ايستاديوما گيرنده گؤردوم، آناليزلر و اؤن‌گؤرولريم(پيش‌بيني) بو دؤنه دوغرو چيخماياجاق! گؤروردوم بير سايي توركجه دانيشاراق گئديرلر و سؤزلرينه ديققت ائدنده، بيليرديم كي بونلار آذربايجان ييغماسي يوخ، بلكه پئرسپوليس يانداشي ديرلار! اؤزومله بئله دئييرديم كي هله تيراختور اولدوقجا اؤز ايشيني گؤرمه‌ميش و تئهران يئرينده و تئهران توركلري آراسيندا تبريز ده كي "آنلام" يارانماميش و نئچه ايل زامانا احتياجيميز واردير. قرار اولسايدي بوتون توركلر سونوجا گؤره تجربه‌سيز تاخيملاري ياري يولدا بوراخماييب و بئله چتين چاغلار دا اؤز ايشلريني اؤتوروب و آلقيش ايچين گلسه‌ايديلر چوخدان ايدي بيز اولوسال هدفلريميزه يئتيشميشديك و اوندان علاوه، آذربايجان تاخيملاري فوتبولدان اوستون اولاي دا اولمازدي. بئله بير دوشونجه ايله اؤزومو راضيلاشديراركن گيرديم ايستاديوما؛ و "اوچ‌يوز" فيلمينده‌كيلر كيمي، اونلار مينين قاباغيندا، ان قئيرتلي توركلر ايله بيرليكده "ياشاسين آذربايجان" ايله، دايانيش و دايانيشماني باشلاديق. و البته يئرينيز بوش "گور...هاي آبي(گؤي چؤل ائششكلري)" و حتي باشقا توركجه يامانلار دا ائشيتديك، آنجاق تورك بئله زامانلار اسگيك گتيرمز! سيز بونو ياخشي بيليرسينيز؛ دوخسان مينين قارشيسيندا هئچ نه دن واز گئچمه‌ديگيميزه گؤره اللريميز وار!
و او آرادا الدن گئتميش قهرمانلاريميز، دايي و كريم ايديلر كي ديلداشلارينا اولونان ايهانتلر قارشيسندا هئچ عورضه و چيخار گؤسترمه‌ديلر. حالبوكي بير آي بوندان قاباق، ائله بو ايكي نفر افغانلي‌لارا گؤره راحاتسيز اولدولار و گئجه ياتابيلمه‌ديلر! اولابيلر اونلار تكامول تاپيب و ائششكليك دن چيخميشلار، چونكو اصيل آذري حيسابلانيرلار!! و بونلار هئچ بيري‌سي مني راحاتسيز ائتميردي؛ آنجاق ايستاديومدان ائشيگه چيخاندا "تبريز جيريخ‌دي" سؤزونو ائشيدنده حاليم توتولدو. بللي ايدي كي بونو پئرسپوليسلي‌لرين آراسيندا تورك ده چوخ وار و بو سؤزو يوزه يوز توركلر دئييرديلر. لهجه‌لري ده يوخ ايدي، و اوزوجودور كي هله بونو قانماميشلار، اوتوب-اوتوزماماغا اؤنم وئرمه‌ين ديلداشلاري، نه ايچين آذربايجان تيملرينين آرخاسيندا دورورلار. نئچه گون بوندان قاباق يولداشلاريميزين بيري‌سي ايله، "كيملر بيزه چوخ ضربه ووروب" قونوسوندا دانيشيرديق. من دئييرديم، فارسلار دا تقصير يوخدور، هر نه چكيريك اؤز آراميزدا اولان دوشونجه‌سيزلردن چكيريك. و او دا دئييردي هن ائله بيز گرك مارادوناني اؤتوروب و غضنفرلري توتاق!! و دونن اؤزگه‌يه يالتاقلانان غضنفرلر بيزه ياني-قيني وئريب و دئييرديلر: "تبريز جيريخ دي"!!و اولارمي بير آدام اؤز وار اولدوغونو ايسته‌مه‌سين! هئي ...
ليوانين بوش بؤلوموندن چوخ دانيشديم، آنجاق گلن يئدي- سككيز مين پولاتچي‌دان چوخ آز يازديم. دوزون ايسته‌سه‌نيز اورادا كي دورومو نه دئمك اولور و نه يازماق. اؤرنك ايچين بو گؤرونتويه باخين؛ بو قيز اوشاغين گؤزلريندن سيز نه دويورسونوز؟ منجه بو قيز آتاسينين يانيندا، دوخسان‌مين يامان دئيه‌ن قارشيسندا قورخمازليق اؤيرنير و آيدين گلجكه اينانير و فيكر ائدير:
دونن كي اويونداكي آلقيشلامالار و سئوينجلردن نئچه دنه گؤرمه‌لي كليپ حاضيرلاميشام. بورادا باخابيلرسينيز:
و او آرادا الدن گئتميش قهرمانلاريميز، دايي و كريم ايديلر كي ديلداشلارينا اولونان ايهانتلر قارشيسندا هئچ عورضه و چيخار گؤسترمه‌ديلر. حالبوكي بير آي بوندان قاباق، ائله بو ايكي نفر افغانلي‌لارا گؤره راحاتسيز اولدولار و گئجه ياتابيلمه‌ديلر! اولابيلر اونلار تكامول تاپيب و ائششكليك دن چيخميشلار، چونكو اصيل آذري حيسابلانيرلار!! و بونلار هئچ بيري‌سي مني راحاتسيز ائتميردي؛ آنجاق ايستاديومدان ائشيگه چيخاندا "تبريز جيريخ‌دي" سؤزونو ائشيدنده حاليم توتولدو. بللي ايدي كي بونو پئرسپوليسلي‌لرين آراسيندا تورك ده چوخ وار و بو سؤزو يوزه يوز توركلر دئييرديلر. لهجه‌لري ده يوخ ايدي، و اوزوجودور كي هله بونو قانماميشلار، اوتوب-اوتوزماماغا اؤنم وئرمه‌ين ديلداشلاري، نه ايچين آذربايجان تيملرينين آرخاسيندا دورورلار. نئچه گون بوندان قاباق يولداشلاريميزين بيري‌سي ايله، "كيملر بيزه چوخ ضربه ووروب" قونوسوندا دانيشيرديق. من دئييرديم، فارسلار دا تقصير يوخدور، هر نه چكيريك اؤز آراميزدا اولان دوشونجه‌سيزلردن چكيريك. و او دا دئييردي هن ائله بيز گرك مارادوناني اؤتوروب و غضنفرلري توتاق!! و دونن اؤزگه‌يه يالتاقلانان غضنفرلر بيزه ياني-قيني وئريب و دئييرديلر: "تبريز جيريخ دي"!!و اولارمي بير آدام اؤز وار اولدوغونو ايسته‌مه‌سين! هئي ...
ليوانين بوش بؤلوموندن چوخ دانيشديم، آنجاق گلن يئدي- سككيز مين پولاتچي‌دان چوخ آز يازديم. دوزون ايسته‌سه‌نيز اورادا كي دورومو نه دئمك اولور و نه يازماق. اؤرنك ايچين بو گؤرونتويه باخين؛ بو قيز اوشاغين گؤزلريندن سيز نه دويورسونوز؟ منجه بو قيز آتاسينين يانيندا، دوخسان‌مين يامان دئيه‌ن قارشيسندا قورخمازليق اؤيرنير و آيدين گلجكه اينانير و فيكر ائدير:
دونن كي اويونداكي آلقيشلامالار و سئوينجلردن نئچه دنه گؤرمه‌لي كليپ حاضيرلاميشام. بورادا باخابيلرسينيز:
4 comments:
سلام
ساغولاسیز.
فیلم لری یوکلدیم باخاجاغام.
من بو کیچیک گؤزل قیزین آتاسینین آیدین فیکرینه ایفتیخار ائدیرم کی عایله سینده بیئله گؤزل بیر دوروم یارادیپ.
هم ده سیزه.
همیشه و هر بیز زامان فیکرینیز میللتینیز دیر.
دئمک سیز تهران ین چوخ اینسانلاری کیمی اؤزونوزو ایتیر مه میسیز و تهران این او جو وینده اینانج لا و اومود لا دایانیر سیز.- هم سیز و هم عکس ده کی آتا کیمی آتالار.
آللاه سیزلره صبر و دؤزوم وئرسین.
گلجک بیزیمدیر.
آیدین جان
عیبی یوخ عیبی یوخ
اوتوب اوتوزماق مطرح دئییل
من اؤزوم اصلا فوتبولدان آجیغیم دا گلیر
آمما اؤزون بیلدیغین کیمی گرک مدنی حاقلاریمیز دالیجا اولاق بیرلیکیمیزی اونوتمایاق
غضنفرلری اویاداق
گله جک بیزیمدیر
هم يوسوف، هم ده مئهدي بي؛ سيزين اومود باغيشلايان يوروملارينيزي اوخوياندا ، غضنفر-مضنفرلري اونودورام و بير دونيا سئوينيرم. اللرينيز آغريماسين
گله جک بیزیم دیر.
بیز گئچن ایل تراختور تاخیمینین ایران لیگینه گلمه سی ایله، بیر بیریمیزی تاپدیق. گئچن ایل هر هفته بیر دفعه بیر بیریمیز ایله گوروشدوق و بو ایل شهردارینین گلمه سی ایله قرارلاریمیز هفته ده ایکی دفعه اولاجاق.
انشاالله بو ایل تامام ضعفلریمیزی آرادان آپاریب و قوتلریمیزی داها دا آرتیراجاغیق.
بو ایل آذربایجان تاخیملارینین تاماشاچیلاری، داها دا آرتیق، باشقا تاماشاچیلاردان فرقلی اولاجاقلار.
گله جک بیزیم دیر!
Post a Comment