلوس پويول، چابي هئرناندئز و باشقا كاتالان اويونچولار كاتالانلارين بايراغيني دونيا گؤزلري قارشي‌سيندا اؤپوردولر. ايرانين تيمي‌ده بير باشاري‌ ال‌‌ده ائتسه، ائله همن داشلاري‌نيزي دؤشونوزه ووران كريم باقيري و دايي دا ائله‌يه‌بيلردير اللريني بوزقورد ائتسينلر! بايراق اؤپمك سؤزونو دئميرم چونكو قيرميزي سينيرلاري اويانا آشماق آنلاميندا! بو ايشلري ايران كيمي اؤلكه‌ده هئچ كيمسه ايسته‌مير و پئشكئش اولسون! آنجاق دايي و باقيري سكــسن بئشينجي ايلين ياز سونو(خورداد) اولايلاري زاماني، 2006 دونياليق ياريشلارا گئدنده ، ميللي تيمين "فارس اولدوزلار"ي آدلانماغيني اله‌شديره‌بيلرديلرمي؟ بونو دا ايسته‌مه‌ديك! دايي بلديه اويونوندان سونرا آلديغي پيس سونوجا گؤره دوروب ميليونلار آزربايجانلي‌يا شرف‌سيز ، شوعورسوز و آنلاماز دئيه‌بيلمزدي؟

-------------------

خلاصه مطلب به فارسي
ولي اينيستا در مادريد سكوت نمي‌كرد

سايت تابناك امكان ندارد اخبار مربوط به تراختور و آزربايجان را با حسن نيت و بدون غرض منتشر كند. اين بار هم كه خواسته مثلا دفاع و يا به قول خود آسيب شناسي كند* موضوع حقوق و خواسته‌هاي فرهنگي تركها را فقط محدود به  موضوع  عصبانيت به خاطر جوك گويي عليه تركها كرده و، از سوي ديگر  در مقايسه‌اي نادرست و البته ماهرانه جاي ظالم و مظلوم را با هم عوض كرده است تا به نظر برسد تركهاي ايران قابل مقايسه با اسپانيايي‌ها هستند كه در گذشته شوونيست بودند و حالا ديگر نيستند چون فرهنگشان بالا رفته و حتي با وجود باخت تيم خود، بازيكن كاتالان تيم كاتالان را به دليل اينكه با گل خود موجب قهرماني اسپانيا شد، به شدت تشويق مي‌كنند.

فرض كنيد همين اينيستاي كاتالان بازيكن رئال يا آتلتيكو بود و اسپانيايي ها خطاب به كاتالانها مي گفتند صداي عرعر نمياد و اينيستا هم نه تنها سكوت مي كرد، بلكه بعدا در مصاحبه مطبوعاتي مي گفت مادريديها بي گناهند! به نظرتان در بازي برگشت اينيستايي كه با گلش اسپانيا را به قهرماني جهان رساند آيا در نيوكمپ و مقابل تيم اف سي بارسلونا هو نمي شد!!؟ نيوكمپ و بارسايي كه مهمترين دليل شهرتشان همان سمبل هويتي بودن براي كاتالان ها و ايستادگي تاريخي‌شان در برابر آسيميلاسيون بوده‌است. مطمئن باشيد جهنم نيوكمپ براي اينيستا به مراتب بدتر از جهنم سهند تبريز براي دايي و باقري مي شد.

همين سه ماه قبل همه دنيا پس از قهرماني اسپانيا در جام جهاني شاهد بودند كه كارلوس پويول و چابي هرناندز و بقيه كاتالانهاي تيم ملي اسپانيا چه مي كردند؛ ديگر به جزئياتش اشاره نمي كنم؛ انجام دادن اين كارها در تيم ملي ايران پيش‌كش! ولي آيا همين دايي كه تا قبل از ورود تراختور به ليگ برتر هر روز موضوع تمسخر واقع شده ولي امروز سنگشان را به سينه مي زنند،  در جام جهاني 2006 و 1998 مي توانست به لقبهايي همچون "ستارگان پارسي" اعتراض كرده و  مقابل چشم جهانيان به هويت خود ببالد؛ نه اينكه بعدها بيايد و به ميليونها هم زبانهاي خود بي‌سواد، بي‌شرف و بي‌شعور بگويد!

-------------------

* - دشمن‌زاده‌اي كه در اسپانيا تشويق شد و سرداري كه در تبريز فحش خورد!
http://tabnak.ir/fa/pages/?cid=121229

دادلي سونوج

نئچه يول تئهران، كرج و تبريز ده كي ياريشلارا گئتميشديم! اون ايكي ايل بوندان قاباق تيراختورون اصفهان دا ذوب آهني اوتماق‌دان سونرا بير آذربايجان تيمي‌نين اوتماغيني گؤرمك حسرتينده يانيرديم! بو بير ايل‌ده ده، تكجه ايكي دؤنه تيراختورون اويون موساوي اولموش‌دو. قالانيندا اوتوزماق سونوجو كئفيمي پوزموشدو:

- 88 ، گوز اورتاسي ، تئهرانين  آزادي ايستاديومو، پئرسپوليس 2- تيراختور 1
- 88 ، قيش ايلكي، تئهرانين ائكباتان ايستاديومو، تيراختور0 - راه آهن 0
- 88 ، قيش ايلكي، تئهرانين آزادي ايستاديومو، استقلال 2- تيراختور 2
- 88 ، قيش اورتاسي، كرجين انقلاب ايستاديومو، سايپا 1- تيراختور 0
- 89 ، ياز اورتاسي، تبريزين سهند ايستاديومو، گؤستريش فولاد 0 - پئرسپوليس 1
- 89 ، ياي اورتاسي، تبريزين سهند ايستاديومو، بلديه 2 - تئهران استقلالي 3
- 89 ، ياي اورتاسي، تئهرانين ائكباتان ايستاديومو، بلديه 1 - تئهرانين نفتي 3


اؤز آراميزدا قالسين، بير آز خورافاتي‌ آدامام! بئله دوشونوردوم من گئدنده آذربايجان تيملري اوتابيلميرلر. بو هفته ايسته‌ميرديم گئدم! آنجاق آذربايجان‌لي‌لارلا بير يئره توپلانيب "ياشاسين آذربايجان" دئمك، سونوج - مونوج قانمايير. دوروب گئتديم تئهرانين لاپ دوغو(شرقي‌)‌ يئرلرينده كي افسريه‌نين دوغوسونداكي تختي ايستاديومونا. البته آللاها شوكور بو دؤنه منيم آياغيم پيس‌ده دوشمه‌دي و اؤزومه اومود تاپديم! ماشاللاه دئيه‌ك گؤز ده‌يمه‌سين! گئرچك‌دن چوخ هيجانلي و سئوينديريجي اولدو بو اويون. بو يئدديجه تئهرانين تختي ايستاديوموندا تئهرانين گوجلو و اولدوزلو تيمي‌‌ ياني ايستيل آذيني بير قول‌ ايله اوتدوق. كئف وئردي؛ گله‌بيلميه‌‌نلرين يئري بوش!

بو اويون دا كي گؤردوكلريمي يازيب آذربايجان ايسپورت سايتينا گؤندرديم. اللري آغريماسين ياييبلار:

قول‌دان سونراكي شادليغيميزي ايغتيشاش بيليرلر

تراختور فنس ده اونو ياييب:
تيراختور يانداشي: قول‌دان سونراكي شادليغيميزي ايغتيشاش بيليرلر

اوزاق‌دان دا، ياخين‌دان دا ياپيشدي

تيراختور سايتلارينين بيري‌سينده دونن‌كي اوتماغا گؤره دئييب: "تاماشچي سسي‌نين اولماديغينا گؤره ، بو اوتماق ياپيشمير"! آما دونن بيز بلديه ني ائكباتاندا آلقيشلاديق و اوچ دنه ده يئديك آنجاق اوزاقلاردان گلن خبرلره گؤره تاماشاچيلار شنليك ائديرديلر! نفت و بلديه اويونچولاري دا بيلميرديلر بو واختسيز شنليكلرين نه‌دني نه دير؟! البته بير دنه چوخ گؤزل قول وورولدو و ان آز گتيرديگيم شانس بو ايدي كي فيلمي‌ني چه‌كه‌بيلديم! بلديه موسللم قوللاري وورابيلمه‌يه‌نده من حيرصله‌نيب دال با دال اونا باخيرديم! گئرچك‌دن گؤزل قول ايدي:

باشقا كليپ‌لر

ايكي دئمه‌لي و دانيشمالي سؤز:

1- دونن كي اويون‌دا 150-200 بلديه‌چي وار ايديلر آما گينه ده توركلر تئهران‌دا ائو صاحيبليغي ائتديلر! هله نفتچي تاماشچيلارين ايچينده ده تورك وار ايدي و ياشاسين آذربايجان دئيه‌نده اونلاردا قاتيليرديلار. اويون آراجي‌سي طرفسيزليك ايله قاضي‌ليق ائده‌بيلمه‌دي و اونلارا شكلي بير پئنالتي توتاراق، بلديه‌نين ايكي پئنالتي‌سيندان واز گئچدي. بونلار باعيث اولدو  تاماشاچيلار قاضي‌ني هويلاسينلار. تاماشاچيلارين چوخو يامانلاياندا بير نفر ده اوجا سس ايله باغيريرديلار يامانلامين. بو دوز ايش دئييل. آما باشقا يانداشلار دئييرديلر فارسلار يامانلاييرلار، بيز ده گرك يامانلاياق! آما او دا اوز دن گئتميردي سانكي ايسته‌ييردي ساواشسين؛ ايتي لحن ايله دئيير يامانلاماق آذربايجانليلارا ياراشماز! منجه اونون داعوا آهنگلي سؤز دئمه‌يي بير نه‌ده‌ن ايدي هامي اونون سؤزونه قولاق آسماييب و اله سالسينلار! من ده اونا آجيقلانماغا گؤره اوزگونم. منجه او حاقلي ايدي، آنجاق او دا اؤز ايسته‌يي‌ني پيس دئييردي.

2- بو گؤروت‌ده نفتچي‌لرين توركلره خوش گلدين دئمه‌كلري دير! دوز دور لاپ پيس يئر ده اوتورتموشدولار بيزي، آنجاق ياواش ياواش توركجه خوش گلدين يازماق بير دب اولور! محروم اولوب هر نه‌دن ياساقلانماشيق، حالوا حالوا دئيه‌ك آغزيميز شيرين اولسون.

آما بیزیم ایچین، سیزین یالان باسماغینیزین نه دنی موشخخص دیر

گونش ایشیغی آلتینداکی اولای لاری آچیقلاماق گولمه لی دیر، آنجاق داها گولمه لی ائله بو ایشیق دا گئرچکلری ترسینه گؤسترمک دیر.

بو یئددیجه(هفته) تئهران دا دئییلم و تئهران دا اولمادیغیم ایچین گئتدیم 40-50 مین ایله بیرلیک ده بلدیه ییغماسینین آلقیشلاماغینا. اویون آراجی سی الیندن گله ن ایشلری تئهرانین گؤی ییغماسی ایچین گؤردو. ایکینجی یاری بیر آن اولوسال شوعارلار یئرلرینی وئردیلر داورین سوچلاماغی و یامانلاماغینا. من ده یامانلاییردیم! آما فوتبول دا کی هیجان و دویغویا غلبه ائتمک چتین دیر. یامانلاماق عوضینه هویلاماق یئترلی ایدی. یانیمداکیلارا دئییردیم تیراختور اوچون دا صاباح پیس اویونلار چیخارداجاقلار. بونلار ایسته ییرلر ایلک آددیم دا آذربایجانلیلاری سارسیتسینلار. ائو صاحیبی اولاراق اویونو اوتوزدوق. اویونون ایلک و سون قولونو بیز وورموشدوق و بونا گؤره چوخ دا راحاتسیز دئییلدیک! ائو ده سونوجون پیس اولدوغونا باخمایاراق، کیمسه سهند ایستادیوموندا صندلی اوتلامادی؛ هئچ کیمسه سارسیلمامیشدی. هامی یئریندن دوروب آدام کیمی یولا دشدولر ائولرینه ساری. بیر چوخ دا دئییردیلر "تئهران – تئهران"؛ دئییردیلر دای بیز ائوه گئتمیریک، موستقیم گئدیریک یارین آخشامی تیراختورون یاردیمینا. دوغروسو بیز ده یورولموشدوق، گئدیب ائل گؤلونده بیر آز دولانیب ، یانینداکی پارکینگ ده چادیر قوروب یاتدیق! یارین دوروب گون اورتایا قدر بیر آز دولانیب خالخالا ساری قاییتدیق.

آخشام چاغی تیراختور – پارسپولیس اویونونو تیلویزیوندان ایزله دیک. اویون باشلانماغیندان اؤنجه، بللی اولدو تیراختور قارشی سیندا دورانلار، اوراقلاری آیاغا باغلاییبلار و بوتون شوونیستی یامانلاری ائشیتدیک. بو فوتبولون یاخشی لیغی بوندا دیر کی لازیم دئییل هامی یا دلیل و منطیق ایله دئیه سن، آذربایجانلی لارین حاقلاری نه جور یئییلیر. بو فوتبول ان ساده اؤرنک دیر، حتی اینانمایانلار ایچین!! حتی تیلویزیون ایستودیو ایچیندن آذربایجانا یامانلاما سسی گلیردی. اویونو آراجی لیغی دا تیراختور قارشی سیندا ایدی... یامانلار چوخالیردی. دئدیرلر فننی پرابلئم دیر. سونرا فننی پرابلئم چؤزولوردو، بیر داها یامانلارین سسی گلیردی. "صدای عرعر نمیاد" "فننی پرابلئم" ایدی، آما "آذربایجان وار اولسون" سسی گلنده دئییلدی ایندی کی پرابلئم "کولتورل پرابلئم" دیر و تاماشاچیلارین راحاتسیز اولمادیغینا گؤره بو سسلری کسیریک! تیلویویزیون آپاریجی سی اؤز وظیفه سی سنیریندان آیاغینی اویانا قویوب و تیملرین جزالانماغینی ایسته دی. البته بللی ایدی که منظورو تیراختور یانداشلاری ایدی، تورکلری ائششکه اوخشادان آنقیرانلاری یوخ!

24 ساعات گئچمه میشدی جزالاندیق. تیراختور 2 و پارسپولیس 1 ایکی ائو اویونوندان یانداش سیز اولدو! لاپ گولمه لی ده بو ایدی کی بلدیه ده جزالاندی! یانی تکجه بیز ایچین بئله دئییل، بلکه شوونیستلر ایچین ده "آذربایجان تیملری، فرق ائله مز رنگلری"! بو جزالانماقلار ایله بیلدیردیلر کی اؤز دیلداشلاری، یانی افغانلی لاری ائششکدن ده آشاغی بیلیرلر. فارسلارا آفغانلی دئمه یین جزاسی ایکی اویون محرومیت دیر، آنجاق تورکلره ائششک دئمه یین جزالانماغی بیر اویون!

اویوندان سونرا بوتون یایین و مئدیا، آذربایجان و تیراختورا سالدیریب و اولایلاری ترسینه گؤسترمک ایسته دیلر. بو آرا دا ایکی سؤز من ایچین اؤنملی ایدیلر:

1- تیراختورون یئنی باشقانی، جعفری، اویوندان سونرا دئدی:  "یانداشلارین داورانیشلارینی تکجه بیز کونترول ائله یه بیلمریک، باشقا قوروملار(اورقانلار) ایسه یاردیم ائتمه لی دیلر". کسینلیکله او دوز دئییر. البته من بیلمیرم اونون باخیشی هانسی آچیدان دیر و هانسی قوروملار دان یاردیم ایسته ییر؛ آنجاق منجه ایستادیوم دا دئییلن "تورک دیلینده مدرسه، اولمالی دیر هر کسه" ایسته یی، بیلیندیریر کی هانسی قوروملار تیراختور یانداشلارینی تکجه فوتبول سینیری ایچینده ساخلاماقدا کؤمک یئتیره بیلر!

2- تیلویزیون و رسمی خبر سایتلاری، بیرلیک ده دئییردیلر: "تیراختورچولارین لیگین ایلکین ایونوندا بئله حیرصلنمکلرینین نه دنی موشخخص دئییل"!!!
جاواب دا بیر سؤز دئمک اولار: آما بیز ایچین، ایستادیوم دا "یاشاسین آذربایجان" سسلننده، سیزین حیرصلنمک و یالان باسماغینیز، و تورکلره ایهانت ائتمه گی دوغال و عاددی بیلمه یین نه دنی موشخخص دیر. نوختانیز چوخدان دیر قیریلیب؛ قودوروبسونوز"!

شانسا باخ شانسا

گئچن يازي‌دا، تيراختور اويونلارينا نئجه آراجي(داور) سئچيلير، فوتبول فئدراسيونونون داورلر هئياتي‌نين باشقاني‌نين آغزيندان دئديك. او دئدي كي اؤرنك ايچين بيز زنگانلي بير داور سئچمه‌ريك، چونكو زنگانلي‌لار توركدولر و تيراختورون يانداشي اولابيلرلر! بئله‌ليك، تيراختورا گؤره توطئه تئوروسوندان دانيشماق هئچ ده يئرسيز دئييل. اؤزلري گليب و ميليونلار گؤز قارشي‌سيندا دئييرلر كي تيراختورا گؤره بيز فيلان ايشلري گؤروروك!

اؤتن هفته اوستون(برتر) ليگين اويونلارينين پروقرامي بليرلندي. ياني اؤز دئديكلري قورعه‌كئشي ائله‌ديلر! ياني اؤز ديليميزجه پوشك آتديلار! گؤروبسونونوز اوشاقلاري آلداتماق ايچين و دئمك ايجه‌شمك ايچين آتالار دئيه‌رلر اللريني يومارلار و ال ايچينده بير شئي‌ اولماز، اوشاق‌دا بيلر! بونلار دا گليب پوشك آتيبلار 18 ييغمانين آراسيندا و گئديش-گليش اويونلارينا پروقرام وئريبلر. البته هامي دا بيليب كي گينه بونلار پيشيك به‌زه‌ييبلر. آخي نئجه اولدو تئهرانين گؤي و قيرميز تاخيملارينين بيرينجي اويونلاري اوست-اوسته گلدي تبريزين تيراختور و بلديه ييغمالارينين بيرينجي اويونونا؟! هر كيمسه بير آز احتمالات بيليميندن باشي چيخسا، بيلر كي بو اولايين احتمالي نه قه‌در آز دير.

اوستون ليگ‌ده 18 ييغما واردير. بيرينجي اويون‌دا، پئرسپوليس و تيراختورون اوز-اوزه اولماقلاري‌نين احتمالي 1/17 ، و ايستيقلال-بلديه‌(شهرداري)نين قارشي قارشي‌يا گلمك‌لري 1/15 دير( ايكي جوتون يئريني ده‌ييشمك اولار). 1/17 ، 1/15 ـه چارپيلسا(ضرب اولورسا)، 1/255 اولار. ياني بو تيملرين اويونلاري‌نين اوست-اوسته گلمك احتمالي بيرينجي اويون‌دا، 255 ده 1 دير. ياني 255 دفه پوشك آتسالار بير دؤنه بئله اولار!! ايشه باخ؛ ائله بو بير دفه‌ده راس گلدي بيزه. "شانس" و ا"حتمالات" دا تيراختورون يانداشلاري‌ني آزاتماق ايسته‌يير و 1/255 ، 1/1 اولور؛ شانسا باخ شانسا! تيراختور بيلسه‌يدي گئديب بانكلارين بيرينده حيساب آچاردي!

بيري ده يوخدور دئسين، بو ايشلر ايله اولماز، گئچن ايل يوخ، ائله ايكي آي اؤنجه گؤردونوز كي گؤستريش(پولاتچي) كيمي بير آدسيز تيم، تئهران‌دا ياشايان توركلري نئجه چكدي ايستاديوما! تيراختورون كي اؤز يئري وار. نئجه پوشك آتيرسينيز آتين؛ بو ايل تيراختور بيرينجي، بلديه ايسه ايكينجي اولاجاق! قويماسينيز اولالاردا، عئيبي يوخ؛ توركلر هر يئر ده اولور اولسون، سونوجو اؤتوروب، گليب اؤز تيملري‌ني آلقيشلاياجاقلار.

ي. س: 
تيراختور و بلديه‌نين اويونلاري‌‌ني Google Calendar دا دولدورورام. بو اويونلاري اؤز iGoogle صحيفه‌نيزه، سايتينيزا و يوخسا بيلاغينيزا قويوب ايزله‌يييب و ايزلنديره‌بيلرسينيز(ديلين گوجونو گؤرورسونوز؟!!). تيراختور و بلديه‌ني هئچ ياندا تك قويماياق:

آيدين گله‌جك

ايستاديوما گيرنده گؤردوم، آناليزلر و اؤن‌گؤرولريم(پيش‌بيني) بو دؤنه دوغرو چيخماياجاق! گؤروردوم بير سايي توركجه دانيشاراق گئديرلر و سؤزلرينه ديققت ائدنده، بيليرديم كي بونلار آذربايجان ييغماسي يوخ، بلكه پئرسپوليس يانداشي ديرلار! اؤزومله بئله دئييرديم كي هله تيراختور اولدوقجا اؤز ايشيني گؤرمه‌ميش و تئهران يئرينده و تئهران توركلري آراسيندا تبريز ده كي "آنلام" يارانماميش و نئچه ايل زامانا احتياجيميز واردير. قرار اولسايدي بوتون توركلر سونوجا گؤره تجربه‌سيز تاخيملاري ياري يولدا بوراخماييب و بئله چتين چاغلار دا اؤز ايشلريني اؤتوروب و آلقيش ايچين گلسه‌ايديلر چوخدان ايدي بيز اولوسال هدفلريميزه  يئتيشميشديك و اوندان علاوه، آذربايجان‌ تاخيملاري فوتبولدان اوستون اولاي دا اولمازدي. بئله بير دوشونجه ايله اؤزومو راضيلاشديراركن گيرديم ايستاديوما؛ و  "اوچ‌يوز" فيلمينده‌كيلر كيمي، اونلار مينين قاباغيندا، ان قئيرتلي توركلر ايله بيرليكده "ياشاسين آذربايجان" ايله، دايانيش و دايانيشماني باشلاديق. و البته يئرينيز بوش "گور...هاي آبي(گؤي چؤل ائششكلري)" و حتي باشقا توركجه يامانلار دا ائشيتديك، آنجاق تورك بئله زامانلار اسگيك گتيرمز! سيز بونو ياخشي بيليرسينيز؛ دوخسان مينين قارشيسيندا هئچ نه دن واز گئچمه‌ديگيميزه گؤره اللريميز وار!

و او آرادا الدن گئتميش قهرمانلاريميز، دايي و كريم ايديلر كي ديلداشلارينا اولونان ايهانتلر قارشيسندا هئچ عورضه و چيخار گؤسترمه‌ديلر. حالبوكي بير آي بوندان قاباق، ائله بو ايكي نفر افغانلي‌لارا گؤره راحاتسيز اولدولار و گئجه ياتابيلمه‌ديلر! اولابيلر اونلار تكامول تاپيب و ائششكليك دن چيخميشلار، چونكو اصيل آذري حيسابلانيرلار!! و بونلار هئچ بيري‌سي مني راحاتسيز ائتميردي؛ آنجاق ايستاديومدان ائشيگه چيخاندا "تبريز جيريخ‌دي" سؤزونو ائشيدنده حاليم توتولدو. بللي ايدي كي بونو پئرسپوليسلي‌لرين آراسيندا تورك ده چوخ وار و بو سؤزو يوزه يوز توركلر دئييرديلر. لهجه‌لري ده يوخ ايدي، و  اوزوجودور كي هله بونو قانماميشلار، اوتوب-اوتوزماماغا اؤنم وئرمه‌ين ديلداشلاري، نه ايچين آذربايجان تيملرينين آرخاسيندا دورورلار. نئچه گون بوندان قاباق يولداشلاريميزين بيري‌سي ايله، "كيملر بيزه چوخ ضربه ووروب" قونوسوندا دانيشيرديق. من دئييرديم، فارسلار دا تقصير يوخدور، هر نه چكيريك اؤز آراميزدا اولان دوشونجه‌سيزلردن چكيريك. و او دا دئييردي هن ائله بيز گرك مارادوناني اؤتوروب و غضنفرلري توتاق!! و دونن اؤزگه‌يه يالتاقلانان غضنفرلر بيزه ياني-قيني وئريب و دئييرديلر: "تبريز جيريخ دي"!!و اولارمي بير آدام اؤز وار اولدوغونو ايسته‌مه‌سين! هئي ...

ليوانين بوش بؤلوموندن چوخ دانيشديم، آنجاق گلن يئدي- سككيز مين پولاتچي‌دان چوخ آز يازديم. دوزون ايسته‌سه‌نيز اورادا كي دورومو نه دئمك اولور و نه يازماق. اؤرنك ايچين بو گؤرونتويه باخين؛ بو قيز اوشاغين گؤزلريندن سيز نه دويورسونوز؟ منجه بو قيز آتاسينين يانيندا، دوخسان‌مين يامان دئيه‌ن قارشيسندا قورخمازليق اؤيرنير و آيدين گلجكه اينانير و فيكر ائدير:

دونن كي اويونداكي آلقيشلامالار و سئوينجلردن نئچه دنه گؤرمه‌لي كليپ حاضيرلاميشام. بورادا باخابيلرسينيز:

Qeyrətli Polatçıların Tehranda ki alqışlamalarından Kliplər, Finalın qayıtma oyunu

كليپهايي از طرفداران باروحيه و پرشور گسترش فولاد آذربايجان در بازي برگشت فينال جام حذفي 89 مقابل پرسپوليس در استاديوم آزادي

تئهران دا قوناق دئييليك

رسول خطيبي فينالين تئهران‌دا اويناناجاق ياريشا گؤره بير سؤزلر دئييبدير. آنجاق او سؤزلرين باشليغي(تيتري) ياييندا و سايتلاردا فرقلي‌دير. اوزاق‌دان باخانلار و دئمه‌لي "آذربايجان وار اولسون" سؤزونو خوشلاماينلار بئله يازيبلار:

خطيبي: "خوشحال مي‌شوم، جام را كريم باقري بالا ببرد"!

و بيري دئمير كي آخي نئيه؟ ياني خطيبي‌‌ گئچن هفته‌ ده كي اولايلاري و توركلرين دايي و باقيري‌ني قيراغا قويوب، و تكجه تبريز تيملريني سئومكلريني قولايجا اونودوب و تعارف ائتمه‌سي اؤنملي اولوبدور! حالبوكي او تئهران دا قوناق اولماديقلارينا آرخايين دير و دئيير: "بيزه ايستاديومون يوز ده اونون وئره‌جكلر، آنجاق امينم كي ايستاديومون ياريسي بيزي آلقيشلاييب و تئهران توركلري بيزي تك قويماياجاق".
و بئله دير كي اؤزموزونكولر بئله اويغون باشليق وورموشلار:

خطيبي: "نصف آزادي ما را تشويق خواهند كرد" - gftfans.ir

و دوغروسو دا بودور. ائله كي تيراختورون تئهرانداكي اويونلاريندا گؤردوك، هم پرسپوليس و هم استقلال قارشيسيندا، تاماشاچيلارين ياريسي تيراختورو آلقيشلاديلار. و بونون تعججوبو يوخدور! گئچن ايللرده استقلال و پرسپوليس ايچين 70-80 مين نفر آزادي ايستاديومونا گلنلرين ياري‌سي تورك ايديلر؛ چونكو تئهران اوستانيندا ياشايانلارين ياري‌سي توركدور! ولي ايندي  دوروم ده‌ييشيلميشدير و آذربايجاندان تئهرانا گلن تاخيملار، رسولون دئديگي كيمي تك باشينا بوراخيلمير.

بوگون ده پئرسپوليسين باشقاني كاشاني، سانكي بيليب تراختورچولار بو دؤنه پولاتچي اولوب و ايستاديوما گله‌جكلر، و دئييب كي گؤستريش فولادين تاماشاچيلاريني ايكينجي طبقه ده اوتوردون؛ چونكو شهريستانلي‌ديرلار و تئز يئتيشه‌جكلر! بير ده يوخدو اونا دئسين سيزين يانداشلارينيز كيمي ائله بونلارين چوخو دا تئهران-كرج‌دن گله‌جكلر:

فدراسيون يارديمجي‌سينين اؤن‌گؤروسو‌

گئت گئده آذربايجانلي‌لارين ايچينده‌ايسه سوروملولوق و مسؤوليت دويغوسو آرتيرير و بو يقين كي خالقين اونلارين داليسيندا دورماغا گؤره دير. گسترش فولادين صاحيبي، زنوزي ايسه فوتبول فدراسيونو اصفهانلي يارديمجي‌سي، تاجين، ساچمالارينا بئله ياناشيب و اونون سؤزلريني ائله‌شتيرميشدير. او فينالين ايكينجي اويونوندان قاباق دئييب كي قهرمامليقلار اصفهان و تئهران تاخيملارينين آراسيندا بؤلوندو!! زنوزي دا دئييب كي فدراسيون سوروملوسو، ياريش اوينامادان و سونوج بللي اولمادان ايندي‌دن نئيه پئرسپوليسي قهرمان بيلير؟ اولمايا ايندي‌دن بيز اودوزدورموسونوز و دئميرسينيز؟ بئله ديرسه دئيين بيز تئهرانا گلمه‌يك! آنجاق بو سؤزلره باخماياراق، بيز آذربايجان خالقي‌نين حاقلاريندان قولايحا واز گئچمه‌ريك، و بوتون گوج ايله قهرمانليق و گئديش اويونون سونوجونو جوبران ائتمك ايچين چاليشاجاييق."

و من ده بئله اومودوم وار كي گؤستريش و پولاتچيلار تئهران دا قهرمان اولوب و آذربايجانين آسيادا كي ايلك و چيخارلي تمثيلجي‌سي اولاجاقلار.

لمپنيسم از سكوي ورزشگاه تا صندلي دانشگاه

چندي پيش مطلبي مفصل با عنوان "از صندلی دانشگاه تا سکوی ورزشگاه مطالبات یکی است" نوشته و در اين وبلاگ منتشر كردم كه البته نيازي هم به بسط مطلب نبود و هر كسي قادر است با سيري در تاريخچه فعاليتهاي فرهنگي و ضد شوونيستي آذربايجاني ها به اين نتيجه برسد كه جنبش دانشجويي و روشنفكري آذربايجان تأثير خود را بر جامعه گذاشته و توانسته آنها را همراه با خود كرده است. يك مثال بارز آن حضور گسترده تمامي اقشار جامعه در ورزشگاههاي فوتبال به حمايت از تيمهاي تراختور و گسترش فولاد آذربايجان است كه بر خلاف ديگر مسابقات فوتبال به ندرت مي توان شعار ضدفرهنگي و اهانت در آن شنيد و مسابقه‌اي هم نيست كه برگزار شود و در عين جذاب و ديدني نباشد، و از سويي "تورك ديلينده مدرسه" هم در آن نشنيد حتي اگر سعي شود صداي تماشاگران به آنتنهاي تلويزيوني راه نيابد! اينها را داشته باشيد ببينيم روند شوونيستي چگونه عمل كرده است:

- يكشنبه اين هفته يكي ديگر از بازيهاي خارج از خانه تراختور برگزار شد. تعداد نه چندان كمي از تماشاگران ميزبان به جاي الگو قراردادن نحوه تشويق آذربايجاني‌ها، از راه دور آذربايجاني‌ها را مورد محبت(!) قرار داده و به مراتب بدتر از تماشاگراني كه در بوشهر و مشهد و اصفهان به تركها فحاشي كردند و متأسفانه يا خوشبختانه تلويزيون هم از شدت صداي آنها نكاست. البته خيلي از افرادي كه به استاديومهاي خارج از آذربايجان مي روند شنيدن چنين شعارهايي برايشان عادي است و چه بسا خيلي از تركها اين نظر را داشته باشند كه مسابقه فوتبال است ديگر! اين كار آنها طبيعي است؛ شعار ديگري كه بلد نيستند و بايد فحش بدهند تا بتوانند در ليگ برتر باقي بمانند و ... و خلاصه قضيه جدي نبود. به تركها خيلي اهانت مي شود و اين هم رويش! مثلا يك جناب روحاني كه پارسال در محفلي خصوصي پشت سر تركها خودگويي و خودخندي مي كرد!

- امروز در وبلاگ وبلاگ خبری-تحلیلی دانشجویان تورک دانشگاه صنعتی امیرکبیر خبري ديدم با عنوان «توهین به ملت تورک در یک مراسم رسمی در دانشکده علوم اقتصادی و اعتراض دانشجویان آذربایجانی» كه در آن آمده:

بار دیگر شاهد توهین و بی احترامی سیستم شوونیسم به ملت تورک آن هم در یک مراسم رسمی در دانشکده علوم اقتصادی بودیم. 12 اردیبهشت ماه در مراسمی که با عنوان "تجلیل از اساتید دانشکده علوم اقتصادی" با همکاری انجمن اقتصاد این دانشکده برگزار می شد، مجری مراسم با وقاحت و بی شرمی تمام ملت تورک را مورد تحقیر، توهین و هتاکی خویش قرار داد که این عمل شنیع وی اعتراض آذربایجانیهای حاضر را برانگیخت. به طوری که دختر دانشجوی آذربایجانی با رفتن روی صحنه سالن آمفی تئاتر اعتراض شدید خود را به هتاکی مجری ابراز داشت و خواستار معذرت خواهی مجری و مسئولین شد. جالب این است که علی رغم این اعتراض ها مجری مراسم و مسئولین دانشکده حاضر به معذرت خواهی نشدند.

به تركي نظر دادم كه چرا خبر چنين اتفاقاتي جزئي را منتشر كرده و بزرگ مي كنيد؟! اگر كارهاي ما  به جاي طلب حق و حقوق معطوف شود به واكنش نشان دادن به رفتارهاي شوونيستي ديگران، مطالبات هم لوث مي شود و دوباره ذكر اينكه به تركها خيلي اهانت مي شود و اين هم رويش و... و باز هم اين نظر را دارم، ولي يك واقعيت بسيار تلخ و مهم را بايد بيان كرد ، كه باعث شد من هم به قضيه اهانت در يكي از معتبرترين مراكز دانشگاهي كشور بپردازم:

اگر اقدامات فرهنگي دانشگاهيان آذربايجاني از صندلي دانشگاه تا سكوهاي استاديوم برد و تأثير دارد، آيا در مقابل نمي توان گفت اعمال لمپني و شوونيستي از سكوهاي ورزشگاهها به محافل دانشگاهي راه پيدا كرده است؟ راستي چه فرقي است ميان يك تماشاگر فحاشي كه در يك رويارويي فوتبال به هويت تيم مقابل توهين مي كند با يك فردي كه لقب دانشگاهي را يدك مي كشد؟ و چرا ادبيات و رفتار يك فرد عوام و كم سواد بي گناهتر كه در اوج هيجان فحاشي و اهانت مي كند، بايد الگوي رفتاري فردي در دانشگاه باشد آنهم جايي مثل دانشكده علوم اقتصادی تهران؟ برنامه ها و چشم اندازها و استراتژی های دانشگاههاي معتبر بين المللي را نگاه كنيد؛ همگي بر سر اين رقابت مي كنند كه نخبگاني را از فرهنگهاي مختلف جمع كنند تا سطح علمي و اعتبار آن دانشگاه فراتر رود، ولي در محیط دانشگاهی  و  در مراسمی که برای "تجلیل از اساتیدش" برگزار می کند به هويت و فرهنگ نيمي از جمعيت مملكت  و چه بسا نیمی از همان اساتید و دانشجویان و دیگر حضار فرهیخته اهانت مي شود! و چه رابطه ای است میان بی نزاکتی و هتاکی و تمسخر فرهنگهای  دیگر با ارج و قرب نهادن به نخبگان علمی در یک محفل دانشگاهی؟ و وای به حال جامعه ا ی که آینده اش ساخته و پرداخته چنین محافلی باشد!

انگار همین دیروز بود؛ خاطرم هست که سال 81 ، در دانشگاه تربیت معلم تهران به اصطلاح دکتری محمودی نام، به ترکها صفتی نامناسب داده بود که خود لایق آن بود. همانموقع دانشجویان آذربایجانی او را سر جایش نشاندند. ولی گویا عالمانی که خط مشی شان را از مکاتب چاله میدانی تقلید می کنند دوباره قوت قلب گرفته اند تا کارشان را تکرار کنند و از کرده خود اظهار ندامت هم نمی کنند. بیراه نیست تا دیر نشده اینان را جهت آموختن اصول اولیه تمدن، مبادي آداب و طرز برخورد ، نود دقیقه تمام، روی سکوهای ویژه میهمانان یکی از ورزشگاههاي آذربايجان نشاند.